Samningaviðræður Kanada og Bandaríkjanna virðast farnar út um þúfur

Samninganefnd Kanada virðist farin heim eftir að fundi var slitið á föstudagskvöld. Vandinn við viðræðurnar núna - virðist að ríkisstjórn Bandaríkjanna, virðist ætlast til þess að Kanada samþykki -- það sem ríkisstjórn Bandaríkjanna leggur til.

Haft eftir Donald Trump - hjá Bloomberg "off the record" þegar Bloomberg tók viðtal við Trump, að skv. mati Trumps hefði Kanada ekkert val en að samþykkja þ.s. Bandaríkin leggja til.
--Trump virtist staðfesta að rétt væri eftir honum haft, þegar hann sagði.

Donald Trump: "I said in the end its OK because at least Canada knows how I feel,"

Politico fjallar um málið: Trump confirms leaked comments. 

Tónninn í viðræðum ef marka má fréttir - virðist einmitt í samræmi við þetta!
Að ríkisstjórn Bandaríkjanna - setur fram skilyrði, ætlist til að Kanada samþykki.

• Ríkisstjórn Trumps greinilega telur - eftir að Mexíkó gerði tvíhliða samkomulag, að Kanada hafi ekkert val!

Skv. því verður ríkisstjórn Bandaríkjanna væntanlega - poll róleg þótt Kanadamenn hafi farið heim á föstudagskvöld.
--En aftur verður rætt saman í næstu viku.

Menn hafa greinilega ákveðið að - að Kanadamenn muni sætta sig við framsett skilyrði.
--Þó það taki eitthvað lengri tíma!

Christia Freeland fyrir hönd Kanada!

Nafta talks break up with no deal in sight

U.S. to move ahead with Mexico trade pact, keep talking to Canada

Canada's Freeland says 'win-win-win' trade deal with U.S. within reach

U.S. trade pact with Mexico will be 'fast-track' compliant: official

Freeland lét hafa eftir sér að - jákvæður samningur væri enn mögulegur.
En hún sagði einnig - að slíkur krefðist sveigjanleika á báða bóga.
Áður hafa stjórnvöld Kanada sagt, enginn samningur væri betri en slæmur -- en nú sennilega virkilega reynir á það nk. daga, hvort þau virkilega meina það!

Vandinn fyrir hana er að ríkisstjórn Bandaríkjanna greinilega telur sig þegar hafa allt í hendi, og virðist því ekki áhugasöm um nokkurn hinn minnsta sveigjanleika!
Það sem hún leggur til - virðast raunverulega vera skilyrði í hennar huga!

Nú einfaldlega þekki ég ekki nægilega vel efnahag Kanada til þess að meta það hvort efnahagslega séð - geti Kanada komist hjá því að sættast á kröfur Bandaríkjastjórnar.

T.d. krefst Bandaríkjastjórn þess - að óháð úrskurðarkerfi sem hefur verið hluti af NAFTA.
Verði fellt niður - en t.d. á sl. ári tapaði Bandaríkjastjórn mikilvægu prófmáli.
Er tollur sem Lighthizer hafði lagt á kanadísk smíðaða flugvél - var talinn brot á samningnum.

1. Vandinn er sá - að ef samningur verður án slíks kerfis.
2. Er líklegt að Bandaríkjastjórn - túlki öll hugsanleg vafamál sem upp koma, sér í hag --> Eða nána tiltekið, í samræmi við þrýsting bandarískra aðila á sín stjórnvöld, ef kanadískt fyrirtæki og bandarískt fyrirtæki eru að keppa.

En hvernig Lighthizer hegðaði sér þegar Boeing kvartaði yfir nýrri flugvél frá Bombardier - og Lighthizer tók fullkomlega einhliða málflutning Boeing sem sannleik.
--Bendi sterklega til þess, Bandaríkjastjórn muni þá alltaf taka algerlega einhliða hlut bandarískra fyrirtækja líklega fullkomlega óháð um hvað málið snýst.

Þetta er auðvitað ástæða þess að sett eru upp slík - úrskurðakerfi.
Svo löndin taki ekki einhliða ákvarðanir - sem hygla innlendu fyrirtæki, sem t.d. greiddi í kosningasjóð einhvers mikilvægs.

 

Niðurstaða

Ríkisstjórn Bandaríkjanna lítur greinilega svo á Kanada sé upp við vegg, hafi ekki nema tvo valkosti - að sættast við framsett skilyrði Bandaríkjastjórnar, eða labba frá samningum. Ef marka má orð Donalds Trumps sjálfs -- viðtal Bloomberg - þá virðist hann algerlega sannfærður að Kanadamenn "semji" m.ö.o. leggi niður skottið -- spurning einungis um daga til eða frá.

Skv. því stendur kanadastjórn fyrir því vali - hvort hún getur sagt "nei" yfir höfuð.
En þetta er líka spurning um sjálfstæði - ef útkoman er, ekki er hægt að segja "nei" er það eiginlega svarið - að Kanada sé ekki raunverulega sjálfstætt ríki.
--M.ö.o. að ríkisstjórn Bandaríkjanna geti skipað fyrir, og Kanada segi "já meistari."

 

Kv.

Trump hótar uppsögn aðildar að Heimsviðskiptastofnuninni - segir tilboð ESB til lúkningar tollastríði ófullnægjandi

Sá þessar tvær fréttir á vef Bloomberg - en þær byggjast á viðtali sem Bloomberg tók við Donald Trump -- eins og virðist venja Trumps, slær hann fram fullyrðingum án þess að útskýra.

Trump Threatens to Pull U.S. Out of WTO If It Doesn’t ‘Shape Up’

Trump Says EU Offer for No Auto Tariffs Is ‘Not Good Enough’

Þegar Trump talar um Heimsviðskiptastofnunina, segir hann hana hræðilega fyrir Bandaríkin.
Hinn bóginn hef ég aldrei séð miklar útskýringar á því - akkúrat hvað er hræðilegt.

Eins og Bloomberg útskýrir: Will Trump Finally Turn His Trade Guns on the WTO?.

Meðan Bandaríkin eru meðlimir eru þau skuldbundin að fylgja úrskurðum - úrskurðarkerfis á vegum stofnunarinnar.
--Bandaríkin hafa sjálf oft beitt því fyrir sinn vagn.
--Hinn bóginn, hafa þau ekki alltaf fengið úrskurði sér í hag.

Lighthizer t.d. virðist hafa ásakað stofnunina fyrir að - skerða fullveldi Bandaríkjanna.
Mig grunar að - þar um skýni verulegur hluti andúðar þeirra róttæku þjóðernissinna sem nú ráða ríkjum í ríkisstjórn Bandaríkjanna!
--M.ö.o. almenn andúð við skulbindandi samninga.

Donald Trump -- "If they don’t shape up, I would withdraw from the WTO,..."

Ég er ekki klár á því - með hvaða hætti "WTO" ætti að "shape up."
En stofnun sem er heims stofnun - getur náttúrlega ekki haft þá reglu t.d. - að Bandaríkin ein hafi rétt fyrir sér.
--Það voru Bandaríkin sjálf, er á sínum tíma vildu kerfi - með almennum reglum - skuldbindandi fyrir alla jafnt!
--Vegna þess, að einungis þannig verði komið á - viðskipta-umhverfi, sem unnt er að treysta.

 

Donald Trump um samninga við ESB - til að binda endi á tollastríð!

