20.2.2018 | 23:28
Tyrkland ræðst á liðsafla sendur af Assad til Afrin héraðs
Sjálfsagt veit einhver af því að nú í nokkrar vikur hefur Tyrklandsher haldið uppi árásum á stöðvar liðssveita Kúrda í Afrin héraði í Sýrlandi - fyrir rúmri viku bárust fréttir af því að kúrdar í Afrin hefðu skorað á Assad að verja Afrin hérað, að senda þangað liðssveitir.
Það áhugaverða er, að Assad virðist nú hafa gert einmitt það - fyrstu viðbrögð tyrkneskra stjórnvalda voru á þá leið, að ef liðsveitir á vegum Assads ætluðu að hreinsa Afrin hérað af liðssveitum Kúrda; þá mundu Tyrkir fagna þeirra veru.
En ef liðssveitir á vegum Assads, mundu gera tilraun til að verja sveitir Kúrda í Afrin héraði gegn árásum Tyrklandshers - mundi her Tyrklands refsa þeim liðssveitum svo um munaði.
- Virðist nú koma á daginn að Tyrkir ætla að standa við þau stóru orð!
Syria pro-government forces enter Afrin to aid Kurds against Turkey
"
"
- Ef marka má fréttina, réðist her Tyrklands á bílalest liðssveita Assads með stórskotaliði - tvennum sögum fer síðan af því hvað síðan gerðist!
- Skv. tyrkneskum yfirvöldum sneri bílalestin við.
- En því hafna Kúrdar í Afrin og "pro Syrian militia forces."
--Erdogan kallaði liðssveitir stuðningsmanna Assads - hryðjuverkasveitir og sagði að þær mundu gjalda dýru verði.
--Um er að ræða svokallaðar "pro Syrian militia" þ.e. ekki formlegar liðssveitir Sýrlandshers, heldur nokkurs konar skærusveitir skipaðar stuðningsmönnum Assads.
--Íran kvá hafa séð um þjálfun þeirra!
Erdogan hélt því fram að þær væru Shítar -- en mun sennilegar eru þetta sveitir skipaðar Alavi fólki. En hugsanlega er Erdogan að uppnefna Alava Shíta þó þeir séu það ekki.
Áhættan sem fylgir því að ráðast að liðssveitum stuðningsmanna Assads, skapaði óróa á hlutabréfamörkuðum í Tyrklandi og tyrkenska líran féll nokkuð.
En þessi atburðarás að sjálfsögðu vekur stórar spurningar um það, hvað akkúrat vaki fyrir Erdogan forseta Tyrklands.
En með átökum við liðssveitir Assads, þó það séu stuðningshersveitir Assads frekar en formlegur stjórnarher Sýrlands -- vekur að sjálfsögðu eðlilegar spurningar um það, hvort að Tyrkland sé að hætta á átök við helsta stuðningsaðila Assads, Íran.
- Þrátt fyrir allar árásirnar, virðast liðssveitir Kúrda halda velli - skv. fréttum hafa þær hörfað hægt og rólega, en halda þó enn helstu þéttbýlissvæðum.
- Tyrklandsher er þó að þrýsta víglínunni hægt og rólega að Afrin-borg, og stefnir að óbreittu að því að barist verði þar.
Litlar fréttir hafa borist af mannfalli meðal liðssveita sem berjast með Tyrkjum. En það mannfall hlýtur að vera nokkuð umtalsvert - einnig spurning hvaða mannfall hefur orðið í her Tyrklands.
Niðurstaða
Ég ætla mér ekki að gíska á það hve langt Erdogan er tilbúinn að ganga. En greinilega hikar hann ekki að ráðst að liðssveitum sem Damaskus hefur sent á vettvang. Það að Kúrdar og Assad náðu saman um það atriði - er eitt og sér áhugavert. En það að Erdogan hafi fyrirskipað að því er best verður séð Tyrklandsher að líta á liðssveitir fylgismanna Assads nú komnar til Afrin sem óvinveittar - er ekki síður athyglisvert.
Þetta bersýnilega eykur flækjustig átakasyrpunnar í Sýrlandi.
Tyrkland greinilega ætlar að hertaka Afrin hérað hvað sem tautar og raular.
--Eða nánar tiltekið Erdogan virðist stefna að þeirri útkomu.
En með liðssveitir stuðningsmanna Assads nú einnig á vígvellinum, hefur áhætta Tyrklands aukist mjög greinilega!
Kv.
Utanríkismál/alþjóðamál | Slóð | Facebook | Athugasemdir (4)
20.2.2018 | 00:49
Donald Trump berst fyrir kolaiðnaðinn í Bandaríkjunum - áhugaverður samningur við Úkraínu um kaup á kolum
Þó að Trump hafi fengið atkvæði frá Pennsylvania út á loforð um að efla kolaiðnaðinn, sem er mikilvægur í því fylki. Þá er áhugaverður sannleikur sá að bandarískur kolaiðnaður er staddur í hraðri hnignun - hefur sú hnignun ekkert að gera með umhverfisreglugerðir sem Trump einnig barðist gegn og hefur skipulega afnumið eða gert óvirkar síðan hann komst til valda.
