Kortaupplýsingar Íslendinga - geta hafa lekið hjá UBER fyrirtækinu, er hefur viðurkennt yfirhylmingu á upplýsingaleka um 57 milljón viðskiptavini fyrirtækisins er varð 2016

Úbbs - UBER hátæknifyrirtækið sem rekur þekkta þjónustu þ.s. unnt er að taka sér far með bifreið með notkun síma-apps sem UBER dreifir -- hefur viðurkennt að stórfelldur upplýsingaleki varð 2016, af völdum hakk árásar.

Að auki hefur fyrirtækið viðurkennt að hafa greitt hökkurunum 100.000$ - fyrir að eyða þeim gögnum. Óþekkt er þó með hvaða hætti UBER fyrirtækið taldi sig hafa gengið úr skugga um að hakkararnir hefðu raunverulega eytt öllum hugsanlegum afritum af hinum stolnu gögnum.
--Ég persónulega veit ekki um nokkra leið til að tryggja slíkt með fullkomnu öryggi.

Uber breach, cover-up trigger government probes around the globe: "The stolen information included names, email addresses and phone numbers of 57 million Uber users around the world, and the names and license numbers of 600,000 U.S. drivers, according to a blog post by Uber’s new chief executive, Dara Khosrowshahi, who replaced co-founder Travis Kalanick as CEO in August."

Þar sem ég veit að fjöldi Íslendinga hefur notað þjónustu UBER á ferðalagi erlendis, þá virðist afar líklegt - að korta-upplýsingar, mailföng, símanúmer - Íslendinga sé að finna í þessum leka.

Yfirvöld í fjölda ríkja eru þegar í startholum með opinberar rannsóknir: Uber faces investigations by regulators over massive data breach.

Alríkisyfirvöld í Bandaríkjunum eru þegar að hefja skoðun á málinu, ásamt yfirvöldum í fjölda fylkja innan Bandaríkjanna - auk þess að rannsókn á vegum Evrópusambandsins virðist einnig í startholum - fyrir utan að komið hefur fram að bresk yfirvöld séu farin að skoða málið.

1. Sektagreiðslur eru algerlega öruggar - skv. fréttum er sekt við slíku athæfi þó ekki sérlega há í Bretlandi t.d. "British law carries a maximum penalty of 500,000 pounds ($662,000) for failing to notify users and regulators when data breaches occur." - "Deliberately concealing breaches from regulators and citizens could attract higher fines for companies,"
2. Það má væntanlega einnig velta því fyrir sér hvort viðurlögum verði hugsanlega beitt gegn fyrrum forstjóra UBER, Travis Kalanick.

Nýr forstjóri UBER, Dara Khosrowshahi, situr uppi með málið.

Travis Kalanick baðst afsökunar: “None of this should have happened, and I will not make excuses for it,” - “While I can’t erase the past, I can commit on behalf of every Uber employee that we will learn from our mistakes. We are changing the way we do business.”

Hinn bóginn virðist blasa við algerlega augljóst stórfellt högg fyrir fyrirtækið varðandi traust sem viðskiptavinir bera til þess. Mig grunar að margir svissi yfir á samkeppnisaðila þ.s. slíkir eru fyrir hendi.

Grunsemdir um að þetta sé ekki endilega það eina sem fyrirtækið hefur falið, geta varað lengi á eftir.

Auðvitað, getur þetta leitt til aukinnar tortryggni almennt gagnvart fyrirtækjum í sambærilegum viðskiptum - hjá viðskiptavinum.

 

Niðurstaða

Spurning hvort að allir Íslendingar sem hafa notað þjónustu UBER erlendis - þurfa ekki að fá sér nýtt kort - í stað þess sem þeir hafa gefið upp númer á í gegnum UBER. Auk þess að skipta um lykilorð á sínum - mailum. Setja upp sterkara lykilorð - en klárlega getur vitneskja um mailfang viðkomandi og kortaupplýsingar viðkomandi, hafa verið selt af hökkurunum er stálu upplýsingunum frá UBER til margvíslegra þriðju aðila.

En ég kem ekki auga á nokkra þá aðferð sem fyrri forstjóri UBER hefur getað viðhaft til að vera 100% öruggur að hakkararnir hafi ekki tekið fleiri afrit af viðkomandi gögnum - og síðan selt aðgengi að þeim út um víðan völl; þó svo þeir hafi þegið peninga frá UBER.

Það að UBER leyndi þessu í heilt ár, að sjálfsögðu mun skaða orðstír fyrirtækisins verulega meir - en ef fyrri forstjóri hefði látið vita strax og lekinn varð. Fyrri forstjóri hefur þá væntanlega með þeirri ákvörðun að hylma yfir - stórkostlega skaðað framtíðarmöguleika UBER.

• Þetta auðvitað beinir sjónum að því - hversu vel er unnt að treysta margvíslegum öðrum aðilum sem stunda viðskipti í gegnum netið.
  --En UBER er ekki eina fyrirtækið sem gæti hafa valið að fela skaðlegan leka.
  --Þ.e. örugglega ekki eina fyrirtækið er getur haft skammsýna forstjóra.

 

Kv.

Hlutur Kína í valdaskiptum í Zimbabwe vekur áhuga

Financial Times vakti athygli á áhugaverðri staðreynd, nefnilega þeirri að Constantino Chiwenga hershöfðingi - sem stjórnaði aðgerðum hers Zimbabwe við valdatöku hers Zimbabwe í sl. viku.
--Var nokkrum dögum fyrr staddur í Peking borg.

Zimbabwe crisis turns spotlight on China’s role in Africa

Constantino Chiwenga hershöfðingi ásamt Robert Mugabe fyrir nokkrum dögum

Ekki misskilja það þannig að ég amist við þessum líklegu afskiptum Kína

Þetta gæti veitt vísbendingu um stefnubreytingu í Kína - en fyrir nokkrum árum tapaði Kína stórfelldum fjárhæðum í formi tapaðra olíu-samninga við Gaddhafi; er Kína stóð með Gaddhafi fram í andlátið -- og nýir stjórnendur landsins rifu samningana sem Gaddhafi hafði gert.

Kína stendur mjög líklega frammi fyrir öðrum fjárhagslegum skandal - þegar nú er ljóst að Venezúela er formlega gjaldþrota. En Kína hefur lánað stjórnvöldum í Caracas stórfé.
--Og það má sennilega fullyrða þ.s. öruggt, að stórfé tapist.

Það var orðið ljóst, að Zimbabwe var á leið að nýju fram af bjargbrún - en að nýju stefni í óðaverðbólgu; en enn sé ekki of seint að framkvæma efnahagslegar neyðaraðgerðir.
--Það hljómar ekki ólíklega, að möguleikinn á 3ja áfallinu, hafi verið of mikið.

• Það mundi alls ekki koma mér á óvart, ef kínverskir aðilar hafa verið í óformlegum samskiptum við - áhrifamikla einstaklinga innan Zanu PF, valdaflokk Zimbabwe.

Kína hefur þó formlega neitað að hafa haft nokkur afskipti af málum.
Hinn bóginn, þarf ekki endilega að taka þá "formlegu neitun" alvarlega.
--En Kína hefur enn samskipti við stjórnvöld í Venezúela, og ekki má gleyma stjórninni í Súdan, auk S-Súdan.