1. Donald Trump - "It’s not good enough," -- "Their consumer habits are to buy their cars, not to buy our cars." -- "The European Union is almost as bad as China, just smaller,"
2. "Trump’s comments come just hours after Trade Commissioner Cecilia Malmstrom told European Parliament lawmakers that the EU would be -- "willing to bring down even our car tariffs to zero, all tariffs to zero, if the U.S. does the same."

Ég verð að segja það -- mér finnst þetta svar Trumps, sprenghlægilegt!

Ég get ekki skilið þetta öðru-vísi, en --> þetta gengur ekki, því Evrópumenn vilja ekki kaupa okkar bíla!

--Það sem Trump áttar sig ekki á, er að vandinn er sá að bandarísk fyrirtæki eiga í vandræðum með að framleiða vöru, sem kaupendur í Evrópu eru áhugasamir um að kaupa!
--Fyrir utan hátæknifyrirtækið, Apple.

1. Það er ca. ár síðan að General-Motors seldi starfsemi sína í Evrópu til PSA samsteypunnar er framleiðir Citroen og Peugeot.
   --Vegna þess að það var stöðugur taprekstur.
2. Hinn bóginn, á rúmlega áratug - hefur S-Kórea komið mjög sterkt inn á markaðinn í Evrópu, og í dag er markaðsstaða Kia og Hyunday mjög sterk orðin.

Og hver er lykillinn að því?
--Að framleiða eftirsóknarverða vöru!
--Apple hefur tekist þetta!

En stóru bandarísku bifreiðaframleiðendurnir eru hættir í Evrópu - nema Ford Motorcorporation.

• Kaupendur út um heim - kaupa Apple síma eins og heitar lummur.

En menn eru ekki með sambærilegum hætti, að slást um að kaupa bandarísk framleidda bíla!
--Nema ef þeir heita, Tezla.

En miðað við svör Trumps í viðtalinu - getur verið að stutt sé í að Trump bindi enda á samningaumleitanir við ESB. Og geri alvöru úr hótuðum 25% tolli á innflutta bíla frá Evrópu + innflutta íhluti.
--ESB hefur látið bandarísk stjórnvöld vita - að búið sé að undirbúa móttolla, ef Trump mundi láta verða af sínum tolli.

 

Niðurstaða

Miðað við hvernig Trump virðist láta í viðtalinu sem Bloomberg vitnar til, þá hljómar sem að helsti glæpur Evrópumanna - sé sá að finnast bandarískar vörur ekki lengur nægilega áhugaverðar. Það sé sem sagt - "unfair" ef bandarískar vörur séu ekki keyptar - þó þær vekji ekki áhuga kaupenda á því markaðssvæði, séu ekki lagaðar að smekk þess kaupendahóps.
--Verð að segja, mér finnst þetta rosalega þröngsýn Ameríku-miðuð hugsun, ill skiljanleg.

En ef viðtalið eru tjáskipti Trumps um yfirvofandi endalok samninga við ESB um tilraunir til að ljúka tollastríði, og yfirvofandi uppsögn Bandaríkjanna á aðild að Heimsviðskiptastofnuninni; væru það töluvert stór tíðindi.

Ef Trump hættir í Heimsviðskiptastofninni - þá væri það dálítið svipað og HARD BREXIT væri fyrir Bretland vs. ESB; nema Bandaríkin væru þá að aftur - slá upp hátollaumhverfi gagnvart allri heimsbyggðinni -- nema einhverjum þeim löndum sem Trump hugsanlega næði fram tvíhliða samningum.
--Mig grunar að afleiðing slíkrar ákvörðunar væri viðsnúningur yfir í efnahagskreppu í Bandar.
--En aðrar þjóðir settu þá sömu háu tollana á móti á allt bandarískt framleitt.

Ef Trump startar aftur viðskiptastríði við ESB - en það hefur verið í pásu um hríð, þá er hann í viðskiptastríði samtímis við tvo stærstu viðskipta-aðila Bandaríkjanna, þ.e. ESB og Kína.
--Það burtséð frá Heimsviðskiptastofnuninni, er klárlega verulega efnahagslega skaðlegt fyrir Bandaríkin sjálf -- ef slík tvö stór tollastríð væru keyrð samtímis langa leið.

Sannarlega býr Trump enn við efnahaglegt góðæri, er hann fékk í arf.
Hinn bóginn, má hann ekki vanmeta það að efnahagsskaði á efnahagsskaða ofan - ef hann veldur mjög miklum slíkum með eigin tollastefnu, er ekkert ómögulegt við það að búa til kreppu.

 

Kv.

Forseti Perú, Martin Vizcarra, lýsir yfir neyðarástandi í þrem héruðum Perú vegna aðstreymis flóttafólks frá Venezúela!

Skammt í að landflótti frá Venezúela nái heimsathygli - en SÞ-gaf sl. föstudag út þá yfirlýsingu að ástandið í Venezúela sé á hraðri leið í átt að ástandi sem síðast hefur sést vegna landflótta af völdum stríða í Mið-Austurlöndum!

"This is building to a crisis moment that we’ve seen in other parts of the world, particularly in the Mediterranean,...": U.N. agency sees Venezuelan exodus nearing a crisis point.

Skv. annarri frétt, ætla ráðherrar frá nokkrum S-Ameríku ríkjum að hittast í þessari viku í Bogota til að ræða ástandið í Venezúela nánar og hugsanlega samræmdar aðgerðir: Peru declares emergency at border as Venezuelans flee crisis at home.

En skv. fréttinni, hefur forseti Perú lýst yfir neyðarástandi í þrem héruðum Perú, af heilsufarsástæðum, út af ótta er snýr að hugsanlegri útbreiðslu hættulegra smitsjúkdóma.

En vegna niðurbrots heilbrigðiskerfis Venezúela - grasseri annars auðlæknanlegir smytsjúkdómar, og raunveruleg hætta - að bylgja flóttamanna beri þá með sér til næstu landa.

Martin Vizcarra forseti Perú!

1. "There are close to 1 million Venezuelans now living in Colombia..."
2. "...more than 400,000 in Peru..."

Síðan sá ég eina frétt enn -- að forseti Brasilíu sé að senda herflokka inn í landamærahérað til að - vernda flóttamenn frá Venezúela!
--En það höfðu sprottið fram mótmæli innan héraðsins, út af aðstreyminu!

Brazil's Temer says Venezuelan exodus a threat to whole region

"Brazilian President Michel Temer signed a decree on Tuesday to deploy the Armed Forces to the northern state of Roraima on the border with Venezuela to assist in keeping order and ensuring the safety of Venezuelan immigrants."

"The problem of Venezuela is no longer one of internal politics. It is a threat to the harmony of the whole continent,"

Það virðist einmitt farið að bera á andstöðu í þeim löndum sem flóttabylgjan leita til!
Venezuela exodus: 'People are leaving in order to survive'

Mitt í öllu þessu, þá getur maður enn undrast það furðulega fólk sem þjónar ríkisstjórninni í Venezúela: Venezuelan official suggests migrant crisis is staged to undermine government.

Diosdado Cabello - "Doesn’t it strike you as suspicious there are photos of [these people] walking along the roadside in Peru, walking along the roadside in Ecuador, walking along the roadside in Colombia," - "It’s as if it was: ‘Lights, camera, action!’ It is a campaign against our country – a campaign of extraordinary dimensions,..."

