Angela Merkel virðist hafa tapað héraðs kosningu í sínu heimahéraði fyrir flokki sem berst fyrir harðari stefnu gegn flóttafólki -- Líkur vaxandi á að stefna Evrópu gagnvart flóttamönnum harðni, án þess að það líklega leysi vandann

Skv. úrslitum í Mecklenburg-Vorpommern:

1. Social Democratic Party of Germany "SPD" 30,2% í stað 35,6% 2011.
2. Alternative for Germany (AfD) 21,9%.
3. Christian Democrats (CDU) 19% í stað 23% 2011. Versta útkoma flokks Angelu Merkel í héraðinu - nokkru sinni.
4. Linke eða "Left Party" 12,7% í stað 18,4% 2011.
5. Græningjar 4,9% í stað 8,7% 2011.

German anti-immigrant party beats Merkel in her home district:"Despite losing support, the SPD (26 seats) and the CDU (16) won enough seats to be able to continue their coalition in Mecklenburg-Vorpommern, with the AfD as the second-largest bloc in the 71-seat state assembly with 18 seats. The SPD, which could also form a coalition with the Left Party, said it was leaving its options open."

 

Þetta er augljóslega slæm niðurstaða fyrir Merkel!

Þrátt fyrir allt, þarf alls ekki vera að þetta bendi til - yfirvofandi falls Merkel, sem hefur nú stuðning 45% kjósenda ca. í stað 67% fyrir ári.
--En Mecklenburg-Vorpommern er einnig hvar þingsæti hennar er!

Á hinn bóginn var ekki fylgissveifla flokks hennar stór þ.e. 4%.
--Þýskir kratar - þýskir græningjar og Vinstri-flokkurinn -- misstu svipað fylgi.

Sem raunverulega gerir sveifluna áhugaverða!
--En það getur þítt, að AfD hafi tekið fylgi - af öllum flokkum ca. jafnt.

• Þetta samt augljóslega setur aukinn þrýsting á Merkel.
• En samtímis, sé sá þrýstingur ekki endilega á Merkel - eingöngu.
• Heldur deilt á flokkana sem fyrir voru!

 

Varðandi flóttamannavandann -- þá sé ég enga raunverulega lausn á þeim vanda!

Það virðist ljóst af fylgissveiflunni er nær yfir alla flokka -- þ.e. frá öllum flokkum yfir á AfD. Að óttinn við flóttamannabylgjuna sem skollin er á Evrópu; nái þvert yfir venjulegar pólitískar línur!
--Þ.e. þetta sé ekki endilega - hægri vs. vinstri mál, í dæmigerðum skilningi.

Það sé þó ljóst að átakalínan liggur milli þeirra:

1. Sem vilja mun harðari stefnu gegn flóttamönnum, er m.a. mundi fela í sér verulega skerðingu réttinda þeirra - t.d. þegar kemur að málsmeðferð, og til stuðnings meðan á málsmeðferð stendur -- einnig áhersla á þrengingu réttinda flóttamanna til búsetu í Evrópulöndum.
2. Síðan má setja alla aðra undir ca. einn hatt, sem nær þá yfir þá sem - jafnvel vilja stíga skref í hina áttina, yfir til þeirra - sem vilja sem minnsta stefnubreytingu þ.e. ca. status quo.

Þetta gangi þvert á hefðbundið hægri eða vinstri, þ.s. til eru vinstri menn sem eru harðir andstæðingar frekari aðflutnings flóttamanna, samtímis því að það eru til staðar hægri menn - svipaðrar skoðunar.

Og svo má segja það sama í spegli, að til eru vinstri menn og hægri menn, er standa á hinni línunni.

• Það aftur á móti getur bent til þess - að margir þeirra sem kjósa AfD þessa stundina!
  --Eigi ef til vill fátt sameiginlegt annað, en vilja stefnubreytingu í málefnum flóttamanna.

1. Spurning hvort það geti myndast -- 2. flokkakerfi.
2. Þ.e. að málefni flóttamanna geti með tíð og tíma, orðið að nýjum klofnings ás; þannig að það geti verið til staðar -- hægri - vinstri - miðju-sinnaðir andstöðuflokkar gegn frekari aðflutningi flóttamanna.

• Þannig að heildar útkoman gæti orðið sú, að stuðla að fjölgun flokka -- stóru flokkunum hnignaði; og hugsanlega verði erfiðar að mynda ríkisstjórnir í framtíðinni.

 

En ástæðan að ég segi þetta, sé sú -- að ég sé enga lausn á flóttamannavandanum!

M.ö.o. að sá vandi sé kominn til með að vera!

Bendi t.d. á hvernig það streymdu 5.500 flóttamenn alla leið til Noregs frá Mið-austurlöndum, árið 2015 eftir langa leið í gegnum Rússland: Noregur að setja upp mannhelda girðingu á landamærum við Rússland!.
--Þetta sýni að flóttamenn eru til í að leggja mikið á sig!
--Höfum einnig í huga, að fólk sem leita til Evrópu alla leið frá Afríku, hefur margt hvert ofan á að taka á sig hættuför yfir Miðjarðarhaf, lagt á sig hættuför að auki yfir Sahara þ.s. margir farast árt hvert til viðbótar við þá sem drukkna í Miðjarðarhafi.

1. Málið er að ég held að vandinn þróist svipað og gert hefur í Bandaríkjunum, en þar er mikið talað um 11 millj. sem Trump vill vísa úr landi, en í raun má víkka þá tölu upp í 30 milljón.
   --En þessir 11 millj. búa ólöglega í Bandaríkjunum, og án allra réttinda -- þ.e. fá engan félagslegan stuðning, svo ég viti til - nema einstök sveitafélög ákveði annað.
   --Þeir eiga alltaf á hættu að vera sendir úr landi - geta þá ekki leitað til yfirvalda.
2. Þetta hefur samt ekki stöðvað bylgju aðkomumanna til Bandaríkjanna -- að Bandaríkin hafi girðingu á landamærum, ásamt eftirliti.
   --Þá reglu að ólöglegir innflytjendur séu án réttinda.
   --Hafi engan rétt til opinbers stuðnings.
   --Og það sé ólöglegt að veita þeim vinnu.
3. En þeir streyma samt að, því þeir fá samt vinnu.
   --Það hefur aldrei tekist að hindra að þeir fái vinnu.
   Jafnvel þó það séu viðurlög - hvort tveggja í senn fyrir vinnuveitanda og þá sem eru ólöglegir.

Það sem þá gerist sé --> Að ólöglegir aðkomumenn, verða að stétt vinnandi fólks, án allra réttinda!

• Hafið í huga -- að það virkilega fælir ekki veitendur vinnu - frá, að veita vinnu.
• Það sé sérstaklega -- svarti geirinn sem græðir á þessu.
• Ekki síst -- glæpasamtök!

Ég held að það sé engin tilviljun að skipulagðar glæpahreyfingar séu mjög virkar og öflugar í landamærahéröðum Bandaríkjanna <--> Beggja vegna landamæranna!

