Ætti Ísland að prófa Tezla trukka?

Loforðin sem Musk gaf voru þau að hámarksdrægi væri liðlega 800km. fyrir langdrægari útgáfuna en - fullyrðing Musks sem sennilega hefur vakið einna mesta athygli, er væntanlega að unnt sé að hlaða rafhlöðupakkann á einungs 30 mínútum, fyrir 640km. drægi.
--Sem væntanlega mundi ekki vera of langt fyrir dæmigert stopp til að fá sér matarbita fyrir bílstjóra.

Skv. umfjöllun Bloomberg: Elon Musk touted ranges and charging times that don’t compute with the current physics and economics of batteries

Gengur þetta lengra en mögulegt er miðað við núverandi þekkta rafhlöðutækni annars vegar og hins vegar þarf mun öflugari hleðslutæki en nú séu í notkun, ca. 10-falt hraðvirkari.
Hinn bóginn, fullyrðir umfjöllun Bloomberg ekki að Musk fari með staðlausa stafi, þeir benda einfaldlega á að til þess að þetta gangi upp - þurfi Musk að hafa eitthvað uppi í erminni sem hann hafi ekki enn gefið upp.

Ef Tezla hafi náð árangri í þróun rafhlaða umfram þær hlöður sem séu til sölu í dag, hafandi í huga að framleiðsla hefst 2019 og sennilega fá flestir kaupendur sem panta bíl í dag ekki farartækið fyrr en ca. 2020 - að innan þess tíma sé alveg hugsanlegt að Musk geti efnt þau loforð.

--Auk þessa fullyrðir Musk að trukkurinn hafi sambærilega burðgargetu og dísiltrukkar.
--Þó bent hafi verið á að til að ná 800km. drægi, þurfi rafhlaðan líklega að vega nokkur tonn - m.ö.o. vera þyngri töluvert en vegur þyngd stórrar dísilvélar og eldsneytistanks fullur af dísil.

Hinn bóginn, segir aðili sem hefir tekið þátt í þróun Tezla trukksins, að tölur Musks standist: Tesla Semi test program partner says that performance specs are for real.

Það getur vel verið að tilraunaeintök í prufu hafi tilraunaútgáfur af rafhlöðupökkum, sem innihalda að einhverju leiti - bætta tækni samanborið við rafhlöðupakka áður í boði.

Elon Musk og Tezla Semi

En ef maður gefur sér að fullyrðingar Musks standist!

Þá virðist alveg full ástæða til þess að íslenskur aðili geri tilraunir með Tezla trukk - en skv. fréttum hafa nú nokkur stór fyrirtæki ákveðið að kaupa í tilraunaskyni fjölda sem nálgast 300stk. -- sem er auðvitað dropi í hafið miðað við framleiðslu per ár í Bandar. sem kvá vera yfir 200þ. trukkar per ár.

Can the Tesla Semi perform?

En það virðist tilgangur fyrirtækjanna - að kaupa lítinn fjölda í tilraunaskyni.

1. En ef ríkisstjórn Íslands er alvara með rafvæðingu íslenska bifreiðaflotans.
2. Þá augljóslega blasir það við að full ástæða er til að hefja tilraunir sem fyrsta með rafmagnsdrifna trukka.

En drægið, ef þær tölur standast, ekki síst þetta með 640km. drægi eftir 30 mínútur í hleðslu -- þá er a.m.k. drægi fullkomlega praktískt miðað við íslenskar aðstæður.

Skv. Tezla fyrirtækinu er trukkurinn ákaflega öflugur -- virðist verulega aflmeiri hvað tork varðar en gerist og gengur með dísiltrukka.

Það ætti auðvitað að veita honum mjög gott afl í brekkum -- sem og auðvitað gott afl við erfiðar aðstæður, t.d. þunga færð.

Ég held að enginn bílstjóri muni taka því illa -- að hafa meira afl.

--Trukkurinn á að vera 20 sek. í hundraðið fullhlaðinn, 36 tonn.
--Sem væntanlega þíðir, að fullhlaðinn fylgir hann fullkomlega umferðarhraða og tekur af stað í takt við hröðun venjulegra bílstjóra sem ekki eru að flíta sér, ætti að halda algerlega hraða upp flestar brekkur.

Þó það ætti eftir að koma í ljós, hve mikið mundi ganga á rafhlöðu ef aflið væri notað með þeim hætti.

 

Niðurstaða

Ekki er hægt að neita því að mikilvægur kostur rafvæðingar umferðar, væri sparnaður í eldsneytiskaupum. Um það munar þjóðfélagið örugglega töluvert - fyrir utan auðvitað minnkaða loftmengun.

Hvor tveggja markmiðin eru út af fyrir sig góð, burtséð frá alþjóðamarkmiðum tengd loftslagi.

En ef ríkisstjórn Íslands er alvara með grænt Ísland 2040 - sannarlega þarf að drífa í því að keyra á rafvæðingu bílaflotans; trukka ekki síður.

 

Kv.

Kína skilgreint strategískur keppinautur í nýrri stefnuyfirlýsingu um framtíðar öryggi Bandaríkjanna

Fyrir áhugasama - hlekkur á texta plaggsins: National Security Stragegy of the United States of America, December 2017.

Skjalið sjálft er greinilega skrifað af embættismönnum og er - ef út í það er farið - ekki sjokkerandi; nema fyrir það sem vantar í það.
En í því er ekki eins og var í tíð Obama - hnattræn hlýnun skilgreind sem alvarlegt framtíðar öryggisvandamál fyrir Bandaríkin, heldur fjallað um hlýnun undir lið sem fjallar í grunninn um fyrirhugaða sókn Bandaríkjanna í orkumálum; m.ö.o. í kafla með áherslu á auðlyndanýtingu.
En enginn vafi getur verið að hlýnun af mannavöldum er alvarlegt framtíðar öryggismál fyri Bandaríkin -- t.d. skilgreinir PENTAGON hnattræna hlýnun af mannavöldum með slíkum hætti.

Ræða Trumps sjálfs virtist mun "aggressívari" en texti skjalsins, sjá videó:

Umfjöllun fjölmiðla:

Trump sets out national security strategy of ‘principled realism’ and global competition

Trump labels China a strategic ‘competitor’

President Trump Stresses 'America First' in National Security Strategy Speech

Ég er eiginlega sammála greiningu þessa manna:

"Nicholas Burns, a Harvard Kennedy School professor and senior State Department official." - "He is right about the philosophical point but all his practical policies undercut it," -

"C. Fred Bergsten, veteran trade expert at the Peterson Institute of International Economics, agreed." - "There’s a germ of truth in what he says," - "Bergsten conceded. U.S. policy has failed to choke off intellectual property theft, especially in China." - "...his overarching point that these are terrible [trade] deals, that they adversely affect U.S. economic interests, he’s never offered a shred of proof of that."

Trump viðhefur "confrontational" aðferðafræði - sem virðist fyrst og fremst, skaða hans eigin yfirlýstu markmið.

Og ákvörðunin um að hætta í - TPP - hafi verið augljós mistök.

En hlutverk - TPP - var einmitt að veita mótægi við vaxandi áhrif Kína í alþjóðaviðskiptum.

TPP - átti að festa í sessi viðskiptareglur er væru bandarískum fyrirtækjum hliðhollar.