Það hlýtur að vera virkilega furðulegur - "alternative" heimur sem maður sem þessi, formaður svokallaðs "stjórnlagaráðs" lifir í.

Hérna er dæmi um mynd af því tagi sem hann talar um!

Hér er önnur!

Mannþröng á brú að landamærum við Kólumbíu!

"The UN estimates 2.3 million Venezuelans have fled since 2015 with Colombia expecting 2 million more to follow by 2020." - "That would mean 4.3 million people – 14% of Venezuela’s population – had left."

Þetta eru örugglega varlegar áætlanir - en vegna hnignunar olíuframleiðslu Venezúela, að erlendir kröfuhafar eru farnir að beita tækjum, sbr. að slá eign sinni á eignir í eigu Venezúela erlendis - sem eitthvert virði hafa; til að beita stjv. Venezúela þrýstingi að greiða þeim.

Hafandi í huga að olíuframleiðsla minnkaði um ca. 30% frá sl. ári.
Þá grunar mig að menn ef e-h er, vanmeti hraðann á því hve hratt ástandið líklega versnar.

En klárlega er ástandið í Venezúela farið að bitna á gervallri S-Ameríku!
Og það eigi einungis eftir að versna frekar - sennilega miklu frekar.

 

Niðurstaða

Það sem ég hef verið að óttast, að ástandið í Venezúela leiði til alvarlegrar flóttabylgju, virðist í gangi nú þegar. Eins og hefur gerst í Evrópu, vegna nýlegrar flóttabylgju - er að rísa upp bylgja andstöðu við flóttafólk í löndum S-Ameríku.

Þetta kemur mér ekki á óvart, enda svo nýlegt hvað gerðist út af flóttabylgjunni frá Sýrlandi - sem hefur haft greinileg pólitísk áhrif innan Evrópu. Að flóttabylgja frá Venezúela - hugsanlega enn stærri að umfangi, mundi óhjákvæmilega hafa umtalsverð innanlands pólitísk áhrif í löndunum í kring um Venezúela.

Ég hef velt upp þeirri hugmynd, að eftir því sem flóttabylgjan hleður upp á sig - en í dag eru flóttamenn frá Sýrlandi ca. 6-milljón, getur fjölgað um 2-3 milljónir til viðbótar vegna yfirvofandi aðgerða hersveita Sýrlands - Írans og Rússlands.
--Flóttabylgja frá Venezúela getur vel hlaupið á sambærilegum tölum.

Að nágrannalönd Venezúela grípi til eigin ráða - en mér kemur til hugar, að þau sendi sína heri inn fyrir landamæri Venezúela, ekki til þess að leggja allt landið undir eða koma ríkisstjórninni frá.

Heldur til að koma sér upp "buffer zones" á landamærum þar sem komið yrði fyrir fjölmennum flóttamannabúðum!
--Þau mundu gera þetta til að verja sín eigin samfélög, gagnvart þeirri bylgju andúðar þar sem annars gæti hugsanlega haft mjög afdrifarík innanlands pólitísk áhrif - tja, ekki endilega af ólíku tagi sem sést hefur seinni misseri í Evrópu.

Kemur í ljós hvort ég hef rétt fyrir mér!

 

Kv.

Útlit loks fyrir samkomulag milli Donalds Trumps í deilu við Mexíkó og Kanada

Það virðist að kosning nýs forseta Mexíkó, Andrés Manuel López Obrador, hafi hleypt nýju lífi í þær viðræður er virtust um langa hríð í hreinni pattstöðu -- það sem mestu virðist hafa skipt, er að Obrador virðist hafa verið til í að samþykkja kröfu Trump.
--Að sett séu inn ákvæði í samning milli Bandaríkjanna og Mexíkó, um meint eða raunverulegt launamisvægi milli landanna:

"The Trump administration said the deal improves labor provisions, in part by requiring 40 percent to 45 percent of auto content to be made by workers earning at least $16 per hour - a salary that could remove incentives for automakers to move jobs to Mexico."

Hinn bóginn vill hinn nýi vinstri-sinnaði forseti Mexíkó, þrýsta á um launahækkanir innan landsins -- meðan að fyrri forseti Mexíkó, hægri sinninn - Enrique Peña Nieto, studdist við afstöðu framleiðenda innan Mexíkó - er höfnuðu slíku, launa-ákvæði.

Síðan virðist hafa verið farið bil beggja er kom að kröfu Donalds Trump - um aukið hlutfall íhluta sé bandarísk framleiðsla, sbr:

"The deal would require 75 percent of auto content to be made in the NAFTA region, up from the current level of 62.5 percent, a U.S. trade official said."

Ríkisstjórn Trumps hafði krafist - 85%. 

Síðan virðist Donald Trump hafa fallið frá kröfu um -- mjög umdeilt endurskoðunarákvæði NAFTA, er átti skv. því endurskoðast á 5-ára fresti.
--Vandinn við ákvæðið var sá, NAFTA átti sjálfkrafa falla niður ef samkomulag næðist ekki.
--Þannig að fallöxi mundi voma yfir - á 5 ára fresti.
Þetta hefði verið algerlega ósáættanleg óvissa fyrir sérstaklega Mexíkó og Kanada!

En ég sé ekki hvernig nokkur hefði verið tilbúinn að fjárfesta í þeim löndum út á samning - sem slík óvissa væri um að héldist áfram!

Niðurstaðan varð:

"Instead, the United States and Mexico agreed to a 16-year lifespan for the deal, with a review every six years that can extend the pact for 16 years, U.S. Trade Representative Lighthizer said."

Sannast sagna er ég ekki viss hvað þetta merkir - mætti skilja Lighthizer þannig, að í sérhvert sinn á 6 ára fresti, sé 16 ára gildistími framlengdur, sem hljómar greinilega einkennilega!
--Kannski þíði það, að ef ekki tekst að endurskoða að 6-ára liðnum, þá haldi samkomulagið áfram samt sem áður en 16 ára gildistíminn renni út fyrir rest, ef hann sé ekki framlengdur á einhverjum punkti, á þessum 6 ára endurskoðunar-tilvikum.

Hvað þetta akkúrat þíðir á væntanlega eftir að skírast betur.

U.S., Mexico reach NAFTA deal, turning up pressure on Canada

 

Hinn bóginn á enn eftir að ræða þetta samkomulag við Mexíkó með Kanada!

Það er nánast eins og núverandi ríkisstjórn Mexíkó og Bandaríkjanna - slái sér saman um þrýsting á ríkisstjórn Kanada, sbr:

1. "Mexican Foreign Minister Luis Videgaray told a news conference in Washington that if Canada and the United States do not reach an agreement on NAFTA, “we already know that there will still be a deal between Mexico and the United States.”"
2. "If talks with Canada are not wrapped up by the end of this week, Trump plans to notify Congress that he has reached a deal with Mexico, but would be open to negotiations with Canada, U.S. Trade Representative Robert Lighthizer told reporters."

Þó sennilegar sé að ný ríkisstjórn Mexíkó - hafi kosið að yfirgefa fyrri samstöðu hægri stjórnar Mexíkó er áður sat við afstöðu ríkistjórnar Kanada er hefur verið til staðar fram að þessu.
--Til að tryggja sér samkomulag fyrir Mexíkó.

En það auðvitað þíðir að með því skilur Mexíkó - Kanada dálítið úti í kuldanum, eitt á móti ríkisstjórn Bandaríkjanna!

