Samkomulag OPEC landa, án Írans og Íraks, við Rússland - virðist mér ætlað að beita Íran þrýstingi

Það sem er merkilegt við þetta samkomulag, er að þ.e. í fyrsta sinn síðan 2001 að Rússland gerir samkomulag við OPEC lönd - um að takmarka olíuframleiðslu.
Á hinn bóginn stóð Rússland ekki við samkomulagið í það sinn - sem undirstrikar eitt vandamál, að OPEC hefur engin ráð - ef meðlimir standa ekki við það sem þeir lofa.

1. Fleiri vandamál eru, að hugmyndin er að frysta framleiðslu miðað við 1. janúar sl. En þá voru bæði Rússland og Saudi Arabía að framleiða á hámarks afköstum.
2. Íran í dag framleiðir a.m.k. 1-millj. tunna innan við hámarks afköst, þar af helmingi minna en Íran gerði áður en refsiaðgerðr hófust á Íran --> Miðað við fyrri yfirlýsingar Írana, að ekki komi til greina að hætta við aukningu á framleiðslu þetta ár um helming; þá grunar mig að OPEC og Rússland, fari bónleiðir til Teheran.

Íranir gætu fyrrst við það - í þessu samhengi, að Rússland og Saudi Arabía -- ætlist til að Íran sætti sig við það að bæði Rússland og Saudi Arabía --> Frysti framleiðslu sína við hámarks afköst, og ætlist til að Íranir skrifi upp á slíkt -- samtímis og ætlast sé til að þeir annað af tvennu auki ekki sína framleiðslu, eða auki hana mun minna en Íranar hyggjast fyrir.

Saudis and Russia agree oil output freeze, Iran still an obstacle

Saudi-Russia oil deal is full of holes

 

Mér virðist þarna á ferðinni - hræðslubandalag!

Olíuverð hefur undanfarið verið að sveiflast milli 36-30$ fatið, meira að segja stöku sinnum farið í 29$.
Svo lágt olíuverð -- er að valda samtímis Saudi Arabíu og Rússlandi miklum vanda, þá vísa ég til stórfellds hallarekstrar ríkisútgjalda hjá báðum þjóðum.
Nýlega voru kynntar til sögunnar í Rússlandi -- að selja stórar ríkiseignir; til að vega upp á móti ríkishallanum - "fire sale."
Það virkilega hljómar í mínum augum -- sem örvæntingar útspil.

• Í ljósi þess, að innan OPEC er einnig að finna Nígeríu og Venezúela, lönd í enn verri útgjaldavanda en Saudi Arabía og Rússland.
• Auk þess, að aðildarlöndin -- þar á meðal Rússland og Saudi Arabía -- hljóta að óttast mjög áhrifin á alþjóðlegt olíuverð - ef Íranir láta verða af 50% framleiðslu aukningu sinni á þessu ári, eins og þeir hafa ítrekað líst yfir.

Þá virðist mér þessu óvænta útspili Rússa, að vinna með OPEC, rétt líst sem hræðslubandalagi.

1. En eru einhverjar líkur á að Íranar láti undan sameiginlegum þrýstingi OPEC landa, og Rússlands?
2. Ég skal segja eitt, að það væri virkilega áhugavert að vera fluga á vegg á þeim fundi í Teheran, þegar ráðherrar OPEC landa og Rússlands - mæta þangað til fundar í nk. mánuði.

Tilgangur að ræða - hugsanlega þátttöku Írana í takmörkunum á heims framleiðslu á olíu.

• Það sé sjálfsagt ekki gersamlega útilokað -- að Íranar sættis á að - auka framleiðslu sína um eitthvað minna en 50% í ár.
• En mér virðist einnig vel mögulegt -- að þeir segi einfaldlega þvert - nei.

Með vissum hætti grunar mig að Íranir hlakki dálítið yfir því að horfa á fjendur sína í Saudi Arabíu - engjast yfir lágu olíuverði, og hlakki yfir að sjá þá engjast enn meir ef það lækkar frekar.

Ég er ekki viss að Íranir - séu í reynd miklir vinir Rússa.
Þeim gæti alveg verið slétt sama - ef Rússland lendir í óleysanlegum fjárhags vanda, og hætti t.d. að geta stutt frekar stríðið í Sýrlandi.