--Hinn bóginn, virðast aðrar aðildarþjóðir samkomulagsins ekki hafa sjálfar afskrifað það, heldur staðið í samningum sín á milli þ.s. þætti þurfti að endurskrifa er Bandaríkin gengu út; og virðast stefna að því að samningurinn gildi þeirra á milli.
--Er skapar þann tæknilega möguleika að Bandaríkin gangi aftur inn síðar, en þá væri hann auðvitað ekki eins aðlagaður að hagsmunum bandarísku fyrirtækjanna og hann hefði verið.

• En punkturinn er, að útgangan var ókeypis gjöf til Kína.

Skilaboð til landa við Kyrrahaf, að Bandaríkin væru ekki að veita samkeppni á sviðum viðskipta við Kína.
Það megi því velta því fyrir sér, þ.s. hin nýja stefnuyfirlýsing bandaríkjastjórnar talar um að auka áhrif Bandaríkjanna í viðskiptum; hvernig ríkisstjórn Bandaríkjanna hyggst ná því markmiði.

En fram að þessu er eina landið sem ég veit til að hefur íhugað alvarlega tvíhliða viðræður við ríkisstjórn - Trumps; Bretland.
Það virðist lítill vilji þjóða almennt að prófa það módel, þó Trump hafi talað það upp.

Fjölþjóða-samningamódelið virðist komið til að vera.
Hvort sem Trump líkar betur eða verr!
Og þá geta Bandaríkin einfaldlega ekki - ráðið öllu.

 

Niðurstaða

Málið með Trump og fólk á svipuðum skoðunum - er að það fólk er í raun og veru að hengja bakara fyrir smið. M.ö.o. er þetta klassíska forna aðferðin að setja sökina á útlendinga, af vanda sem er í raun og veru orsakaður heima fyrir!

Með því, að beina sökinni út á við, beina reiði annað - þá stundum vonast menn til þess að komast hjá því að breyta því sem þyrfti að breyta ef laga ætti það vandamál sem viðkomandi segist vilja fást við.

En viðskiptahalli Bandaríkjanna - hefur mest að gera með þá stöðu dollarsins að vera helsta viðskiptamynnt heimsins, en það kallar á stöðugt útstreymi dollara frá Bandaríkjunum - til að viðhalda nægu flæði dollara um alþjóðakerfið.

Málið er að viðskiptahallinn er ekki - endilega galli, vegna stöðu dollarsins. Þar sem á meðan að alþjóðleg viðskipti fara stærstum hluta fram í dollar. Þá helst það ástand - vegna þess að önnur lönd sjálf stunda dollaraviðskipti - að þær eru tilbúnar að selja Bandaríkjunum sinn varning í dollurum.

Meðan að dollarinn hefur þá stöðu - fylgir viðskiptahalla Bandaríkjanna nákvæmlega engin hætta, akkúrat engin. En meðan njóta bandarískir neytendur þess hagræðis, sem raunverulega þvert á fullyrðingar Trump eykur lífskjör Bandaríkjamanna verulega umfram það ástand sem annars væri; að geta keypt varning þaðan sem hann er ódýrast fenginn.

--En um leið og þetta þægindaástand hætti, ef það þíddi að Bandaríkin sjálf yrðu að greiða fyrir innflutning með gjaldeyri - þá umpólaðist rökrétt hættumatið í sambandi við innflutning, þ.s. þá gæti hann skapað skuldir í gjaldmiðlum sem Bandaríkin geta ekki prentað.

--Hversu stór viðskiptahallinn er stjórnast þá fyrst og fremst af efnahag Bandaríkjanna, þ.e. því meiri hagvöxtur - því hærri er dollarinn gagnvart öðrum gjaldmiðlum; sem eykur sjálfkrafa viðskiptahallann sem þá sjálfrkrafa eykur útflæði dollara inn í alþjóðahagkerfið frá Bandaríkjunum.

Aðrar þjóðir gjarnan nota þá útflæddu dollara til kaupa á eignum innan Bandaríkjanna, m.ö.o. erlend fjárfesting.
En staða dollarsins - að dollarar stöðugt flæða frá Bandaríkjunum - örugglega er einnig stór þáttur í því hvers vegna Bandaríkin yfirleitt fá mjög mikla erlenda fjárfestingu.

• Það má segja Bandaríkin sjálf fjármagni mikið til þá fjárfestingu með sínum viðskiptahalla.
  --Fái þannig viðskiptahallann töluvert til baka.

Ég er m.ö.o. í öllum meginatriðum fullkomlega ósammála Trump og hans fylgismönnum, um meinta skaðsemi erlendra viðskiptasamninga fyrir bandarískt efnahagslíf og almenning.

 

Kv.

Skemmtilegt að Bandaríkin nýlega hafi verið að rannsaka fljúgandi furðuhluti - en hverjir gætu þeir verið, ef maður gerir ráð fyrir að raunverulega sé um verur annars staðar frá?

Eðlilega þurfa menn fyrst að útiloka veðurfyrirbrigði og hugsanlegar ofurhraðskreiðar njósnavélar - Lockheed SR-71 var t.d. fær um a.m.k. MAC 3 - en vitað hún gat farið hraðar. Geta búks og krams að ráða við hita vegna loftmóttstöðu hafi takmarkað hraðann. Ekki má heldur gleyma: North American XB-70 Valkyrie.

Valkyrie MAC 3 tilraunavélin - "waverider."

En hugmyndin af henni var að hún mundi liggja ofan á hljóðfráum öldufaldi. Tilraunir sýndu að það virkaði, að hún var fær um flug á þreföldum hljóðhraða.
--Einungis 2-eintök smíðuð. Önnur fórst þegar lítil herþota rakst á hana á flugi.

Valkyrie enn á lofti en stjórnlaus eftir árekstur

Flugmaður búinn að skjóta sér út "escape captsule"

Óvænt endaði tilraunaflug einstaks tvö með raunprófun á björgunarbúnaði vélarinnar, því miður fórst flugmaður fylgdarvélar og aðstoðarflugmaður stóru þotunnar sem einhverra hluta vegna skaut sér ekki út.

Síðan auðvitað eru njósnadeildir Bandaríkjanna með tilraunir uppi með ofurhraðskreiðar vélar, svokallaðar "scramjets" - Scramjet programs og ekki má heldur gleyma "stealth planes" en það hefur verið sterkur orðrómur um svokallaða: Aurora (aircraft). 

Það þarf alls ekki vera að slík vél hafi verið tekin í notkun, en það hljómar nægilega sennilegt að peningum hafi verið varið til þróunar slíkrar vélar og henni hafi verið flogið.

En Bandaríkin hafa prófað fjölda véla í gegnum árin, sem aldrei voru teknar í notkun.
Og gjarnan liðu mörg ár áður en almenningur fékk að vita!
--Ein hugmynd hefur verið vél "airbreathing rocket" þ.e. vél sem andar súrefni svissar síðan yfir í að virka eins og eldflaugarhreyfill með vökvaeldsneyti.
--Slík vél gæti tæknilega flogið á sambærilegum hraða eins og SR-71 "airbreathing" en svissað yfir á hina virknina til að ná meiri hraða og flughæð á ferð yfir sérstakt hættusvæði - en eldsneytisbrennsla væri líklega mikil.

Breskt fyrirtæki er að þróa slíkan mótor: SABRE (rocket engine). Fyrir þeirra hugmyndir að framtíðar geimskutlu fyrir Evrópu.