Ástæða hnignunar bandarísks kolaiðnaðar er -- "fracking" iðnaðurinn í Bandaríkjunum. En vinnsla á náttúrugasi með "fracking" aðferð úr leirsteinslögum - hefur síðan á síðara kjörtímabili Obama árin 2012-2016 lækkað til muna verðlag á náttúrugasi.
Það hefur leitt til þess að kolaorkuver hafa orðið ósamkeppnishæf um verð, m.ö.o. aðilar hafa getað lækkað sinn kostnað með því að skipta úr kolabrennslu yfir í gasbrennslu, þannig getað boðið rafmagn á lægra verði en orkuver sem enn brenna kolum hafa verið fær um.
Þetta hefur undanfarin ár stuðlað að hröðum samdrætti í kaupum orkufyrirtækja á kolum.
--Það trend hefur ekki snúist við síðan Trump komst til valda!
--Sú áhugaverða staðreynd er sú, vegna þess að gasbrennsla leiðir til miklu minni CO2 losunar en kolabrennsla, þá hafa Bandaríkin staðið við Kyoto markmið sín þessi árin síðan hröð hnignun kolaiðnaðarins hófst - þó sú hnignun hafi ekki raunverulega haft nokkuð að gera með utanaðkomandi þrýsting aðila um að standa við þau Kyoto loftslags markmið.
- Það sem Trump virðist vera að gera, er að beita sér til að aðstoða bandaríska kolaiðnaðinn, við það verk að útvega sér útflutningsmarkaði.
- Samskipti ríkisstjórnar Trumps við ríkisstjórnir Úkraínu og Póllands - virðast hafa skilað samkomulagi ríkisstjórna beggja landa, um kaup á kolum frá Bandaríkjunum.
- Löndin hafa samþykkt þetta, þó kolin séu ívið dýrari en kol frá Rússlandi!
How a U.S. coal deal warmed Ukraine's ties with Trump
Útflutningur á kolum er í raun og veru nauðvörn fyrir bandarísku námufélögin!
Trump virðist raunverulega hafa taugar til kolaiðnaðarins - virðast því þessi viðskipti vera að stuðla að bættum samskiptum ríkisstjórnar Bandaríkjanna, og ríkisstjórna landanna tveggja!
--Greinin hlekkjað á að ofan, fjallar um samkomulag ríkisstjórnar Trumps við forseta Úkraínu og ríkisstjórn Úkraínu.
Poroshenko forseti Úkraínu og Donald Trump!
Poroshenko heimsókti Trump í Hvítahúsið í júlí á sl. ári.
- Pólland virðist hafa keypt 839þ. tonn á sl. ári.
- Samningur við Úkraínu virðist upp á kaup á ca. 700þ. tonnum.
Skv. frétt hafði Úkraína flutt inn 3 milljón tonn af kolum fyrstu 11 mánuði sl. árs.
Þannig að kaup á þessum skala duga ekki til að skipta út kolum frá Rússlandi.
Til stóð að kaupa önnur 400þ. tonn, en sá samningur virðist ekki hafa gengið upp það ár milli úkraínsku fyrirtækjanna og þeirra bandarísku.
Tæknilega sé greinilega ekkert sem hindrar aukin kaup landanna tveggja á þessu ári - hafandi í huga að örvænting bandarísku námufélaganna vex í takt við minnkandi kaup innlendra fyrirtækja -- þannig væntanlega rökrétt verða þau sveigjanlegri með verð þegar fram er horft, eftir því sem þau verða háðari útflutningi um að lifa af!
--Það má leiða að líkum, að Trump geti haldið atkvæðum íbúa kolanámusvæða í Pennsylvaniu.
Niðurstaða
Kolanám virðist deygjandi atvinnugrein innan Bandaríkjanna burtséð frá baráttu Trumps fyrir kolaiðnaðinn. Eins og fram kemur að ofan er ástæðan ekki umhverfisreglugerðir heldur samkeppni frá "fracking" iðnaðinum er hefur getað boðið mun hagstæðari kjör á gasi þannig kolaorkuver hafa verið að skipta yfir í gasbrennslu - hafa orðið að gera slíkt til að halda velli, til að halda kúnnum!
Helsta vonin virðist liggja í útflutningi til Asíulanda og til A-Evrópulanda. Hinn bóginn eru kröfur A-Evrópu landanna um verð erfið greinilega fyrir bandarísku námufyrirtækin. Hinn bóginn, grunar mig að útflutningur sé nú spurning um líf eða dauða fyrir fyrirtæki í kolanámuvinnslu innan Bandaríkjanna!
