Verður fundur Trump með Kim Jong Un - haldinn, eða ekki?

Á föstudag virtist Trump gefa í skyn að þó hann hefði slegið af fund með Kom Jong Un sem átti að fara fram í Singapore í nk. mánuði af -- að þá væru líkur á að hann gæti farið fram síðar.

Donald Trump: "We’ll see what happens. It could even be the 12th. We’re talking to them now,..." - "They very much want to do it. We’d like to do it."

Trump sagði þá við blaðamenn að hann fagnaði jákvæðum viðbrögðum frá Norður-Kóreu, en skv. fjölmiðlum gáfu stjv. NK það út - að þau væru áhugasöm enn um að fundurinn færi fram, og að þau væru til viðræðu um lausnir!

Daginn á undan, var Trump verulega neikvæðari, en þá sagði hann:

Donald Trump: "The Singapore summit, for the good of both parties, but to the detriment of the world, will not take place..." - "You talk about nuclear capabilities, but ours are so massive and powerful that I pray to God they will never have to be used."

Í formlegu bréfi - kvartaði Trump undan fjandskap og reiði í nýlegum ummælum frá NK. Og sagði ekki réttmætt að fundurinn færi fram við slíkr aðstæður. Í bréfinu sagði Trump að hann vildi enn ræða við NK -- og óskaði eftir sinnaskiptum frá NK.

 

Málið virðist snúast um kröfu Bandaríkjanna um algera kjarnorkuafvopnun!

Auðvitað blönduðust einnig inn ummæli frá Bolton - Pompeo og síðan Pence, á þann veg að fordæmi Líbýu væri gott veganesti fyrir NK.
En rétt fyrir 2000 samþykkti Gaddhafi að falla frá kjarnorkuprógrammi, sem hafði ekki enn á þeim punkti skilað sprengju, og margvíslegu öðru sem Bandaríkin töldu fjandsamlegt -- í staðinn féllu Bandaríkin frá refsiaðgerðum sem voru aflagðar.

Það þarf ekki endilega að túlka þau ummæli sem hótun - sbr. hvað einum og hálfum áratug síðar kom fyrir Gaddhafi.

Hinn bóginn, hlýtur samt Kim Jong Un að vera endalok Gaddhafis hugleikin.

1. Fyrir Kim, þá er verðmæti kjarnavopnanna fyrst og fremst það, að gera árás á NK - óskaplega kostnaðarsama fyrir árásaraðilann.
2. Hann greinilega mun vera mjög tregur til að afsala sér þeim.

Bandaríkin leggja mikla áherslu á algert afsal þeirra vopna, og ekki einungis það - heldur að öll starfsemi tengd þeim vopnum verði eyðilögð svo NK gæti ekki smíðað slík vopn síðar.

Hugmyndir Trumps - Pence - Bolton og Pompeo, virðast á þá leið að skiptin yrðu -- fullkomin eyðilegging vopnaprógramma NK og vopnanna sjálfra.
--Á móti niðurfellingu refsiaðgerða!

Það virðist fremur augljóst að Kim Jong Un muni ólíklegur til að samþykkja það tilboð.
--Hann vill augljóslega fá einhverskonar öryggistryggingu.

Það verða sennilega einhverjar gagnkröfur!
Ég efa þar af leiðandi, að samkomulag leiðist fram með skjótum hætti.
--Spurning þó hvort Trump hafi þolinmæði í fleiri ára samninga.

 

Niðurstaða

Miðað við viðbrögð Trumps virðist ljóst að Trump vill enn að fundurinn með Kim Jong Un fari fram. En á sama tíma virðist margt benda til þess, að vandinn snúist um stífa kröfu Bandaríkjanna um algera kjarnorkuafvopnun og fullan endi á kjarnorkuprógrömm NK.

Sennilega snúist deilan um - akkúrat tilgang fundarins. Trump vill líklega, fá skjótt samkomulag - leysa málið snarlega. Og vilji sennilega hafa fyrirfram samþykki NK fyrir niðurstöðunni - svo fundurinn yrði einungis, formsatriði.

En á hinn bóginn, virðist mér rökrétt að það standi í NK - að sætta sig við slíka niðurstöðu. Það geti verið að Trump sé einfaldlega að segja Kim Jong Un, að fundurinn fari fram ef Kim fari að hans vilja - ella ekki, og ég bendi á ummæli Trumps að ofan þ.s. hann nefndi kjarnavopn Bandaríkjanna, ekki skýra hótun en nægilega skýr þó.
--Vitað að Bolton hefur mælt fyrir árás á NK af fyrra bragði. Þekki ekki hvort Pompeo gengur það langt.

Þannig að í mig hljóma ummæli Trumps sl. tvo daga -- gerið eins og ég mæli fyrir, eða þið hafið verra af.

 

Kv.

Donald Trump setur upp nýjar toll hótanir gagnvart heimsbyggðinni

Sjálfsagt hefur einhver heyrt að Trump hefur skipað Wilbur Ross, að rannsaka hvort innflutningur bifreiða til Bandaríkjanna - ógni þjóðaröryggi.

Rétt að nefna, að rúmur helmingur bifreiða-innflutnings er í gegnum NAFTA samandið milli Kanada og Mexíkó - þá er í flestum tilvikum að ræða, verksmiðjur í eigu General Motors, Ford Motor Corporation eða Fiat/Crysler.

Hinn bóginn er mikill innflutningur að auki frá Þýskalandi - Japan og Suður-Kóreu.

Skv. reglum Heims-viðskiptastofnunarinnar, má viðhafa 10% toll.
Bandaríkin að sjálfsögðu hafa engan toll milli NAFTA landa, enda sérstakt frýverslunarsvæði.

En það má fastlega reikna með að nýr - Trump tollur, mundi vera lagður á NAFTA lönd, sem önnur.
--Þannig að hótunin virðist beinast einkum að Kanada og Mexíkó.
--En samningar um breytingar á NAFTA, hafa ekki gengið vel fram að þessu.

Samningamenn Mexíkó og Kanada, virðast hafa staðið fastir fyrir!
Þrátt fyrir heilt ár við samninga, sé enn víð gjá á milli aðila.
--Trump er sennilega orðinn frústreraður á stappinu.
--Og vill væntanlega nú þvinga fram niðurstöðu!

Donald Trump launches US probe into car imports

U.S. launches auto import probe, China says will defend interests

----------------------------------

Wilbur Ross - "There is evidence suggesting that, for decades, imports from abroad have eroded our domestic auto industry," - "The Department of Commerce will conduct a thorough, fair and transparent investigation into whether such imports are weakening our internal economy and may impair the national security."