• Hvernig gæti sá vandi líst sér innan Rússlands? Í formi óðaverðbólgu, það væri líklegasta byrtingarmynd þess, ef Rússland missir alveg tökin á útgjöldum ríkisins, þar á meðal stríðs kosnaður stór útgjaldaliður.

Það má vel vera að Íranir séu þegar búnir að ná markmiðum sínum í Sýrlandi - og að þeir væru alveg tilbúnir í að slá eign sinni á þ.s. þeir ráða af Sýrlandi, án frekari þátttöku Rússlands - en Assad er án lítils vafa lítið meira en íranskur leppur í dag.

 

Niðurstaða

Persónulega er ég skeptískur á að Íranir samþykki að auka framleiðslu sína minna en um helming, eins og stjórnvöld í Íran hafa ítrekað talað um - og það sé ósennilegt að Íranir hætti alfarið við aukningu sinnar framleiðslu.
Svo að það besta sem OPEC og Rússland geti hugsanlega náð fram á fundi í Teheran, sé að Íran samþykki - eitthvað minni aukningu á sinni framleiðslu.

Tilgangur samkomulags Rússlands við OPEC ríki - sé þó augljós, að þrýsta á Íran.
Ástæða augljós, ótti við verðþróun á olíumörkuðum ef full aukning framleiðslu Írans, kemur inn seinni part þessa árs - eins og Íranar hafa ítrekað lofað og fullyrt.

Á sama tíma, sé alls óljóst að Íran hafi nokkurn vott af samúð með vandræðum annarra olíulanda, eftir löng ár af refsiaðgerðum - megi vera að þunnt sé á slíka samúð þar.
Sérstaklega þegar haft er í huga, að nokkur meðlimalönd OPEC -- eru í "proxy" stríði við Íran í a.m.k. tveim löndum! Og þ.e. gagnkvæmur fjandskapur milli þeirra ríkja og Írans.

 

Kv.

Athugasemdir

[Bjarne Örn Hansen (IP-tala skráð) 17.2.2016 kl. 00:21]

Sko $36 er "opinber" botn fyrir kanann ... sem er þó "vafasamt" og talið vera nær $40-50.  Kostnaður breta og norðmanna eru enn hærri, og kostnaður Kanadamanna sem eiga einar stærstu audlyndirnar, eru eithvað í kring um $70 fatið ef þeir vinna sandana sína.  Kostnaður Sauda eru $9 fatið, og kostnaður Rússa $18 fatið.  Kostnaður Írana er lægri en Rússa, eða um $12 á fatið.

Það hefur marg sinnis komið fram, að til þess að olíuverð skaði Saud Arabíu, og Rússa ... þarf verðið að fara niður fyrir $20 á fatið.

http://marketrealist.com/2016/01/crude-oil-prices-fell-17-last-6-trading-sessions/

Spáin er sú, að í lok þessa árs og byrjun næsta árs mun eftirspurn olíu ná framleiðslunni og því verð hækka.

Hafðu hugfast, að olíuverðið skaðar vesturlönd mest ...

[Einar Björn Bjarnason, 17.2.2016 kl. 11:13]

Ehem, ég trúi því ekki að kostnaður Rússa sé þetta lágur -- þeir eru að vinna olíu langt frá sjó, sem þíðir mikið af leiðslum og búnaði allt sem krefst reglulegs viðhalds, að auki á túndru svæðum þ.s. vinnsla einnig er mun erfiðari og kosnaðarsamari en á söndunum við Persaflóa.

Kostnaður Rússar er örugglega á svipuðu róli og kostnaður Bandar. v. fracking. 
Það útskýri örvæntingu Rússa í þessu útspili -- en þ.e. örugglega hvers vegna Rússar miðuðu við verð upp á ca. 50 Dollara þegar þeir gerðu fjárlög fyrir þetta ár, seint á sl. ári -- vegna þess að það sé það lágmark sem þeir þurfa.
Þetta óvænta útspil nýlega að ætla snögglega að selja stór ríkisfyrirtæki, til að minnka ríkishallann -- einnig vísbending um örvæntingu.

Kv.