Spurning hvort Bandaríkjastjórn hefur hugsað nýjar refsiaðgerðir gegn Venezúela alla leið út á endapunkt

Mánudag í sl. viku - tóku gildi eitilharðar aðgerðir gegn Venezúela-stjórn, þ.s. ákveðið var að olíutekjur landsins tilheyrðu stjórnarandstöðu landsins undir forystu sjálfskipaðs forseta - ekki ríkisstjórn Maduro.

Sem þíðir, að þar sem að Maduro er enn við völd, að ríkisstjórn landsins er svipt tekjum af eignum ríkisolíufélags landsins og þeim fjárhæðum sem eru í eigu þess innan Bandaríkjanna, sem og tekjum af sölu af olíuförmum sem sendir höfðu verið til Bandar. og ekki var enn búið að klára að selja.

Ég átta mig á því, þetta er gert til þess að knýja fram hrun ríkisstjórnar Maduro.
En hvað ef - ef honum tekst samt að hanga á völdum, töluvert lengur?

• Óljósar fréttir bárust á sunnudag af því, að opnaður hefði verið reikningur í banka í eigu stærsta ríkisolíufélags Rússlands.
  --Fréttir sem bornar voru til baka af rússn. ríkisfélaginu.

Gefur þó vísbendingar að verið sé að leitast við að búa til eitthverskonar - plan B.

 

Ímyndum okkur að Maduro takist að hanga, með aðstoð Rússlands!
Hvað það verður sem Maduro þarf að láta til Rússlands á móti!
Gerum ráð fyrir að þó Rússlandi takist að láta olíu-viðskipti að einhverju leiti fara fram í gegnum Rússland - þá er rétt að benda á svokallaða "secondary sanctions" sem væntanlega eru hluti af nýja refsi-aðgerða-pakkanum, að það verða væntanlega einungis fyrirtæki í engum viðskiptum við Bandaríkin og lönd í óverulegum samskiptum/viðskiptum við Bandaríkin - sem mundu vera kaupendur.
--Líklega yrði Maduro að selja olíuna langt undir markaðsverði - til þess að fá einhverja kaupendur.

• Spurningin er þó, hvort Maduro takist að ná fram nægum peningum - til þess að borga nægilega mörgum hermönnum, þannig að Maduro geti tekist að halda stjórn á höfuðborg landsins - nærliggjandi svæðum, og ekki síst - olíusvæðunum?

1. Segjum honum takist það - yrði væntanlega lítið sem ekkert eftir afgangs til matarkaupa fyrir landsmenn.
2. Þannig, að þá væntanlega hefst stórfellt aukinn landflótti frá Venezúela.

Gott og vel, þegar hafa 3-milljónir flúið.
Búist var þegar við því, að flóttinn gæti náð 5-millj. fyrir árslok!

Það sem ég er að tala um sem hugsanlegan möguleika er -- þeim fjölgi t.d. í 10 milljónir.
Þannig að ef Bandaríkin ætla að halda fram þessari nýju stefnu sinni er tók gildi mánudag í sl. viku til streitu -- > Þá er eins gott að þeir standi fyrir massívum flóttamannabúðum við helstu landamæri Venezúela, innan landamæra helstu grannríkja Venezúela.

--Hrunferlið fari væntanlega í - fast forward - þ.e. hraðinn á því aukist mikið.
--Ég þegar var farinn að reikna með því að hrun Venezúela mundi á einhverjum enda ná þetta langt, þó ekkert væri gert til að íta við málum, en með nýjum aðgerðum Bandaríkjanna, ef ríkisstjórnin hrynur ekki fljótt, gerist hrunið væntanlega á stór-auknum hraða.

Þá er eins gott að Bandaríkin hefji stórfelldan undirbúning fyrir gríðarlega umfangsmikið flóttamannavandamál í S-Ameríku, og það strax.

 

Niðurstaða

Veikleiki hinnar nýju stefnu Donalds Trumps gagnvart ríkisstjórn Venezúela - er að hún getur klárlega leitt til harðrar gagnrýni á Bandaríkin - ef ríkisstjórn Trumps hefur ekki áttað sig á því, að líkleg afleiðing - ef Maduro tekst að hanga á völdum - verður væntanlega sú, að stórauka á flóttamanna-straum frá Venezúela í ár - miðað við hvað annars hefði gerst.