Donald Trump - "There will be big news coming soon for our great American Autoworkers. After many decades of losing your jobs to other countries, you have waited long enough!"

1. "The US imported 8.27m cars and light trucks last year, worth $191.7bn."
2. "More than half those cars (4.27m) came from fellow North American Free Trade Agreement members Mexico and Canada."

Dan DiMicco - "What was it that gave us the ability to outmanoeuvre Germany and Japan [in the second world war]? It was our auto industry. It was our industrial might. Everything was here,..." - "It’s having the ability to have the supply chains here if, God forbid, you get into a conflict and don’t have the supply chains we need,..." - "Every war we’ve fought since world war two has been a conventional war. And in a conventional war the strongest economy wins."
--Fyrrum forstjóri Nucor Steel, og stuðningsmaður Trumps.

Ég verð að segja að mér finnst það pínulítið langsótt að þetta sé þjóðaröryggismál!

En NAFTA þíðir, að Kanada - Mexíkó og Bandaríkin, virka sem eitt hagkerfi. Þróunin hefur verið sú, að framleiðslukeðjurnar teygja sig þvers og kruss yfir landamæri landanna þriggja.

Ég meina, vél getur verið framleidd í Mexíkó, en notað parta frá Bandaríkjunum og Kanada, eða framleidd í Bandar. og notað hluti framleiddir í Mesíkó og Kanada.

1. Ég verð að segja, að ég á afar erfitt með að ímynda mér það ástand.
2. Að Bandaríkin lentu sitt hvoru megin í stríði -- við Kanada eða Mexíkó.

En það sé eina leiðin fyrir mig að koma auga á það hvernig í ósköpunum það mundi geta varðað við þjóðaröryggi, að framleiðslukeðjur bandarísku bifreiðaframleiðendanna ná þvert yfir landamæri NAFTA landanna þriggja.

En til þess að það yrði þjóðaröryggismál - þyrfti að vera hætta á að Bandaríkin gætu ekki treyst á að varningur framleiddur í Kanada eða Mexíkó - fengi að streyma óhindrað yfir landamæri landanna.

Og ég á afar erfitt með að ímynda mér, að líkur séu á að Kanada eða Mexíkó - stoppi innflutning til Bandaríkjanna á íhlutum í tæki eða á heilum farartækjum.

--Stríð T.D. að sjálfsögðu þíðir - algert rof á samskiptum, þar á meðal - viðskipta.

 

Niðurstaða

Það sem ég held að sé málið - er að samningaviðræður við Mexíkó og Kanada um breytingar á NAFTA virðast hafa gengið afar illa.

Meir en helmingur bifreiða innflutnings til Bandaríkjanna sé frá verksmiðjum í Mexíkó og Kanada. Vegna þess að NAFTA er fríverslunarsvæði, sé enginn tollur milli landanna þriggja.

Trump sé einfaldlega að - hóta að leggja toll á bifreiða innflutning frá Kanada og Mexíkó.  Þó að sá tollur gilti einnig fyrir önnur lönd - hefði hann mest hlutfallsleg áhrif á Kanada og Mexíkó - þ.s. tollar eru "0."

Samningakröfur Bandaríkjanna:
What are the 5 most contentious U.S. NAFTA proposals?.
US' NAFTA demands: the moronic and the simply misguided

Samningamenn Bandar. virðast enn hanga á "sunset clause" þ.e. að NAFTA verði að endursemja um á 5-ára fresti, annars falli NAFTA sjálfkrafa niður - augljóslega mundi sú tillaga fullkomlega eyðileggja NAFTA. Þar sem að ekkert fyrirtæki gæti gert áætlanir fram í tímann.
--Það geta menn allt eins formlega slegið NAFTA af.

Ég held að það hafi ca. verið svör samningamanna Mexíkó og Kanada. 
--Þetta er langt í frá eina umdeilda krafan.

Einfaldlega sú tillaga sem er - mest absúrd.

• Vandræði við núverandi ríkisstjórn Bandaríkjanna - virðist ríkjandi sannfæring, að Bandaríkin séu það stór - það mikilvæg, að þau geti þvingað önnur lönd til þess að sætta sig við miklu mun óhagstæðari viðskiptakjör en fram að þessu.

Kröfur gagnvart NAFTA ríkjum virðast á þann veg, að leitast við að fá Kanada og Mexíkó til að sætta sig við -- einhliða óhagstæðari viðskiptakjör. Þ.e. að þau verði áfram eins hagstæð fyrir Bandaríkin við Mexíkó og Kanada. En aftur á móti, verulega óhagstæðari en áður í hina áttina fyrir Mexíkó og Kanada.
--Trump virðist frústreraður, því samningamenn Kanada og Mexíkó virðast ekki hafa samþykkt slíkar kröfur a.m.k. fram að þessu.

Þrátt fyrir rúmt ár við samninga, virðist enn víð gjá til staðar.
--Mexíkó og Kanada virðast ekki þau "pushovers" sem Trump og fylgismenn virðast hafa haldið.

 

Kv.

Kannski verður ekki af fundi Trumps með Kim Jong Un

Leiðtogi Norður-Kóreu virðist bregðast illa við kröfum Bandaríkjastjórnar - um bindandi loforð um algera kjarnorku-afvopnun, áður en rædd yrðu önnur mál - og áður en til greina mundi geta komið að Bandaríkin íhuguðu tilslakanir á efnahagslegum refsiaðgerðum.
--Síðan virðast orð Mike Pompeo um daginn ekki hafa vakið lukku!
--En hann talaði þá um, Líbýu leiðina sem fordæmi - vísaði þá til samþykkis Gaddhafis fyrir mörgum árum er hann samþykkti að hætta við kjarnorkuprógramm sem Líbýustjórn þá var með, er þó var mun skemmra komið en prógramm Norður-Kóreu, þ.e. Gaddhafi átti aldrei kjarnorkuvopn.

Eins og margir ættu að muna, þá lét Gaddhafi lífið fyrir nokkrum árum - þegar uppreisnarmaður skaut hann til bana eftir að bílalest með honum um borð hafði verið veitt fyrirsát.
Það eru a.m.k. til þeir sem líta þannig á að Gaddhafi hafi orðið á mistök, er hann hætti við prógrammið sitt - hinn bóginn rétt að árétta, að hann var ekki kominn mjög langt með það!
--Sem máski er af hverju hann var tilbúinn að slá það af!