Sjónarvottar virtust heyra að mótorinn hljómaði með öðrum hætti, sem gæti verið tilraunaflug að prófa - að svissa milli "airbreating mode" og "rocket mode."
--Það þarf alls ekki vera að þær tilraunir hafi borið nægan árangur.
--Enda rökrétt að "rocket mode" brenni miklu eldsneyti er leiði til takmarkaðs drægis.

Auðvitað meðan að slík vél væri "black budget" mundi slík rannsókn sem vitnað er til í erlendum fjölmiðlum - líklega ekki hafa "clearance" til að komast í gögn um slíkar tilraunavélar þó rannsóknin hefði verið innan PENTAGON:

Glowing Auras and ‘Black Money’: The Pentagon’s Mysterious U.F.O. Program

The Pentagon’s secret search for UFOs

 

En hverjir væru þeir ef um verur annars staðar frá væri að ræða?

Endalausar pælingar hafa dúkkað upp á netinu - milli 2000-2010 voru "alien" pælingar á netinu afskaplega vinsælar - þó þær hafi verið mun síður áberandi eftir 2010.

Ein skemmtileg leið væri pæling á grunni -- Kardashev skala: Kardashev scale.

1. En ef alheimurinn er raunverulega endaust "multiverse" sem allaf hefur verið til.
2. Og saman fer að einstakir alheimar eru ekki byggilegir endalaust.
3. Og ef í þriðja lagi, mögulegt er að finna leið til að sleppa úr alheimi sem er við það að verða ólífvænlegur.

--Þá vaknar auðvitað næsta spurning, hvert færu slíkar verur er hafa sloppið.

Möguleikar væru:

1. Inn í annan alheim.
2. Eða, að möguleg tilvist sé í því einhverju sem til staðar er á milli alheimanna.

• Ef það síðara ætti við - kæmi viðbótar spurning.

1. Hvort það væri mögulegt að finna leið til að hafa áhrif á myndun nýrra alheima - þaðan sem alheimar myndast.
2. Ef svo er --: Þá værum við að tala um, guð.

Þar sem við erum að tala um óendanleika - þá er allt óendanlegt - þar á meðal, að ef hægt er að sleppa út úr alheimum, hefur það gerst óendanlega oft, og ef unnt er að hafa áhrif á myndun alheima fyrir verur staddar utan alheimanna í því sem við gætum nefnt 4. víddina er skilgreinir rými; þá væru þær verur - guð eða guðir.
--Skv. sama óendanleika væri fjöldi tilvika - óendanlegur!

1. Stærsta kenningin væri sem sagt - að ef verur annars staðar frá er um að ræða.
2. Að þá sé um eigendur alheimsins að ræða - verur sem hefðu skapað hann, og væru eins og ímyndaðir vísindamenn að stúdera eins og í tilraunaglasi það sem verður til í því sköpunarverki.

Hið augljósa er auðvitað að verur annars staðar frá eru mögulegar.
Og ef þær væru tæknileg séð langt á undan okkur, ættu þær að geta ferðast hingað og geta fylgst með, án þess að Jarðarbúar hafi neitt um það að segja eða verði mikið varir við.

--Engin af þeim pælingum er sannanleg svo vitað sé.

 

Niðurstaða

Pælingar um verur frá öðrum hnöttum eru skemmtilega þó svo að möguleikar til sönnunar virðast ekki miklir. Rökrétt séð ættu háþróaðar verur að geta ferðast hér um án þess að Jarðarbúar fái rönd við reist - þrátt fyrir miklar tækniframfarir.

Hverjar þær geta verið - á því eru nánast óendanlegir möguleikar.
Skemmtilegasta pælingin gæti verið pæling á grunni, Kardachev scale.

1. Það væri þá kenning um guð, á þeim grunni að verur sem hafa sloppið út úr öðrum alheimum, séu guð.
2. Þannig að - "god is an emergent phenomena of the multiverse."

Það væri þá kenningin á grundvelli óendaleikans - á grunni þess að unnt sé að sleppa úr alheimi áður en sá verður óbyggilegur - að unnt sé fyrir mjög háþróaðar verur sem þannig hafa sloppið að hafa áhrif á nýmyndun alheima, eftir þær hafa komið sér fyrir utan alheima.

Þá bjó enginn guð til - heldur sé guð rökrétt jafnvel óhjákvæmileg afleiðing ofangreinds "multiverse."
-----------------

Það má auðvitað ekki gleyma margvíslegum tilraunavélum á vegum njósnastofnana Bandar. stjórnvalda og NASA.

 

Kv.

 

 

 

G

M

T

 

Detect languageAfrikaansAlbanianArabicArmenianAzerbaijaniBasqueBelarusianBengaliBosnianBulgarianCatalanCebuanoChichewaChinese (Simplified)Chinese (Traditional)CroatianCzechDanishDutchEnglishEsperantoEstonianFilipinoFinnishFrenchGalicianGeorgianGermanGreekGujaratiHaitian CreoleHausaHebrewHindiHmongHungarianIcelandicIgboIndonesianIrishItalianJapaneseJavaneseKannadaKazakhKhmerKoreanLaoLatinLatvianLithuanianMacedonianMalagasyMalayMalayalamMalteseMaoriMarathiMongolianMyanmar (Burmese)NepaliNorwegianPersianPolishPortuguesePunjabiRomanianRussianSerbianSesothoSinhalaSlovakSlovenianSomaliSpanishSundaneseSwahiliSwedishTajikTamilTeluguThaiTurkishUkrainianUrduUzbekVietnameseWelshYiddishYorubaZulu

AfrikaansAlbanianArabicArmenianAzerbaijaniBasqueBelarusianBengaliBosnianBulgarianCatalanCebuanoChichewaChinese (Simplified)Chinese (Traditional)CroatianCzechDanishDutchEnglishEsperantoEstonianFilipinoFinnishFrenchGalicianGeorgianGermanGreekGujaratiHaitian CreoleHausaHebrewHindiHmongHungarianIcelandicIgboIndonesianIrishItalianJapaneseJavaneseKannadaKazakhKhmerKoreanLaoLatinLatvianLithuanianMacedonianMalagasyMalayMalayalamMalteseMaoriMarathiMongolianMyanmar (Burmese)NepaliNorwegianPersianPolishPortuguesePunjabiRomanianRussianSerbianSesothoSinhalaSlovakSlovenianSomaliSpanishSundaneseSwahiliSwedishTajikTamilTeluguThaiTurkishUkrainianUrduUzbekVietnameseWelshYiddishYorubaZulu

 

 

 

Text-to-speech function is limited to 200 characters

 

Options : History : Feedback : Donate

Close

Samyrkjubú í Venezúela stofnar eigin gjaldmiðil - eigið svar við hratt vaxandi peningaskorti í Venezúela

Þetta segir mér að efnahagskerfið í Venezúela sé að brotna niður, enn frekar. En landið er þjakað af óðaverðbólgu langt yfir 1.000%. Ástand sem þíðir - ef seðlabankinn er ekki fljótur að innleiða seðla með enn fleiri núllum - að líklega þarf að borga fyrir flesta hluti; með gíðralega stórum haugum af seðlum.

Slíkt þíðir auðvitað óskaplega seðlanotkun.
Ég hugsa að frekari ástæðna fyrir peningaskorti sé ekki þörf.

Líklegast sé tregða við að innleiða seðla með verulega fleiri núllum.

