Donald Trump segist þekkja Kim Jong Un, vita hvað hann sé fær um - Kim muni ekki koma honum á óvart

Fyrirhugaður fundur leiðtoganna tveggja verður í Hanoi höfuðborg Víetnam undir lok febrúar. 
Skv. tvíti Trumps sjálfs - 27 og 28 febrúar.

Ég reikna með því, að seinna tvítið sé ætlað að eyða ótta þeirra, sem óttast að Kim muni takast að snúa á Donald Trump við samningaborðið.

Donald J. Trump‏@realDonaldTrump

My representatives have just left North Korea after a very productive meeting and an agreed upon time and date for the second Summit with Kim Jong Un. It will take place in Hanoi, Vietnam, on February 27 & 28. I look forward to seeing Chairman Kim & advancing the cause of peace!

Donald J. Trump‏@realDonaldTrump
North Korea, under the leadership of Kim Jong Un, will become a great Economic Powerhouse. He may surprise some but he won’t surprise me, because I have gotten to know him & fully understand how capable he is. North Korea will become a different kind of Rocket - an Economic one!

 

 

Það sem sérfræðingar um málefni Kóreuskagans hafa tekið eftir!

Að hingað til hefur Kim Jong Un - í reynd ekki gefið nokkurn skapaðan hlut eftir, sem veikir hernaðarlega stöðu Norður-Kóreu í nokkru.

Flestir sérfræðingar virðast afar skeptískir á að Kim samþykki að gefa kjarnavopn NK eftir.
Þar sem að talið er að Kim álíti kjarnavopnin, forsendu tilvistar ríkisstjórnar NK.

 

Þar með talið, er þetta afstaða njósnastofnana Bandaríkjanna!

 

We continue to assess that North Korea is unlikely to give up all of its nuclear weapons and production capabilities, even as it seeks to negotiate partial denuclearization steps to obtain key US and international concessions. -- North Korean leaders view nuclear arms as critical to regime survival,... -- The capability and threat that existed a year ago are still there.

 

Þær eftirgjafir sem Kim hefur hingað til lofað - eru skv. því skilyrði, að Bandaríkin jafnframt - gefi eftir refsiaðgerðir. Hann hafi tekið til greina að ræða kjanorkuafvopnun, ef Bandaríkin séu til í að ræða - brottfor herliðs frá Suður-Kóreu.
Það sé aftur á móti í samræmi við áður framkomna afstöðu NK - í tíð fyrri leiðtoga landsins.

1. Donald Trump heldur því fram, að nýlegur fundur með NK - hafi verið árangursríkur.
2. En ég er þess fullviss, ef NK hefði veitt einhver formleg loforð á þeim fundi -- hefði DT án vafa sagt frá þeim -- en DT sé ekki vanur að þegja yfir árangri.

Eina sem maður hefur, eru endurteknar fullyrðingar Trumps og Pompeo um árangur á fundum.
En án þess að frést hafi af nokkrum hlut sem á hönd sé festandi.

Hafandi í huga venju Trumps að básúna strax ef eitthvað tekst vel, og að hann hafi ekki sagt frá nokkru bitastæðu - varðandi viðræður við NK, þá held ég að efasemdir um raunverulegan árangur þeirra viðræðna séu málefnalegar.

Rétt að muna eftir, Kom Jong Un lét drepa hálfbróður sinn í Malasíu fyrir nokkrum árum, og frænda sinn í NK skömmu eftir valdatöku -- Kim sé m.ö.o. miskunnarlaus, a.m.k. á það til.

Rétt að muna það, að þó hann brosi í seinni tíð framan í fjölmiðla - er Kim líklega naðra.
Þó Trump telji sig skilja Kim, er rétt að benda á að það er munur á því að eiga við fólk sem á í viðskiptum um peninga, eða fólk sem er til í að drepa eigin fjölskyldumeðlimi - ef því er að skipta. Það sé ekki augljóst, að viðskipti sé góður undirbúningur undir það að fást við einstakling af því tagi sem Kim Jong Un virðist vera.

 

Niðurstaða
Leiðtogafundur í Hanoi 27. og 28. feb. nk. milli Kim Jong Un og Donalds Trumps. Það verður að sjálfsögðu forvitnilegt að heyra hvað Trump og Kim ákveða á þeim fundi. Hinn bóginn held ég að það sé fullkomlega málefnalegt að vera skeptískur fyrirfram á útkomuna - miðað við langa sögu deilna Bandaríkjanna við stjórnendur Norður-Kóreu. En stjórnendur þess lands hafa hingað til reynst slingir við samningaborð -- aldrei gefið það eftir, sem hafi að einhverju verulegu leiti veikt stöðu þeirra ríkis. Fram að þessu hafi Kim ekkert slíkt gefið - sem með nokkrum augljósum hætti veiki hans stöðu.

 

Kv.

Athugasemdir

[Borgþór Jónsson, 10.2.2019 kl. 20:33]

Þú hefur greinilega tekið eftir eins og ég að Kim er búinn að gerbreyta framkomu sinni.

Hann er hættur að leika einhverskonar fífl og farinn að tala eins og eðlilegur maður. Mér skilst að hann hafi líka breytt um stíl að einhverju marki innanlands.

Hann er trúlega vel gefinn náungi.