1. En þær hafi einfaldlega -- stöðugan aðgang að vinnuafli, sem geti ekki leitað til yfirvalda!
2. Glæpahreyfingar --tel ég-- einnig að ástundi það, að hvetja fólk frá fátækum löndum Sunnan við Bandaríkin, til að leita til Bandaríkjanna --> Með því að reka svokallaðar "ráðningastofur" í þeim löndum, sem séu ekkert annað en - glæpafyrirtæki, er plata fátækt fólk til að leita, Norður.
3. En glæpaflokkarnir græði gríðarlega mikið á því, að hafa stöðugan aðgang að -- rosalega ódýru vinnuafli, sem eigi engan möguleika á að leita til yfirvalda.

 

Margir vilja meina, að harneskjuleg stefna -- stöðvi flóttann til Evrópu

En ég held að dæmi Bandaríkjanna, sýni að það sé ekki rétt!

1. En innan Bandaríkjanna, virðist mér sú stefna -- að gera ólöglega vinnuleitendur réttindalausa; fyrst og fremst hafa leitt til eflingu glæpasamtaka.
2. En aðkomufólk án allra réttinda, og sem ef leitar til yfirvalda er strax rekið úr landi --> Er að sjálfsögðu, hið fullkomna vinnuafl glæpasamtaka.
3. Það sé svo gróðavænlegt fyrir glæpasamtök, að fá áfram ofur ódýrt vinnuafl sem sé fullkomlega réttlaust því algerlega öfurselt slíkum samtökum --> Að glæpasamtök ástundi dreifingu lygaáróðurs með gylliboðum til fátækra íbúa fátækra landa, til að hvetja slíka einstaklinga til að halda áfram að leita til ríku landanna --> Þrátt fyrir að opinberir aðilar, tjái þeim annað! Þá sé gjarnan í fátækum löndum sem gjarnan eru rekin af spilltum stjórnvöldum, gjarnan mikil tortryggni gagnvart stjórnvöldum --> Því líkur á að upplýsingum dreift þaðan, sé ekki trúað.

Í evrópsku samhengi -- mundi þá líklega áframhaldandi aðstreymi fátækra réttindalausra atvinnu-leitenda.
Ef maður gefur sér, að sú stefna verði ofan á, að svipta slíkt fólk öllum réttindum -- ef þeir smygla sér samt - eða er smyglað, inn fyrir landamæri Evrópu.
--Þá leiða til eflingu skipulagðra glæpasamtaka, sérstaklega í S-Evrópu --> Sem mundu eins og mér virðist hafa gerst í Bandaríkjunum, eflast einkum í löndum nærri Suður landamærum Evrópu.

Öflugri glæpasamtök, leiða náttúrulega til -- eflingu glæpa almennt!
Þá alls þess sem skipulögð glæpasamtök stunda!

• Deilan um ólöglegt aðkomufólk -- verður þá líklega lifandi deila í pólitíkinni í Evrópu, ekki ósvipað og að deilur um ólöglega innflytjendur gjósa alltaf reglulega upp í Bandaríkjunum -- undanfarna áratugi.

 

Niðurstaða

Ég held að mjög sennilega, ekki ósvipað og innan Bandaríkjanna, muni deilur um ólöglega innflytjendur halda áfram á komandi áratugum - það málefni mjög sennilega að auki og ekki ósvipað er samanborið við Bandaríkin; verði þá líklega mis áberandi í pólitísku umræðinni eftir árum - meir áberandi sum árin, minna sum önnur árin.

Ris og hnig innan umræðunnar, virðist ekki endilega í bandarísku samhengi fara eftir því hve fjöldi aðkomumanna er mikill per ár -- heldur frekar efnahags ástandi innan Bandaríkjanna.

Svipað gæti gerst í Evrópu, að ef framboð starfa innan Evrópu skánar, þá dragi úr andstöðu við ólöglegt aðkomufólk -- en ef útbreitt atvinnuleysi heldur áfram að vera viðvarandi ástand; að þá haldi andstaða við ólöglega innflytjendur - jafnvel áfram að eflast.

1. Ég á aftur á móti ekki von á því, að fylgismenn harðneskjulegrar stefnu, muni sjá þann árangur af sinni stefnu -- að slík stefna bindi endi á aðstreymi ólöglegra aðkomumanna í atvinnuleit.
2. Líklegra sé, að því harðari sem stefnan sé, því líklegra sé að ólöglegir aðkomumenn séu að starfa fyrir -- skipulögð glæpasamtök!
   --Það kaldhæðnislega er, að það geti vel farið svo að skipulögð glæpasamtök styðji slíka harða stefnu, til þess að tryggja að ólöglegt aðkomufólk eigi sem minnsta möguleika á að leita til yfirvalda!--Vegna þess að slík stefna verði þeim einmitt hagfelld. Vegna þess hve mikið þau græði á því, að hafa stöðugan aðgang að fólki sem eigi engan möguleika á að leita til yfirvalda -- þá muni þau gera sitt ýtrasta til að aðstoða flóttafólk að komast framhjá landamæraeftirliti. Samtímis og þau að auki -- dreifi áróðri í fátækum löndum í formi falskra gylliboða, til að viðhalda aðstreyminu.

Nettó útkoman verði -- efling skipulagðra glæpahópa!
--Harðneskjuleg stefna gegn innflytjendum geti að einhverju verulegu leiti, haft svipuð áhrif og vínbannið fræga á 3-áratugnum hafði á eflingu glæpasamtaka.

• Það mun að sjálfsögðu efla þá neikvæði ímynd af ólöglegu aðkomufólki.
  --Að það stuðli að eflingu glæpa!
  --Sem að sjálfsögðu mun hjálpa við að viðhalda stuðningi við harða stefnu gegn ólöglegu aðkomufólki.

Líklega viðhaldist varanleg samfélags deila um þessi mál!

 

Kv.

Der Spiegel heldur því fram, að Erdogan - Assad og Pútín, séu nærri því að ná samkomulagi um Sýrland

Þetta má lesa í: Turkish Invasion Highlights Rapidly Shifting Alliances. Skv. mati Maximilian Popp og Christoph Reuter blaðamanna Der Spiegel. Sé megin fókus erdogans nú á baráttu við tyrkneska og sýrlenska Kúrda -- nánar tiltekið hreyfingar Kúrda tengdar PKK, eða Verkamannaflokki Kúrdistan.

1. Þessi breytti fókus Erdogan -- sé að leiða til nýrra áhersla hjá erdogan í tengslum við átökin innan Sýrlands.
2. Sá fókus, leiði til þess að Erdogan sé ca. búinn að sætta sig við það, að Assad haldi áfram að stjórna landsvæðum innan Sýrlands.

• Að mati Maximilian Popp og Christoph Reuter sé hluti af líklegu samkomulagi Pútíns og Assads.

1. Að gegnt því að Erdogan hætti að leitast við að stuðla að falli Assads!
2. Þá hætti Rússland öllum stuðningi við sýrlenska Kúrda!

Erdogan virðist vera að búa til sinn eigin -- sýrlenskan Súnníta her!

Erdogan virðist hafa tekið að sér - leyfarnar af svokölluðum "Frjálsum-sýrlenskum her."
__Og flutt þá frá Sýrlandi, í gegnum hluta af Tyrklandi, og er að nota þá nú á þeirri nýju víglínu á landamærum Tyrklands -- sem Erdogan hefur nú myndað.