Venezuelan community group launches currency to combat cash shortage

Poor Venezuelans launch local currency amid cash crunch

Mynd sýnir Panalinn

Dálítið sérstakt að það sé samyrkjubú rekið af stuðningsmönnum stjórnarinnar, sem hefur útgáfu gjaldmiðils -- sem reka skal samhliða opinbera gjaldmiðlinum

""There is no cash on the street," said Liset Sanchez, a 36-year-old housewife who plans to use her freshly printed panals to buy rice for her family. "This currency is going to be a great help for us.""

Skv. fréttinni ætlar samyrkjubúið að selja seðlana sína - Panal - á verðinu 5.000 -Bolivares. Einmitt, fimmþúsund bólivara.

Skv. frétt jafngildi það einum bandar. dollar og 50 bandar. centum.

"Initially 62,000 bills have been printed — ones, fives and 10s, he said."

Samyrkjubúið sem starfar í einu fátækrahverfa Caracas - framleiðir hrísgrjón, og ætlar að heimila verslunum í hverfinu að taka við Panalnum, þ.s. hrísgrjónaframleiðsla samyrkjubúsins verði til sölu.

Væntanlega notar samyrkjubúið Bólivarana sem það fær þá í skiptum - til kaupa varnings fyrir samyrkjubúið.

• Von samyrkjubúsins sé þó að Panallinn fái víðtækara samþykki síðar.

Það sé óneitanlega áhugavert að samyrkjubúið skuli verðleggja sinn eigin gjaldmiðil í hlutfallinu -- 1/5.000 á móti gjaldmiðli landsins.

Sérstaklega hafandi í huga að þeir telja sig enn vera stuðningsmenn stjórnarinnar.

 

Niðurstaða

Það bendi til niðurbrots hagkerfis þegar svæðisbundnir gjaldmiðlar fara að spretta fram. Síðast frétti ég af slíku í því efnahagslega niðurbroti sem Argentína gekk í gegnum upp úr 2000. Áður en Argentína gafst upp á "currency bord" kerfi sínu.

En "currency bord" getur einmitt orsakað peningaþurrð innan hagkerfis - í tilteknum krísutilvikum. Þá spruttu um hríð fram fjöldi ópinberra svæðisbundinna gjaldmiðla - er svæðisbundnir aðilar leituðust við að halda uppi fúnkerandi hagkerfi á þeirra svæðum.

--Þetta sé viðbótar vísbending líklega að efnahagsástand Venezúela sé á ysta barmi hengiflugs.

 

Kv.

Sendiherra Bandaríkjanna hjá SÞ - kallaði eftir samræmdum aðgerðum þjóða heims að bregðast gegn hnattrænni vá, Íran

Það hefur verið ljóst síðan Trump í samsæti með samtökum gyðinga rétt fyrir forsetakosningar í Bandaríkjunum haustið 2016 og sagði Íran helsta útbreiðsluaðila hryðjuverka í heiminum -- að Donald Trump tæki algerlega hlið Saudi Arabíu, Persaflóa Araba og Ísraels í deilum þeirra landa við Íran.
--Þar með að hann kysi að standa með Súnní Arabaríkjum gegn Shítum í trúarstríði sem hefur vaxandi mæli skekið Mið-Austurlönd.
--Megin fókus þeirra átaka hefir verið átök Írans og Saudi Arabíu - og proxy átök bandamanna Írans ásamt Íran - við bandamenn Saudi Araba og Saudi Arabíu.
--Kalt stríð sem samtímis er trúarstríð.

In first, U.S. presents its evidence of Iran weaponry from Yemen

Missile debris 'proof' of Iran's UN violations

 

Nikki Haley sendiherra Bandaríkjanna hjá Sameinuðu Þjóðunum

Haley var með fréttamannafund í flugskýli bandaríska flughersins rétt utan við Washington DC

Þar hvatti hún þjóðir heims til sameiginlegs átaks gegn Íran. Að baki henni mátti sjá málmhluti sem hún sagði leyfar margvíslegra íranskra vopna. Sem Íran hefði dreift m.a. til Húthí hreyfingarinnar í Yemen. En nýverið hafa Saudi-Arabar tvisvar skotið niður flugskeyti sem stjórnvöld í Riyadh hafa sagt hafa verið sköffuð Húthí hreyfingunni af Íran.

Íran hefur alltaf hafnað slíkum ásökunum!

1. "Under a U.N. resolution that enshrines the Iran nuclear deal with world powers, Tehran is prohibited from supplying, selling or transferring weapons outside the country unless approved by the U.N. Security Council."
2. "A separate U.N. resolution on Yemen bans the supply of weapons to Houthi leaders."

Haley er að vinna því fylgis innan Sameinuðu Þjóðanna - að samþykktar verði nýjar alþjóðlegar refsiaðgerðir gagnvart Íran.

Ég er viss að hún verður daufheyrð - en Rússland mundi án nokkurs vafa beita neitunarvaldi gegn ályktun af slíku tagi. Kína mundi sennilega einnig það gera!

Ég efa fremur en hitt að Evrópulönd - fyrir utan hugsanlega Frakkland undir Macron og Bretland undir May - taki undir slíka kröfu. Enda Saudí-Arabía ekki endilega vinsæl í Evrópu. Og ríkisstjórn Trumps er það ekki heldur.

Fyrir utan það, að í 3-ár hefur Saudi-Arabía háð mjög blóðugt stríð í Yemen þar sem gríðarlegt tjón hefur verið unnið með loftárásum á menningarverðmætum þar á meðal verðmætum á lista SÞ-yfir alþjóðlega mikilvæg fyrir mannkyn allt, söguleg menningarverðmæti.

Fyrir utan að manntjón almennra borgara í þeim loftárásum hefur verið mikið.

• Hafandi í huga að ekkert manntjón hefur enn orðið í Saudi-Arabíu af völdum þeirra flugskeyta - þá er samúð mín með kröfu Nikki Haley ekki gríðarleg.

1. Auk þessa sé ég ekkert gott líklegt hafast upp úr því, ef Evrópa mundi eins og ríkisstjórn Trumps greinilega er að gera.
2. Taka hlutdræga afstöðu með öðrum deiluaðilanum - í trúarstríði innan Mið-Austurlanda.

Hættan á hryðjuverkum í Evrópu er næg fyrir - svo menn fari ekki að tryggja óvináttu Shíta gagnvart Evrópu af óþörfu. Ég er ekki að tala um - að styðja frekar Íran.

Heldur hlutleysi - að halda sér frá öllum beinum afskiptum af trúarátökum milli Múslima á svæðinu. Nema hugsanlega að bjóða - milligöngu ef möguleiki til þess gæti skapast.

• Síðan auðvitað er enn til staðar töluvert vantraust gagnvart slíkum sönnunarfærslum af hendi Bandaríkjamanna - í minningu fullyrðinga Bush stjórnarinnar á sínum tíma, ófrægir fréttamannafundir Powells koma upp í minningunni.

Ég er ekki að segja að þetta sé allt örugglega lýgi.
Það geti vel verið að Íran sé að senda vopn til Hútha - ekki endilega ótrúlegt.
En ég get ekki séð það sem verri glæp - en stríðsglæpi Sauda og bandamanna Sauda í Yemen.
--M.ö.o. sé ég ekki meintar eða raunverulegar vopnasendingar Írana sem næga ástæðu til að taka undir kröfu Haley, alls ekki.

