Eru kaup Lífeyrissjóðanna á húsnæðisbréfum Íbúðalánasjóðs af Seðlabankanum raunverulega skynsamleg fyrir sjóðina, og þar með sjóðsfélaga?

Mér sýnist, að sjóðirnir séu í reynd að taka umtalsverða áhættu og einnig að þar með ógni þeir hagsmunum sjóðsfélaga!

• Munum, að staða Íbúðalánasjóðs er ekki góð - eiginfjárhlutfall komið niður undir lögleg lágmörk.

• Íbúðalánasjóður eins og allt hið opinbera hérlendis, hefur mjög lélegt lánstraust í augum erlendra fjárfesta.

 --------------------------------sjá fréttir

Lífeyrissjóðirnir fengu 220 krónur fyrir evruna

Arnar: Viðskiptin skipta miklu máli fyrir lífeyrissjóðina

Gengishagnaður Seðlabankans 20-30 milljarðar

Gylfi: Ágæt lausn sem kemur sér vel fyrir alla

Tryggingastaða lífeyriskerfisins batnar um 1-2%

Már: Kaup lífeyrissjóða greiða fyrir afléttingu gjaldeyrishafta

Lífeyrissjóðir kaupa Lúxemborgarbréf Seðlabankans

----------------------------------

• Seðlabanki selur lífeyrissjóðunum íbúðabréf að nafnvirði 90 milljarða.

• Verðið virðist vera 82 milljarðar kr. eða 549 milljónir Evra.

• Til að fjármagna kaupin, selja lífeyrissjóðir, eignir að verðmæti 549 milljóna Evra, sem þeir eiga erlendis, eða heildareignir 3,5 milljarður Evra / 549 milljón =cirka 16% eigna.

• Lífeyrissjóðirnir hefðu í staðinn getað fjárfest í öruggari bréfum, t.d. skuldabréfum þýskra stjórnvalda - eða, jafnvel norskra stjórnvalda. Slík kaup, hefðu fremur tryggt hagsmuni sjóðsfélaga.

• Gjaldeyrisforði Seðlabankans, eykst um þessa upphæð, þ.e. 549 milljónir Evra.

• Skuldir ríkisins aukast á móti, í íslenskum krónum þó, og vextirnir sem lífeyrissjóðirnir fá, eru 7,2% - sem verður að teljast nokkuð dýrt lán fyrir ríkissjóð er á endanum ber ábyrgð á skuldum Íbúðalánasjóðs.

Ef einhver heildargróði er af þessu, þá er það smávegis lækkun heildar gjaldeyris skuldar þjóðarbúsins, og þar með vaxtagreiðsla þjóðarbúsins í erlendri mynnt.

Þ.e. aukning í gjaldeyrisvarasjóði landsmanna.

En á móti, selja lífeyrissjóðir góðar eignir fyrir verri.

• Ef, ekki verður af hagvexti - sem hið minnsta er allt eins líklegt - þá er hætta á að áframhaldandi samdráttur valdi lækkun markaðsverðmætis þessara bréfa, niður fyrir núverandi kaupverð.

• Ef eitthvað verður losað um gjaldeyrishöf, þá mun krónan að flestum líkindum lækka, sem þá mun lækka allar krónueignir í verðmæti - þ.e. ein hættan enn.

Það verður að koma í ljós, hversu gott þetta mun reynast.

Hið minnsta, er þetta ekki gallalaus viðskipti, fyrir sjóðina og sjóðsfélaga.

 

Kv.

 

 

 

Athugasemdir

[Andri Geir Arinbjarnarson, 1.6.2010 kl. 12:36]

Brask Seðlabankans með þessi bréf er ótrúlegt.  Bankinn kaupir þau fyrir 270 kr evruna og selur lífeyrissjóðunum á 220 kr og þar með fær 16 ma  kr. í þóknun fyrir að halda þessum bréfum í nokkra daga!

Þetta er ekkert nema tilfærsla á peningum frá lífeyrissjóðunum til Seðlabankans. 

Þetta er líklega slæm fjárfesting fyrir sjóðsfélaga þegar til lengri tíma er litið.  Skammtímapappírsgróði sem myndast vegna tvöfalds gengis krónunnar er ekkert nema blekking.