1. Útlit er fyrir að Erdogan ætli sér að skapa sýrlenskar súnníta hersveitir - undir stjórn Tyrkja, sem eiga allt undir stuðningi Tyrklandshers.
2. Sem mótvægi á þessu svæði innan Sýrlands, við bardagasveitir sýrlenskra Kúrda, YPG.

Erdogan virðist þannig vera að búa til -- protectorate, innan Sýrlands.

Ég bendi einnig á þessa umfjöllun: Kurds Fear the U.S. Will Again Betray Them, in Syria.

 

Það sem geti verið að gerast!

1. Sé að átökin innan Tyrklands - milli Tyrkja og Kúrda!
2. Séu að blandast inn í átökin innan Sýrlands.

Ekki ósvipað því, að átökin innan Íraks - og Sýrlands, hafa mörgu leiti einnig - runnið saman.

Þarna sé m.ö.o. að myndast ný átakalína!

1. Með því að Pútín og Assad -- þvoi hendur sínar af Kúrdum.
2. Þá séu þeir ef til vill samtímis, að forðast það að blanda sér í þessa nýju átakasyrpu.

 

Það þíðir ekki, að Assad sé sloppinn!

En þó að ef til vill sé Erdogan að hætta tilraunum til að steypa Assad!

Þá eru Arabar við Persaflóa og Saudi Arabía -- örugglega ekki hætt stuðningi við Súnní Araba í uppreisn gegn Alavíta stjórn - Assads.

Að auki bendi ekkert til þess, að þó hugsanlega Tyrkland missi áhuga á því að steypa Assad - eða eiga í átökum við Íran.

Að það þíði, að tilraunum Flóa-araba og Sauda, til að veikja valdastöðu Írans -- séu við það að taka endi.

 

Niðurstaða

Það að Tyrkland sé farið að blanda sér í átök innan Sýrlands með beinum hætti - gerir ekki endilega stöðuna einfaldari. Það þveröfuga gæti gerst, að með opnun nýrrar átakalínu - milli Tyrkja og Kúrda. Þá verði átökin enn flóknari og erfiðari viðfangs.

• Breitt afstaða Tyrkja getur þó verulega minnkað líkur á því að Assad verði endanlega steypt af stóli.

Kv.

Nokkuð er rætt á netinu, hvort að brottvikning forseta Brasilíu var -- valdarán!

Brottvikning Dilmu Rousseff, er sérkennilegur atburður að mörgu leiti.
Lagalega séð, var henni vikið frá fyrir þá sök -- að hafa stórlega fegrað stöðu brasilíska ríkisins fyrir kosningar er hún stóð frammi fyrir endurkjöri fyrir sitt 2-kjörtímabil.
Á því er alls enginn vafi, að hún stórfellt fegraði ásýnd stöðu mála fyrir þær kosningar, og það síðan kom mjög fljótlega í ljós af afloknum þeim kosningum - að staða mála var til mikilla muna verri; en hún hélt þá á lofti.

Hafandi í huga, að hún náði einungis endurkjöri með litlum mun!
Má alveg halda því fram, að hún hafi siglt á fölsku flaggi.

1. Fyrir kosningar, afneitaði hún því með öllu - að óveðurs ský hefðu hrannast upp í efnahagsmálum Brasilíu -- lofaði áframhaldandi velsæld og kjarabótum.
2. Eftir kosningar -- hóf hún samstundis sparnaðar aðgerðir, til að bregðast við efnahags samdrætti sem þá var að hefjast; þá talaði hún um þörf fyrir að herða beltisólar og sparnað --> Sem þannig séð var í lagi, ef það hefði ekki verið svo fullkomlega á skjön við málflutning hennar, fyrir kosningar.

• Síðan tók við versta kreppa sem Brasilía hafði séð í yfir 20 ár.

Í tilsvörum virtist hún alltaf hrokafull og árásargjörn!
Mjög fljótlega varð hún gríðarlega óvinsæl, eftir að kreppan var hafin.

1. Það má nánast segja -- að hinar raunverulegu sakir hennar; hafi verið þær - hversu frámunalega óvinsæl hún varð.
2. Og síðan, hve afskaplega ódyplómatísk hún var í samskiptum við aðra pólitíkusa.

Ætli það megi ekki sjá á niðurstöðu -- efri deildar brasilíska þingsins, ef það greiddi atkvæði gegn henni --> En atkvæðagreiðslan fór 61 - 20.

Þingmenn efri deildar höfðu snúist gegn henni!

Dilma Rousseff’s Impeachment Is the Start of Brazil’s Crisis—Not the End

Dilma Rousseff might be gone, but Brazil’s political crisis certainly isn’t

Dilma Rousseff ousted in Brazil because she was utterly incompetent

 

Það virðist enginn vafi um, að brottvikningin var lögleg aðgerð - ekki brot á stjórnlögum Brasilíu

Á hinn bóginn, þá fer þetta mál fram ekki einungis í skugga kreppunnar í Brasilíu - heldur svokallaðs "Petrobras" hneykslis, þ.s. ljóst er að fjöldi stjórnmálamanna var nánast á launaskrá hjá ríkisolíufyrirtæki Brasilíu.

Dilma sjálf var aldrei sjálft beint tengd við þær peningagreiðslur - á hinn bóginn var hún um tíma, stjórnarformaður Petrobras.
--Maður á mjög erfitt með að trúa því, að hún hafi virkilega ekki vitað nokkurn skapaðan hlut.

Hinn nýi forseti Brasilíu -- hefur á hinn bóginn, verið sakaður um mútur. Þó ekkert hafi verið sannað, og hann hafi ekki verið ákærður.
--Síðan hafi hann fengið á sig 8-ára framboðs-bann.

Það áhugaverða er, að í sérstakri atkvæðagreiðslu, um það hvort að Dilma ætti að fá sambærilegt 8 ára bann --> Var því hafnað, 42-36.
--Sem þíðir, að Dilma getur farið í framboð til þings - næst þegar kosið er eftir 2-ár.

1. Ásakanir um tengsl við mútur - um mútur, ganga þarna þvers og kruss.
2. Ljóst að enginn flokkur hefur hreinan skjöld -- það má reikna með því, að hugsanleg tengsl Dilmu verði nú rannsökuð, í kjölfar brottvikningar hennar.

En hvað var hún að gera sem stjórnarformaður Petrobras - áður en hún varð forseti, ef hún vissi ekkert um umfangsmiklar og skipulagðar mútur þess til stórs hluta brasilísku pólitísku elítunnar?

Mig grunar m.ö.o. að Dilma hafi ekki alveg eins hreinan skjöld, og hún vill láta.

• Kannski er vandamálið í Brasilíu -- að pólitísk spilling sé almenn og útbreidd.

1. Hvað um það -- fyrst að brottvikning forsetans var lögleg.
2. Sé erfitt að samþykkja þá túlkun, að hún hafi falið í sér - valdarán.

 

Niðurstaða

Þannig séð - er líklega erfitt að túlka það svo að þeir sem greiddu atkvæði gegn forseta Brasilíu, séu betri manneskjur en hún eða að þeir þingmenn hafi hreinni skjöld en hún. Á hinn bóginn, var það raunverulega afar gróft hvað Dilma gerði er hún barðist fyrir endurkjöri, er hún afneitaði öllum slæmum tíðindum um efnahags framtíð Brasilíu. Lét þá svo að smjör drypi af hverju strái, og ekkert væri að óttast um þá framtíð. Síðan nánst daginn eftir kjördag -- fyrirskipaði hún upphaf sparnaðar aðgerða, og þá lá strax fyrir að landið var á leið inn í kreppudal. Viðbrögð hennar við umkvörtunum voru alltaf hrokafull og þ.s. kallað er á ensku "combative."