 

Niðurstaða

Trump hefur endurvakið stöðu Írans sem óvinar númer 1 - í samhengi Mið-austurlanda, sem viðhöfð var í forsetatíð George Bush. Ekki virðast miklar líkur á beinni hernaðarárás gegn Íran. En mjög greinilegt er þó hvernig Trump tekur algerlega án sjánalegs fyrirvara undir málstað Saudi Araba og Ísraels gegn Íran. Að ríkisstjórn Trumps virðist miklu mun líklegri til að kynda undir - trúarstríðinu innan Mið-Austurlanda, en að gera tilraun til þess að settla málin; sem virtist vera langtíma stefna sem Obama vildi stefna að.

Þetta gerir auðvitað að engu þann möguleika er virtist til staðar um hríð í forsetatíð Obama - að Vesturlönd og Íran, gætu sæst.
En eina leiðin til að binda endi á átökin er skekja Mið-Austurlönd, er stór sátt milli megin fylkinganna.
--Að taka gagnrýnislaust upp málstað annarrar fylkingarinnar gegn hinni, hefur þveröfug áhrif að kynda undir þeim átökum.

Trump er greinilega ekki sá friðarins maður sem sumir stuðningsmenn hans sögðu hann vera!

 

Kv.

Skattalækkanir Trump stjórnarinnar líklega munu auka verulega viðskiptahalla Bandaríkjanna - gæti aukið líkur þess að Trump skelli á einhliða verndartollum

Málið er að "Trump team" er svo arfa vitlaust í hagfræði að Hollywood handritahöfunda mundi líklega skorta ímyndunarafl til að skálda upp þá vitleysu - sem er hagstjórnarsýn "Trump team."

En skv. nýjustu fréttum bendir flest til þess að Repúblikönum muni takast ætlunarverk sitt að innleiða verulegar skattalækkanir fyrir árslok - þar á meðal bendi flest til að skattur á fyrirtæki verði settur í 21% í stað 35%: Congress secures tax deal, Trump backs 21-percent corporate rate.

Í fréttum alþjóðafjölmiðla er einnig frétt þess efnis að "US Federal Reserve" eða seðlabanki Bandaríkjanna - fyrirhugi þrjár vaxtahækkanir á nk. ári: Fed flags three more rate rises in 2018.

Til viðbótar er rétt að nefna að núverandi hagvaxtarskeið í Bandaríkjunum - hófst 2015, þó hagvöxtur það ár hafi verið mjög hægur - hafi það verið fyrsta árið eftir kreppuna sem hófst lokaár Bush stjórnarinnar þ.s. hagvöxtur mældist alla mánuði ársins.

Lokaár Obama við völd eða 2016 fór þessi hagvöxtur að kippa við sér, sú hagsveifla hefur síðan haldið áfram - eftir að Trump tók við. En loforð um skattalækkanir hafa aukið bjartsýni atvinnulífsins, þó að eðlilega hafi loforð ein og sér lítil áhrif umfram það.

Jafnhliða hefur dregið úr atvinnuleysi og er það nú orðið -- mjög lágt, miðað við það sem Bandaríkin eiga almennt að venjast: United States Unemployment Rate | 1948-2017 | Data | Chart.

"The US unemployment rate held at 4.1 percent in November of 2017, the same as in October and in line with market expectations. It is the lowest jobless rate since February of 2001."

1. Höfum í huga að atvinnuleysi var þegar komið í 6% 2016 - hefur síðan haldið áfram að lækka. Þetta er lítið atvinnuleysi miðað við - mjög stórt iðnríki.
2. "US FED" mun því rökrétt óttast yfirhitun hagkerfisins - á nk. ári af völdum skattalækkananna.

--Það má því reikna með því að vaxtahækkanir "US FED" geti orðið hressilegar.
--Sem rökrétt orsakar þá samsvarandi gengisris dollarsins gagnvart öðrum gjaldmiðlum.
--Sem þíðir að sjálfsögðu, bættan kaupmátt dollars gagnvart innfluttum varningi.

Þar með, veruleg aukning viðskiptahalla fullkomlega óhjákvæmileg!

Þetta gæti samt aukið tímabundið hagvöxt, því vaxandi kaupmáttur og innflutningur þíddi líklega -- veruleg neysluaukning innan Bandaríkjanna.
Stærsti einstaki þáttur bandaríska hagkerfisins -- er neysla.

--En nýr "ofurdollar" mundi að sjálfsögðu draga enn frekar mátt úr bandarískum útflutningsfyrirtækjum.
--Þannig vega harkalega að grunn stefnu Donalds Trumps -- sbr. loforð hans um verksmiðjurnar heim.

Hann stendur í margvíslegum deilum við önnur ríki, akkúrat í tilraun að draga úr viðskiptahalla.

 

Á sama tíma er stefna Donalds Trumps að draga úr viðskiptahalla!

Líkur þess að Donald Trump og "Trump team" átti sig alls ekki á ofangreindu samhengi - að skattalækkanir sem líklega leiða til þess að fólk heldur eftir meira af eigin peningum -- mun líklegast leiða til verulegrar aukningar viðskiptahalla; virðast mér yfirgnæfandi.

1. Viðbrögð Trumps og samningateymis Trumps um viðskiptamál - hafa fram að þessu öll verið á þeim tón; að kenna viðskiptalöndum Bandaríkjanna um viðskiptahallann.
2. Það virðist því sennilegt að í þeirra hugarheimi - muni þeir líta á gengislækkun annarra gjaldmiðla gagnvart Dollar; af völdum vaxtahækkana "US FED."
3. Sem sönnun þess, að erlend viðskiptalönd -- séu með "currency manipulation" í gangi, sér í hag. En það virðist alltaf viðkvæði "Trump team" að kenna öðrum löndum um sérhverja þá þróun - sem þeim líst illa á.
4. Það mun líklega engin áhrif hafa á þá, þó þeim verði bent á hið rétta orsakasamhengi - enda virðist skilningur "Trump team" á efnahagsmálum - hafa sáralítil veruleikatengsl almennt, þeir vera staddir í eigin hugarheimi.

Líklegt virðist að "Trump team" verði sífellt reiðara eftir því sem 2018 vindur fram, er vaxtahækkun eftir vaxtahækkun - hækkar dollarinn stöðugt meira gagnvart öðrum gjaldmiðlum.
Trump team, muni líklega telja sér trú um - að það þurfi að bregðast við þessari "currency manipulation" viðskiptaþjóða Bandaríkjanna; með því sem "Trump team" líklega mundi álíta - réttmætar varnaraðgerðir.

Ég er að tala um - viðskiptastríð!

Rétt að nefna að viðræður milli samningamanna Trump stjórnarinnar, og Kanada og Mexíkó - hafa staðið mánuðum saman; verið ákaflega eriðar.
Enda "Trump team" með uppi öldungis fáránlegar hugmyndir!

1. Fyrirtæki hafa t.d. bent á að krafan um 51% "US content" þ.e. íhlutir yrðu meirihluta vera framleiddir í Bandríkjunum -- mundi leiða til þess að mörg fyrirtæki mundu kaupa íhluti frá löndum utan við NAFTA.
2. Slíkt tel ég trúverðuga hótun, vegna þess mikla eftirlitskostnaðar sem hugmynd "Trump team" mundi fela í sér - en væntanlega treysta þeir ekki fyrirtækjunum að framfylgja þessu án reglulegs eftirlits -- en fyrirtækin mundu sleppa við þann kostnað, ef verksmiðjur í þeirra eigu t.d. í Kína mundu fá íhlutaframleiðslu til sín.

