Lekin greining aðila er vann kosningagreiningarvinnu fyrir Donald Trump sýnir hvernig Trump beið ósigur í forsetakosningunum! Ætti eiginlega að binda enda á ásakanir um kosningasvik!

Greiningin sem hefur nú verið lekið í fjölmiðla var framkvæmd af Fabrizio, Lee&Associates; sem er fyrirtæki er gerir kannanir fyrir aðila og aðstoðar við kosninga-greiningar fyrir frambjóðendur.

1. Donald Trump keypti þjónustu þessa fyrirtækis reglulega í kosningabaráttunni 2020.
2. Tony Fabrizio, vann þessa greiningu -- 27 blaðsíður.

--Þetta er mjög áhugaverð greining:
Post Election Exit Poll Analyzis 10 Key Target States. 

Með réttu ætti þessi greining að binda endi á ásakanir um stolnar kosningar!

Bendi fólki á að lesa greininguna er virðist vel unnin!

1. Í fljótu bragði er munurinn á fylkjum sem Trump vinnur vs. Trump tapar sá.
2. A)Trump fær hærra hlutfall atkvæða Repúblikana í þeim 5 sem hann vann.
   B)Trump fær hærra hlutfall atkvæða hvítra karlmanna í 5 fylkjum sem hann vann.
   C)Trump tapar ekki eins háu hlutfalli atkvæða meðal óháðra í 5 fylkjum sem hann vann.
   D)Hann kemur ívið skár út í kosningu meðal hvítra kjósenda með háskólagráðu í 5 fylkjum sem hann vann.
3. Í 5 fylkjum sem hann tapar.
   A)Fær hann sem sagt örlítið lakari kjör meðal Repúblikana.
   B)Hann tapar umtalsverðu fylgi meðal hvítra karlamanna, sérstaklega yfir 65 ára.
   C)Hann fær herfilega útreið meðal óháðra í fylkjunum sem hann tapar.
   D)Hvítir kjósendur með háskólagráðu snúa margir baki við honum í fylkjunum hann tapaði í.

Sveiflan í prósentum talið virðist ekki óskapleg!

1. Trump fær 2020 -- 3% af hlutfalli greiddra atkvæða minna fylgi en 2016 í þeim fylkjum sem hann tapar í, m.ö.o. meðaltali 49% á móti 50% Biden.
2. Trump fær einnig lægra hlutfall af heildarfjölda greiddra atkvæða í þeim 5 fylkjum er voru greind þ.s. hann vann samt sem áður -- þ.e. 1% minna þ.e. 52% móti 47% Biden.

--Ath. slík greining tekur ekki tillit til heildarf. greiddra atkvæða - heldur einungis hlutfalls af greiddum atkvæðum.

Trump sannarlega fær víða hvar fleiri atkvæði en 2016!
--En á móti, fær Biden gríðarlega miklu betri kosningu en Clinton fékk 2016.

1. Stóra sveiflan 2020 sbr. 2016 -- virðist stór sveifla óháðra yfir til Demókrata.
2. Þar fyrir utan, virðist að háskóla-gengnir hvítir hafi kosið Repúblikana síður 2020 en þeir gerðu 2016.
3. Og Biden virðist ná einhverju fylgi af Repúblikönum -- í aldurshópnum yfir 65.

--Líklegt virðist að sú sýn að Trump hafi ekki staðið sig vel út af kófinu, hafi ráðið ákvörðun þess eldra hóps kjósenda -- en þeir virðast hafa verið ósáttir skv. greiningu við afstöðu Trumps að leggja meiri áherslu á að efla hagkerfið, en að berjast við kófið.

Sjá einnig frétt: The 27-page report pins Trump's loss on voter perception that he was untrustworthy and disapproval of his pandemic performance. 

 

Niðurstaða

Greining þess fyrirtækis sem sá stórum hluta um að vinna kosninga-greiningar fyrir framboð Trumps 2020 -- ætti að taka af allan vafa ef einhver slíkur vafi er til staðar; að Trump virkilega og raunverulega tapaði 2020. M.ö.o. sögur um svindl séu bara sögur!

Ætli að leki á greiningu fyrirtækisins er vann fyrir framboð Trumps, hafi nokkur áhrif?
Sannast sagna efa ég það, enda virðist afstaða Trump-sinna mótast einungis af afstöðu Trumps sjálfs, er virðist hafa bitið í sig -- sögunar um stolnar kosningar.
--Þó eiginlega ekki nokkur skapaður hlutur bendi til sannleiksgildis þeirrar sögu.

Óhætt að segja að greining kosningargreiningaraðila þess sem Trump einna helst notaði, sýni að sá aðili bersýnilega kaupi ekki söguna um stolnar kosningar.

 

Kv.