• Og að þetta er eiginlega orðið að -- tvíhliða samningi, ekki raunverulega - 3 hliða NAFTA samningur.
• Og þá stendur úti annar tvíhliða samningur milli Bandar. og Kanada!

Með því að rjúfa samstöðuna við Kanada - virðist ný ríkisstjórn Mexíkó, hafa gengist inn á kröfu Trumps -- um tvíhliða viðræður.

--Rétt að benda á, með því að samþykkja launakröfu Donalds Trumps - samþykkti ríkisstjórn Mexíkó, mjög að minnka þá samkeppnisstöðu fyrir Mexíkó sem lægri laun hafa veitt fyrir framleiðendur þar.

--Enda sagði Donald Trump hróðugur, að útkoman bætti mjög möguleika Bandaríkjanna til að afla starfa í gegnum viðskipti landanna tveggja - innan Bandaríkjanna.

Bandaríkin eru þá klárlega í betri stöðu en áður - að fá kröfur sínar gagnvart Kanada fram!
En ein helsta krafan, hefur verið að fá fellt niður - úrskurðarkerfi er hefur starfað í samhengi NAFTA, og skorið úr deilum um túlkanir á reglum!
--Kanada hefur oft notið góðs af því ákvæði!

T.d. nýlegast í deilu um flugvél þróuð af kanadískum flugvélaframleiðenda, Bombardier -- ríkisstjórn Bandaríkjanna setti á, absúrd háan refsitöll vegna meintra of mikilla ríkisstyrkja Kanada.
--En NAFTA úrskurðarkerfið - slóg þann toll af.

Skv. kröfu Bandaríkjanna - samþykkti Mexíkó að samskonar kerfi félli niður gagnvart Mexíkó!
--En það þíðir þá, að Mexíkó samþykkir þá að lúta slíkum einhliða ákvörðunum frá Bandaríkjunum, án þess að geta hönd við reist!

"Mexico agreed to eliminate dispute settlement panels for certain anti-dumping cases, a move that could complicate talks with Canada, which had insisted on the panels."

Mexíkó hefur hingað til ekki getað sætt sig við það að þetta úrskurðarkerfi sé slegið af.

• Miðað við þetta virðist mér Obrador hafa gefið mikið eftir gagnvart Trump!
  --Þannig heilt yfir vir[ist þetta líta út sem sigur fyrir Trump.

 

Niðurstaða

Ef Kanada sættist á sambærilegt samkomulag við það sem nýr forseti Mexíkó virðist hafa sætt sig við - þá mundi falla niður úrskurðarkerfi á vegum NAFTA samkomulagsins, sem skar út um í fjölda tilvika þegar deilur stóðu um t.d. um álögð gjöld eða styrki, hvort farið væri eftir reglum eða ekki!

Krafa ríkisstjórnar Bandaríkjanna hefur m.a. verið að það kerfi sé niður lagt.
En það var á sínum tíma, sett af kröfu Mexíkó og Kanada, til þess að einmitt vernda framleiðendur þar -- gegn hugsanlegum einhliða stjórnvalds ákvörðunum frá Bandaríkjunum.

Sem einmitt gjaldið á flugvél frá Bombardier sem einmitt Lighthizer setti - er slegið var af skv. úrskurði NAFTA úrskurðarkerfisins, er gott dæmi um.
--Þá var m.ö.o. metið að ríkisstjórn Bandaríkjanna hefði ekki lagt það gjald í samræmi við reglur gildandi samkomulags.

Þetta er dæmi um það sem núverandi ríkisstjórn Bandaríkjanna mislíkar við milliríkja-samninga, að þeir fela í sér -- skuldbindandi ákvæði!
--En hvernig getur 3-aðili haft traust, ef það eru engin skulbindandi ákvæði?

Það verður forvitnilegt að sjá hvort Kanada lægur beygja sig - nú þegar lítur út fyrir að nýr forseti Mexíkó hafi snarlega eftir valdatöku - ákveðið að beygja sig í duftið fyrir Trump.

 

Kv.

Stjórnandi fjölskyldusjóðs Trump fjölskyldunnar - fær vernd frá saksókn, gegnt því að svara spurningum um Donald Trump

Þetta er svakaleg frétt - að stjórnandi fjölskyldusjóðs Trump veldisins, hafi fengið "immunity" gegnt því að svara spurningum er fyrir hann eru lagðar. Við erum að tala um einstakling sem starfað hefur fyrir Trumpana í áratugi - maður sem Donald Trump hefur líklega persónulega þekkt, síðan hann sjálfur var ungur maður!

Trump er örugglega ekki í góðu skapi núna!

Trump empire’s finance chief granted immunity by prosecutors

Prosecutors grant Trump Organization CFO immunity in Cohen probe

1. "The CFO, Allen Weisselberg, was called to testify before a federal grand jury..."
2. "A cooperation deal between Weisselberg and prosecutors could be damaging to the president given the executive’s longtime role in Trump’s business affairs. "
3. "Weisselberg has worked for the Trump family for more than four decades, including as treasurer for the Donald J. Trump Foundation."

• "Two executives at American Media Inc, which publishes the National Enquirer...reportedly involved in making the payments, have also been granted immunity in the investigation....The executives are company Chief Executive David Pecker, a longtime Trump friend, and Dylan Howard."

Þessi rannsókn virðist tengjast afhjúpunum er komið hafa fram skv. gögnum er tekin voru á skrifstofu Micheal Cohen, nú fyrrum lögfræðings Donalds Trumps - er föstudag í sl. viku gerði "plea bargain" samkomulag við alríkis saksóknara í NewYork.
--Þá viðurkenndi Cohen margvísleg lögbrot sem sögð eru hugsanlega varða samanlagt allt að 63 ára fangelsi af fjölmiðlum -- FoxNews segir, samkomulagið kveða á um 3-ár í mesta lagi, gegnt fullri samvinnu - FoxNews-Michael Cohen admits violating campaign finance laws in plea deal. 

"Cohen pleaded guilty to five counts of tax fraud, one count of making false statements to a financial institution, one count of willfully causing an unlawful corporate campaign contribution and one count of making an excessive campaign contribution."

Fyrr í þessari viku, komu fréttir varðandi - samning um vernd af hálfu þeirra David Pecker og Dylan Howard - er lengi hafa verið í samskiptum að sögn fjölmiðla við Trump fjölskylduna.
--En athygli hefur vakið, að National Enquirer hafði keypt upplýsingar af einni þeirra kvenna sem Donald Trump hefur átt í deilum við, en ekki birt.
--Það hefur vakið spurningar, hvort Trump borgaði þeim til að kaupa þá frétt.

Sannast sagna er ég ekki klár á því - hvert alríkis-saksóknarar geta farið með málið næst!
En meðan Trump er forseti, hefur hann - vernd skv. lögum.
Einungis þingið getur ákveðið að ákæra sitjandi forseta, slíkt er eðli sínu skv. alltaf pólitísk ákvörðun.

Ég fékk athugasemd á erlendum miðli þ.s. málið var rætt - er ég spurði þeirrar spurningar.
Að alríkis-saksóknarar, gætu beint kastljósinu næst að fjölskyldu Trumps.
--Fjölskyldumeðlimir hafa ekki lögvernd!

Snemma á þessu ári voru nokkur eftirminnileg orð höfð eftir Steve Bannon: 4.1.2018 Bannon virðist hafa afskrifað Donald Trump. 