1. Hinn bóginn, þíðir þetta væntanlega það - að Maduro t.d. í Caracas - gæti þurft að spyrja sig þeirrar spurningar; hvort Kína gæti ákveðið að semja við stjórnarandstöðuna í landinu - um hugsanleg eða jafnvel væntanleg valdaskipti.
2. En úr því sem komið er, held ég að valdaskipti í Caracas séu öruggt mál. Þó Maduro virðist keikur og öruggur í augnablikinu -- fjari mjög hratt undan landinu efnahagslega.
   --Og landið nú formlega "default" þíðir að kröfuhafar geta ákveðið hvenær sem er, að beita dómstólum erlendis - til þess að taka lögtak í olíuförmum frá Venezúela.
   --Sem mundi snarlega loka á eina tekjustreymi Caracas sem eftir er.

Ég held að Kína muni leita leiðar til að gæta hagsmuna sinna í Venezúela eins og það virðist vera að gera í Zimbabwe. En Kína líklega vill frekar að -- Maduro semji við stjórnarandstöðuna. En að það verði hugsanlega "messy" valdataka.

Bandaríkin geta þar um hafa opnað þægilega útleið - því skv. lögbanni sem Donald Trump lagði á nýjar útgáfur ríkisbréfa Venezúela - - er opin glufa þ.s. sala útgefinna ríkisbréfa Venezúela er heimil, ef formleg blessun kjörins þings Venezúela liggur fyrir.

Það sé alls ekki loku skotið - að í og með, megi lesa í stöðuna sem nú er komin upp í Zimbabwe að valdaskipti virðast þar fara fram með blessun Kína.
--Þrýsting einnig af hálfu Kína á Maduro, sem verður að fara frá greinilega, ef á að vera mögulegt að tryggja hagsmuni kröfuhafa, sem Kína telst tilheyra.

• En annars stefnir hagkerfið hvort sem er í algert skipbrot innan skamms.
  --En vart bíða kröfuhafar mjög lengi með að grípa til lögtaka í þær einu eignir Venezúela sem nokkru máli skipta.

Kína vill örugglega frekar - að valdaskipti eða framtíðarlausn um stjórnun þess lands, liggi fyrir - fyrir þann punkt.
Sannarlega veitti Kína fyrir nokkrum dögum Caracas greiðslufrest, en það sé vart nema mjög tímabundin líflína; og það mundi virkilega ekki koma mér á óvart, að sendimenn Kína tjái sig skýrt við Maduro undir 4-augu.

Sjálfsagt fór ekki hjá nokkrum að Mugabe sagði formlega af sér!

Þeirri afsögn var fagnað á ákaft á götum Harare af fjölmenni er þusti út á götur og torg við fregnir af afsögninni: Zimbabwe's Mugabe resigns, ending four decades of rule. Emmerson Mnangagwa, varaforseti landsins sem Mugabe hafði sett af í innanflokks hreinsunum er hófust nokkrum vikum fyrir valdarán hersins í landinu - verður skipaður forseti landsins skv. frétt út kjörtímbil Mugabe þ.e. 2 ár: Mnangagwa will be sworn in as Zimbabwe president: ZANU-PF.

Rétt að nefna að Mnangagwa starfaði öll 37 valdaár Mugabe honum við hlið, var yfirmaður öryggismála - því sá sem sá um að berja á andstæðingum með öryggissveitum landsins. Það virðist því ekki sennilegt, að Mnangagwa sé lýðræðissinni.
--Þó rétt sé að veita honum tækifæri til að sýna hvernig hann velur að stjórna.

 

Niðurstaða

Kína getur verið að beita sér með öðrum hætti en áður - skv. þeirri áhugaverðu staðreynd að hershöfðingi Zimbabwe hers, sem stjórnaði aðgerðum hersins í valdaráni hers Zimbabwe; virðist örfáum dögum fyrr hafa heimsókt Peking. Í ljósi þess að Kína tapaði mjög miklu fé á falli Gaddhafis, og stefnir í að á nýjan leik að tapa stórfé á lánum veittum til stjórnvalda í Caracas í Venezúela. Þá getur það vel hugsast, að þegar stefndi í að efnahagur Zimbabwe væri að falla óðfluga fram af bjargbrún - að stefndi að nýju í óðaverðbólgu. Að Kína hafi einfaldlega fengið nóg af töpum af slíku tagi.

Í ljósi þessa, mundi það ekki koma mér á óvart, ef það geti dregið fljótlega til tíðinda einnig í Caracas. Enda stendur Kína þar - eins og ég benti á - frammi fyrir stórfelldu tapi. En að á sama tíma, er enn að einhverju leiti með snörum aðgerðum unnt að minnka það tap. Í tilviki Zimbabwe sé líklega ekki enn of seint með snörum efnahagslegum neyðaraðgerðum að bjarga efnahagnum fyrir horn - og þar með getu Zimbabwe til að standa við skuldbindingar gagnvart Kína.

--Skilaboðin frá Kína til þeirra landstjórnenda aðra sem Kína hefur lánað stórfé, gætu orðið á þann veg - tryggið okkar hagsmuni, eða þið víkið.
--Það vill þó svo heppilega til, að líklega eru það í báðum tilvikum einnig hagsmunir landsmanna Zimbabwe og Venezúela - að skipt sé um hendur við valdatauma.

 

Kv.

Áhugaverð pattstaða í þýskri pólitík - flest bendi til nýrra þingkosninga - samtímis vísbendingar kosningar skili áframhaldandi pattstöðu

Ummæli áhrifamanns meðal Frjálsra Demókrata eru áhugaverð þ.s. Merkel var harðlega gagnrýnd - daginn eftir að formaður flokksins sleit stjórnarmyndunartilraun við Kristilega Demókrata annars vegar og þýska Græningja hins vegar.

Forsvarsmenn Græningja gagnrýndu Volker Flissing á móti, sögðu Christian Lindner formanns flokksins ekki hafa verið í viðræðunum af fullum heilindum - komu auk þessa fram með þá nýstárlegu kenningu, að Lindner hafi ákveðið að gera tilraun til að koma höggi á Merkel.

Merkel left searching for route out of crisis

Merkel refuses to resign despite breakdown of coalition talks

Volker Flissing: "Volker Wissing, blamed Ms Merkel for the failure of talks, saying they had been “chaotic” and accusing the chancellor of “completely misjudging the situation”." - "He said that after four weeks the partners could still not agree on more than 200 points."

Simone Peter: "Greens said the FDP were alone responsible for the breakdown. The FDP had “deceived the public” for four weeks, said Simone Peter, and had been “irresponsible, unserious, calculating”.

Jürgen Trittin: "a senior Green leader, said he suspected that in quitting coalition talks Mr Lindner had wanted to weaken Ms Merkel, or drive her from power." - "“But the way he did it could have the paradoxical effect that Ms Merkel comes out of this talks process strengthened . . . because she was seen as sensible and reliable,” - “He wanted to topple her,  and he has strengthened her.”"

Þessi skot fram og til baka - virðist mér ekki benda til þess að samskipti Græningja og Frjálsra Demókrata í viðræðunum hafi verið góð.

Hinn bóginn, varðandi kenningu Jurgen Tritting, þá er a.m.k. sá hluti að kjósendur gætu varpað sök hugsanlega á Frjálsa Demókrata - ekki endilega al galin.