• Það gætu verið hinir raunverulegu glæpir hennar, hversu yfirmáta óvinsæl hún varð nánast daginn eftir að endurkjör var í höfn.
• Og síðan, hversu afar ódyplómatísk hún virtist alltaf vera.

Henni hafi tekist að fá nánast alla upp á móti sér!
--Hún hafi sjálf nagað sitt pólitíska bakland!

 

Kv.

Spurning hvort að lyf sem raunverulega mundi hindra Alzheimer - geti verið á leiðinni?

Ég reikna með því að fullt af fólki hafi - fingurnar í kross; ekki síst vegna þess að sú leið sem er farin með þessu lyfi - er enn umdeild.
M.ö.o. að langt í frá allir eru sannfærðir að sá árangur sem lyfið virðist ná, hafi þau áhrif sem vonast er eftir -- að hindra að fólk fái Alzheimer.
Það fer eftir því -eftir allt saman- hver er raunveruleg orsök sjúkdómsins.
Eða, m.ö.o. - hvort að kenningin að baki lyfinu, er rétt!

Biogen’s Plaque-Busting Alzheimer’s Drug Shows Promise

Alzheimer&#39;s drug shows promise in human trials

The Alzheimer&#39;s results are in: How Biogen and Eli Lilly stack up

 

Nú skulum við láta liggja milli hluta, hvort að kenningin að baki lyfinu er rétt - einfaldlega gefa okkur að svo sé!

1. Rannsókn hefur sýnt lyfið hafa ágæta virkni.
2. En einungis í skömmtum, sem valda alvarlegum hliðaráhrifum í hluta þeirra sjúklinga er tóku þátt í prófuninni.

Nýjar prófanir séu hafnar, sem ætlað er að rannsaka nánar - hvaða skammtur skilar áhrifum --> Í von um að unnt sé að finna áhrifaríkan skammt, án slíkra alvarlegra og hugsanlega hættulega hliðarverkana!

"Biogen’s drug, called aducanumab, was given to 165 patients, and the company says in those who took the highest dose it practically eradicated the amyloid plaques in their brains."

Nú ef við gefum okkur tvennt:

1. Að skammtur sem ekki leiðir til hættulegra hliðarverkana fynnist - þannig að unnt sé að gefa sjúklingum lyfið í því skyni, að forða því að þeir fái Alzheimer.
2. Þá gæti hugsanlega orðið mögulegt, að forða milljónum um allan heim frá þeim örlögum að verða fyrir barðinu á þeim hræðilega sjúkdómi.

Þetta eru auðvitað -- stór ef!

"Biogen has estimated that testing aducanumab could cost $2.5 billion, but if it works, it would be hugely profitable and essentially transform what it means to get old for many people."

• Hagnaðurinn af fyrsta lyfinu - sem raunverulega mundi virka sem - hindrandi meðferð.
• Yrði að sjálfsögðu gríðarlegur.

Ég þarf varla að nefna það, að auki að þeir sem fá Alzheimer eiga aðstandendur - sem ganga síðan í gegnum lífið með þann persónulega ótta!
--Að hugsanlega fari eins fyrir þeim!

Ef lyf sem raunverulega virkar kemur fram!
Þá væri það einnig mikil sáluhjálp fyrir slíka aðstandendur.

 

Niðurstaða

Ég er sjálfur aðstandandi einstaklings sem lést eftir að hafa klárað meðgöngu Alzheimer - alla leið! En sjúkdómurinn endar með því, að skilja sjúklinginn eftir fullkomlega sem það sem á ensku nefnist "vegetable." Þ.e. í ástandi sem mætti líkja við - heiladauða.
M.ö.o. allt sem var sá einstaklingur er þá horfið - að auki er líkami viðkomandi einnig visnaður, því á lokametrunum hverfur geta sjúklingsins til að geta nærst!

Vegna þess að sú vegferð tekur árafjöld, þá er þetta nánast eins og að fylgjast með hryllingsmynd á óskaplega hægri ferð - sem verður afar persónuleg upplifun því þetta er að koma fyrir þinn eigin ættingja!

 

Kv.

Skattaparadísin Írland

Það virðist að Apple inc. hafi borgað nánast ekki neitt í skatt af milljarða evra tekjum, sem voru skattaðar í gegnum aðal-skrifstofu sem hafði enga starfsmenn: Apple tax deal!

1. "One subsidiary is Apple Sales International (ASI). It was structured so that all the profits on the sale of the iPhone and other Apple products in Europe, the Middle East, Africa and India were recorded in Ireland."
2. "The other subsidiary is Apple Operations Europe, which manufactured certain computer lines."
3. "When it came to tax, each operated in much the same way." - "...all profit was allocated to a “head office” which had no employees or premises and existed only on paper."
4. "The particular advantage of the structure was that the head office was considered “stateless” for tax purposes, with no tax to be paid anywhere on profits attributed to it."

• "Citing figures released by the US Senate, the commission said ASI recorded a €16bn profit in 2011."
• All but €50m of the profit was allocated to the head office, and Apple paid €10m tax in Dublin on that."
• The tax rate on the €16bn profit was in effect 0.05 per cent in 2011 and the rate in effect declined to 0.005 per cent in 2014 even as profits grew."

Með því að skatta allar tekjur sem urðu til af starfsemi Apple Inc. í Evrópu - Miðausturlöndum og á Indlandi - í gegnum þessa aðal-skrifstofu, sem hafði enga starfsemi - enga starfsmenn, og var skilgreind sem "stateless" þ.e. að skattalega séð tilheyrðu tekjurnar engu landi.

Leiddi til þess að -- Apple Inc. heilt yfir hafi verið að borga langt undir 1% í skatt, af sínum raunverulega hagnaði.

1. Skv. þessu hefur Írland gengið afskaplega hressilega langt í hegðan, sem verður ekki nefnd annað en -- hegðan skattaparadísar.
2. Framkvæmdastjórn ESB hefur með því að dæma þetta fyrirkomulag Írlands við Apple Inc. ólöglegt skv. samkeppnisreglum ESB -- dæmt Apple Inc. til að greiða írskum stjórnvöldum 13 milljarða evra í vangoldinn skatt.

• Að auki, hefur Framkvæmdastjórnin, opnað á það að -- aðildarlönd þ.s. Apple hefur starfsemi önnur en Írland, opni á þá spurningu --> Hvort rétt sé að Apple skattleggi tekjur af starfsemi þar, í gegnum Írland.
• Hafandi í huga að fyrirtækjaskattar í Frakklandi eru 33% í stað 12,5% í Írlandi, 30% í Þýskalandi, 22% í Svíþjóð --> Gæti innheimtur eftir-á skatta reikningur Apple Inc. átt eftir að hækka hressilega til viðbótar.