"It goes through Deutsche Bank and all the Kushner shit. The Kushner shit is greasy. They’re going to go right through that. They’re going to roll those two guys up and say play me or trade me." - "They’re going to crack Don Junior like an egg on national TV."

Þessi orð komu upp í hugann - eftir að ég fékk athugasemdina á erlenda miðlinum, að næstu skref alríkis-saksóknara gætu verið á þann veg, að hefja málarekstur gegn fjölskyldumeðlimum.

 

Niðurstaða

Ég held að enginn sitjandi forseti Bandaríkjanna í sögu Bandaríkjanna - hafi áður legið svo harkalega í því gagnvart lögsækjendum innan Bandaríkjanna, án þess að vera sjálfur persónulega með formlegum hætti - ákærður.

En eftir að búið er að gera samkomulag um vernd - við sjálfan stjórnanda Trump fjölskyldusjóðsins, þá er saksókn komin inn í sjálfan innsta hring fjölskylduveldisins.

Við lifum greinilega áhugaverða tíma -- næstu skref alríkis-saksóknara eftir þetta.
Verða alveg örugglega með einhverjum hætti -- söguleg!

 

Kv.

Michael Cohen gæti reynst vera raunveruleg ógn við Donald Trump

Skv. fréttum dagins hefur komið í ljós að þegar Cohen samdi við saksókn er hann lýsti sig sekan um eftirfarandi - 

"Cohen pleaded guilty to five counts of tax fraud, one count of making false statements to a financial institution, one count of willfully causing an unlawful corporate campaign contribution and one count of making an excessive campaign contribution." 

- þá fylgdu því ásakanir á Donald Trump af hans hálfu, að Trump hafi skipað honum að inna af hendi þær greiðslur - er teljast ólöglegar, sem Cohen viðurkenndi sig sekan um að hafa framkvæmt.

Greinilegt af viðbrögðum Trumps að - Cohen er ekki lengur vinur hans:

Donald J. Trump@realDonaldTrump

"If anyone is looking for a good lawyer, I would strongly suggest that you don’t retain the services of Michael Cohen!"

12:44 PM - Aug 22, 2018

Donald Trump á hinn bóginn fór fögrum orðum um Paul Manafort er skv. fréttum dagsins, hefur ákveðið að áfrýja þeim 8-ákæruatriðum er hann var fundinn sekur um í undirrétti.

 

Donald J. Trump@realDonaldTrump

"I feel very badly for Paul Manafort and his wonderful family. “Justice” took a 12 year old tax case, among other things, applied tremendous pressure on him and, unlike Michael Cohen, he refused to “break” - make up stories in order to get a “deal.” Such respect for a brave man!"

1:21 PM - Aug 22, 2018

Eitt viðbótar Twít vakti athygli:

Donald J. Trump‏@realDonaldTrump

"Michael Cohen plead guilty to two counts of campaign finance violations that are not a crime. President Obama had a big campaign finance violation and it was easily settled!"

Greinilega ekki afstaða bandarískra dómsyfirvalda og saksóknar - að þau atriði varði ekki við lög.

Trump slams Cohen, lauds Manafort after twin legal blows

Trump says found out about payments made by Cohen after the fact

Skv. fréttum, neitar Trump að hafa vitað fyrirfram um þær greiðslur - þannig orð stendur gegn orði, nema Cohen eigi í fórum sínum upptöku af samtali við Trump - þ.s. fram kemur annað.
--Rétt að benda á, að það væri mjög veik staða fyrir yfirvöld, að hafa samþykkt "plea bargain" við Cohen - ef slík upptaka væri ekki til.

Í orðum verjanda Micheal Cohen - virðist felast augljós hótun gegn Donald Trump: Cohen co-operation may lead to rougher waters for Trump.

"Cohen . . . is now liberated to tell the truth, everything about Donald Trump that he knows,..." - "From this point on, you’re going to see a liberated Michael Cohen speaking truth to power."

Í þessari dramatísku framsetningu í viðtali - virðist ljóst að verjandi Cohens álítur besta spil síns skjólstæðings vera; að höfða til sérstaks saksóknara Robert Mueller.

What’s next for Mueller’s investigation after Manafort’s conviction?

Í orðum sínum hljómar verjandi Cohens - dálítið eins og, sölumaður :)

The Most Damaging Thing That's Happened to Trump

1. Hinn bóginn er ég sammála því sem ályktað er í hlekknum að ofan, að það sem vekur mesta undrun við mál Cohens -- er, að saksóknara-yfirvöld skuli hafa samþykkt "plea bargain."
2. En kjarni þess samkomulags, virðist byggjast á ásökunum Cohens gegn Trump -- það virðist ósennilegt að þau yfirvöld í NewYork hefðu samþykkt þetta; ef þau hefðu ekki trúað ásökunum Cohens.

• Þá er stóra spurningin, hvað hefur Cohen undir erminni - sem sannfærði saksóknarayfirvöld í NewYork að gera við hann slíkan samning?
• En vitað er að Cohen tók fjölda upptaka af samtölum við sinn fyrrum skjólstæðing og samstarfsmann til 12 ára - Donald Trump.

Spurning hvort allar þær upptökur voru á skrifstofunni hans er leitað var þar af yfirvöldum? Kannski varðveitti hann einhverjar upptökur á öðrum stað!
--En mér virðist órökrétt af yfirvöldum að gera slíkan samning - ef þetta væri einungis, orð gegn orði.

PS: Sá þessa frétt á FoxNews: Michael Cohen admits violating campaign finance laws in plea deal. 
--Fox segir "plea bargain" samkomulag kveða á um mesta lagi 3ja. ára fangelsi fyrir Cohen.
--En vörn að öðru leiti að sjálfsögðu gagnvart saksókn svo hann þori að opna sig upp á gátt.

 

Niðurstaða

Kannski eftir allt saman er Micheal Cohen stærsta einstaka ógnin við Donald Trump - en það virkilega áhugaverða við "plea bargain" samkomulag Cohens við saksókn í NewYork virðist sú staðreynd -- að það samkomulag virðist á grunni ásakana Cohens gegn Donald Trump.
Ef maður gerir ráð fyrir því, að þeir sem gerðu það samkomulag við Cohen - séu ekki fífl og fáráðlingar, þá sýndi Cohen þeim fram á með einhverjum hætti - sem sannfærði þá einstaklinga - að hann hefði gögn í sínum fórum til staðfestingar á sínum ásökunum.
En mér virðist órökrétt af saksókn að semja við Cohen með slíkum hætti, ef einungis væri um að ræða - orð gegn orði.

M.ö.o. ef ásakanir Cohens eru studdar af gögnum, sem hann getur komið á framfæri við þar til bær yfirvöld - þá væri kominn til sögunnar glæpur sem unnt væri að sanna að líkindum; sem Donald Trump forseti væri bein tengdur við.
--Það þíddi, að þá væri komin næg lagaleg ástæða fyrir "impeachment."

A.m.k. virðast saksóknara-yfirvöld í NewYork raunverulega trúa því að forsetinn sé "crook."

 

Kv.

Fyrrum kosningastjóri Donalds Trumps fundinn sekur í 8 ákæruliðum fyrir dómi - fyrrum lögfræðingur Donalds Trumps lýsir sig sekan í 8 ákæruliðum

Á þessari stundu er ekki ljóst hver eða hvort nokkur áhrif þessara atburða verða á Donald Trump forseta Bandaríkjanna, en Paul Manafort var um skeið kosningastjóri Donalds Trumps fyrir forsetakosningar 2016 og Michael Cohen var einn lögfræðinga Donalds Trumps þar til fyrir skömmu.