1. Hugmynd um endurskoðun NAFTA á 5-ára fresti, er sprenghlægileg. En skv. kröfu "Trump team" mundi NAFTA leggjast af - nema þjóðirnar samþykktu á 5 ára fresti.
2. En slíkt mundi skapa slíka óvissu, að ekkert fyrirtæki mundi þá fjárfesta hvorki innan Bandaríkjanna né í Kanada eða Mexíkó - á grunni NAFTA.

Eðlilega var þeirri hugmynd einfaldlega hafnað. Síðast er ég vissi hafði "Trump team" þá ekki gefið hana upp.

Ríkisstjórn Trumps virðist þegar svo "hostile" gagnvart gildandi viðskiptasamningum.
En "Trump team" kennir viðskiptasamningunum um - viðskiptahallann.

--Þó sannleikurinn sé í reynd sá að viðskiptahallinn sé raunverulega fyrst og fremst, neysla.
--Almenningur velji ávalt ódýrari varninginn - því hærri sem hagvöxtur er innan Bandaríkjanna, því hærri eru seðlabankavextir í Bandaríkjunum.
--Þá verður ódýri varningurinn alltaf sá innflutti.

Með öðrum orðum, bandarískur viðskiptahalli hefur nær eingöngu orsakasamhengi innan Bandaríkjanna sjálfra.
Með því að kenna um slæmum útlendingum sé "Trump team" að hengja bakara fyrir smið.

 

Niðurstaða

Mín skoðun á ríkisstjórn Bandaríkjanna er sú - að sú ríkisstjórn sé sennilega sú allra heimskasta sem við völd hefur verið innan Bandaríkjanna; síðan ríkisstjórn Hoovers forseta 1929-1933 var við völd.

Rétt að ryfja upp að Hoover setti einmitt á verndartolla sem meirihluti hagfræðinga eftir Síðari Heimsstyrrjöld hefur kennt um - hversu slæm heimskreppan á 4. áratugnum varð.

En rökrétt mundi sambærileg ný verndarstefna Bandaríkjanna, einnig hafa bælandi áhrif á hagvöxt í heiminum - og auðvitað samtímis innan Bandaríkjanna.

En einmitt vegna þess, að hagvöxtur í Bandaríkjunum sé stærstum hluta neysludrifinn - þá gæti verndartollastefna snúið hagvexti við í samdrátt á skömmum tíma -- en þá mundu verð á innfluttu hækka í takt við þá tolla.

En vandinn er sá að önnur lönd mundu setja tolla á móti á Bandaríkin -- þannig mundi neysla og útflutningur dragast saman samtímis; alveg eins og gerðist í kjölfar ófrægrar lagasetningar í tíð Hoovers, sbr. Smoot–Hawley Tariff.

 

Kv.

Trump leggur mikið undir í stuðning við Roy Moore - er sætir harkalegum ásökunum fyrir kynferðisáreiti, en kosið er um sæti Öldungadeildarþingmanns í Alabama

Roy Moore virðist eins og sniðinn fyrir Donald Trump - en eins og Trump sætir Moore nú ásökunum hóps kvenna, það sama gildir um ásakanir þess hóps kvenna á Moore og um sumt svipaðar ásakanir annarra kvenna á Trump; að meintir atburðir fóru fram fyrir mörgum árum.
--Moore hefur brugðist svipað við og Trump við keimlíkum ásökunum gegn sér persónulega, að þverneita og kalla lygar!

Fyrir utan þetta er Moore óskaplega íhaldssamur - eiginlega afturhald.
Þar um passar hann væntanlega einnig við Trump.

1. Trump vill banna Transfólki að starfa við bandaríska heraflann.
2. Moore vill banna hjónabönd samkynhneigðra - er eiginlega andvígur samkynhneigð, vill einnig banna hana.

Fyrir utan þetta er Moore þekktur fyrir að tvisvar hafa verið dæmdur frá embætti sem saksóknari í Alabama af Hæstarétti Bandaríkjanna -- fyrir að neita að framfylgja réttindum samkynhneigðra skv. lögum.

Alabama voters choose senator in race with high stakes for Trump

Prayer, principle guide women voters in Roy Moore's Alabama hometown

Roy Moore race tests Trump appeal as Alabama prepares to vote

Trump hefur undanfarna daga ítrekað Twítað stuðningsyfirlýsingar við Moore - auk gagnrýni á mótframbjóðanda Moore:

Trump: "Roy Moore will always vote with us. VOTE ROY MOORE!"

Um mótframbjóðandann - sagði Trump:

"Doug Jones is Pro-Abortion, weak on Crime, Military and Illegal Immigration, Bad for Gun Owners and Veterans and against the WALL," - og síðan  - "VOTE ROY MOORE!"

Doug Jones er þekktastur fyrir að hafa átt þátt í því að saksækja tvo fyrrum meðlimi Ku-Klux-Klan fyrir sprengjutilræði í kirkju í Birmingham 1963 er varð fjórum svörtum stúlkum að bana.

Það langt sé þó um liðið að líklega sé það mál ekki ferskt í augum kjósenda.

Á meðan er Moore vægt sagt umdeildur innan Repúblikanaflokksins, sbr:

"Richard Shelby, a popular Republican who holds the other Alabama Senate seat, has said he would not vote for Mr Moore and urged backers in the state to write in another prominent Republican rather than vote for either party’s nominee."

Bannon fann sig knúinn til að tjá sig vegna fjölda þekktra Repúblikana er hafa opinberlega lýst yfir andstöðu við Moore:

Bannon - "There’s a special place in hell for Republicans who should know better,"

Út af klofningnum gegn Moore -- virðist skv. könnunum Doug Jones eiga raunverulega möguleika á sigri.

"A Fox News Poll conducted on Thursday and released on Monday showed Jones potentially taking 50 percent of the vote and Moore 40 percent."

Sú könnun getur vart talist hlutdræg gegn Moore.

 

Niðurstaða

Mín persónulega afstaða er á tæru - að það sé mér gersamlega hulin ráðgáta að nokkur maður kjósi á 21. öld mann - sem vill banna aftur hjónabönd samkynhneigðra og vill helst ganga enn lengra, banna samkynhneigð einnig með öllu.
--Það sé ofstæki Moore sem kljúfi Repúblikanaflokkinn að þessu sinni.
--Mannréttindasinnaður lögfræðingur virðist mun skárri kostur vægt sagt.

• En það segir óneitanlega sögu um Trump - hvaða fólk hann styður.
• Verk segja meira en orð.

---------------------

Ps: Democrat wins Senate seat in Alabama in blow to Trump - Skv. nýjustu fréttum fór Doug Jones með sigur og meirihluti Repúblikana í Öldungadeild er þar með minnkaður niður í - tvo. Þetta sýnir ef til vill að það séu einhver takmörk á því hvað kjósendur í Suðurríkjum Bandaríkjanna eru til í að kjósa yfir sig.

 

Kv.

Stefnir í Trump verði að sætta sig við transfólk innan hersins

Í júlí á þessu ári sendi Donald Trump frá sér tilskipun þar sem svokölluðu - transfólki, var bannað að starfa innan hersins. En bann tilskipunin gekk það langt, að ekki átti að vera nóg að banna transfólki að vera hermenn - þeir áttu ekki fá að gegna nokkru starfi á vegum hersins.