Trump casts doubt on planned summit with North Korean leader

Donald Trump casts doubt on summit with Kim Jong Un

 

Skammt stórra höggva á milli hjá Trump þessa dagana!

1. Mjög stutt síðan að ljóst var orðið, að Xi Jinping virðist hafa haft betur í deilu Bandaríkjanna og Kína um utanríkisviðskipti -- Kína virðist ætla að komast upp með eftirgjafir sem litlu máli skipta -- sem má segja að kasti rírð á fullyrðingar Trumps sjálfs um að vera frábær samningamaður!
2. En nú virðist stefna í að Trump fái sennilega ekki leiðtogafund sinn með Kim Jong Un, þannig að draumurinn um - friðarverðlaun sé máski úr sögunni!

Donald Trump (um fyrirhugaðan fund) - "There’s a very substantial chance ... it won’t work out. And that’s OK," - "That doesn’t mean it won’t work out over a period of time. But it may not work out for June 12. But there is a good chance that we’ll have the meeting."

Vandinn virðist ítrekað - óraunhæfar væntingar!
Settar fram kröfur sem engar líkur séu á að fallist verði á!

Það stutt er síðan Trump krafðist 200ma.dollara lækkunar á viðskiptahalla gagnvart Kína á tveim árum - að niðurstaða viðræðna við Kína sem nú blasir við - lítur út sem hreinn brandari.

Þessi sami vandi - óraunhæfar kröfur, sést einnig stað í samningum ríkisstjórnar Trumps við Kanada og Mexíkó um - NAFTA endurnýjun. Þó samningar hafi nú staðið langa hríð, sé enn gjá á milli aðila og að virðist litlar líkur á samkomulagi - nema Trump bakki stórt.

Gagnvart Norður-Kóreu, strandar að virðist á kröfu um - fulla kjarnorkuafvopnun, áður en til greina komi að ræða aðra hluti tengda samskiptum Bandaríkjanna og Norður-Kóreu!

• Hætta Trumps er einfaldlega að verða - "ineffective" - þ.e. áhrifalítill.

Menn smám saman hætta að taka mark á þeim, sem er ekki í jarðsambandi um það, hvað sé unnt að ná fram. Í dag sé árangur Trumps, ef árangur ætti að kalla - einungis sá að hafa sagt upp einum stórum viðskiptasamningi við fjölda ríkja við Kyrrahaf, og nýlega að hafa sagt upp samningnum við Íran!
--Þ.e. auðvelt að segja - Nei! En það að sannfæra - krefst annars konar hæfileika!

1. Það sé líklega afar einfalt, að ef Trump ætlar sér að funda með Kim Jong Un.
2. Þurfi hann að draga í land með kröfuna, um kjarnorkuafvopnun strax.

Sá möguleiki geti einungis komið hugsanlega til, eftir langt samningaferli. Norður-Kórea án vafa vill eitthvað á móti.

Pompeo var svo "tactless" um daginn, að minna leiðtoga NK - á það af hverju leiðtogar NK hafa kosið að koma sér upp kjarnorkuvopnavígbúnaði.

 

Niðurstaða

Mér virðist samningatækni Donalds Trumps ekki vera að virka. En hún virðist felast í því að setja fram mjög háar kröfur í upphafi. Hinn bóginn virðist árangur ekki stefna í að vera í nokkurri nánd við slíkar væntingar.

Samkomulag við Kína - ef til vill lækkar viðskiptahalla að einhverju leiti. En ekkert nærri þeirri kröfu sem Trump setti fram fyrir skömmu síðan.

Samningar við NAFTA löndin virðast ekki ganga vel, hafa dregist á langinn - enn víð gjá milli aðila. Þar virðast væntingar Bandaríkjastjórnar ganga miklu lengra en Kanada og Mexíkó geti sæst á.

Ég nefndi einnig að ofan, bersýnilega óraunhæfar væntingar gagnvart Norður-Kóreu, um fulla kjarnorkuafvopnun strax - áður en eiginlegar viðræður hæfust.

Við þessa upptalningu, má bæta fullkomlega óraunhæfum hugmyndum sem hafa verið að koma fram síðustu daga, er beinast að Íran - nokkurs konar draumsýn um nýjan Írans samning sem virðist í afar litlu raunveruleikasamhengi. Þar sem Íran mundi þvingað til að draga saman seglin innan Mið-Austurlanda, hætta stuðningi við Hezbollah - ríkisstjórnina í Damaskus - Hútha svokallaða í Yemen - og auðvitað sína kjarnorkuáætlun, ekki má gleyma eyðileggja allar sínar eldflaugar.
--Hvernig allt það ætti að nást fram, skortir mig getu til að gera mér í hugarlund.

• Það sé afar einfalt, að samningatækni óraunhæfra draumsýna virkar ekki.

 

Kv.

Bandaríkin virðast stíga til baka frá viðskiptahótunum á Kína

Skv. fréttum hefur Mnuchin viðskiptaráðherra Bandaríkjanna - líst yfir vopnahléi gagnvart Kína þegar kemur að þeirri viðskiptadeilu sem ríkisstjórn Trumps hafði líst yfir gagnvart Kína!

Stocks rally after Mnuchin says Sino-U.S. trade war 'on hold'

US and China step back from brink of trade war

U.S. Suspends Tariffs on China

Mér virðist skv. þessu Bandaríkjastjórn hafa gefið mikið eftir!

Kínastjórn greinilega þverneitaði kröfum um að lækka viðskiptahalla um 200 milljarða dollara, á einungis tveim árum. 

Larry Kudlow - "There’s no agreement for a deal.  We never anticipated one. There’s a communique between the two great countries, that’s all,..."

Skv. þessu - var ekkert formlegt samkomulag undirritað vegna viðræðna helgarinnar.

Kína virðist hafa veitt sín vanalegu loforð án skuldbindinga, sem Bandaríkin ætla að ræða áfram.

1. Mr Mnuchin: "Mr. Mnuchin said on Sunday that the countries had agreed on a “framework” under which China would increase its purchases of American goods, while putting in place “structural” changes to protect American technology and make it easier for American companies to compete in China." - 
2. "We have agreed to put the tariffs on hold while we try to execute the framework." -
3. "He suggested that, under a deal, China would increase its purchases of American agricultural products by 35 percent to 45 percent this year and ramp up energy purchases over the next three to five years."
4. "He (Donald Trumo) could always decide to put the tariffs back on if China doesn’t go through with their commitments,..."