1. Skv. fréttum hefur dómurinn líst yfir "mistrial" í 10 ákæruliðum yfir Manafort þar sem kviðdómur treysti sér ekki að ná fram niðurstöðu um sekt eða sakleysi Manaforts í þeim ákæruliðum -- þannig að ný réttarhöld verða væntanlega um þá ákæruliði síðar.
2. Á móti, er þess vænta væntanlega að Manafort fái á sig dóm fyrir þá 8 ákæruliði sem hann telst vera sekur um - skv. niðurstöðu kviðdóms er komst að niðurstöðu um þá liði.

• Síðan er óvíst hvað yfirlýsing Michael Cohens um sekt felur akkúrat í sér - ég meina, hvað felur samkomulag hans við ákæranda í sér?
  "Cohen pleaded guilty to five counts of tax fraud, one count of making false statements to a financial institution, one count of willfully causing an unlawful corporate campaign contribution and one count of making an excessive campaign contribution."
  --Spurning, um hvað gat hann samið?
  --Bendi á, að þetta tengist líklega - framboðsmálum Trumps a.m.k. að nokkru leiti.

Ex-Trump campaign manager Manafort convicted of fraud

Trump aide Manafort found guilty on eight of 18 charges

Former Trump lawyer Michael Cohen pleads guilty

Ex-Trump lawyer Cohen pleads guilty in deal with prosecutors

Trump greinilega ósáttur: Trump decries Manafort verdict, says Mueller investigation a 'disgrace. 

 

Greinilega sigur fyrir Robert Mueller!

En Manafort stendur nú allt í einu frammi fyrir hugsanlega hörðum dómi - maður á sjötugs aldri. 

Það hefur lengi verið sterkur grunur að tilgangur Muellers - sé að þvinga Manafort til að ræða opinskátt um hvað fór fram á milli hans og Donalds Trumps - er Manafort stjórnaði kosningabaráttu Trumps um hríð.
--En Manafort er talinn vita um þætti, sem tengjast meintum hugsanlega ólöglegum samskiptum framboðs Trumps, við rússnesk stjórnvöld eða agenta á vegum þeirra.

• Það virðist nú sennilegt að Manafort geti nú boðist afsláttur á endanlegum dómi, ef hann nú velur -- að opna sig upp á gátt frammi fyrir Mueller.
  --Að sjálfsögðu þá til þess að vitna að einhverju leiti gegn Trump.

Óþekkt er hvort að - viðurkenning Cohens á sekt, sé ógn við Trump einnig.
En það virðist a.m.k. mögulegt í ljósi þess - að Cohen virðist vera að viðurkenna sig sekan, í tengslum við greiðslur er teljast nú ólöglegar - sem hann virðist hafa innt af hendi í tengslum við framboð Trumps.
--Segjum hann vitni nú um það, að Trump hafi fyrirskipað þær greiðslur, og hafi einhver gögn því til staðfestingar.
--En þetta er bara pæling, en á hinn bóginn ef Cohen ætlar að fá afslátt á væntanlegan dóm - þarf hann að hafa eitthvað bitastætt til að bjóða.

• Eiginlega spurning hvað annað hann gæti boðið - en hugsanlega vitna gegn Trump.

 

Niðurstaða

Spurning hvort það er að hitna undir stólnum hans Trumps eða ekki? En það virðist að Mueller hafi náð fram einu mikilvægu skrefi. Síðan er ekki vitað akkúrat hvað fyrrum lögfræðingur Trumps gat boðið - sem dugði til þess að hann náði fram samningi við saksókn gegn honum.

Það verður a.m.k. forvitnilegt að fygljast með fréttum nk. daga frá Bandaríkjunum.

• Ef Mueller getur sannað lögbrot á Donald Trump - þá mundi hann skila gögnum um þá niðurstöðu til bandaríska þingsins, sem er eini aðilinn er getur tekið þá ákvörðun af eða á, að formlega ákæra forseta landsins.

 

Kv.

Venezúela fjarlægir 5-núll af gjaldmiðli sínum - tengir hann síðan við ímyndaðan gjaldmiðil

Í alvöru, Nicolas Maduro hefur ákveðið að tengja - hinn nýja gjaldmiðil nefndur "the sovereign bolívar" sem mætti sennilega þíða sem - "hin sjálfstæði bólívar" - við ímyndaðan gjaldmiðil.
Hann hefur verið nefndur - petro, og að sögn Maduro er "cryptocurrency" eða rafrænn eingöngu gjaldmiðill.
--"He [Mr Maduro] might as well have chosen pegging it to unicorns," said Russ Dallen, head of Caracas Capital, an investment bank."

• Petro í raun er ekki til, og hefur ímyndað af hálfu Maduro virði upp á 60-dollara.
• Hver sjálfstæður Bólívar verður virði 1/60 af einu Petro.

--M.ö.o. 95% gengisfelling nýja Bólivarsins vs. opinbera virði hins gamla.

Venezuela Adds to Chaos With One of Biggest Currency Devaluations Ever

Venezuela cuts five zeros from currency as economic plan sows confusion

Venezuela lops five zeros off the bolívar to halt economic collapse

Venezuela pegs bolivar to cryptocurrency

• Samhliða þessu er lágmarks-kaup hækkað í landinu um 3.000% - í ca. 30$.

Sé ekki hvernig þetta bjargar hagkerfinu - en væntanlega hækka öll verð í landinu nú rækilega eina ferðina enn, þ.s. aðilar enn starfandi þurfa að fjármagna m.a. - launahækkanirnar.
Þeir aðilar væntanlega meira eða minna allir hækka væntanlega sín verð ca. strax.

--Að tengja gjaldmiðilinn við - rafrænan gjaldmiðil eingöngu, sem á að hafa einhvers konar tengingu við útflutningsverðmæti landsins, en hver sú tenging akkúrat er hefur Maduro aldrei almennilega útskýrt.

--Mér virðist eiginlega, hann geti kallað virði -Petro- hvað sem er á hvaða punkti sem er, og öll opinber verð eiga að vera tengd nú við sveiflur á verði á "Petroinu."

--Þannig Maduro hefur líklega ekki leyst nokkurn vanda. En burtséð frá því hvað hann segir virði gjaldmiðilsins vera - mun svarti markaðurinn væntanlega hefja strax sitt eigið hraða endurmat á virði gjaldmiðils landsins.

--Sem væntanlega þýðir, að nýi Bólivarinn mun væntanlega hrynja ofurhratt í virði þar, eins og gamli Bólivarinn gerði.

Og innan skamms þrátt fyrir mikla hækkun - verða laun líklega aftur lítils sem einskis virði. Í verbólgubáli áætlað yfir 80.000 prósent. 

1. Það skilst mér að sé sögulegt met í S-Ameríku.
2. Annað sögulegt met í S-amerísku samhengi, að hagkerfi Venezúela hefur minnkað um 47% sl. 5 ár - sem slær út allar fyrir efnahagskreppur í S-Ameríku.