Ég hugsa að á enda, hefðu 10 milljón samt flúið - en refsiaðgerða-áætlun Bandaríkjanna, flýti öllu ferlinu -- og ef ríkisstjórn Bandaríkjanna áttar sig ekki á þessu, er ekki að undirbúa grannlönd Venezúela fljótlega fyrir risastóra flóttamannabylgju -- þá mætti alveg setja upp spurningar um, hversu ábyrg sú hin nýja harða refsiaðgerðastefna er.

--Það hefði kannski átt að hefja ferlið á að reisa flóttamannabúðirnar.
--En kannski eru þeir að veðja á hratt hrun ríkisstjórnar Maduro.
Kannski á það enn eftir að gerast, og áhyggjur um stórfellt aukna flóttamannabylgju eru ástæðulausar - en á móti, kannski finnur Pútín leið - fyrir Maduro að hanga aðeins lengur.
--En það mundi aðeins vera það, að hanga aðeins lengur!
Hinn bóginn gæti það samt verið þess virði fyrir Rússland, þ.s. ef ríkisstjórn Donalds Trumps er tekin í bólinu með líklegan stóraukinn landflótta, það kemur í ljós DT hafði ekki hugsað málið út á endastöð -- þá gæti beinst afar hörð gagnrýni að Bandaríkjunum.
--Margir gætu tekið undir hana, og Pútín mundi vinna áróðurs-sigur, þó svo hann líklega yrði að sjá eftir Maduro og eignum Rússlands í Venezúela fyrir - rest samt sem áður.

Hvað okkur varðar sem búum hér á klakanum, þá erum við einungis áhorfendur að þessu sjónarspili.

 

Kv.

Athugasemdir

[Örn Einar Hansen, 11.2.2019 kl. 17:07]

Spurningin er sú, að bandaríkin sem eru búin að væla yfir að aðrar þjóðir blandi sér í innanríkismál eigin lands, eru með nefið á kafi í annarra manna afturenda. Þar fyrir utan, hika ekki bandaríkin við að skapa innanríkis deilur og hugsanlega borgarastyrjaldir í þeim löndum sem um skipta.

Hugmyndir manna um "af hverju" ,eða "hvað" hefur enga þýðingu í málinu ... bandaríkin haga sér eins og Al Capone, og komast upp með það.

[Einar Björn Bjarnason, 11.2.2019 kl. 17:54]

Bjarne Örn Hansen, hin spurningin er - hvenær er réttlætanlegt að skipta sér af? Frá sjónarhóli grannlanda Venezúela - sjá þau vaxandi flóttamannastraum, þeir flóttamenn eru oft haldnir margvíslegum smytsjúkdómum, því óstjórnin í Venezúela - hefur leitt til niðurbrots heilbrigðiskerfis landsins fyrir utan að hún einnig hefur leitt fram - vaxandi vannæringarástand, áætlað að meirihluti landsmanna sé vannærður hafi verið það sl. rúm 3 ár.
--Það er fyrirsjáanlegt að án afskipta, versnar þetta ástand áfram - flóttamönnum fjöldar í grannlöndum, það smytsjúkdóma-vandamál sem fylgir þeim vex, veldur vaxandi álagi á heilsbrigðiskerfi þeirra landa - fyrir utan að það kostar að útvega mat fyrir þetta fólk, og það keppir við íbúa um störf í vaxandi mæli.
--Þegar á sl. ári, sáust mótmæla-aðgerðir í Brasilíu, gegn straum aðkomufólks -- forseti Brasilíu þáverandi, sendi herinn inn í landamæra-hérað Brasilíu, þangað sem mestur straumurinn liggur frá Venezúela.
**Þannig, að löndin sjá ástandið rökrétt - sem vaxandi ógn fyrir sig.
**Þess vegna reikna ég með, eða hef um nokkurt skeið, að þó Bandar. geri ekki neitt - fyrr eða síðar, fari herir grannlanda Venezúela inn í landið.
---------------
Það er áhugaverð spurning, hve slæmt þarf ástand að vera orðið, hversu ófær stjórn lands um að stjórna því, til þess að afskipti séu réttlætanleg?

Kv.