Kínastjórn virðist hafa lofað að skoða með Bandaríkjastjórn - reglur um "intellectual property" og viðskipti Bandaríkjanna almennt við Kína -- án nokkurra skuldbindandi loforða.

Mr. Kudlow  - "They are offering to make structural reforms, such as lower tariffs and lowering nontariff barriers, which will permit us to export billions and billions more goods to China..."

Ef marka má orð Kudlows of Mnuchin -- þá virðist margt benda til þess að viðskipti á landbúnaðarvörum verði líklega auðvelduð fljótlega! En landbúnaðarvörur virðast helsti útflutningur Bandaríkjanna til Kína.

1. Það má vera að slíkt óskuldbindandi loforð frá Xi Jinping - hafi hljómað vel samt sem áður, vegna þess tiltölulega mikla stuðnings sem Donald Trump hefur haft í landbúnaðarfylkjum Bandaríkjanna!
   --Það geti því hafa verið sniðugt af Xi að veita loforð af slíku tagi.
2. Höfum auk þess í huga, að gagnhótun Xi ef Trump hefði lagt á tolla - beindist einkum að tollum á landbúnaðarvöruútflutning Bandaríkjanna til Kína. Er þá hefði einmitt beinst að þeim sömu kjósendum Trumps!
   --Xi er greinilega enginn vitleysingur.

--Síðan er hitt óskuldbindandi loforð Kína - um kaup á orku máski ekki síður sniðugt.
--En líklega getur Xi - ákveðið mjög auðveldlega að ríkisfyrirtæki Kína, kaupi það gas eða olíu sem Bandaríkin bjóða til kaups.
--En bandarísk orkufyrirtæki hafa stutt Trump.

Þannig að loforð Kína virðast beinast beint að kjósendum Trumps annars vegar og hins vegar að mikilvægum stuðningsaðilum Trumps meðal bandarískra fyrirtækja.

• Hljómar sem að Xi hafi verið með "manipulation" á Trump.

Ég efa stórlega að ríkisstjórn Bandaríkjanna nái miklu meira fram!

 

Niðurstaða

Eins og fréttirnar hljóma í mínum augum hefur ríkisstjórn Trumps stigið risastórt skref til baka. En greinilega hefur Kína ekki samþykkt formlega nokkurn hlut - samt fellur Trump frá fyrirhuguðum refsitollum.

Það vekur athygli mína að loforð um opnun gagnvart landbúnaðavörum og hugsanleg kaup á - olíu og gasi; beinast beint annars vegar að mikilvægum kjósendum Trumps og hins vegar að fyrirtækjum í bandaríska orkuiðnaðinum er hafa einna helst stutt Trump meðal atvinnulífs Bandaríkjanna.

M.ö.o. hljómar þetta í mín eyru þannig að Kínastjórn hafi greint nákvæmlega hvað það líklega sé - sem skipti Donald Trump pólitískt mestu máli.

Slík útkoma þarf ekki að kosta Kínastjórn mikið - hún þarf hvort sem er að kaupa olíu og gas, eitthvað af því getur komið frá Bandaríkjunum.

Ef kínverskir neytendur eru tilbúnir að kaupa bandarískar fullunnar landbúnaðarvörur, þá fylgi því líklega óverulegur kostnaður fyrir Kínastjórn -- að minnka tolla gagnvart þeim.

Ef þetta sé allt og sumt sem Trump fallist á, þá mundi tilkostnaðurinn verða lítill.

 

Kv.

Fyrrum mágur fyrrum stjórnanda framboðs Donalds Trumps semur um vægð gegn játningu á sök

Ekki er vitað hversu mikilvægt þetta er, en  skv. frétt Reuters þá hefur Jeffrey Yohai sem var giftur dóttur Paul Manafort - sem um hríð 2016 var stjórnandi forsetaframboðs Donalds Trumps - en skildi við dóttur Manaforts sl. sumar; gert samning við Dómsmálaráðuneytið bandaríska þ.s. Jeffrey Yohai játar á sig sakir gegn einhvers konar vægð - sem væntanlega fylgir eitthvert samkomulag um samstarf við rannsókn Roberts Mueller.

Hvað akkúrat það felur í sér liggur á huldu.
En skv. frétt Reuters var Jeffrey Yohai einn viðskiptafélaga Paul Manaforts.

Manafort's former son-in-law cuts plea deal, to cooperate with government - sources

 

Manafort fyrrum kosningastjóri Donalds Trumps!

 

 

Líklegast snýst málið um fund í Trump turni fyrir forsetakosningar 2016!

Á þeim fundi voru þeir - Donald Trump yngri, Robert Manafort, Jared Kushner - eiginmaður Ivönku Trump, og rússneskur lögfræðingur -- sem hafði boðist til að selja meintar óþægilegar upplýsingar um Hillary Clinton!

Það er viðurkennt að sá fundur raunverulega átti sér stað - það ekki umdeilt atriði.
En það sem er umdeilt er, hvort að kaup á upplýsingum frá lögfræðingnum fóru fram!
--Þeir Donald Trump yngri, Jared Kushner og Robert Manafort hafna því.

1. En punkturinn er sá, að gömul bandarísk lög banna erlendum ríkisborgurum afskipti af kosningum eða kosningahegðan innan Bandaríkjanna - það þar með talið banni viðkomandi að selja bandarískum einstaklingi gögn ætlað að hafa áhrif á bandarískar kosningar!
2. Önnur bandarísk lög, banna bandarískum borgurum að stuðla eða taka þátt í lögbroti hverskonar.

Tilvitnanir úr eftirfarandi lögum: 52 USC 30121, 36 USC 510

1. A foreign national shall not, directly or indirectly, make a contribution or a donation of money or other thing of value, or expressly or impliedly promise to make a contribution or a donation, in connection with any Federal, State, or local election.
2. A solicitation is an oral or written communication that, construed as reasonably understood in the context in which it is made, contains a clear message asking, requesting, or recommending that another person make a contribution, donation, transfer of funds, or otherwise provide anything of value.

Skv. því væri það skírt lögbrot ef sú meinta sala fór fram!

Mueller hefur verið með dómsmál gegn Manafort í gangi um nokkra hríð, ásakanir m.a. um meinta þátttöku í refsiverðu peningaþvætti.