En ef marka má orð forseta Þýskalands, Frank-Walter Steinmeier, þá er þetta versta pólitíska krísa sem Þýska sambandslýðveldið hefur átt við síðan stofnun - væntanlega talið frá stofnun V-Þýska Sambandslýðveldisins í Kalda-stríðinu.

Ekki hafi áður, stjórnarmyndunarviðræður runnið út í sandinn.
Kannski verða þýskir kjósendur, a.m.k. einhver hluti þeirra, reiðir yfir því ástandi.
Og kannski er það rétt hjá Tritting - að Merkel geti mjög auðveldlega komið sök á Christian Lindner, formann Frjálsra.
--Það gæti jafnvel farið svo að Merkel bæti stöðu síns flokks.

Staða í nýrri skoðanakönnun bendir til svipaðrar niðurstöðu:
Merkel signals readiness for new election after coalition talks collapse

1. Kristilegir Demókratar...31% (32,9% í sl. kosningum)
2. Þýskir Kratar............21% (20,5% í sl. kosningum)
3. AfD......................12% (12,6% í sl. kosningum)
4. Græningjar...............12% (8,9% í sl. kosningum)
5. Frjálsir Demókratar......10% (9,2% í sl. kosningum)
6. Vinstri...................9% (8,9% í sl. kosningum)

Rétt að halda til haga, að kosningaslagur flokkanna getur haft nokkur áhrif.
Og Merkel og Græningjar gætu ákveðið að varpa sökinni eingöngu á formann Frjálsra.
Merkel getur vel átt inni nokkuð fylgi með velheppnaðri kosningabaráttu.

Í viðtali sagðist Merkel ekki hrædd við nokkurt og frekar kjósa kosningar en möguleikann á minnihlutastjórn.

Meðan Frjálsir Demókratar gagnrýna Merkel, þá hafa þýskir kratar ítrekað neitun sína að mynda stjórn með Kristilegum Demókrötum - líta svo á að mikið fylgistap flokksins er skv. könnun virðist ekki á leið til baka, komi í veg fyrir stjórnarþátttöku að þessu sinni.

• Þetta virðist framkalla - pattstöðu!

German president says all parties have duty to try to form government

Frank-Walter Steinmeier, skoraði á flokkana að mynda stjórn hið fyrsta - sagði það skildu stjórnmálamanna að stjórna landinu.
--Greinileg áskorun til annars hvors þeirra flokka er sögulega hafa getað myndað stjórn með Kristilegum Demókrötum Angelu Merkelar.

En eins og sakir standa, virðast líkur sáralitlar!

Merkel hefur verið í 12 ár helsti stjórnmálaskörungur Þýskalands - fullyrt er af fréttaskýrendum, að t.d. Græningjaflokkurinn treysti engum af foringjum Kristilegra, nema Merkelu.

Ef Kristilegir Demókratar, mundu leita til hægri, í kjölfar hugsanlegs falls Merkelar sem leiðtoga flokksins - segjum að afloknum kosningum, ef sambærileg pattstaða blasir við áfram.
--Þá væri alls óvíst að slíkur nýr foringi Kristilegra, ætti í nokkru betri möguleika.

1. En einungis ef staðan sem skoðanakannanir sýna breytist mikið.
2. Mundu Kristilegir og Frjálsir ekki hafa nægt fylgi til að mynda 2ja fl. stjórn.
3. Þó sannarlega væri tæknilega möguleg 3ja flokka stjórn -: Kristilegra, Frjálsra og AfD.

--Það væri kannski helst þessi möguleiki sem gæti orðið til við hugsanlegt fall Merkelar.
--Það þarf ekki að efast um að slík sveifla á stjórnun landsins mundi þíða stórfellt aukna hörku í málefnum innflytjenda, stefnumörkun nær núverandi ríkisstjórn Austurríkis.

• Hinn bóginn, virðist Merkel enn hafa mjög sterka stöðu innan flokks Kristilegra Demókrata, sbr. fylgismælinu stuðning 85% félaga.

"Manfred Güllner, head of pollster Forsa said 85 per cent of CDU supporters want her to stand again. “She still has very strong backing in her own party,” he said. “I don’t think she’s been weakened in any way.”"

Hvað sem hver segir þá er flokkur Merkelar enn - langsterkasti flokkurinn.
Ef Merkel nær að klóra fram einhverja fylgisaukningu, mundi sennilega mikið þurfa að gerast til þess að hennar eigin flokkur - mundi yfirgefa hana.

 

Niðurstaða

Pattstöðuna í þýskum stjórnmálum er ekki endilega rétt að skrifa algerlega á sök Angelu Merkel. Þýskir Kratar töpuðu einnig stórt.

Það getur aftur á móti verið, að ákvörðun Merkel að sækja inn á miðjuna í stað þess að mæta AfD - með því að sækja á móti þeim flokki, hafi þrengt fylgislega stöðu þýskra Krata.
--En það mundi þá einnig segja, að þá hafi Merkel unnið slaginn við Schultz formann þýskra Krata.

En niðurstaðan var samt stórt fylgistap, en áður voru Kristilegir með í kringum 40%. Aukning fylgis til AfD var mjög svipað stór og fylgistap Kristilegra. Það geti bent til þess að hluti kjósenda Kristilegra hafi svissað yfir til AfD.

Það takast á þarna sjónarmið - hvort Kristilegir eiga að fylgja systurflokki sínum í Austurríki, og taka sjálfir harðlínustefnu í innflytjendamálum -- sem þíddi án vafa formannsskipti; eða að halda sig við ca. núverandi línu, með flokkinn staddan nær pólitísku miðjunni.

Formannsskipti gætu gert mögulega stjórn; Kristilegra, Frjálsra og AfD.
Ef kosningaúrslit væru nærri niðurstöðu skoðanakönnunar birt að ofan.

• Það þíddi þá væntanlega endalok um nokkuð langa hríð, möguleika á samsteypum helsta hægri flokks Þýskalands við þýska stjórnmálaflokka vinstra megin við miðju.

Slík útkoma væri bersýnilega draumur a.m.k. sumra!
-----------------
Ef Merkel er áfram, er auðvitað þesskonar 3ja flokka stjórn útilokuð.
En þá í staðinn pattstaða, ef annaðhvort Frjálsir vilja ekki vinna með Græningjum.
Eða, ef þýskir Kratar neita að vinna með Kristilegum og Frjálsum.
--Þá er eiginlega framtíð þess pólitíska kerfis, frekar í höndum forystu Frjálsra og þýskra Krata, en Angelu Merkelar!

• Þetta snýst um framtíðarstefnu Þýskalands!

 

Kv.

Spurning hvort valdaferill Angelu Merkel er á enda?

Skv. fréttum hafa tilraunir hennar til stjórnarmyndunar runnið út í sandinn. Flokkur Frjálsra Demókrata yfirgaf stjórnarmyndunartilraun Merkelar ásamt hennar eigin flokki Kristilegum Demókrötum og Græningjaflokknum þýska.
--Skv. yfirlýsingu Christian Lindner hafði ekki tekist að ná ásættanlegri lendingu um málefni fátæks fólks frá löndum utan Evrópu sem sækist eftir landvist í Þýskalandi.
--Sama gilti um umhverfismál.

Christian Lindner: “Today there was no progress but rather there were setbacks because targeted compromises were questioned,” - “It is better not to rule than to rule falsely. Goodbye!” 