Það er greinilegt að það hefur haft áhrif á hann að umgangast vel menntað og vel gefið fólk eis og Xi Liping,Lavrov og að einhverju marki Vladimir Putin.

Líklega hefur Xi tekið hann á hnéð og úskýrt grundvallaratriðin fyrir honum.

.

Það verður því athyglisvert að fylgjast með samskiftum Kim við Pompeio og Bolton sem eru einhverskonar Neatherdalsmenn með stóra kylfu.

Hvort vinnur betur, vit eða strit.

Persónulega veðja ég á kylfuna. Hún er hrikalega stór og handhafar hennar eru hrikalega ofbeldisfullir.

[Einar Björn Bjarnason, 10.2.2019 kl. 22:30]

Borgþór Jónsson -- boggi minn, stríð kostaði milljónir mannslífa -- Trump er að draga hermenn frá Afganistan, frá Sýrlandi - þó þeir séu á báðum stöðum án mannfalls; ég tel mig hafa nú séð nægilega mikið af stjórnarháttm Trumps - til þess að sjá að líkur þess hann fari í stríð séu litlar sem engar.

Varðandi framkomu Kims - hef ég trú á að hún sé leikrit sú hin nýja. Hann lét drepa bróður sinn og frænda - og mér skilst fjölda embættismanna að auki sem sátu í tíð föður hans; sá maður sé klárlega miskunnarlaus skepna. Þú hefur greinilega dálæti á miskunnarlausum skepnum, fyrst að þú er svo hrifinn af Xi og Pútín - Xi er með ca. milljón Úhígúra í fangabúðum, kallað endurmenntunarbúðir, en fangabúðir er réttnefni - Pútín hóf valdaferil sinn með því að drepa yfir 100þ. Téténa, eftir það hefur heilmikið viðbótar-blóð flætt um vegna ákvarðana þess manns -- -- greinilega er enginn mikilmenni hjá þér, fyrr en sá hefur drepið a.m.k. einhvern slatta.

Kv.

[Borgþór Jónsson, 11.2.2019 kl. 19:43]

Trump er ekki að draga neina hermenn til baka ,enda ræður hann engu um það.

Hann var ekki fyrr búinn að segja þetta,en Bolton kom og sagði að það þyrfti að upfylla einhverja tugi af skilyrðum áður en þetta væri hægt og Pompeio fór hringferð um Miðausturlönd og fullvissaði alla um að þeir væru ekki að fara neitt.

.

Það eru engir milljón Uhígúrar í einhverjum búðum . Það vita allir í dag að það eru "fake news".

Skýrsla sem unnin var fyrir SÞ segir allt annað,en það var hinsvegar fullrúi Bandaríkjamanna í nefndinni sem laug þessu í fréttamenn. Þar sem Bandarískir fréttamenn eru ekki fréttamenn heldur málpípur, birtu þeir þessa lygasögu óbreytta.

Það er ekki gott að átta sig á hvað er að gerast þarna ,en málið er væntanlega að það eru aðskilnaðarsinnar þarna. Þeir njóta hinsvegar lítils fylgis á svæðinu af því að þeir eru jafnframt öfgafullir Muslimar. Fæstir vilja búa við slíka stjórn.

Hluti af þessari hreifingu barðist í Sýrlandi með hryðjuverkamönnum og eru nú innilokaðir í Idlib. Hrottafullir dráparar

Það virðist vera að þeir hafi einhverskonar tengsl við Tyrki ,af því að þeir voru upphaflega í Tyrklandi en voru fluttir til Sýrlands þegar Nusra Front náði landsvæðum austan við Aleppo.

.

Samkvæmt Amnesti International féllu samtals 41.000 manns í Téténíu og 5000 týndust. Það er náttúrlega ekki eins spennandi og 100 þúsund,en  það verður bara að hafa það.

Þó nokkur hluti að þeim sem féllu voru Pakistanskir og Saudi Arabiskir málaliðar. 

Téténar verða sennilega þakklátir Putin um aldur of æfi fyrir að losa þá við þessa óværu. Þeir geta nú lifað eðlilegu lífi eftir að þeir losnuðu undan áþján ofsatrúarmannanna.

.

Ég vil minna á að Xi er búinn að halda uppi hagvexti í Kína sem á engann sinn líka, og Putin tók við ríki þar sem var búið að eiðileggja alla innviði landsins og jafnframt alla tekjustofna.

Samningar ríkisins við erlend olíufyrirtæki voru verri en hjá Kongó. Miklu verri.

Átján árum síðar er Rússland orðið 5. mesta iðnríki heims og annað mesta herveldi heims. Vel gert Putin.

.

Á meðan eru þessir vanvitar sem stjórna Evrópu búnir að koma henni í algera stöðnun og búnir að gera hvert risavaxna axarskaftið á fætur öðru.

Skíthræddir og skjálfandi halda þeir svo uppi fölskum lífskjörum og hagvexti með seðlaprentun.

.

Bandaríkin eru svo í stöðugri hnignun og hökta árfam með skuldasöfnun og núll rauvöxtum. 30% af Bandrískum fyrirtækjum fara lóðrétt í gjaldþrot daginn sem vextir hækka,en það gerir ekkert til af því að svokallaðir eigendur þessara fyrirtækja eru löngu búnir að láta fyrirtækin kaupa hlutabréfin sín með lántökum, og eru búnir að forða aurunum í annað.