 

Niðurstaða

Dálítið erfitt að hafa samúð með þessum ótrúlegu skattkjörum sem írska lýðveldið veitti Apple Inc. - þó svo að Apple Inc. hafi veitt 5þ. störf innan Írlands. Hafandi í huga, að líklega var Írland að aðstoða Apple Inc. við að fela réttmætar skatttekjur fyrir fjölda annarra landa - frá Indlandi, til Miðausturlanda, til annarra Evrópulanda - þaðan sem Apple Inc. hefur sókt sér hagnað -- sem það greiddi stærstum hluta alls engan skatt af.

• Áhugavert að Írland skuli í reynd hafa verið að reka sig sem skattaparadís.
  --Þ.e. að erlend fyrirtæki starfandi þar, hafi hugsanlega raunverulega greitt verulega mikið lægri skatta, en hina opinberu 12,5%.

 

Kv.

Gæti stefnt í hörð átök milli Kúrda og Tyrkja í Sýrlandi

Það lísir ákveðinni örvæntingu -- áskorun Bidens, varaforseta Bandaríkjanna:

“We call on all armed actors to stand down,” - “We want to make clear that we find these clashes — in areas where Isil [Isis] is not located — unacceptable and a source of deep concern.”

1. Málið er, að það sé afar ósennilegt að Bandaríkin velji sýrlenska Kúrda fram yfir Tyrki - jafnvel undir Erdogan; ef á reynir.
2. Sem þíðir, að það geti algerlega verið, að Erdogan ætli fullkomlega að hundsa óskir stjórnvalda í Washington - þess efnis að Erdogan stöðvi sókn gegn YPG hernaðararmi sýrlenskra Kúrda.

• Þar með gæti áætlun Bandaríkjanna gegn ISIS innan Sýrlands -- hreinlega hrunið til grunna.

Græna svæðið - umráðasvæði sýrlenskra Kúrda

Ljósbrúna svæðið - umráðasvæði ISIS

Lítil gul svæði sem bent er á - sókn Tyrkja!

Ljósblá svæði - undir stjórn Damaskus stjórnarinnar

Sjá má einnig fljótið - Efrat á miðri mynd

Það sem bandaríkin óttast --> Væri stór-orrusta milli Kúrda og Tyrkja um, Manbij.

Borgin Manbij, má sjá sem -svartan díl- á svæði undir stjórn sýrl. Kúrda, Vestan-megin Efrat.

1. Tyrkir hafa krafist þess, að Kúrdar hörfi til baka - yfir Efrat.
2. Bandaríkin hafa hvatt þá einnig til þess, að nota Austur bakka Efrat sem takmörk síns umráðasvæðis til Vesturs.

Það eru einungis örfáar vikur síðan - Kúrdar með stuðningi hóps Súnníta þeirra þjálfun Bandaríkin höfðu kostað -- tóku Manbij. Aðgerð sem Bandaríkin lístu sem mikilvægu takmarki í sókn gegn yfirráðum ISIS.

• En stefnan var að halda smám saman áfram í humátt til -- Raqqa.

En nú virðist stefna í að það falli allt um sjálft sig.

 

Meginsókn Tyrkja virðist beinast að "enclave" sem sýrlenskir Kúrdar ráða Vestan Efrats

Það virðist veruleg hætta á að í stað þess að hörfa til baka, þá séu YPG liðssveitir sýrl. Kúrda -- að koma sér betur fyrir, undirbúa varnir Manbij.

1. En Kúrdum gæti hreinlega dottið í hug, að láta á það reyna -- hversu mikið púður Erdogan er raunverulega til í að leggja í þessa sókn.
2. Þ.e. hvort Erdogan væri raunverulega til í það mannfall, sem átök um Manbij væru líkleg að leiða til.

Hann virðist vera að nota -- hóp sýrl. uppreisnarmanna, sem berjast nú virðist undir stjórn hers Tyrklands -- sem byssufóður: Knowing the Risks, Some Syrian Rebels Seek a Lift From Turks’ Incursion.

En með því að auki -- þá skapar Erdogan þá hættu, að átök í Sýrlandi verði enn flóknari en þau hafa þó fram að þessu verið.

Ef skærusveitir uppreisnarmanna -- berjast við YPG sveitir Kúrda.

En milli þeirra hópar -- er gamalt hatur, sem auðvelt bersýnilega væri að æsa upp frekar.

• Það sé vel hugsanlegt að ef Tyrkir sækja alla leið að Manbij, að síðan geti bardagar um borgina staðið vikum - jafnvel mánuðum saman.

Meðan færi líklega nánast allur kraftur Kúrda í þau átök.
--Og auðvitað, Bandaríkin mundu neyðast til að hætta stuðnings aðgerðum við sýrl. Kúrda.

 

Útkoman væri þá sú, að sóknin gegn ISIS innan Sýrlands tæki endi, a.m.k. að sinni

Rétt að hafa í huga, að þessar vikurnar standa mjög harðir bardaga yfir um borgina -- Aleppo. Þar er fókus Írana - Rússa og Damaskus stjórnarinnar nú.

Tilraunir Damaskus stjórnarinnar til að sækja frekar fram gegn ISIS -- runnu út í sandinn fyrr í sumar, og hafa ekki hafist -að því er best verður séð- aftur.

• Ef síðan nú tilraunir Bandaríkjanna til að skipuleggja framsókn gegn ISIS innan Sýrlands -- einnig renna út í sandinn.
• Þá væri þar með, alfarið a.m.k. tímabundinn endir kominn á frekari sókn á landi gegn ISIS innan Sýrlands -- hvort sem sveitr sem styðja Assad stjórnina eiga í hlut, eða - sveitir sem Bandaríkin styðja.

 

Niðurstaða

Áætlun Obama stjórnarinnar gegn ISIS innan Sýrlands -- gæti verið við það að hrynja fullkomlega í rúst. Vegna aðgerða Erdogans er virðast einkum eða nær eingöngu beinast gegn sveitum sýrlenskra Kúrda, sem hafa sl. 1,5-2 ár verið megin bandamenn Bandaríkjanna innan Sýrlands - gagnvart ISIS.

Á hinn bóginn, þá hefur það leitt til sífelldrar stækkunar umráðasvæða YGP hernaðararms sýrl. Kúrda --> Sem ef að marka viðtöl NyTimes við sýrlenska uppreisnarmenn sem nú berjast undir stjórn -- Tyrkja. Er litið á með vaxandi tortryggni af Súnní Araba íbúa hluta Sýrlands. Þar sem YGP sveitir Kúrda hafi sókt inn á svæði meirihluta byggð Súnni Aröpum, þannig að YPG sveitirnar stjórni nú tölverðum svæðum sem ekki séu meirihluta byggð Kúrdum.

Þetta virðist Erdogan nú --> Færa sér í nyt, til að skapa klofning milli Kúrda og Súnní Araba. Væntanlega í því skyni, að skapa vandamál fyrir YGP sveitirnar á svæðum sem þær sveitir stjórna, þ.s. aðrir en Kúrdar búa meirihluta til.

• En hans meginmarkmið virðist vera að -- veikja hernaðararm sýrlenskra Kúrda!
  --M.ö.o. að stjórnin í Ankara kjósi að álíta YGP hernaðararm sýrlenskra Kúrda, megin ógnina fyrir Tyrkland í samhengi Sýrlands átakanna.

Útkoman virðist líklega að verða sú -- að áætlun Obama gegn yfirráðasvæðum ISIS innan Sýrlands, býði hnekki.