Þau eigi sennilega ekki valkosti um annað, en að mæta þeim verðum sem kúnnarnir geta keypt á. Það þíði væntanlega öflugan niðurþrýsting á laun þeirra er starfa við kolanám í Bandaríkunum -- sem gæti grunar mig þar sem atvinnuleysi er lágt í Bandaríkjunum um þessar mundir leitt til skorts á starfsfólki, það að námumenn fari að leita til annarra starfa.
M.ö.o. virðist mér sennilegt að þessi útflutningur sé einungis framlenging á dauðastríði námufyrirtækjanna! Þetta sé raunverulega deygjandi atvinnugrein!
Kv.
Utanríkismál/alþjóðamál | Slóð | Facebook | Athugasemdir (3)
Bloggfærslur 20. febrúar 2018
Um bloggið
Einar Björn Bjarnason
Nýjustu færslur
- Skoðanakannanir líklega ofmeta fylgi Donalds Trumps -- sem er...
- 2 ár síðan Rússland hóf innrás í Úkraínu, febr. 2022: Stríðið...
- Batnandi efnahagur Bandaríkjanna gæti bætt sigurlíkur Joe Bid...
- Hæstiréttur Bandaríkjanna, varðandi mál Donalds Trumps - ætti...
- Arabaríki leggja fram friðartillögu í átökum Ísraels og Hamas...
- Yfirlit yfir stöðuna í Úkraínu: Stuttu máli sagt, gekk sókn Ú...
- Vegna mikillar umræðu um, vinsældir Donalds Trump vs. óvinsæl...
- Harðir bardagar sl. 3 vikur um borgina Avdiivka í SA-Úkraínu,...
- Er Ísrael að falla í gildru Hamas Samtakanna? Hamas samtökin ...
- Árás Hamas samtakanna frá Gaza svæðinu á Ísrael - stærsta bló...
- Staðfest gegnumbrot Úkraínmanna, á Varnarlínu Rússar No. 2 --...
- Hafa Úkraínumenn, þegar 'de facto' haft sigur á Rússum í S-Úk...
- Nýleg könnun í Bandaríkjunum - sýnir, dómsmálin ógna möguleik...
- Úkraína nær gegnum fyrstu varnarlínu Rússa - Zaporizhia svæði...
- Er Kína á leið í kreppu - eða þegar í kreppu?
Eldri færslur
2024
2023
2022
2021
2020
2019
2018
2017
2016
2015
2014
2013
2012
2011
2010
2009
2008
Bloggvinir
- eyglohardar
- bjornbjarnason
- ekg
- bjarnihardar
- helgasigrun
- hlini
- neytendatalsmadur
- bogason
- hallasigny
- ludvikjuliusson
- gvald
- thorsteinnhelgi
- thorgud
- smalinn
- addabogga
- agnarbragi
- annabjorghjartardottir
- annamargretb
- arnarholm
- arnorbld
- axelthor
- arnith2
- thjodarsalin
- formosus
- birgitta
- bjarnijonsson
- bjarnimax
- westurfari
- virtualdori
- bookiceland
- gattin
- davpal
- dingli
- doggpals
- egill
- jari
- einarborgari
- einarsmaeli
- erlaei
- ea
- fannarh
- fhg
- lillo
- gesturgudjonsson
- gillimann
- bofs
- mummij
- kallisnae
- gp
- gudmbjo
- hreinn23
- gudrunmagnea
- gmaria
- topplistinn
- skulablogg
- gustafskulason
- hallurmagg
- haddi9001
- harhar33
- hl
- diva73
- himmalingur
- hjaltisig
- keli
- fun
- johanneliasson
- jonsullenberger
- rabelai
- jonl
- jonmagnusson
- jonvalurjensson
- gudspekifelagid
- thjodarskutan
- juliusbearsson
- ksh
- kristbjorg
- kristinnp
- larahanna
- leifurbjorn
- lifsrettur
- wonderwoman
- maggij
- elvira
- olafureliasson
- olinathorv
- omarragnarsson
- ottarfelix
- rafng
- raksig
- redlion
- salvor
- samstada-thjodar
- fullvalda
- fullveldi
- logos
- duddi9
- sigingi
- sjonsson
- sigurjons
- stjornlagathing
- athena
- stefanbogi
- lehamzdr
- summi
- tibsen
- vala
- valdimarjohannesson
- valgeirskagfjord
- vest1
- vignir-ari
- vilhjalmurarnason
- villidenni
- thjodarheidur
- valli57
- tbs
- thorgunnl
- thorsaari
- iceberg
Heimsóknir
Flettingar
- Í dag (19.3.): 7
- Sl. sólarhring: 12
- Sl. viku: 47
- Frá upphafi: 844897
Annað
- Innlit í dag: 5
- Innlit sl. viku: 38
- Gestir í dag: 5
- IP-tölur í dag: 4
Uppfært á 3 mín. fresti.
Skýringar