Áður hefur Mueller samið við annan fyrrum viðskiptafélaga Manafort, sem einnig var um hríð starfsmaður framboðs Donalds Trumps: Robert Mueller sérstakur saksóknari Bandaríkjaþings - halar inn einn stórfisk.

Mueller er grunaður um að ætla að þvinga Paul Manafort til að semja "plea bargain" þ.s. hann mundi játa sök gegn vægari refsingu, og samstarfi við rannsókn Muellers.

Áður hafði Mueller halað inn einnig Micheal Flynn sem gegndi um skamma hríð stöðu þjóðaröryggisráðgjafa í ríkisstjórn Donalds Trumps - þar til Trump rak hann. En Flynn var einnig eins og Manafort - háttsettur innan framboðs Trumps.

Í þessu öllu virðist mega sjá að Mueller lítur á Manafort sem mikilvægt skotmark, því hann sé greinilega að verja miklu púðri gegn honum - nú hafa tveir fyrrum viðskiptafélagar hans samið um vægð gegn játningu; sem væntanlega þíðir samkomulag um veita fulla vitneskju um þeirra viðskipti í félagi við Manafort.

Bersýnilega er Manafort harður nagli sem berst um hæl og hnakka innan bandaríska réttarkerfisins, gegn Mueller.

Það kemur í ljós hvort Mueller tekst að ná því sem líklega sé hans markmið, að svínbeygja Manafort!

 

Niðurstaða

Klárlega er Robert Mueller ekki hættur - en fyrir utan það sem ég fjalla um hér, stendur það enn sem opin spurning hvað var í gögnum sem tekin voru í húsleit á skrifstofu eins lögfræðinga Donalds Trumps -- enn sé það ekki vitað, en sú húsleit fór fram fyrir frumkvæði Muellers.

Mér virðist sennilegast að sá síaukni þrýstingur sem Mueller sé greinilega að beita Manafort í málaferlum gegn Manafort, snúist um að beygja fyrrum kosningastjórna Donalds Trumps, til að semja við Mueller "plea bargain."

Sem felur í sér að játa á sig sök, gegn vægð og fullu samstarfi í tilvikinu við Mueller.

--Á endanum snúist það mál grunar mig um fundinn í Trump turni fyrir forsetakosningarnar 2016.

Gaman að ryfja upp ummæli Steve Bannons um þann fund: -- "The three senior guys in the campaign thought it was a good idea to meet with a foreign government inside Trump Tower in the conference room on the 25th floor – with no lawyers. They didn’t have any lawyers."
"Even if you thought that this was not treasonous, or unpatriotic, or bad shit, and I happen to think it’s all of that, you should have called the FBI immediately."

Hið minnsta er ég sammála Bannon að sá það hafi verið hæsta máta ósnjallt að halda þann fund í Trump turni: Bannon virðist hafa afskrifað Donald Trump - Trump segir Bannon hafa tapað glórunni.

 

Kv.

Maður veltir fyrir sér hvort að Ísraelar hafi virkilega þurft að skjóta fólk er reyndi að klifra yfir girðingu á landamærum Gaza og Ísraels?

Eins og frést hefur, létust 51 á mánudag í mjög fjölmennum mótmælum á Gaza - þegar hópar fólks í yngri kanntinum, ítrekað gerðu tilraunir til að komast yfir eða í gegnum girðingu sem girðir Gaza svæðið þ.s. rúmlega 2-milljónir Palestínumanna búa í einangrun frá Ísrael!

Drápin voru víða fordæmd eins og fréttir hafa tjáð á þriðjudag!
Á sama tíma, fullyrða ísraelsk stjórnvöld að 24 af 51 hafi verið meðlimir Hamaz!

Þeir sem voru að fylgjast með - af hálfu alþjóða pressunnar, sáu ekki vopn borin af þeim sem reyndu að klifra yfir eða klippa sig í gegnum landamæragirðinguna!

Ísraelskir hermenn!

1. Það er áhugavert að sjá útbúnað hermannanna - einn virðist halda á vopni sem líklega varpar táragashylkjum, meðan hinir greinlega bera - venjulega hríðskotaryffla!
2. Maður veltir fyrir sér, af hverju Ísrael beitir hermönnum búnum með þessum hætti.
3. Í stað t.d. óeirðalögreglu með hjálma - í eldföstum búningum - kylfur - táragas - vantsdælur, o.s.frv.

Eins og Ísraelar bregðast við, þá greinilega er stefnan sú, að ekki sé óhætt að heimila þá nálægð milli mótmælenda - og sveita á vegum yfirvalda, sem óhjákvæmilega fylgdi klassískum lögregluaðgerðum!

Mótmælendur eru metnir það hættulegir, að þeir eru skotnir - frekar en að heimila nokkrum þeirra að komast yfir eða í gegnum girðinguna!

Höfum í huga að jafnvel þó að þarna hafi farið fram meðlimir m.a. í Hamaz - þíðir það ekki endilega mjög mikið -- en líklega eru margir íbúa á Gaza, Hamaz meðlimir án þess að vera við það endilega hættulegri en aðrir.

--En ísraelsk yfirvöld virðast gera ráð fyrir, sjálfsmorðs-sprengjum.
--En þ.e. það eina sem getur hugsanlega réttlætt slíka nálgun, að skjóta fólk frekar en að stöðva það með öðrum hætti!

En þegar fjölmenn mótmæli eiga sér stað t.d. í Evrópu, og þau verða róstursöm - þá er grjótkast og stimpingar öruggar, og mótolof kokteilar sennilegir!
--Oftast nær fylgi slíku meiðingar - en ekki manntjón.

Ísraelsk yfirvöld hefðu getað látið reyna á það, að beita sambærilegum meðölum, að í stað þess að skjóta þá sem reyndu að komast yfir, að mæta þeim með klassískri óeirðalögreglu.
--Slíkt hefði sennilega ekki leitt til mannfalls!

En það hefði þítt, að ef einhver meðal ungmennanna hefði borið sprengju, hefði viðkomandi getað hugsanlega drepið einhverja óeirðarlögreglumenn -- auðvitað fjölda annarra.
--Ekki gott að meta líkur slíks!

Mér virðist sennilegt að það komi betur út fyrir Hamaz, að þeir sem taka þátt í hinum skipulögðu mótmæla-aðgerðum, séu alfarið óvopnaðir.
--Ef málið sé hugsað út frá áróðurshliðinni.

Ef Hamaz beitti sjálfsmorðs sprengju, mundi hreyfingin þegar í stað - tapa mikilli af þeirri samúð sem dráp Ísraela hafa framkallað!
--En ég get auðvitað ekki fyrirfram sannað slíkt.