 

Kv.

Tyrkland virðist vera að skapa sér svæði innan Sýrlands undir sinni stjórn

Rétt fyrir helgi hófst innrás tyrkneska hersins inn fyrir landamæri Sýrlands, á svæði er hefur um töluverða hríð verið undir stjórn -- ISIS samtakanna! Á hinn bóginn, þó svo að aðgerðir hers Tyrklands leiði líklega til þess að svipta ISIS samtökin sínu síðasta yfirráðasvæði meðfram landamærum Sýrlands og Tyrklands. Þá virðist aðgerð Tyrklandshers -- frekar beint gegn YPG sveitum sýrlenskra Kúrda! En þær hafa fengið umtalsverða hernaðaraðstoð frá Bandaríkjunum sl. eitt og hálft ár, a.m.k. Sem ásamt loftárásum Bandaríkjanna á stöðvar og landsvæði undir stjórn ISIS - hefur gert YGP sveitum sýrlenskra Kúrda kleyft, að sækja verulega fram gegn ISIS og samtímis stækka sitt yfirráðasvæði.

• Það er það atriði, sífelld stækkun yfirráðasvæðis YGP sveita sýrlenskra Kúrda, sem hafi hleypt upp Tyrkjum -- en þeir líta á YPG sveitir Kúrda; sem -- hryðjuverka-afl.

Turkish army thrusts deeper into Syria, monitor says 35 villagers killed

Syrian rebels backed by Turkey advance into Kurdish territory

Ofnotkun orðalagsins -- hryðjuverkasveitir, er til vansa!

Í kalda-stríðinu, var oftast nær talað um --> Skæruliðasveitir, þegar um var að ræða fjölmenna hópa þ.e. frá nokkrum þúsundum upp í tugi þúsunda, sem ekki voru viðurkenndur her ríkis.

1. Mér finnst það mun eðlilegra orðalag, þegar um er að ræða hreyfingar sem eru þetta fjölmennar, og bersýnilega geta ekki þrifist á því landsvæði sem þær stjórna -- nema að njóta líklega, einhvers stuðnings íbúa þess svæðis.
2. Í mörgum tilvikum sé um að ræða, raunverulega uppreisnarhópa -- sem njóta fulltyngis a.m.k. hluta íbúa lands. Þannig, að um sé að ræða -- vopnaða uppreisn.

• Pútín var sá fyrsti að finna upp á þessari notkun hryðjuverkahugtaksins.

1. En hann kallaði hersveitir Téténa í Téténíustríðinu ca. 2000, alltaf -- hryðjuverkasveitir.
2. Þó svo að fullkomlega augljóst sé, að um var að ræða mjög víðtækan stuðning íbúa Téténíu við þær sveitir --> Svo almenna, að það sé nær því að tala um það, að Rússar hafi verið að fást við, almenna uppreisn íbúa þess landsvæðis, gegn rússneskum yfirráðum.

• Þegar verið er að kalla ---> Uppreisnarhreyfingar, hryðjuverkasveitir!
  --> Er bersýnilega verið að misnota hryðjuverkahugtakið, í áróðursskyni.

Með sama hætti, greinilega eftir fyrirmynd Pútíns, kallar Assad alla uppreisnina gegn sér ---> Hryðjuverkasveitir, þannig að alltaf þegar ráðist er fram gegn uppreisnarhópum, er talað á þeim grunni að verið sé að berjast gegn -- hryðjuverkum.

Flughersveitir Rússa í Sýrlandi, nota alltaf sama orðalag --> Í reynd, gera þær engan greinarmun, þegar ráðist er að uppreisnarsveitum - eða ISIS.
---> Orðalagið haft það nákvæmlega sama, ráðist gegn hryðjuverkasveitum!

• Það þíðir auðvitað, að nær ómögulegt er að ráða í það af fréttatyllkynningum Rússa, á hverja er ráðist hverju sinni.

____________________
Erdogan af Tyrklandi --> Er nú að leika sama leik! Þ.e. að tala um baráttu gegn hryðjuverkum. Eins og Pútín og Assad segja alltaf frá sínum aðgerðum.

• Er Erdogan er að berja á YPG sveitum Kúrda!

Það er eiginlega ekki unnt að sjá skýrara dæmi um áróðurskennda notkun á tilteknu orðalagi.

 

Takmörkuð innrás Tyrklands í Sýrland, augljóslega mun flækja aðgerðir Bandaríkjahers gegn ISIS

1. En fyrir skömmu síðan -- þá tóku sveitir Súnníta sem hafa fengið herþjálfun er Bandaríkin hafa kostað, í þjálfunarbúðum á yfirráðasvæði Kúrda.
2. Og YPG sveitir sýrlenskra Kúrda -- borgina Manbij.

Þetta gæti hafa verið kornið sem fyllti mælinn hjá Tyrklandsstjórn.
Því þá þar með voru sveitir YPG -- komnar með fótfestu Vestan meginn Efrat fljóts.

Eftir að innrás Tyrklandshers hófst fyrir helgi -- hafa Bandaríkin skipað YPG sveitunum að hörfa þegar yfir Efrat á, yfir á Austur bakka hennar.

Ég geri ráð fyrir að á sama tíma, séu Bandaríkin að beita Tyrkland þrýstingi um að takmarka sókn sína við -- línuna meðfram Efrat

Þá mundi Efrat verða að landamærum milli yfirráðasvæða!

• Með þessum hætti má a.m.k. fram að þessu túlka atburðarásina.
• Árásir Tyrklands hers á YGP sveitir yfir helgina, virðast markast af svæðum Vestan megin Efrat ár.
• M.ö.o. að Tyrklandsher sé að ýta YGP yfir ána!

Ástæða þess að þetta án efa flæki fyrir herför Bandaríkjanna gegn ISIS, er sú að líklega eru þær Súnníta sveitir þeirra þjálfun Bandaríkin hafa verið að kosta -- ekki nægilega sterkar til að halda áfram sókn gegn ISIS, ein-samlar.
_____________
Aftur á móti virðist Tyrkland líta á YGP -- sem stærri ógn heldur en ISIS, a.m.k. fyrir Tyrkland.

 

Tilgangur Tyrklands virðist vera sá!

Að forða því að YPG geti haldið áfram sókn sinni meðfram landamærum Tyrklands -- og á endanum sameinað yfirráðasvæði sitt. En sjá má gult svæði fyrir Vestan slitið frá hinu mun stærra yfirráðasvæði YPG -- af því svæði sem ISIS hefur ráðið fram að þessu enn.

1. Það sé alls ekki leyndarmál, að sýrlenskir Kúrdar stefna að stofnun sjálfsstjórnarsvæðis.
2. Vegna þess að YPG hreyfingin hafi unnið með PKK skæruhreyfingu tyrkneskra Kúrda á árum áður --> Samstarf sem Tyrkir telja enn til staðar.
3. Þá telja Tyrkir að því er virðist, að samruni yfirráðasvæða YGP hreyfingarinnar alvarlega ógn við Tyrkland --> Þar sem að slíkt sjálfstjórnarsvæði Kúrda gæti hugsanlega veitt PKK virkan stuðning, gert baráttuna gegn PKK mun erfiðari en ella.

Ekki liggur enn fyrir hvort að markmið Tyrkja eru stærri en þau.
--Að hrekja YPG yfir Efrat!