Þetta kemur mér þannig fyrir sjónir, að hans eigin flokksmenn hafi gagnrýnt þær málamiðlanir sem voru á umræðustigi á milli flokkanna. Lindner þá orðið ljóst, að þíðingalaust væri að halda áfram.

Merkel's fourth term in doubt after would-be partner pulls out

Euro slides after German coalition talks break down

Hugsanlega verða nýjar þingkosningar!

En Merkel sagðist ætla að hitta forseta Þýskalands, Frank-Walter Steinmeier, til að tjá honum að henni hafi mistekist stjórnarmyndun.
--Það þyki benda til þess, að hún ætli ekki að prófa myndun minnihlutastjórnar með Grænum.

Eftir slæma kosningu virðist ekki sérdeilis líklegt að þýskir kratar verði áhugasamir um myndun annarrar samsteypustjórnar með Kristilegum Angelu Merkelar.
--Þó það sé ekki heldur unnt að fullyrða, alls ekki.

Ef kosið verður aftur, ef Steinmeier rýfur þing - þá óttast hópur stjórnmálaskyrenda að AfD auki fylgi sitt frekar.
--Ef það gerist, gæti staða Merkelar sem formanns Kristilegra orðið fallvölt - þá eiginlegur stjórnmálaferill hennar hugsanlega á enda kominn.

Ég er ekki að óska henni falls - hún hefur verið valdamesti leiðtogi evrópsks ríkis í rúman áratug -- og það er óhætt að segja, að ekki eru allir sáttir við útkomuna.

Sumir hafa gengið svo langt að - álíta hana, leiðtoga hins Vestræna heims.
Vegna þess leiðtogaleysis sem sé til staðar af hálfu Bandaríkjanna síðan Trump tók við.
--Þ.s. tómarúm virðist ríkja í Hvíta-húsinu, fremur en leiðsögn.

• Merkel hefur þó alls ekki verið í nokkurri þeirri aðstöðu til að standa undir vonum af slíku tagi, og ef stefnir í aðrar kosningar - og þær leiða til frekari taps fyrir Kristilega; og aftur til fylgisaukningaf AfD.
• Þá gæti stjórnmálaferli hennar þar með snarlega lokið.

Það gæti þá breyst töluvert stefnan í Þýskalandi, ef Kristilegir mundu taka hægri kúrs.
En í síðustu þingkosningum, leiddi Merkel Kristilega inn á miðjuna í stað þess að sækja á móti AfD - þá greinilega þrengdi hún fylgislega að þýskum Krötum er fengu hraklega kosningu.
En sá kúrs gæti snarbreyst ef Merkel fellur, við hugsanlegan annan kosningaósigur - ef maður gerir ráð fyrir að sá armur Kristilegra er vill þrengja að AfD mundi ná völdum í flokknum.

Ef það yrði, gætu þýsk stjórnmál farið í svipaðan kúrs og Austurrísk. Með stórhertri innflytjendastefnu, og megin hægri flokkinn í sókn gegn megin innflytjenda andstöðuflokknum - sem þíddi, í því að taka að verulegu leiti upp stefnu þess flokks.

1. Þetta er ekki orðið enn.
2. Kannski verður önnur samsteypustjórn yfir miðjuna.
3. Eða að Merkel heldur velli eftir aðrar kosningar, þ.e. tekst að halda sjó í næstu kosningabaráttur.

Engin niðurstaða er fyrirfram gefin!

 

Niðurstaða

Punkturinn í þessum vangaveltum er sá, að stjórnmálaferill Angelu Merkel getur verið kominn í hættu - eftir hrun tilraunar hennar til að mynda stjórn. Óvarlegt virðist a.m.k. við fyrstu sýn að gera ráð fyrir því að þýskir Kratar slái sér til aftur í hægri-vinstri stjórn. Þannig að líkur virðast manni a.m.k. töluverðar á nýjum þingkosningum. Ef það verður ofan á, þá mundi verða spennandi að fylgjast með velgengni Kristilegra Demókrata annars vegar og hins vegar velgengni AfD.

Ef Merkel er heppin, þá fölnar innflytjendamálið í hugum þýsks almennings, eftir allt saman hefur aðflutningur til Evrópu verið ívið minni þetta ár, þ.s. samvinna ESB við stjórnvöld í Tripoli eða V-Líbýu virðist hafa þetta ár dregið úr streymi flóttafólks yfir Miðjarðarhaf, og samningurinn við Erdogan sem gerður var 2016 virðist vera að virka.

Og önnur mál fara þess í stað í forgrunn.
Óþarfi að gefa sér fall Merkelar fyrirfram - fram að þessu hefur hún sennilega haft fleiri pólitísk líf en 9.

 

Kv.

Gos í Öræfajökli yfirvofandi? Öræfajökulsgos gæti valdið manntjóni!

Vandamálið með Öræfajökul - er möguleikinn á sprengigosi, eins og 1362. En þá hófst gosið með óskaplegri sprengingu er þeytti miklu magni af ofsaheitri gjósku og kleprum yfir nærsveitir. Í því gosi fórust allir í byggðum nærri fjallinu, svæði sem þá var byggt og heitir í dag Öræfi en áður nefndist, Litla-Hérað: Growing seismic activity in Iceland's tallest peak has scientists worried.

Síðast varð heimurinn vitni af sprengigosi, er Mount St. Helens í Bandaríkjunum, sprakk - fullyrði ekki að Öræfajökulsgos verði akkúrat svona, en myndirnar sýna vel hve sprengigos eru hættuleg fyrirbæri - þ.e. ekki vitað hvort að gúlpur af þessu tagi myndast í Öræfajökli fyrir sprengingu, nútíma-eldfjallarannsóknir hafa ekki orðið vitni af Öræfajökulsgosi - hafið í huga Öræfajökulsgosið 1362 var miklu stærra en Mt.St.Helens gosið 1980:

Punkturinn er náttúrulega sá, að Öræfasveitin eins og leggur sig - verður samstundis hættusvæði og vitað er að gos er við það að hefjast, sérstaklega ef um er að ræða sprengigos eitthvað í líkingu við 1362 - 1727 gosið var miklu smærra, ekkert manntjón þekkt af því gosi.
--Hinn bóginn hafa mannaferðir nærri gosstöðvum verið miklu minni að umfangi 1727 en í dag, og það ár bjó enginn nærri fjallinu - eins og fyrir gosið 1362, það gos eyddi byggða svæðinu næst fjallinu, sem aldrei hefur með sambærilegum hætti byggst síðan.

Það sé þá ekki mögulegt að fullyrða að nærsvæði fjallsins séu ekki stórhættuleg, þó svo gosið yrði sambærilegra við 1727 gosið en 1362 gosið.
--Í dag sé mikið um gönguferðir um nærsvæðin og um Öræfi almennt.
--Hópar erlendra ferðamanna geti verið á svæðinu.

Flogið yfir Öræfajökul

Almannavarnir lýsa yfir óvissustigi

Earthquake swarm in Öræfajökull volcano

Powerful earthquake in Öræfajökull glacier, Iceland's tallest peak

Skv. fréttum hefur fundist nýr sigketill innan öskjunnar í Öræfajökli - ekki er vitað nákvæmlega hvað þarna er í gangi, en vísbendingar hafa þó verið um kvikuhreyfingar undir fjallinu sem sjáist á landrisi - eins og jarðfræðingar hafa útskýrt, að landris vegna aðstreymis kviku skapi þenslu eða úttútnun á landinu og við það opnist glufur - þangað sem vatn getur leitað, komist í tengsl við kviku - ofsahitnað og leitað upp.
--Við það myndast jarðhitasvæði.