Sjá umfjöllun mína: Donald Trump forseti Bandaríkjanna - bannar transfólk í bandaríska hernum.

Tilvitnun - Donald Trump: "After consultation with my Generals and military experts, please be advised that the United States Government will not accept or allow transgender individuals to serve in any capacity in the U.S. Military," - "Our military must be focused on decisive and overwhelming victory and cannot be burdened with the tremendous medical costs and disruption that transgender in the military would entail,"

Þetta er auðvitað alger þvættingur -- tilskipunin mætti tafarlaust víðtækri andstöðu innan hersins - og það voru hermenn sem komu fram til að óska eftir lögbanni.

U.S. military must accept transgender recruits by Jan. 1, judge rules

Justice Department reviewing options after ruling on transgender recruits: White House

Innan bandaríska heraflans hefur lítill fjöldi hermanna síðan Obama heimilaði formlega transfólk í hernum 2016 - starfað fyrir opnum tjöldum!

Mótbáran að það sé sérstaklega erfitt - kostnaðarsamt, að hafa slíka hermenn.
Að það skapi vandamál tengd móral innan hersins.
Eru sömu mótbárur og heyrðust á sínum tíma, þegar rætt var að heimila konum að vera hermenn.
--Þetta er mjög einfalt, þ.e. ekki stærra vandamál.
--Meint vandamál í tengslum við móral reyndust ekki vera fyrir hendi.
--Og kostnaður að sjálfsögðu langt í frá vandamál, enda bæði kyn þá lengi búin að starfa innan hersins.

Að sjálfsögðu að nokkur fjöldi hermanna koma fram 2016 - sýni að nokkur fjöldi transfólks hefur starfað árum saman innan hersins, án vandamála sem nokkur hafi veitt athygli.

1. Eins og kemur fram í frétt, gaf Obama út 2016 tilskipun um formlega innskráninu nýrra yfirlýstra transhermanna -- James Mattis hafði frestað dagsetningunni til jan. 2018.
2. Skv. úrskurði Colleen Kollar-Kotelly alríkisdómara í Washington, skal herinn standa við jan. 2018, m.ö.o. fylgja fyrirframgerðri áætlun um að veita móttöku transfólki sem yfirlýstir trans einstaklingar hefðu áhuga á herþjónustu.

Colleen hafnaði því að bann tilskipun Trumps fengi að standa meðan verið væri að fjalla um hana á æðra stigi innan bandaríska dómskerfisins.

Annars vegar skv. þeim rökum að herinn hefði haft nægan tíma til undirbúnings.
Og hins vegar að líklegt væri að bann við transfólki teldist mismunun skv. bandarískum lögum og stjórnarskrá - því væntanlega brot á hvoru tveggja.

Skv. Sarah Sanders er ríkisstjórn Trumps alls ekki á þeim buxunum að gefast upp í baráttu sinni fyrir því að - fá bann við transfólki innan hersins í hrint í framkvæmd:

"The Department of Justice is currently reviewing the legal options to ensure the president’s directive is implemented,"

 

Niðurstaða

Það er mjög greinileg staðfesting þess hversu fullkomlega forpokaður Donald Trump er, auk þess að dómsmálaráðherra Bandaríkjanna virðist í engu skárri hvað það varðar; þessi barátta ríkisstjórnar Trumps fyrir því - að fá svokallað transfólk bannað við öll störf hverskonar innan bandaríska heraflans, ekki einungis sem hermenn.

Afstaðan er að sjálfsögðu fullkomlega úrelt.
Og í engu samræmi við þekktar staðreyndir.
En greinilega i samræmi við þekkta fordóma!

• Á 21. öld er algerlega það algerlega úrelt hugsun, að banna einstaklinga á grunni þess hvað þeir eru.
  --Slíkt að sjálfsögðu flokkast undir mismunun, augljóst brot á prinsippinu, allir séu jafnir fyrir lögum.

 

Kv.

Ný ríkisstjórn Nýja-Sjálands ætlar að snúa við þeirri þróun að Nýsjálendingum er búa í tjöldum fjölgar sífellt

Áður nefndi ég baráttu Vancouver borgar við vaxandi húsnæðisvanda í Vancouver: Getur Reykjavík beitt lausn Vancouver borgar til lausnar skorti á leiguhúsnæði?.

Skv. frétt Financial Times, virðist afskekktasta milljónaþjóð í heimi, Nýja-Sjáland eins og Ísland, búa við hratt vaxandi húsnæðisfátækt: New Zealand looks to ban foreigners from buying houses.

Nýja-Sjáland er sennilega það land með yfir milljón íbúa sem er í mestri fjarlægð frá öðrum milljónaþjóðum!

Skv. OECD er um 0,9% Nýjasjálendinga á húsnæðishrakhólum!

Eða m.ö.o. um 40.000 Nýjasjálendingar án húsnæðis.

• Þetta kvá skv. OECD vera hæsta hlutfall húsnæðisleysis í þróuðum iðnríkjum.

Höfum í huga að Ísland er í OECD - þannig að fullyrðing OECD gerir örugglega ráð fyrir Íslandi, þó að ofangreind mynd sýni ekki Ísland.

"The price of land and building has been increasing exorbitantly while the level of building of affordable homes has dropped off enormously."

“The market for housing in New Zealand is completely broken,”

"The big change in homelessness is the number of working families struggling to find homes and pay rent,”

1. Þetta virðast vera vandamál sem komi Íslendingum kunnuglega fyrir sjónir - þ.e. húsnæðisverð og leiga hafa samtímis rokið upp.
2. Verkafólk á lægstu launum á í hratt vaxandi vanda því sífellt aukið hlutfall fólks í lægri launaþrepum - hafi ekki efni á eigið húsnæði, né því að greiða leigu.

Þegar sami vandi birtist í Vancouver - London - Reykjavík og Auckland.
Er greinilega í gangi - hnattrænn vandi.

1. Skv. fjölda hagfræðinga - að sögn FT - tengist þetta útbreiðslu lágvaxtaumhverfis á Vesturlöndum.
2. En að sögn þeirra ónefndu hagfræðinga sem FT sé í tengslum við, leiði lágvaxtaumhverfi til hækkunar eignaverðs - þ.e. landverðs sem og húsnæðisverða, þar með einnig að auki leiguverðs.
   Vegna þess að fjársterkir aðilar í leit að -rentum- leita í eignir í vaxandi mæli.

--Í samræmi við slíka greiningu, hyggst ný ríkisstjórn Nýja-Sjálands, banna útlendingum kaup á fasteignum og landareignum í Nýja-Sjálandi.

--Auk þess, ætlar ríkisstjórnin að - skattleggja "húsnæðispekúlanta" á þann veg, að leggja sérstakan skatt á -- ef húsnæði er selt innan 5-ára.

"Like many countries in the aftermath of the 2008 financial crisis, the former New Zealand government sold off state housing and has failed to build enough affordable homes. The number of social houses owned by Housing New Zealand peaked at 68,148 in 2011, compared with 61,323 in 2017."

--Það minnir einnig á vandann hér - að það skorti félagslegt húsnæði.

1. "As well as banning foreigners from buying existing homes,"
2. "the coalition plans to build 100,000 affordable homes,"
3. "stop sell-offs of state housing,"
4. "and provide more funding for homeless initiatives."
5. "It also wants to tax housing speculators, who will be defined as anyone who sells a house within five years of buying it."