Ísraelar virðast frekar vilja drepa 50 - Palestínumenn, en taka áhættu á að einn Ísraeli falli!

 

Niðurstaða

Staða mála á Gaza er auðvitað sorgleg. Þar hefst fólk við í sárri fátækt án mikils við að vera. Ungt fólk hefur lítið að gera nema mæla göturnar, og þegar menn hafa lítið fyrir stafni - er auðvelt að laðast að öfgum, sérstaklega þegar það fer saman við sára fátækt og almennt vonleysi.

Þannig hafi Ísrael með einangrun sinni á Gaza, tryggt ákveðinn vítahring - þ.s. fátæktin og vonleysið íti undir fylgi fólksins þar við öfgahreyfingar. Og tryggi þar með áhrifastöðu þeirra hreyfinga meðal íbúa svæðisins.

Ísraelar halda svæðinu einangruðu svo lengi segja þeir, sem að svæðinu sé stjórnað af samtökum er vilja Ísrael feigt.

Skv. því eru mál stödd í klassísku "catch 22."

Almennt séð virðist staða Palestínumanna nær fullkomlega vonlaus, Ísraelar með öll tögl og haldir, samtímis því að Ísrael sé lítt undir þrístingi um að breyta ástandinu í annað form.

 

Kv.

Viðbrögð Írans við afsögn Trumps á kjarnorkusamningum virðast með áhugaverðum hætti - varfærin

Forseti Írans ítrekaði ummæli sín sem hann lét eftir sér er fregnir bárust fyrst af uppsögn Trumps á kjarnorkusamningum - af hálfu Bandaríkjanna, að Íran mundi standa við samninginn, ef aðrar aðildarþjóðir hans gerðu Íran það mögulegt.
--Augljóslega er hann að óska eftir aðgerðum af þeirra hálfu svo Íran geti átt viðskipti á alþjóðamörkuðum þrátt fyrir viðskiptabann Donalds Trumps, er hefst eftir tæpa 90 daga.

Utanríkisráðherra Írans var staddur í Peking!

Við blaðamenn sagði utanríkisráðherrann eftirfarandi á sunnudag í Peking.

Javad Zarif - "We hope that with this visit to China and other countries we will be able to construct a clear future design for the comprehensive agreement."

En Zarif fór strax af stað er fréttist af riftun Trumps, ætlar að ræða við ríkisstjórnir allra aðildarlanda kjarnorkusamkomulagsins við Íran frá 2015.

Utanríkisráðherra Kína sagði eftirfarandi við blaðamenn.

Wang Yi - "China is willing to maintain communication and coordination with all relevant parties, including Iran, and take an objective, fair and responsible attitude to continue to safeguard the ...agreement,..."

Skv. fréttum höfðu ríkisstjórnir Frakklands, Bretlands og Þýskalands strax samband við írönsk stjórnvöld í gegnum síma - skilaboðin svipuð, að stjórnvöld ríkjanna væru tilbúin að vinna með stjórnvöldum Írans að leita leiða til að tryggja framtíð samkomulagsins.

Engvar þessara yfirlýsinga virðast gefa skýrar vísbendingar um leiðir að markmiðinu!
En það liggur alveg nægilega skýrt fyrir - hvað Íran þarf á að halda!
Það er, að tryggja aðgengi að mörkuðum - og til þess eru ekki óendanlegar leiðir!
--Íran þarf m.ö.o. að geta selt sína olíu, og fá greitt í gjaldmiðli sem Íran getur átt viðskipti með, og í ljósi yfirvofandi viðskiptabannsa-aðgerða Trumps, þarf aðgengi að öðrum gjaldmiðli en dollar.

Tæknilega er unnt að nota evru eða remninbi. 
Hvor gjaldmiðillinn um sig er nægilega stór, að hvorum tveggja standa stór viðskiptasvæði er hafa upp á margt að bjóða - hinn bóginn eru mörg evrópsk fyrirtæki í miklum viðskiptum við Bandaríkin, þau fyrirtæki sem geta ekki án Bandaríkjamarkaðar verið - mundu vera treg til að stunda Íransviðskipti.
--Þannig séð gildir það sama um Kína, að mikil viðskipti eru við Bandaríkin.

Mig grunar samt sem áður, að Kína eigi auðveldar með að bjóða Íran það sem Íran þarf á að halda!

 

Viðbrögð Íranskra stjórnvalda fram að þessu eru greinilega skynsöm!

Stjórnvöld í Ísrael og fylgismenn ríkisstjórnar Trumps - tala gjarnan um Íran sem hættulegt hryðjuverkaríki, og mætti ætla af þeirri orðaræðu að stjórnendur Írans séu brjálaðir öfgamenn.

Augljós yfirvegun íranskra stjórnvalda sýnir hve langt frá sanni þær fullyrðingar eru.

1. Það er alveg rétt af írönskum stjórnvöldum, að láta á það reyna - hvað ríkin sem standa enn að kjarnorkusamkomulaginu, geta boðið Íran.
   --Það eru enn eftir allt saman tæpir 90 dagar til stefnu.
2. Það er því fullkomlega rökrétt, að bíða og sjá hvað hugsanlega kemur fram.
   --Enda einungis unnt fyrir Íran að segja upp samkomulaginu fyrir sitt leiti, í eitt skipti.

Eins og ég hef margsinnis bent á, virðist mér það geta verið áhugaverður gambíttur fyrir Kína - að bjóða Íran vernd:

Er stefna Donalds Trumps gagnvart Íran - gjöf til Kína?.

Að sjálfsögðu veit ég ekki frekar en þeir sem lesa þetta pár mitt, hvort Kína lætur verða af slíku! En mér virðast möguleikar Kína klárlega vera fyrir hendi.
--Og það sem meira er, Trump að vissu leiti sjálfur er að skapa þá möguleika!

 

Niðurstaða

Augljós varfærin yfirvegun stjórnvalda Írans gagnvart ákvörðun Donalds Trumps í sl. viku um uppsögn kjarnorkusamkomulagsins frá 2015 fyrir hönd Bandaríkjanna, sýnir töluverða aðrar mynd af írönskum stjórnvöldum - en andstæðingaríki Írans gjarnan draga upp.

Þegar Saudar eða Ísraelar eða núverandi landstjórnendur í Washington tala, þá er talað um landstjórnendur Írans sem a.m.k. hálfbrjálaða öfgamenn, miðpunkt hins illa í Mið-Austurlöndum, hættu sem verði að kveða niður.