En a.m.k. virðist það sennilegt!
Þar sem að stjórn Tyrklandshers á svæði markað af Efrat, og síðan á hina hlið af hinu mun smærra yfirráðasvæði YPG fyrir Vestan.
Ætti að duga til þess að hindra þann möguleika að sýrlenskir Kúrdar geti myndað eitt samfellt yfirráðasvæði.

Síðan væri það sennilega óskynsamlegt af Tyrklandsstjórn að fara í stærri aðgerð en þetta.

 

Niðurstaða

Ef þ.e. rétt að markmið Tyrklandshers er einungis að hindra sýrlenska Kúrda í því að sameina sín yfirráðasvæði innan Sýrlands í eitt samfellt -- undirbúningur undir stofnun sjálfstjórnarsvæðis. Þannig, að Efrat verði Vestur-landamæri hins stærra yfirráðasvæðis sýrlenskra Kúrda, gagnvart yfirráðasvæði Tyrklandshers.

Þá er það einungis -- "side benefit" að hrekja ISIS frá landamærunum við Tyrkland.

--Þá væntanlega fjarar aðgerð Tyrklandshers út á næstu dögum, eftir að her Tyrklands hefur lokið því að hrekja YGP sveitir sýrlenskra Kúrda yfir á Vestur bakka Efrat.

• Með því að þrýsta á báða aðila að miða við Efrat -- séu Bandaríkin væntanlega að gera sitt ítrasta til að halda ástandinu undir einhverri lágmarks stjórn.

Það er síðan spurning, hvað Tyrkland síðar ætlar að gera við þetta nýja yfirráðasvæði sitt innan Sýrlands? Einn möguleiki, að búa þar til flóttamannabúðir og færa þangað fjölmenna hópa sýrlenskra flóttamanna er leitað hafa til Tyrklands.

 

Kv.

Atlaga ESB gegn Google tekur á sig nýjar myndir

Nýjasta hugmyndin skv. frétt Financial Times: Europe plans news levy on search engines - er að evrópskar fréttaveitur og miðlar sem bjóða upp á lesið efni á vefnum; hafi rétt til að krefjast þess að fá peninga frá Google -- ef leitarvél Google birtir stutta búta úr efni frá þeim vefmiðlum í leitarniðurstöðum.

 

Ég held að þetta sé afskaplega slæm hugmynd!

1. "At the heart of the draft copyright plan, news publishers would receive “exclusive rights” to make their content available online to the public in a move that would force services such as Google News to agree terms in a move that would force services such as Google News to agree terms."
2. "Citing dwindling revenues at news organisations, the commission warns that failure to push on with such a policy would be “prejudicial for . . . media pluralism”, according to one internal document."

• Critics of the idea argue that similar efforts to charge Google for aggregating news stories have failed in both Germany and Spain."
• "Google responded to a mandatory levy in Spain by shutting down Google News in the country."
• "In Germany, many publishers opted to waive the charge in order to still appear on the search engine’s news results after suffering big drops in traffic."

Flestir sem nota Google - kannast sjálfsagt við það, að í leitarniðurstöðum --> Birtir Google oft 2-línur úr texta síðna sem koma upp í leit.

Ég get ekki ímyndað mér, að það sé slæmt fyrir síður -- að koma þannig upp í leit; að það birtist suttur útdráttur úr texta -- skaði þá ekki, heldur auki líkur á að sá sem framkvæmdi leit --> Opni þeirra síðu.

Þannig auki það líklega traffík á síður viðkomandi -- ef þeirra síður koma upp með þessum hætti í leitarniðurstöðum.

1. Þó sannarlega selji Google auglýsingar sem birtast gjarnan meðfram leitarniðurstöðum.
2. Þá sé þar með ekki verið að -- taka neinar tekjur af þeim síðum, sem koma upp í leitarniðurstöðum.
3. Þvert á móti, þá séu þær tekjur sem Google þannig fær, fé sem mundi ekki leita til þeirra aðila -- hvort sem er.
4. Og þar sem það auki traffík um þeirra síður, að koma upp í leit með þeim hætti --> Þá stuðli það samtímis að því, að þær síður geti frekar selt auglýsingar á sínum síðum.

Þarn sé m.ö.o. um að ræða fyrirbærið --> "Mutual Gain!"

Mjög margir virðast eiga mjög erfitt með það hugtak!

Sú hugmynd virðist mjög algeng -- að einhver annar hljóti að tapa, sbr. "Sero sum."

Mig grunar að enn eimi eftir af hinni -marxísku- hugsun, að gróði sé -- form af ráni.
--Sem leiði til þeirrar hugsunar, að gróði eins hljóti að vera tap annars!

 

Niðurstaða

Mér virðist þessi nýjasta aðför ESB að Google, vera dæmi um gamaldags hugsun - þ.e. að fólk sé fast í hugsunarfari sem sé í dag einfaldlega - úrelt. En það sé einungis unnt að skilja þessa nálgun -- ef menn virkilega halda að með því að græða á því að birta leitarniðurstöður á vefnum. Þá sé Google þar með -- að skaða aðra!

Þá virðast menn algerlega hafna hugtakingu -- "Mutual gain."

En ég virkilega sé ekki með hvaða hætti vefsíður skaðast af því, að Google í reynd vekur athygli á þeim í hvert sinn sem þær birtast í leitarniðurstöðum.

En óhjákvæmilega mundi Google bregðast við kröfum um að fá greitt fyrir það að birta 2-lína úrdrátt úr síðum, með þeim hætti -- að hætta að birta slíkan 2-ja lína úrdrátt.
--Þá verður síðar viðkomandi minna áberandi í leitarniðurstöðum, og þar með fær færri heimsóknir út á að birtast í leitarniðurstöðum.
--M.ö.o. sé ósennilegt að það leiddi til annarrar útkomu en taps fyrir þær síður er legðu fram slíka kröfu á Google.

 

Kv.

Noregur að setja upp mannhelda girðingu á landamærum við Rússland!

Mér finnst eiginlega stórmerkilegt að 5.500 sýrlenskir flóttamenn hafi ferðast í gegnum Rússland alla leið til landamæra Noregs við Rússland! Þar sem að þetta er virkilega ekki lítiðfjörlegt ferðalag! Síðan er ekki síður merkilegt, að ferðalag Sýrlendinganna - geti vart hafa farið fram án vitneskju eða vilja rússneskra stjórnvalda!

Norway Will Build a Fence at Its Arctic Border With Russia

Maður velti fyrir sér hvað Pútín gangi til að heimila þetta langa ferðalag Sýrlendinganna í gegnum Rússland!

1. "The government says a new gate and a fence, about 660 feet long and 11 feet high and stretching from the Storskog border point..."
2. "The fence will be built in the coming weeks, before winter frosts set in, to make it harder to slip into Norway via a forest."
3. "Deputy Justice Minister Ove Vanebo defended the decision, calling the gate and fence “responsible measures.”"

Eins og fram kemur í fréttinni - gerðist þetta 2015.
Engir Sýrlendingar hafi ferðast þessa leið í gegnum Rússland það sem af er þessu ári.

Þannig að ríkisstjórn Noregs er þá greinilega að loka á þennan möguleika!
Frekar en að hún sé að fást við einhverja - krísu sem sé bersýnilega viðvarandi.