Spurning hvaða fleiri met ríkisstjórn Venezúela á eftir að setja?
-------------------

Venezuela’s state oil group agrees $2bn Conoco payout

1. "The total $2bn payout to Conoco is almost a quarter of Venezuela's $9bn in foreign reserves." 
2. "The country is overdue on almost $6bn of debt payments on its international bonds, cutting the country off from fresh credit and prompting creditors to try to seize Venezuelan energy assets in an attempt to force payment."

Þetta er áhugavert að íhuga í því samhengi að gjaldmiðill Venezúela á nú vera tengdur við svokallað Petro - rafgjaldmiðil sem ríkið tengir með óútskýrðum hætti við útflutningsverðmæti landsins.
--En þarna tapar landið á einu bretti - 1/3 af gjaldeyrisforða landsins!

Ríkið er þegar "deault" á erlendar skuldir landsins - Conoco þvingaði Venezúela til þess að greiða þeim þetta fé; vegna þess að Conoco hafði - tekið yfir umtalsvert af eignum ríkisolíufélags Venezúela, erlendis.
--Það var að valda Venezúela verulegum nýjum vandræðum við útflutning á olíu á þessu ári.

Hinn bóginn sýnir þetta að erlendir kröfuhafar eru farnir af stað.
Og þeir vita hvaða takka þeir eiga að íta á!
--M.ö.o. að einu verðmætin sem ríkissjóður landsins á eftir, liggja í olíuförmum sem unnt er að láta taka ef næst til skips á erlendu hafsvæði, eða eignum ríkisolíufélagsins erlendis.

• Að sjálfsögðu grefur þetta undan - Petróinu!
• Fyrir utan að olíuframleiðslu landsins hefur hnignað af öðrum ástæðum um ca. 1/3 nú milli ára, sem er svakalegt -- talið fyrst og fremst af völdum skorts á viðhaldi - og vegna flótta starfsfólks við olíu-iðnað úr landi.

Nú þegar erlendir kröfuhafar eru farnir að sækja í olíueignir landsins.
Samtímis og fátt bendi til annars en hröð hnignun olíu-iðnaðarins haldi áfram.
--Þá er erfitt að sjá annað en endalokin fyrir ríkisstjórn Venezúela nálgist.

• En á endanum, þarf hún að geta greitt her og lögreglu laun að algeru lágmarki.

Hermenn sem og lögreglumenn hafa séð sín laun verða að engu sem aðrir borgarar landsins.
Ein leið fyrir ríkisstjórnina til að tapa snögglega með óvæntum hætti - væri bylting hersins.
--Sem þarf ekki endilega að vera afar ólíkleg útkoma.
--Maduro leitast við að kaupa tryggð hersins, með því að veita herforingjum verðmæta bitlinga.

En í sambærilegu ástandi sem sögulegast mest líkist þessu sem mig rámar í - voru það undirforingjar sem skipulögðu uppreisn.
--Enda líklega einungis hátt settir foringjar er njóta bitlinganna!

• Er væntanlega þíðir að bil milli æðstu yfirmanna hersins og lægra settra undirmanna, fari líklega breikkandi - sem og milli æðstu yfirmanna og óbreyttra.

 

Niðurstaða

Hrun Venezúela heldur áfram - virðist það eina sem er öruggt. Þegar það fer saman að olíuframleiðslu hnignar nú hratt milli ára þ.e. um 1/3 frá sl. ári - samtímis erlendir kröfuhafa farnir að beita eigna-upptökum, til að innheimta skuldir.

--Þá virðist óhjákvæmilegt að það sverfi mjög skarpt að landinu á þessu ári.

Það gæti alveg verið rétt spáð að verðbólga fari langt yfir 100þ. prósent á þessu ári - jafnvel 300-400þ. prósent.

Mig grunar að hrun hraðinn aukist í ár miðað við sl. ár ef eitthvað er.
Og flóttamönnum frá landinu fjölgi hratt á þessu ári - þegar yfir milljón íbúa Venezúela flúnir til Kólumbíu einnar.

--Líklega ekki langt að bíða þess að fleiri verði flúnir frá Venezúela en frá Sýrlandi.

 

Kv.

Áhugaverður fundur Angelu Merkel og Vladimir Putin

Skv. yfirlýsingu Merkelar fyrir fundinn, verður rætt um deilur tengdar Úkraínu og málefni flóttamanna frá Sýrlandi og málefni Sýrlands - meðan að Pútín sagði að þörf væri á aðstoð Evrópu við endurreisn Sýrlands.
--Það áhugaverða er, að þetta er í annað sinn - sem Pútín leggur til við erlendan þjóðarleiðtoga - samvinnu um endurreisn Sýrlands.
--Síðast, sendi Rússland slíkt tilboð til Donalds Trumps - sem var hafnað í Washington.

1. Þetta bendir sterklega til þess að sú ályktun mín sé rétt, að Rússland sé með miklar áhyggjur af Sýrlandi --> Vegna augljóss gríðarlegs kostnaðar við endurreisn.
2. En það virðist blasa fremur augljóslega við --> Að Rússlandi og Íran sé líklega um megn, að standa straum af þeim gríðarlega kostnaði.

• M.ö.o. grunar mig að Pútín sé orðinn örvæntingarfullur út af þessu - þ.s. að flest bendi til þess að án mjög umfangsmikillar aðstoðar fjársterkra aðila utanaðkomandi við þá endurreisn --> Verði Sýrland væntanlega afar stór myllusteinn um háls Rússlands.
• Þar sem Pútín hafi tekið mikið upp í sig - er hann hefur talað um meintan sigur í Sýrlandi --> Þá á hann líklega erfitt með að réttlæta að, pakka saman og halda heim á leið með allt rússneskt hafurtask frá Sýrlandi.
• Sem væri rökrétt ráðstöfun, út af augljósri vangetu Rússlands til að standa straum af þeirri augljóslega þörfu uppbyggingu --> En annars virðist ólíklegt að unnt sé að endurreisa stöðugleika í Sýrlandi.

Ályktunin er einföld - Angela Merkel hafi öfluga vogarstöng.
Þar sem Pútín augljóslega þurfi á þeirri aðstoð að halda!
Spurning hvort Merkel hefur vit til þess að hagnýta sér það - vogarafl.

Merkel and Putin to discuss Syria and Ukraine at landmark meeting

Putin says everything must be done for refugees to return to Syria

Ukraine, Iran and human rights on agenda for talks with Putin: Merkel

Cossacks and flowers as Putin dances at Austrian minister's wedding

Ef marka má fréttir hefur Merkel áhuga á því að almennar kosningar fari fram í Sýrlandi - en raunverulega lýðræðislegar, ekki plat kosningar ásamt þeim umfangsmiklu stjórnarskrárbreytingum innan Sýrlands sem slíkt krefðist. Hún vill sem sagt skapa skilyrði til þess að flóttamenn fáist til að snúa heim - en a.m.k. 5 milljón Sýrlendingar búa enn í útlegð.
Erfitt er að sjá þeir fáist til að snúa heim á leið, nema mjög verulega skárra ástand taki við, þar á meðal - skárra stjórnarfar.
Það virðist einnig að hún vilji rússneska eftirgjöf í A-Úkraínu. En hún virðist hafa áhuga á því að SÞ-taki við stjórnun svæða í A-Úkraínu undir stjórn svokallaðra, uppreisnarmanna. Það mundi ekki koma mér á óvart, ef hún mundi fara fram á samþykki Pútíns fyrir almennum kosningum í héröðunum sem heild; skv. tilboði stjv. Úkraínu um sjálfsforræði þeirra héraða - en sem heildar, ekki sérstaklega fyrir þau svæði sem svokallaðir uppreisnarmenn stjórna.

