Kínastjórn segir samkomulag í nánd, þar sem Bandaríkin og Kína - leggja af gagnkvæma tolla í skrefum!

Kemur fram í erlendum miðlum, eiginlega verður maður að segja - afar óljóst hversu mikið mark er á þessu takandi, þar sem margsinnis síðan Donald Trump hóf viðskiptadeilu við Kína - hafa einhvers konar samningar virst í nánd!
Síðan að þær vonir hafa brostið, en kannski er þetta alvöru að þessu sinni!

China and US agree to lift some tariffs in sign of trade war thaw

China, U.S. agree to roll back tariffs as part of trade deal

Kannski er eitthvað að marka þetta, en Jean Claude Juncker fullyrðir, Trump muni ekki taka ákvörðun um nýja tolla á ESB - á næstu dögum. En það stefnir í að hann ákveði, hvort af verði af hótun um tolla á innfluttar bifreiðar og íhluti í bifreiðar frá ESB.
--En um nokkurt skeið hefur legið fyrir úrskurður viðskiptaráðuneytis Bandaríkjanna, að sá innflutningur ógnaði öryggi Bandaríkjanna.
--Hef ekki lesið þann úrskurð, en það hlýtur að vera - forvitnilegt - hvernig Wilbur Ross hefur rökstutt svo áhugaverða niðurstöðu, hafandi í huga að um er að ræða samstarfsþjóðir í NATO - í afar nánu samstarfi er tengist einmitt öryggismálum.

Juncker says Trump won't impose tariffs on European cars: Sueddeutsche

Trump is going to make some criticism, but there won’t be any auto tariffs, -- He won’t do it. ... You are speaking to a fully informed man. -- Juncker told the Sueddeutsche Zeitung.

 

Kannski er Trump að bakka frá viðskiptastríðunum!

Ekki liggur fyrir hvað Trump hefur náð fram. En Kína virðist til í að afnema tolla á bandarískar landbúnaðarafurðir á móti - ef Trump afnemur tolla að andvirði á kínverskar vörur -- hversu stórfelld sú eftirgjöf verður eða ekki, er væntanlega prúttað um enn.

1. Möguleg ástæða þess að Trump hugsanlega bakkar frá viðskipta-átökum, geta verið aðvaranir innan hagkerfis Bandaríkjanna frá sl. mánuði.
2. Er iðnframleiðsla er komin í samdrátt.

--Sem sannarlega er slæm vísbending, þó enn sé bandaríska hagkerfið að búa til störf að því er virðist einna helst tengt neyslu -- -- reiknar maður með því, að á einhverjum punkti detti botninn úr neyslu-hagkerfinu; ef samdráttur í iðnaði mundi halda áfram.

Trump er einnig undir töluverðum þrýstingi, út af Úkraínu-málinu.
Og rannsóknum í tengslum við skatta, hans persónulega sem hans fyrirtækja.

Og Repúblikanar voru að fá slæmar niðurstöður úr Kentucky og Virgina:

In Trump's shadow, Republican suburban slide shows little sign of slowing.

Virðist að fylgis-rýrnun sé til staðar í svefnbægjum í jaðri borga.

Trump auðvitað samur við sig:

Trump defiant at Louisiana rally after Democrat wins.

• En kannski er Trump farinn að fynna fyrir þrýsting.

Summan af því sem sé í gangi, hafi sannfært hann að slaka á klónni þegar kemur að stórum viðskipta-átökum.
--Kannski sé það eftir allt saman, Bandaríkin sem séu viðkvæmari, öfugt við það sem svo oft var fullyrt.

 

Niðurstaða

Ítreka að enginn sjálfsagt veit enn, hvort að um sé að ræða enn eina falsvonina um endalok viðskipta-átaka, eða hvort nú loks hylli í endlok þeirra. En ef Juncker hefur rétt fyrir sér, ætlar Trump ekki að hjóla í ESB að nýju.
Og ef yfirlýsingar stjórnvalda Kína eru réttar, þá gæti verið að nálgast endalok á viðskiptaátökum milli Kína og Bandaríkjanna!
Mér virðist a.m.k. eitt sennileg útkoma, að Trump sé ekki að ná nokkru nærri því fram þeim kröfum er hann lagði af stað með gagnvart Kína.
--Annars skiptir Trump svo oft og snögglega um kúrsa, maður veit aldrei hvar maður hefur hann. Ég efa að meira segja hans nánu aðstoðarmenn, sjái fyrir hvað Trump sé líklegur að gera!

 

Kv.