 

Það sem þetta ef til vill segir okkur!

Að mögulegar ferðaleiðir flóttamanna séu ef til vill töluvert fleiri en margir halda. En við vitum að sumarið 2014 komu margir yfir Miðjarðarhaf yfir til Ítalíu frá Lýbýu.

2015, var megin straumurinn í gegnum Tyrkland síðan yfir Eyjahaf til Grikklands.

• Þó 5.500 sé einungis brotabrot af heildarstraumnum 2015.

Þá sýni þetta ef til vill okkur - að flóttamenn geti farið lengri leiðir, ef auðveldum fljótfærari leiðum er lokað.

En þ.e. t.d. alveg tæknilega mögulegt fyrir þá, að fara yfir Miðjarðarhaf þar sem hafið mjókkar móts við Spán.

Auðvitað að auki, geta flóttamenn siglt frá Tyrklandi út á Svartahaf -- síðan leitað til lands t.d. í Rúmeníu eða Búlgaríu.

• Menn mega ekki halda að það eitt að loka landamærum norðan við Grikkland -- augljóslega loki á alla möguleika flóttamanna til Evrópu.

 

Niðurstaða

Flóttaleið alla leið Norður til Noregs í gegnum Rússland virðist manni við fyrstu sýn svo afskaplega ólíkleg. En samt komu 5.500 flóttamenn þá leið til Noregs 2015. Sem eins og ég benti á, geti vart annað verið en að rússnesk stjórnvöld hafi vitað af.

Þetta sýni ef til vill fram á, að flóttamenn muni leita nýrra leiða til Evrópu - þegar leitast verði við að loka þeim leiðum sem einna mest hafa verið notaðar fram að þessu.

Örugglega til nokkrar auðveldari leiðir, en langa leiðin til Noregs í gegnum Rússland.

 

Kv.

Þó Rússland geti beitt sér í Sýrlandi - þíðir það ekki að Rússland sé heimsveldi

Það er auðvitað góð spurning -- akkúrat, hvað er heimsveldi? Ég mundi segja, land sem hafi hagsmuna að gæta í öllum heimsálfum!

1. Rússland hefur raunverulega afar takmarkaða getu til að beita sér í landi, sem það deilir ekki landamærum með.
2. Síðan þarf að muna að í dag -- skipta efnahagslegir hagsmunir ef e-h er, meira máli.

Rússland t.d. græðir efnahagslega séð --> Nákvæmlega ekki neitt á átökunum í Sýrlandi!
Þó að Rússland mundi vinna í einhverjum skilningi, fullnaðar sigur þar --> Mundi það ekki græða á því í efnahagslegum skilningi, eina einustu - rúbblu eða kópeka.

• Átökin í Sýrlandi fyrir Rússland --> Virðast 100% "national prestige issue."

1. Þar sem, nákvæmlega engir efnahagslegir hagsmunir fyrir Rússland eru undir.
2. Þá í hagrænum skilningi, er þátttaka Rússlands í átökum innan Sýrlands -- einungis, tap.

Öll lönd þurfi að gæta þess að stríð verði ekki of kostnaðarsamt -- þegar mikilvægir grunn hagsmunir þess eru ekki í húfi.

Um daginn kynnti Rússland sigri hrósandi, að það hefði hafið loftárásir á stöðvar andstæðinga Assads -- frá Íran --> Nú hefur Íran aftur á móti kynnt, að Rússland fái ekki frekar að nota aðstöðu innan Írans

Iran Revokes Russia’s Use of Air Base, Saying Moscow ‘Betrayed Trust’

Það sem þetta sýnir -- er hve viðkvæm valdastaða Rússlands er innan Mið-austurlanda. Stjórnvöld Rússlands virðast ekki hafa áttað sig á því hvernig yfirlýsing þeirra -- mundi spilast í innanlandspólitísku samhengi Írans.

Ef rússn. stjv. hefðu þagað yfir þessu!
Væru þeir sennilega enn að fljúga frá hinni írönsku herstöð.

En yfirlýsing rússneskra stjórnvalda - hafi leitt til þess, að gagnrýni reis upp innan Írans -- á þá ákvörðun að heimila Rússum að nota íranskan flugvöll til árása á annað land.

Maður verður að gera ráð fyrir því - að ákvörðun Írans um að loka á frekari heimildir Rússa til afnota á þeim flugvelli -- sýni að tortryggni innan Írans gagnvart Rússum, sé umtalsverð.

1. Þó að Íranar vantreysti Bandaríkjunum.
2. Virðast þeir einnig vantreysta Rússum!

 

Ákveðin togstreita sé sennilega í bandalagi Írans og Rússlands

Rússland t.d. hafi merkilega góð samskipti við Ísrael -- meðan að samskiptum Írans og Ísraels er rétt líst sem - fullum fjandskap.

Mig grunar að Rússlandsstjórn sé enginn sérstakur vinur Hezbollah - meðan að þau samtök eru mjög mikilvægur bandamaður Írans, og mikilvægur liður í þeirra áhrifum.

Rússland sé ekki með samskipti sem rétt sé líst sem fjandskap við Saudi Arabíu -- þó þar á milli sé sennilega, sterk tortryggni.

Rússland gæti vel verið til í að selja -- Assad.
Gegnt loforðum sem það treysti -- um að halda flotastöð sem Rússland hefur í Tartus.

Meðan að Íran hafi sennilega meiri þörf fyrir að halda í Assad, og Alavítastjórnina í Damaskus -- vegna þess að Íranar treysti því ekki að aðrir aðilar innan Sýrlands, tryggi Íran áframhaldandi aðgengi að Lýbanon og þar með Hezbollah.

1. Sennilegt sé að traust Írans á Rússlandi -- sé afar takmarkað.
2. Íran -sennilega með réttu- tortryggið á úthald Rússlands.

Líkur séu á að Rússland á einhverjum punkti - velji sér leið sem nái þess lágmarks markmiðum, með sem -- minnstum tilkotnaði.

Þar með, selji hagsmuni Írans.

 

Niðurstaða

Málið með bandalag Rússlands og Írans - sé það líklega vandamál. Að hagsmunir Írans og Rússlands, fara sennilega nærri eins oft í sitt hvora átt, og þeir fara saman. Að auki sé Íran ekki neitt endilega, náttúrulegur bandamaður Rússlands!

1. Þannig séð hafa bæði Íran og Tyrkland sögulega séð -- verið keppinautar við Rússland um völd og áhrif á Kákasus svæðinu.
2. Það sé ekkert víst, að Rússland vilji að Íran verði of öflugt, þar sem að þá gæti alveg hugsast, að Íran að nýju færi að leita inn á Kákasus svæðið, þar sem það réði stórum svæðum fram á 19. öld.

• Að einhverju leiti eigi það sama við um Tyrkland - frá sjónarhóli Rússlands.

Það geti þítt að hugsanlega vilji Rússland halda Tyrklandi og Íran uppteknu gagnvart hvoru öðru. En viðhalda sæmilegum friði milli Rússlands og þeirra beggja.

En ef bæði þessi lönd færu að fókusa á Kákasus svæðið - gæti það valdið Rússlandi erfiðleikum í því að halda í öll þau svæði þar sem Rússland enn drottnar yfir.

 

Kv.