Sennilegt virðist að jarðhitasvæði hafi myndast á botni öskjunnar.
Það sé nýtt miðað við ástandið sem verið hefur.
Það ásamt landrisi og nýlegum skjálftum sé skýr vísbending þess eldfjallið sé að vakna.
--M.ö.o. það styttist líklega í gos.

• Það geti þó enn verið fleiri ár í það gos.

En það líklega þíði, að ég á eftir að upplifa gos í Öræfajökli, að við sem erum á lífi í dag, eigum eftir að upplifa Öræfajökulsgos.

 

Niðurstaða

Útlitið virðist vera að innan nokkurra næstu ára gæti komið nýtt Öræfajökulsgos. Þó það sé þannig séð ekki öruggt að fjallið gjósi innan nk. 10 ára - geti á hinn bóginn dregið mun örar til tíðinda en það. Einfaldlega sé það óþekkt, hve snögg atburðarásin er. Hvorki 1362 né 1727 hafi sjónarvottar verið af aðdraganda goss - uppi á fjallinu sjálfu. Né hafi verið skjálftamælar eða aðrar þær græjur nútímavísinda sem við höfum í dag.

Þannig að það sé í reynd ekkert hægt að segja - hverstu stuttur eða langur aðdragandinn kann að vera, þannig að þess vegna getur verið að gjósi á þessu kjörtímabili.
--Að í annað sinn verðum við vitni af gosi í fjalli sem síðast gaus á 18. öld.

Hinn bóginn séu Öræfajökulsgos sögulega séð mun hættulegri fyrirbæri, en Eyjafjallajökulsgos.

 

Kv.

Nýir valdhafar Zimbabwe ætlast til þess að Robert Mugabe og fjölskylda fari af landi brott, í kjölfar afsagnar gamla mannsins

Myndin af því sem við tekur í kjölfar valdaráns innan Zimbabwe með þátttöku hers landsins - virðist vera að byrja að skýrast. En skv. fréttum er þrýst á Robert Mugabe, 93. ára - að hætta af sjálfsdáðum sem forseti landsins, og að hann samþykki að fara úr landi ásamt fjölskyldu sinni.
--Karlinn aftur á móti þráast við.
Hinn bóginn virðist ljóst að það valdakerfi sem hann hafði byggt upp utan um sjálfan sig, er algerlega hrunið -- í kjölfar þess að mikilvægir einstaklingar innan flokksins Zanu PF virðast hafa snúist gegn honum.
--Það virðist algerlega á tæru nú, að aðrir hafa tekið við.

Zimbabwe's Mugabe, coup chief meet with smiles and handshakes

South Africa envoys meet Mugabe in bid to end Zimbabwe crisis

 

Robert Mugabe og Grace Mugabe

Fjölmiðlar hafa bent á að valdaránið virðist hafa verið þrautskipulagt!

Það fer fram fullkomlega að því er best verður enn séð, án blóðsúthellinga.
Það áhugaverða er, að allt hefur verið með kyrrum kjörum í höfuðborginni.
Almenningur virðist vongóður og frekar en hitt - fagna útkomunni.
--Ef miðað er við viðtöl blaðamanna við fólk á ferli í Kampala.

Það geti bent til þess, að Mugabe hafi verið - einnig rúinn stuðningi meðal landsmanna.
--Það eru einhverjar vísbendingar þess, að eiginkona hans sé afar illa þokkuð, hún sé þekkt fyrir afar kostnaðarsamar verslunarferðir til útlanda - það var skemmtilegt grín þegar hún fékk doktorgráðu frá háskólanum í Kampala, ritgerðin greinilega ekki skrifuð af henni - hún hafi einnig látið byggja vel utan um fjölskylduna -- þessi eyðsla virðist mælast illa fyrir.
--Auk þess, virðist hún hafa haft hratt vaxandi pólitískan metnað í seinni tíð -- sterkur orðrómur þess, að hreinsanir innan Zanu PF er höfðu verið í gangi í nokkrar vikur - hafi verið í þeim tilgangi að ryðja henni leið að embætti forseta, að hún yrði arftaki Mugabe.

• Ef aftur á móti, mat fréttaskýranda er benda á það hversu vel útfært valdaránið sé -- bendi til lengri undirbúnings en nokkrar vikur - er rétt.

Sumir leggja til að það geti hafa verið í undirbúningi í allt að ár.

Þá hefur málið haft lengri aðdraganda en mér virtist er ég skrifaði færslu í gær.

Einn áhugaverður punktur er - að megin stjórnarandstöðuleiðtoginn, Morgan Tsvangirai - virðist hafa flogið heim frá London, þ.s. hann kvá hafa verið í krabbameins meðferð.

Morgan Tsvangirai returns to Zimbabwe

Það getur verið, að honum standi til boða, að taka þátt í samsteypu-bráðabirgðastjórn.
Sem mundi vera afar jákvæð skilaboð til heimsins!

En það liggur á að koma böndum á efnahagsmál - er stefna aftur í kalda kol.

• Endurkoma hans til landsins, er a.m.k. áhugaverð vísbending - líklega jákvæð.

 

Niðurstaða

Miðað við nýjustu fréttir af málum í Zimbabwe getur verið að mál horfi til betri vegar - megin vísbending þess að svo geti verið, sé endurkoma megin stjórnarandstöðu leiðtogans til landsins - er hafði hrakist úr landi um skeið.
--Hvað það akkúrat þíðir, kemur í ljós.

Eins og ég sagði, ef mynduð verður breið samsteypustjórn með takmarkað umboð, til að hrinda í verk nauðsynlegum bráða-aðgerðum í efnahagsmálum -- sem einnig sægi um undirúning nýrra kosninga.
--Þá væru það mjög jákvæð skilaboð til umheimsins.

Ef Mugabe fer ekki fljótlega sjálfviljugur úr landi - mundi ekki koma mér á óvart, að honum verði einfaldlega pakkað upp í flugvél ásamt fjölskyldu - sendur t.d. til Suður-Afríku þ.s. forseti þess lands án vafa mundi veita honum hæli, enda gamall aðdáandi Mugabe sá maður.

 

Kv.

Getur vart verið slæmt að Mugabe virðist ekki lengur við völd í Zimbabwe

Fyrir nokkrum vikum hóf Robert Mugabe hreinsanir innan valdaflokks landsins, Zanu PF. Skv. sterkum orðrómi, var tilgangurinn að rýma fyrir eiginkonunni - Grace Mugabe, sem ef marka mátti frásögn fjölmiðla Robert Mugabe fyrirhugaði að gera að arftaka sínum.

En þegar Mugabe fyrir tveim vikum formlega rak varaforseta sinn, Emmerson Mnangagwa sem hefur það sjarmerandi gæluheiti - krókódíllinn, sem að sú skriða sem nú virðist hafa steypt Mugabe af stóli virðist hafa farið af stað.