Það er áhugavert að bera þessi viðbrögð saman við íhugula varfærni Rouhani!

 

Kv.

Er stefna Donalds Trumps gagnvart Íran - gjöf til Kína?

Ef einhver man eftir, þegar svokölluð - þorskastríð stóðu yfir - gerði Ísland viðskiptasamning við Sovétríkin. Það var vöruskiptasamningur, er fól í sér sölu fisks til Sovétríkjanna, en kaup á rússneskum bílum sbr. Lödur, Volgur, Moskovitsar og rússnesku áfengi.

1. Kína gæti auðveldlega gert sambærilegan vöruskiptasamning við Íran, sem fæli þá í sér kaup á olíu og gasi.
2. Í staðinn gætu Íranar keypt vopn af Kína, eða hvað sem þeir vildu - fyrir ca. sambærileg verðmæti á móti.

• Þessu gæti fylgt gjaldeyrisskiptasamningur, til að auðvelda viðskiptin - þannig að einkaaðilar gætu séð um málið.

Með þeim hætti gæti Kína - tæknilega - veitt Íran umtalsvert skjól gagnvart refsiaðgerðum Donalds Trump!

1. Eins og sést á kortinu á Íran einnig landamæri að Túrkmenistan, sem einnig er olíuríki.
2. Í dag kaupir Kína nær alla olíu- og gasframleiðslu Túrkmenistan.

Íran hefur einnig strandlengju að Kaspíahafi eins og sjá má, og því er alveg hugsanlegt að Íran eigi hugsanlegar ónýttar auðlyndir undir botni þess hafs.
En Túrkmenar eru m.a. með olíuvinnslu í sjó við sína eigin strandlengju, þó lindir séu einnig á þurru landi.

Kína hefur um nokkurt skeið verið stærsti fjárfestirinn í olíuvinnslu í Írak!

Áhugi Kína á olíuríkjum hefur verið algerlega augljós sl. 15 ár!
Á sl. 15 árum hefur Kína náð til sín nær öllum auðæfum Mið-Asíu, þ.e. kaupir nær alla olíu- og gasframleiðslu Mið-Asíu landa.

1. Bandalag við Íran, mundi væntanlega vinna vel með ítökum Kína í Túrkemistan, og Írak.
2. Fyrir utan, að Kína hefur mjög náið samstarf við Pakistan - hinum megin við Íran.

Bandalag Írans og Kína - mundi væntanlega gera Kína ca. álíka valdamikið í Mið-Austurlöndum og Bandaríkin.

Það mundi fela í sér, mjög stórfellda valdayfirfærslu til Kína á því svæði.

Mér virðist það augljóst að ríkisstjórn Donalds Trumps átti sig alls ekki á þessum möguleika! En mér virðist það alveg á tæru, að því harðar sem Donald Trump lætur þjarma að Íran. Því stærri verði freysting Írans til að gera samning af ofangreindu tagi við Kína.

Ef Bandaríkin misreikna sína stöðu, gætu þau staðið frammi fyrir verulegum varanlegum missi á svæðisbundnum völdum! Að sama skapi, gæti Kína grætt völd á þeirra kostnað!
--Valdalega séð gæti það verið stærra tjón en fylgdi stefnu George Bush!

 

Niðurstaða

Mín skoðun er að eftir því sem deila Bandaríkjanna og Írans líklega harðnar á nk. vikum og mánuðum, þá skuli fólk veita aðgerðum Kína mjög nána athygli - ekki síst hver samskipti íranskra sendifulltrúa og kínverskra eru.

Trump gæti beinlínis smalað Íran yfir til Kína!

 

Kv.

Spurning hvort Ísrael er að gera tilraun til að egna Íran til stríðs?

Eins og margir fréttu af á fimmtudag, framkvæmdi Ísrael umfangsmiklar loftárásir innan Sýrlands á svæðum þar sem Damaskus stjórnin er tæknilega við völd, þó hafandi í huga að Íran er í dag með fjölmennt herlið á sömu svæðum innan Sýrlands - að það má setja það upp sem spurningu, hvort það sé ekki raunverulega Íran sem ræður.

Skv. frásögn Ísraela sjálfra var ráðist á herstöðvar þar sem Íranar hafa aðstöðu.
Að sögn ísraelskra yfirvalda, var fjöldi herstöðva Írana lagðar í rúst.

Israel strikes Iranian targets in Syria after rocket fire

Israeli aircraft target Iranian military sites inside Syria

 

Það áhugaverða er að við höfum einungis orð ísraelskra yfirvalda fyrir því, að Íranar hafi verið fyrri til að gera árás á ísraelskt landsvæði!

Ég fullyrði að sjálfsögðu ekki að frásögn ísraelskra yfirvalda sé ósönn!

Yfirvöld í Ísrael hafa sagt að 20-eldflaugar hafa verið skotnar niður af eldflaugavarnarkerfi Ísraels! 
Þeim flaugum hafi verið skotið í átt að herstöðvum Ísraela í Gólan hæðum.

--Ég er einfaldlega með þá ábendingu, að ísraelsk yfirvöld eru ekki hlutlaus aðili.
--Þau hafa nú undanfarin ár margítrekað gert loftárásir innan Sýrlands, einkum beint að Hezbollah liðum starfandi innan Sýrlands, eða írönskum byltingavörðum innan Sýrlands.

Það má alveg varpa upp þeirri kenningu, að Ísrael eða nánar tiltekið Netanyahu, vilji fá Bandaríkin í stríð með sér. Aðgerðin sé frekar skilaboð til Trumps - en Írans.

Rétt að nefna, að um daginn birti Netanyahu ásakanir gagnvart Íran, sem reyndust margra ára gamlar - en taldar af flestum fréttaskýrendum ætlað að framkalla reiðiviðbrögð hjá Trump gagnvart Íran!

1. Það mætti ímynda sér, að Netanyahu sé að endurtaka leikinn, að ástunda tjáskipti gagnvart Trump - með því í þetta sinn að láta það líta svo út að Ísrael sé undir árásum Írans.
2. Tilgangurinn geti verið, að hleypa blóðrásinni hjá Trump af stað.

Bendi samt á, að langt í frá er útilokað að um raunverulega íranska eldflaugaárás hafi verið að ræða! 
Enda ekki langt síðan Ísrael gerði aðra umfangsmikla árás á aðstöðu Írans innan Sýrlands!
--Þannig að það má alveg halda því fram, að Íran hafi verið að svara fyrir sig.