Þetta eru töluvert aðrar aðgerðir sem rætt er um í Vancouver.
Hinn bóginn þá er Vancouver borg - ekki ríkisstjórn lands.

• Það sem samt sem áður áhugavert að horfa á aðgerðir Vancouver borgar, og Nýja-Sjálands í samhengi.
• Augljóslega getur Ísland ekki bannað - - landkaup og húsnæðiskaup útlendinga.

Reykjavíkurborg getur sannarlega aukið framboð af lóðum.
Ríkið og borg getur lagt meira fé til þess að berjast við húsnæðisfátækt.
Hvort sem ríkið og borgin, geta staðið fyrir byggingu ódýrs húsnæðis.

--Svo hugsa sé að aðgerðir Vancouver borgar séu virkilega verðar athygli.

 

Niðurstaða

Það sem sést á umfjöllunum mínum um hugmyndir Vancouver borgar að lausn húsnæðisvanda.
Og um vanda Nýsjálendinga þegar kemur að lausn húsnæðisvanda.
--Að Ísland og Íslendingar standa langt í frá einig í þeirri glímu.

Hinn bóginn þá verða lausnirnar væntanlega að spretta fram innan hvers lands.
Það er þá áhugavert að sjá hvaða leiðir önnur lönd ætla að fara.
--Þarna eru a.m.k. 2-nokkuð ólík dæmi um leiðir til lausnar sama vanda.

Mér virðist sannarlega unnt að skoða leið Vancouver borgar, og baráttu Nýsjálendinga.
Og beita því í leit að nothæfum lausnum hér á Íslandi.

 

Kv.

Bretland og ESB virðist hafa náð mikilvægu áfangasamkomulagi um BREXIT - eftir að lausn á deilu um landamæri N-Írland náðist

Í mörgum mikilvægum atriðum virðist Theresa May hafa gefið töluvert eftir gagnvart ESB, þó Bretland hafi þó náð fram þrem mikilvægum atriðum.

Brexit divorce deal: the essentials

1. Það fyrra, er sjálfsögðu það að áfangasamkomulagið tryggir að BREXIT ferlið heldur áfram á næsta stig.
2. Annað atriðið, er að Brussel féllst á kröfu Bretlands - að breskir dómstólar, í stað svokallaðs Evrópudómstóls, úrskurði innan Bretlands þegar deilur rísa um túlkun á samkomulagi sem náðist um gagnkvæm réttindi þegna Bretlands í ESB löndum og þegna ESB landa í Bretlandi.
3. Þriðja atriðið er að Bretland náði fram formlegri tryggingu frá Brussel um það að engar nýjar fjárhagslegar kröfur á Bretland verði lagðar fram - til viðbótar þeim sem Bretland hefur nú samþykkt.

Hinn bóginn, koma á móti nokkrar mikilvægar eftirgjafir ríkisstjórnar Bretlands.

1. Sú mikilvægasta er án vafa sú að Bretland hefur samþykkt að greiða inn í sjóði ESB sem væri Bretland fullur meðlimur ESB - út fjárlagaárið 2019-2020.
2. Til viðbótar samþykkti Bretland að taka þátt í öllum kostnaði sem aðildarríkin samþykkja sameiginlega að leggja á öll aðildarríki, út fjárlagaárið 2019-2020.
   --Sem þíðir fjárhagslegir baggar geta bæst við sem Bretland hefur ekkert um að segja.
3. Engin lokasumma verður möguleg í langan tíma - þ.s. Bretland hafi samþykkt greiða áfram sinn hluta lífeyrisskuldbindinga starfsm. ESB -- sem væri samþykktur hlutur Bretlands sem aðildarríkis.
   --Áætlun bresku ríkisstjórnarinnar er þó sú að heildarsumman verði á bilinu 40 - 45 milljarðar.€.
4. Varðandi landamæri N-Írlands við Írland - veitti Theresa May forsætisráðherra Írlands algera tryggingu þess, að það mundu ekki myndast "hörð" landamæri milli N-Írlands og Írlands; hvernig sem að öðru leiti samningar um BREXIT munu fara.
   --Skv. því lét May það eftir, að ef viðræður Bretlands og ESB fara á endanum út um þúfur, og ekkert frekara samkomulag náist m.ö.o. þar á meðal um N-Írland; að þá gildi sú trygging sem May veitti - þ.e. að N-Írland mundi að öllu leiti fylgja lögum ESB.
   --Þó restin af Bretlandi gerði það ekki endilega síðar meir í slíku tilviki.
   --Þannig að N-Írland fúnkeraði áfram sem hluti af hagkerfi írska lýðveldisins. Auk þess að May hafi veitt þá tryggingu að staðið yrði áfram við öll atriði friðarsamkomulags sem gildi í N-Írlandi.
5. Skv. samkomulagi um gagnkvæm réttindi þegna - fá borgarar ESB landa áfram full atvinnu-réttindi í Bretlandi, og á móti breskir þegnar í ESB.
   --En tryggt sé þó að réttindi ESB þegna í Bretlandi til að fá til sín ættingja sem ekki séu þegnar ESB aðildarlands séu ekki meiri en breskra þegna í ESB löndum um það sama.
   --Bresk lögregla má láta þegna ESB landa í Bretlandi sæta reglulegu eftirliti varðandi tengsl við glæpi.
   --Og eins og ég sagði áðan, breskir dómstólar úrskurða hvort samkomulagi sé rétt beitt innan Bretlands.
6. Bretland gaf það eftir, að túlkun breskra dómstóla á reglum um réttindi þegna aðildarlanda ESB í Bretlandi -- verði að taka mið af dómsniðurstöðum svokallaðs Evrópudómstóls.
7. Að lokum, neitaði ESB að tryggja að breskir þegnar haldi óhjákvæmilega öllum sínum réttindum í 27 aðildarríkjunum --> Hinn bóginn, getur það hugsast að Bretland nái því atriði fram síðar.

Það verður áhugavert að fylgjast með umræðunni í Bretlandi um þetta samkomulag. En það getur vel hugsast að einhver óánægja meðal BREXITERA rýsi - vegna þess hve mikið hafi verið gefið eftir.

 

Niðurstaða

Það að May náði mikilvægu samkomulagi við Írland, og tókst að pressa flokk Sambandssinna til að sætta sig við það - hafi verið ákveðinn sigur fyrir May, eftir þá gagnrýni sem hún fékk fyrir klúður einungis nokkrum dögum fyrr: Theresa May’s team worked through night to secure border deal.

Ef maður leitast við að sjá jákvætt úr þessu, þá má vera Bretland nái fram einhverjum góðvilja við samningaborðið í framhaldinu; eftir að hafa formlega samþykkt þá bitru pyllu að borga að fullu inn í sjóði ESB úr fjárlagaár 2019-2020.

Hvort að svo verður á auðvitað eftir að koma í ljós.
--Það að Bretland virðist ætla að halda í opinn vinnumarkað við ESB lönd, getur verið stærsta fréttin í þessu eftir allt saman!

• Það á eftir að koma í ljós - hvaða önnur atriði svokallaðs 4-frelsis Bretland á endanum sættist á.
• En það heyrast raddir sem æskja þess að Bretland verði áfram í innra markaðnum, fylgi reglum ESB um innra markaðinn í hvívetna --> Eftir BREXIT.

 

Kv.