Emmerson Mnangagwa virðist ekki endilega líklegur til að vera meiri lýðræðisinni en Mugabe, enda stjórnaði hann árum saman öryggissveitum Mugabes - þeim sem hann beitti til að berja á sínum pólitísku andstæðingum.

Hann er að auki einn þeirra er barðist með Mugabe á sínum tíma, er Mugabe fór fyrir hópi skæruliða gegn því sem á árum áður - var minnihlutastjórn hvítra.
--Það verður að ætla að tengsl Mnangagwa við herinn og sérsveitir landsins, hafi skapað honum öfluga persónulega valdastöðu.
--Fyrst að hann virðist nú vera búinn að taka yfir völdin í landinu!

Robert Mugabe og Grace Mugabe

Eyes on the 'Crocodile' as Zimbabwe military sweeps to power

Zimbabwe military's statement after seizing power

Zimbabwe's army seizes power, Mugabe confined but "safe"

 

Ef marka má yfirlýsingar - er tilgangurinn að steypa hópi er myndast hefur í kringum eiginkonu Mugabe, Grace Mugabe!

Skv. því er þetta, valdabarátta innan valdaflokksins, ekki stjórnarbylting.
--Herinn hefur neitað því, að rétt sé að tala um - stjórnarbyltingu.

• Það má ímynda sér, að Robert Mugabe verði formlega enn, forseti landsins.

En á hinn bóginn, miðað við þau hörðu orð er hann hafði látið dagana á undan falla um þá aðila sem hann hafði ákveðið að reka úr valdastöðum - Emmerson Mnangagwa, sem hann hafði m.a. sakað um - skort á trúnaðartrausti.

Hafandi í huga, að hingað til hefur manni virst Mugabe - alltaf lítt líklegur til að fyrirgefa.

• Þá virðist manni óhjákvæmilegt annað, en að karlinum hafi raunverulega verið ítt til hliðar.

Hann gæti verið varðveittur í stofufangelsi - látinn koma fram á mikilvægum athöfnum flokksins - verið leiðtogi hans áfram að nafni til.

Ég held nefnilega að Mugabe sé þannig maður, að Emmerson Mnangagwa - geti ekki gefið eftir völdin að nýju, einmitt vegna þess að Mugabe fyrirgefi ekki.

Það verður að koma í ljós hvort nokkuð breytist í landinu, umfram það að völdin eru nú í höndum yngri manns -- 75 ára í stað 93.

1. En hlutirnir þurfa að breytast, en aftur hallar á landið efnahagslega - stefnir í nýja óðaverðbólgu.
2. Það sé líklega ekki enn of seint að bregðast við.

En Robert Mugabe virðist aldrei hafa haft nokkurn skilning á efnahagsmálum.
Það sé sennilega hin mikla ógæfa landsins, að það sé sennilega miklu fátækara í dag - en áður en Mugabe komst til valda fyrir rúmlega 30 árum.
--En ekki er ómögulegt fyrir þetta land, að snúa til baka.

• Það á eftir að koma í ljós, hvort Mnangagwa reynist skynsamari stjórnandi.
  --Hann þarf ekki að vera sérlega fær, til að vera skárri en Mugabe.

 

Niðurstaða

Það var virkilega meir en löngu kominn tími á Robert Mugabe - þó sannarlega fyrr hefði verið. Það sýni vel hversu gersamlega ófær stjórnandi hann hefur alltaf verið - að í annað sinn er landið statt í dýfu ofan í ástand hratt vaxandi verðbólgu og efnahagsóreiðu. Þetta hefur verið ljóst í meira en ár. Á hinn bóginn virðast efnahagsmál ekki hafa spilað inn í fall Mugabes -- heldur græðgi eiginkonu hans í völd.
--Fall karlsins hafi komið til vegna hreinsana innan Zanu PF er virtust hafa þann megin tilgang, að ryðja sviðið fyrir eiginkonuna.

Þ.e. í sjálfu sér engin sérstök ástæða til að bera virðingu fyrir þeim, sem karlinn var að ryðja úr vegi -- þeir líklega hafa notið góðs af valdatengslunum innan flokksins í gegnum árin; hinn bóginn óvíst að betra hefði tekið við - með hópnum í kringum eiginkonuna.

Það sé áhugavert, að orðin "þjófagengi" sé beitt á þann hóp, af þeim er líklega hafa lengi verið þjófar sjálfir.

Það áhugaverða er, að það getur verið eitthvað til í þessu, að svo yfirgengileg hafi eiginkonan verið og hópurinn í kring -- að meira að segja gömlu þjófunum hafi blöskrað:
Sjá -> Grace Mugabe.

 

Kv.

Getur Reykjavík beitt lausn Vancouver borgar til lausnar skorti á leiguhúsnæði?

Eins og flestir ættu a.m.k. að hafa frétt af, hefur leigumarkaðurinn í Reykjavík verið afar erfiður allra síðustu árin - leiga orðið afar dýr - það dýr, að til staðar er nú hópur Reykvíkinga sem mætti skilgreina húsnæðisfátæka.

Vancouver imposes sharp restrictions on Airbnb, homesharing sites

Húsnæðisverðlag í Vancouver kvá hafa hækkað 75% á 5 árum, leiga einnig snarhækkað.
--Húsnæðisverð og leiguverð hafi af þessa völdum, orðið stórt þrætuefni meðal íbúa Vancouver borgar - kröfur sífellt háværari um virkar aðgerðir.

Skv. takmörkunum Vancouver borgar á leigu fasteigna í gegnum AirBNB eða aðrar sambærilegar vefsíður:

1. Er einungis heimilt að leigja herbergi út frá íbúð eða húsnæði þ.s. þú býrð í að staðaldri.
2. Eða leigja út húsnæði þitt í takmarkaðan tíma - meðan þú ert í frýi.

Óheimilt verði hér eftir að leigja í gegnum AirBNB eða aðrar sambærilegar vefsíður:

1. Heila íbúð þ.s. þú býrð ekki í að staðaldri, þó svo hún sé hluti af þinni fasteign - sbr. kjallaraíbúð sem er hluti af þinni fasteign sem þú býrð í.
2. Ekki heldur, leigja út afmarkaða séreign þ.s. þú býrð ekki í að staðaldri, þú sú sé innan þinnar eignarlóðar - t.d. annað hús eða smáhús innan þinnar lóðar.
3. Ekki heldur leigja út heilu fasteignirnar, hvort sem þeim væri skipt í leiguherbergi eða leigðar sem heild, sem eru staðsettar annars staðar en sú eign þ.s. þú býrð.

Ég held að flestir þekki til þess, að í Reykjavík hefur allra síðustu ár verið í hratt vaxandi mæli stundað að leigja eignir í gegnum AirBNB eða sambærilegar síður.

--Til séu fasteignabraskarar sem í dag eiga fjölda húseigna hér og þar, hvort sem það eru einstaka íbúðir annars staðar en þeir búa eða heilu húsin - sem séu í þannig útleigu.
--Hjá óþekktum fjölda aðila, sé þetta orðin líklega nokkuð umsvifamikil atvinnustarfsemi.
--Til eru að auki þess dæmi, fólk reisi til útleigu smáhýsi á sínum eignalóðum.
--Auðvitað að afmarkaðar leiguíbúðir hluti af þeirra fasteign, séu þannig leigðar.