Hinn bóginn, virðist mér það svo að hagsmunir Írans séu þessa stundina þeir.
Að kæla frekar niður ástandið, en að vera að - hita það upp.

Meðan að vitað er að Netanyahu hefur lengi hvatt til hernaðaraðgerða gagnvart Íran.
Hafandi það í huga, get ég alveg trúað Netanyahu til þess, að vera að ástunda hráskinnaleik.

 

Niðurstaða

Hafandi í huga að Netanyahu hefur lengi hvatt Bandaríkin til hernaðaraðgerða gagnvart Íran. Þá finnst mér alveg koma til greina að Ísrael hafi framið stórfelldar loftárásir á Sýrland.
Án nokkurra ögrana frá Íran í formi eldflaugaárásar, þannig að ísraelskar frásagnir um slíkt séu þá tilhæfulausar!

Ekki það að það sé alveg útilokað að Íran hafi verið að hefna nýlegra loftárása Ísraels á írönsk skotmörk innan Sýrlands. En hinn bóginn, virðist mér það ekki Íran í hag, að vera að efna til slíks ófriðar akkúrat núna.

En á sama tíma, eru loftárásir Ísraels framkvæmdar skömmu eftir uppsögn Donalds Trumps á kjarnorkusamningnum við Íran - sem er áhugaverð tímasetning. Hafandi í huga hve lengi Netanyahu hefur manað Bandaríkin til hernaðaraðgerða gegn Íran, virðist mér það a.m.k. ekki út í hött að Netanyahu sé í þessu tilviki - að vísvitandi egna til ófriðar.
--Væntanlega í trausti þess, að Netanyahu ef til vill metur það nú svo að hann hefði líklega Trump með sér.
--Hann getur einmitt verið að vísvitandi mana Trump út í stríð.

 

Kv.

Nýjar refsiaðgerðir Donalds Trumps á Íran - gætu smalað Íran upp í fang Kína

Ég hef margsinnis áður velt upp þeim möguleika, bandalagi Írans og Kína, sbr: 23.11.2014 Prúttið um Íran - vaxandi hætta á nýju köldu stríði, hefur sennilega styrkt verulega samningsstöðu Írans.

Í þeirri athugasemd, fjallaði ég um viðræður við Íran er síðar leiddu til samkomulags svokallaðra 6-velda við Íran. Einmitt það samkomulag sem Obama undirritaði, og Donald Trump vísaði út í hafsauga á miðvikudag!

Eins og ég benti þar á, er það augljós valkostur fyrir Íran að semja við Kína!

Kína er sennilega í bestu aðstöðu allra landa, að veita Íran efnahagslega vernd!

Sú mögulega sviðsmynd sem ég bendi á, gerir ekki ráð fyrir stríði milli Bandaríkjanna og Írans, né því endilega að Íran endurræsi kjarnorkuprógramm sitt.
En þó að íranskir stjórnmálamenn hafi talað hvasst undanfarið, og hótað að endurræsa skilvindurnar er auðga úran upp í mögulegt kjarnakleyft ástand til að búa til sprengju.
Þá virðist mér sennilegt að íranskir landstjórnendur, óttist mögulega hernaðarárás fyrirskipaða hugsanlega af ríkisstjórn Donalds Trumps - með Íran og Saudi-Arabíu í liði.

Hinn bóginn blasir við mér að Íran á mögulega útleið, ef Kína er tilbúið.

1. Kína getur líklega keypt alla olíu og gasframleiðslu Írans - með renminbi.
2. Auk þess framleiðir Kína gnægt vopna, sem Kína getur selt Íran í staðinn.
3. Fyrir utan það, hefur Kína eins og allir í dag vita - mikla breidd af framleiðslu sem Kína gæti selt Íran í staðinn.

• Þannig gæti Kína boðið Íran - viðskipti er færu fullkomlega framhjá öllum vestrænum gjaldmiðlum.
• Og það væri ekkert sem ég kem auga á, sem Bandaríkin gætu gert í málinu ef Íran og Kína mundi virkilega setja slíkt viðskiptabandalag á koppinn.

 

Ég reikna með því að Íranir hafi verið tortryggnir gagnvart Kína!

Íran hafi ekki áhuga á að vera eitthvert leppríki - slíku samningur Írans og Kína, mundi gera Kína afar áhrifamikið um málefni Írans, óhjákvæmilega!

Það skýri örugglega hvers vegna Íran hafi ekki samið áður við Kína, árin fyrir lúkningu viðræðna við Íran er skiluðu kjarnorkusamkomulaginu 2015, sem Trump var að slíta af hálfu Bandaríkjanna.

1. Hinn bógnn stefni í að efnahagslegar refsiaðgerðir Trumps verði afar harkalegar, svo harkalegar að þær séu líklegar að vera ákaflega skaðlegar fyrir íranskan efnahag.
2. Það sé auðvitað stefna haukanna í Hvíta-húsinu, að gera þær svo harkalegar að Íran lippist niður - þeir virðast sannfærðir um að þeir geti þvingað Íran með þeim hætti.

Hinn bóginn, geti það í staðinn þítt, að þær séu það harkalegar að loksins sannfærist Íranar um að hefja formlegar viðræður við Kína - um djúp efnahags samskipti.

1. Þannig að í staðinn fyrir að Íran lippist niður.
2. Gæti Trump uppskorið strategískan ósigur gagnvart Kína.

Og að sú útkoma væri Trump einum að kenna!

 

Niðurstaða

Ég hef einmitt verið lengi sannfærður um það, að ný átök við Íran mundu einungis vera Bandaríkjunum sjálfum til tjóns. Og ef Íran svarar áskorun Trumps gagnvart Íran, með bandalagi við Kína. Gæti sú útkoma leitt til stórfellds strategísks ósigurs Bandaríkjanna!

Ég meina að fyrir svæðisbundin völd og áhrif Bandaríkjanna, gæti sá ósigur verið stærri en sá ósigur er Bandaríkin biðu vegna innrásarinnar í Írak 2003. Ég er ekki að tala um stríð við Íran -- heldur það að útkoman verði sú að staða Bandaríkjanna í Mið-austurlöndum veikist verulega!

Eins og 2003 verði það ákvörðun ríkisstjórnar Bandaríkjanna sjálfrar er verði orsakavaldur þeirra ófara!

 

Kv.