Góð spurning hvað hún getur prúttað mikið upp úr Pútín - í stað loforðs um fjárhags-aðstoð við uppbyggingu Sýrlands.

Það virðist samt sem áður ekki líklegt annað - en þeirra fundur nú sé frekar upphaf á viðræðuferli, en að stór ákvörðun mundi vera strax tekin.

 

Niðurstaða

Fundurinn í Meseberg höll, þarf ekki endilega vera upphaf stórra breytinga í samskiptum Rússlands og Evrópu. Enda miðað við orð Merkelar - virðist hún ætla sér að krefjast mikils af Pútín í formi stórra tilslakana í málefnum Úkraínu og Sýrlands.

Þá reyni á hversu örvæntingarfullur Pútín er akkúrat þegar kemur að stöðu Sýrlands. En stærð og umfang þeirra tilslakana sem Pútín hugsanlega á enda samþykkir - mun segja sögu um það hversu mikil ónot hann hefur yfir þeim möguleika að hugsanlega standi Rússland eitt uppi með kostnaðinn af Sýrlandi.

En mér grunar persónulega að Pútín hafi nú fremur stór ónot yfir þeirri tilhugsun.
Sem geti þítt að fremur stórar tilslakanir geti verið í boði, ef stór fjárframlög frá ESB verða undir á móti.

 

Kv.

Efnahagsmálaráðherra Bandaríkjanna varar Erdogan við því Bandaríkin íhugi frekari aðgerðir

Steven Mnuchin - sagði að ríkisstjórn Bandaríkjanna væri að sjóða saman frekari aðgerðir gegn Tyrklandi sem mundi koma til greina að grípa til, ef Tyrkland sleppir ekki bandarískum presti sem setið hefur í varðhaldi í Tyrklandi nærri því í ár.
--Mnuching sagði ekki akkúrat hvaða aðgerðir!

Deilan við Bandaríkin kemur eiginlega á versta tíma fyrir Tyrkland.
Vegna þess að hagkerfi Tyrklands er statt á afar viðkvæmum punkti!

IMF program for Turkey would be helpful

Þetta létu aðilar innan ríkisstjórnar Þýskalands hafa eftir sér í fjölmiðlum.
En vandi Tyrklands er í einfaldlega sá, að hagkerfið stefnir í það sem kallað er "stopp."

M.ö.o. framreiknað er gjaldeyrisforði Tyrklands ónógur til að mæta þörfum hagkerfisins.
Eins og áður en Ísland lenti í kreppu 2008 - eru það skuldir einkahagkerfisins er sliga.
--Framreiknuð þörf fyrir viðskiptalíf Tyrklands til að endurnýja lán, sem kostar gjaldeyri.
--Er hærri en nemur gjaldeyrisforða Tyrklands yfir nk. 12 mánaða tímabil.

Turkey finance minister's reassurances win cautious welcome from investors

Fjármálaráðherra Tyrklands hafnaði því að stæði til að leita til AGS - einnig að stefndi í að Tyrkland tæki upp gjaldeyrishöft.

Hinn bóginn, bersýnilega vantar Tyrkland fé -- sannarlega skuldar ríkið sjálft ekki mikið. 
En eins og hrunið á Íslandi sýndi -- geta skuldir einkahagkerfis sligað hagkerfið.

Erdogan can’t sidestep the IMF for long

Þetta er mat greinenda hjá Financial Times:

1. Framreiknuð fjármagnsþörf nk. 12 mánuði - 238 milljarðar.$.
2. Þetta er hærri upphæð en nemur gjaldeyrisforða Tyrklands.

Hinn bóginn, getur Tyrkland ekki leitað til AGS - meðan deila við Bandaríkin stendur yfir.
Síðan mundi AGS krefja Tyrkland um tiltekna tegund af hagstjórn - en erdogan hefur keyrt mjög á aukinni neyslu í seinni tíð til að viðhalda hagvexti, en í staðinn hefur framkallast viðskiptahalli upp á 5% af þjóðarframleiðslu.
--Sem étur upp gjaldeyrisforðann enn hraða - greinilega ósjálfbært ástand.

Þannig að eins og þetta lítur út þá stefnir Tyrklands á það að taka upp gjaldeyrishöft.
Þar sem Erdogan virðist ólíklegur til að leita til AGS.
--Höft gætu verið tyrkneska hagkerfinu mjög erfið, vegna þess hve mikið af tyrkneskum fyrirtækjum í dag eru hluti af framleiðslukeðju er nær út fyrir landamæri.

Það felur í sér svokallað - gegnumflæði, þ.e. íhlutir innfluttir sem kostar gjaldeyri, síðan flutt út samsett vara frá Tyrklandi -- án gjaldeyris mundi slík starfsemi stöðvast einfaldlega.
--Höft geta falið í sér mikla spillingarhættu, sérstaklega ef til staðar í landi - er í reynd einsflokks-kerfi.

M.ö.o. þ.s. þá fara menn að redda gjaldeyri í gegnum kunningjatengls.

• Að sjálfsögðu flækir deilan við Bandaríkin málin.

 

Niðurstaða

Efnahagsvandræði Tyrklands eru minnstum hluta vegna Bandaríkjanna - sú staða að viðskiptalíf Tyrkland sé skuldum vafið, að há prósenta þeirra skulda séu gjaldeyrisskuldir - þannig fyrirtæki þurfa aðgengi að gjaldeyrisforða landsins til að geta greitt.
--Er staða sem er að sjálfsögðu ekki Bandaríkjunum að kenna.

Erdogan hefur verið við völd það lengi í Tyrklandi að hann getur ekki vísað á nokkurn annan.

Hinn bóginn, getur deilan um tiltekna bandaríska einstaklinga sem Tyrkland heldur - vs. kröfu þess um að fá afhendan múslima klerkinn gulem; vafið mikið upp á sig og því skapað verulegan viðbótar skaða.

--Að einu leiti gæti sú deila gert Erdogan greiða, því hún getur gert Erdogan það mögulegt að sannfæra Tyrki um það að yfirvofandi efnahagsleg ógæfa sé Bandaríkjunum að kenna.
--Að því leiti sé hugsanlega tímasetning deilunnar mögulega í og með - heppileg fyrir Erdogan.

Hinn bóginn, er engin skynsemi í öðru fyrir Tyrkland en að sleppa þeim Bandaríkjamönnum lausum sem þeir hafa í haldi. Það geti ekkert gott gert fyrir Tyrkland að láta þá deilu ganga lengra fram!

Hinn bóginn virðist stolt tveggja manna geta þvælst fyrir Erdogans og Trumps.
Báðir eru afar stoltir hvorugir sérstaklega eftirgefanlegir.
--Hinn bóginn, væri það afar ósnjallt fyrir Erdogan að halda deilunni við Bandaríkin til streitu - en mjög einfalt er fyrir Tyrkland að binda endi á deiluna um þá Bandaríkjamenn sem Tyrkland heldur, þ.e. með því að sleppa þeim.
--En sú deila gæti annars mögulega valdið Tyrklandi verulegu viðbótar efnahagstjóni.

Hafandi í huga að Erdogan hefur viljað endurreisa Tyrkland til vegs og virðingar. Er ekkert vit í öðru en að gefa þá deilu eftir fyrir hann og hans ríkisstjórn.

 

Kv.