Enginn vafi að það sama hefur verið í gangi og í Vancouver að leiguíbúðir hafa verið að hverfa af almenna leigumarkaðnum - inn í útleigu þess í stað í gegnum AirBNB og sambærilegar síður.

Það hefur verið bent á að þessi þróun geti verið mikilvægur þáttur í því að verðlag á húsaleigu hefur hækkað mjög hratt og mjög mikið sl. 5 ár - alveg eins og í Vancouver.
--Alveg eins og í Vancouver, er risin alda óánægju.

• Spurning því - hvað skal til bragðs að taka?

 

Niðurstaða

Lausn Vancouver borgar er auðvitað stórfellt inngrip í starfsemi þess fólks sem hefur í vaxandi mæli, gert það að sinni atvinnu að leigja húsnæði í sinni eigu út í gegnum AirBNB eða sambærilegar síður.
Það getur vart verið nokkur vafi að sambærilegar aðgerðir mundu geta skilað töluverðu auknu aðgengi fólks á almenna leigumarkaðnum að húsnæði til útleigu.
Að auki sé rökrétt að bætt framboð mundi skila a.m.k. einhverri verulegri lækkun á leigu.

--Spurning hvort að Reykvíkingar eiga að þrýsta á svipaða lausn og Vancouver borg hefur gripið til?

 

Kv.

Formlegir úrslitakostir til handa Lýbanon virðast liggja fyrir frá Saudi-Arabíu

Forsætisráðherra Lýbanon sem hefur verið í haldi Sauda síðan 3/11 sl. var notaður til að flytja boðskapinn - en sá er eftirfarandi: Saad Hariri plans return to Lebanon within days

Saad al-Hariri forsætisráðherra!

1. “We know there are American sanctions but should we add to them Arab sanctions as well? What is in our interest as Lebanese?”
2. “We cannot continue in this way, where we say we want a policy of disassociation at the same time that we see an actor in Lebanon is working in Yemen and other places,”
3. “Disassociation is the foundation of Lebanon’s interest . . . Where do we export our goods? Is it not Arab states? Where do our sons work?”
4. “We must work to preserve this interest, and this interest was threatened, and that is why I did what I did.”

Krafa Sauda skv. þessu er skýr - að Hezbollah dragi sig til baka og hætti afskiptum af málefnum Mið-Austurlanda.
Saudar skv. þessu líta svo á að Lýbanon hafi ekki staðið við gamalt samkomulag, um engin afskipti af málefnum Mið-Austurlanda, vegna aðgerða Hezbollah - sem eru orðnar mjög miklar að umfangi síðan hreyfingin hóf þátttöku í átökum innan Sýrlands 2013.

Hinn bóginn kem ég ekki auga á nokkurn hinn minnsta möguleika fyrir aðra Lýbana -- að þvinga Hezbollah að hlýta þessum úrslitakostum Sauda.
Augljóslega er Hezbollah miklu hernaðarlega sterkara -- en restin af Lýbönum.
Þannig að Hezbollah mundi gersigra í átökum, hverskonar tilraun annarra Lýbana, til að hrinda úrslitakostum Sauda í framkvæmd.

Fears for Lebanese economy if Saudis impose Qatar-style blockade

Þetta bendi til þess að yfirvofandi séu refsiaðgerðir Sauda á Lýbanon.

1. Hundruðir þúsunda Lýbana starfa í Arabaríkjum við Persaflóa - án vafa yrði skorið á þá líflínu af hálfu Sauda og bandalagsríkja Sauda.
2. Að auki má vænta að lokað yrði á ferðamennsku frá Persaflóa Arabaríkjunum, fyrir banka- og fjármálaviðskipti, sem og önnur efnahags samskipti.

--Ég kem á hinn bóginn ekki auga á að slík "collective" refsing á alla Lýbana, mundi styrkja stöðu Sauda í nokkru.
--Hljómar frekar sem hefnd Sauda, þegar þeim sjálfum sé orðið ljóst að þeir hafi tapað fyrir Íran í löndunum fyrir botni Miðjarðarhafs.

En með þeim aðgerðum yrði samtímis skorið á hver þau áhrif sem Saudar enn hafa innan Lýbanon.

• Lýbanon þá óhjákvæmilega hallar sér meir að Íran.
• Lýbanon enn hefur samskipti við Frakkland, og arabaríki við Miðjarðarhaf - þau samskipti líklega halda áfram, Sisi af Egyptalandi t.d. hefur þegar hafnað þátttöku í aðgerðum gegn Lýbanon.
• Að auki virðist blasa við að Lýbanon geti átt samskipti við Rússland sem og Tyrkland.

En það efnahagstjón sem Lýbanon verður fyrir mun vart snögglega lagast.
--Hinn bóginn, gæti þessi verknaður fært Lýbana nær hverjum öðrum, dregið úr líkum á framtíðar átökum þeirra í milli.

 

Niðurstaða

Þær refsiaðgerðir sem flest bendi til að Saudi-Arabía fyrirhugi að leggja á Lýbanon. Séu ólíklegar að stuðla að auknum hróðri Saudi-arabískra stjórnvalda. Frekar að óbeint með þessu sé Saudi-Arabía að viðurkenna sinn endanlega ósigur í löndunum fyrir botni Miðjarðarhafs. Það að Saudi-Arabía eigi ekki lengur möguleika á að ógna valdastöðu Írans á því svæði, er virðist nú orðin afar traust þar.
--Eiginlega er ekki unnt að sjá margt sem hefur farið þannig að styrki stöðu Saudi-Araba.
--Frekar að Saudi-Arabía hafi leikið hvern afleikinn eftir annan.
Og ekki vera að læra af reynslunni!

 

Kv.

Enginn vafi virðist á því að forsætisráðherra Lýbanons sé í haldi í Saudi-Arabíu, og að afsögn Saad al-Hariris hafi verið merkingarlaus

Forseti og ríkisstjórn Lýbanon hafa tekið þá afstöðu, að afsögnin sé merkingarlaus þar til að Saad al-Hariri hafi haft tækifæri til að snúa til baka til Lýbanon og skýra sína afstöðu.
Frásögnin af því hvað gerðist er Saad al-Hariri forsætisráðherra Lýbanons, lenti í grennd við Riyadh þann 3/11 sl., hefur smám saman verið að afhjúpast umliðna daga.
Reuters fjallaði um málið í þessari áhugaverðu frétt: Exclusive: How Saudi Arabia turned on Lebanon's Hariri.

Saad al-Hariri

Laugardaginn 4/11 sl. var alþjóðafjölmiðlum sent myndskeið af Saad al-Hariri, þ.s. hann hélt stutta tölu, þar á meðal - lýsti yfir afsögn sinni sem forsætisráðherra Lýbanons. Auk þessa, gagnrýndi hann Íran og Hezbollah með afar harkalegum hætti.
--Þetta kom allt eins og þruma úr heiðskýru lofti, enginn átti von á þessu í Lýbanon - þaðan af síður ráðgjafar Hariri né fjölskylda!

Skv. Reuters eru nokkrar áhugaverðar staðreyndir ljós!

1. Saad al-Hariri, hafði sagt ráðgjöfum sínum innan ríkisstjórnar Lýbanon, að þeir mundu aftur taka upp þráðinn varðandi málefni þau sem ríkisstjórnin væri með á sinni könnu - mánudaginn 6/11 sl. Greinilega ætlaði Hariri þá vera kominn til baka.
2. Hann hafði sagt fjölmiðlum að hann mundi ræða við fulltrúa þeirra á Sharm al-Sheikh sunnudaginn 5/11 sl., þegar hann átti fyrirfram ákveðinn fund með Abdel Fattah al-Sisi.
3. Hariri hafði heimsókt Saudi-Arabíu einungis fáeinum dögum fyrr, hitt þá krónprins Saudi-Arabíu og Thamer al-Sabhan sem er ráðherra í ríkisstjórn Saudi-Arabíu er hefur um málefni Persaflóa að gera.
   --Hariri hafi látið taka mynd af sér með Sabhan, þ.s. báðir sjást brosandi.

Reuters segist hafa rætt við ráðgjafa Hariri í Lýbanon - og sá hafi eftirfarandi kenningu um fundinn sem Hariri átti í Saudi-Arabíu, nokkrum dögum fyrr.

1. “What happened in those meetings, I believe, is that (Hariri) revealed his position on how to deal with Hezbollah in Lebanon: that confrontation would destabilize the country. I think they didn’t like what they heard,”
2. "The source said Hariri told Sabhan not to “hold us responsible for something that is beyond my control or that of Lebanon.”"
3. "But Hariri underestimated the Saudi position on Hezbollah, the source said. “For the Saudis it is an existential battle. It’s black and white. We in Lebanon are used to gray,” the source said."

Mér finnst þetta mjög áhugavert frásögn - en skv. henni hafi Saad al-Hariri verið spurður af krónprinsinum og Saban, hvort hann hygðist beita sér gegn - Hezbollah.

Og Saad al-Hariri hafi sagt, að það væri ekki á færi stjórnarinnar í Lýbanon að mæta kröfum landstjórnenda í Saudi-Arabíu.

• Augljóslega sé það rétt!

Frá þeim punkti, hafi landstjórnendur í Saudi-Arabíu undirbúið að koma Saad al-Hariri frá.
--Ef marka má Reuters, er eldri bróðir Saad - Bahaa al-Hariri í Saudi-Arabíu.
--Segja meðlimir Hariri stórfjölskyldunnar, hafa borist kröfur Saudi-Araba að Hariri klanið mundi lýsa yfir hollustu við, Bahaa al-Hariri í stað Saad al-Hariri.

Hinn bóginn er Saad al-Hariri kjörinn forsætisráðherra Lýbanon!
Haft er eftir meðlimum Hariri fjölskyldunnar að það virki ekki þannig innan Lýbanon, að skipt sé um forsætisráðherra með þeim hætti - að menn falli á hné og lýsi yfir hollustu.

• Baha al-Hariri er sagður hafa aðra afstöðu til Hezbollah, en Saad al-Hariri.
  --En gengið hafi verið framhjá eldri bróðurnum, er Saad al-Hariri varð fyrir valinu, sem frambjóðandi Hariri fjölskyldunnar síðast er kosið var til forsætisráðherra í Lýbanon.

Sjálfsagt afar sennilegt, að sveigjanlegri afstaða Saad - hafi eitthvað með það haft að gera.
Alls ekki ólíklegt að sá bróðirinn hafi verið valinn, er líklegri hafi verið til að geta viðhaft samvinnu við Hezbollah.
--En þegar Hezbollah er greinilega sterkari aðilinn, þá má segja að valið sé ekkert.
--En krafa Sauda um "confrontation" þíddi líklega einfaldlega það, að Hezbollah mundi aftur - eins og fyrir um áratug, senda herlið sitt inn í Beirut og taka borgina.

En þá studdu Saudar uppþot Súnní-Araba í Lýbanon gegn Hezbollah, átti Hezbollah ekki í miklum vandræðum með að hafa betur. Augljóst virðist að sú saga mundi einungis endurtaka sig.

1. Fátt bendi til annars, en að Hezbollah mundi sigra með skjótum hætti, í endurnýjuðum borgaraátökum innan Lýbanon.
2. Það gæti leitt til harmleiks, þ.e. landflótta a.m.k. að einhverju verulegu leiti þeirra hópa er stæðu hugsanlega að slíkri uppreisn gegn Hezbollah.

Líklega skilja Lýbanir mæta vel, að veikari hóparnir innan Lýbanons - eiga sennilega enga möguleika að mæta kröfum Saudi-Arabíu. Hinn bóginn, virðist fátt benda til þess að stjórnendur í Riyadh ætli að auðsýna skilning á stöðu mála innan Lýbanons - á þeim takmörkunum sem staða annarra hópa en lýbanska Shíta er háð.

Eins og ég benti á um daginn, geti einungis Ísrael breytt stöðunni: Er stórhætta á nýju Miðausturlanda-stríði?.

 

Niðurstaða

Eins og ég benti á um daginn, virðist mér algerlega ljóst að Saudi-Arabar eiga einungis einn möguleika - ef þeir ætla að breyta að einhverju verulegu leiti stöðunni innan Lýbanons og Sýrlands.
--Það er að fá Ísrael í lið með sér!

Einungis herlið Ísraels hafi þann styrk sem mundi til þurfa, ef ætti að veikja stöðu Hezbollah og Írans - í Sýrlandi og Lýbanon. Innlendir aðilar í Lýbanon, megni það engan veginn að setja hömlur á getu Hezbollah að beita sér gegn hagsmunum Saudi-Arabíu.

Það sé því sennilega engin von til þess, að Saudi-Arabía geti beitt þannig þrýstingi á Lýbanon - að leiðtogar lýbanskra Súnníta breyti sinni afstöðu - sem Saad al-Hariri sé fulltrúi fyrir.

Þannig að ef Saudi-Arabía lokar á samskipti við Lýbanon, beitir landið efnahagsþvingunum - þá hafi það líklega einungis þau áhrif að binda endi á áhrif Sauda alfarið innan Lýbanons.

--Einungis ef Ísrael er tilbúið að hefja stríð gegn hagsmunum Írans og Hezbollah, geti sú útkoma breyst!
--Það þíddi auðvitað að Ísrael væri komið þá í stríð við Íran.

1. Ísrael getur auðvitað flæmt Íran frá Sýrlandi, hernumið hvort tveggja Sýrland og Lýbanon.
2. Ef Ísrael væri tilbúið að færa þær mannfórnir sem til þess mundi þurfa, hafi Ísrael herstyrk til þeirra hluta.

En Ísrael mundi ekki geta knúið Íran til að hætta styrrjaldarátökum. Rétt að muna að Íran barðist við Saddam Hussain árin 1980-1988, og sýndi að Íran var tilbúið til mjög verulegra mannfórna.
--Veikleiki Ísraels "in war of attrition" er að Ísrael hefur líklega ekki langt úthald.

Íran mundi líklega skipuleggja gríðarlega víðtækan skæruhernað innan Sýrlands og Lýbanons.
Áætlunin einfaldlega sú "to bleed Israel dry."
--Sem gæti einfaldlega virkað.

Það eru megin rökin fyrir Ísrael að hika, að óvíst er að Ísrael yrði sigurvegarinn í slíkri rimmu.
Í löngu og mannskæðu stríði sigrar yfirleitt landið sem hefur lengra úthald.
--Ef Ísrael fæst ekki með í leik, kem ég ekki auga á neitt sem Saudi-Arabía getur afrekað.

 

Kv.