Nýjar refsiaðgerðir Donalds Trumps á Íran - gætu smalað Íran upp í fang Kína

Ég hef margsinnis áður velt upp þeim möguleika, bandalagi Írans og Kína, sbr: 23.11.2014 Prúttið um Íran - vaxandi hætta á nýju köldu stríði, hefur sennilega styrkt verulega samningsstöðu Írans.

Í þeirri athugasemd, fjallaði ég um viðræður við Íran er síðar leiddu til samkomulags svokallaðra 6-velda við Íran. Einmitt það samkomulag sem Obama undirritaði, og Donald Trump vísaði út í hafsauga á miðvikudag!

Eins og ég benti þar á, er það augljós valkostur fyrir Íran að semja við Kína!

Kína er sennilega í bestu aðstöðu allra landa, að veita Íran efnahagslega vernd!

Sú mögulega sviðsmynd sem ég bendi á, gerir ekki ráð fyrir stríði milli Bandaríkjanna og Írans, né því endilega að Íran endurræsi kjarnorkuprógramm sitt.
En þó að íranskir stjórnmálamenn hafi talað hvasst undanfarið, og hótað að endurræsa skilvindurnar er auðga úran upp í mögulegt kjarnakleyft ástand til að búa til sprengju.
Þá virðist mér sennilegt að íranskir landstjórnendur, óttist mögulega hernaðarárás fyrirskipaða hugsanlega af ríkisstjórn Donalds Trumps - með Íran og Saudi-Arabíu í liði.

Hinn bóginn blasir við mér að Íran á mögulega útleið, ef Kína er tilbúið.

1. Kína getur líklega keypt alla olíu og gasframleiðslu Írans - með renminbi.
2. Auk þess framleiðir Kína gnægt vopna, sem Kína getur selt Íran í staðinn.
3. Fyrir utan það, hefur Kína eins og allir í dag vita - mikla breidd af framleiðslu sem Kína gæti selt Íran í staðinn.

• Þannig gæti Kína boðið Íran - viðskipti er færu fullkomlega framhjá öllum vestrænum gjaldmiðlum.
• Og það væri ekkert sem ég kem auga á, sem Bandaríkin gætu gert í málinu ef Íran og Kína mundi virkilega setja slíkt viðskiptabandalag á koppinn.

 

Ég reikna með því að Íranir hafi verið tortryggnir gagnvart Kína!

Íran hafi ekki áhuga á að vera eitthvert leppríki - slíku samningur Írans og Kína, mundi gera Kína afar áhrifamikið um málefni Írans, óhjákvæmilega!

Það skýri örugglega hvers vegna Íran hafi ekki samið áður við Kína, árin fyrir lúkningu viðræðna við Íran er skiluðu kjarnorkusamkomulaginu 2015, sem Trump var að slíta af hálfu Bandaríkjanna.

1. Hinn bógnn stefni í að efnahagslegar refsiaðgerðir Trumps verði afar harkalegar, svo harkalegar að þær séu líklegar að vera ákaflega skaðlegar fyrir íranskan efnahag.
2. Það sé auðvitað stefna haukanna í Hvíta-húsinu, að gera þær svo harkalegar að Íran lippist niður - þeir virðast sannfærðir um að þeir geti þvingað Íran með þeim hætti.

Hinn bóginn, geti það í staðinn þítt, að þær séu það harkalegar að loksins sannfærist Íranar um að hefja formlegar viðræður við Kína - um djúp efnahags samskipti.

1. Þannig að í staðinn fyrir að Íran lippist niður.
2. Gæti Trump uppskorið strategískan ósigur gagnvart Kína.

Og að sú útkoma væri Trump einum að kenna!

 

Niðurstaða

Ég hef einmitt verið lengi sannfærður um það, að ný átök við Íran mundu einungis vera Bandaríkjunum sjálfum til tjóns. Og ef Íran svarar áskorun Trumps gagnvart Íran, með bandalagi við Kína. Gæti sú útkoma leitt til stórfellds strategísks ósigurs Bandaríkjanna!

Ég meina að fyrir svæðisbundin völd og áhrif Bandaríkjanna, gæti sá ósigur verið stærri en sá ósigur er Bandaríkin biðu vegna innrásarinnar í Írak 2003. Ég er ekki að tala um stríð við Íran -- heldur það að útkoman verði sú að staða Bandaríkjanna í Mið-austurlöndum veikist verulega!

Eins og 2003 verði það ákvörðun ríkisstjórnar Bandaríkjanna sjálfrar er verði orsakavaldur þeirra ófara!

 

Kv.

Athugasemdir

[Örn Einar Hansen, 10.5.2018 kl. 08:37]

Horfðu á stóru myndina í þessu dæmi ... allt stríðið, efnahags og bardagar ... ganga út á flutningaleiðir, fyrir vörur, þjónustu, olíu og gas.  Kína ásamt Rússlandi vilja reisa "silkileiðina", þetta vilja ekki Bandaríkjamenn og þetta er aðal ástæðan fyrir vandamálum milli kanans annarsvegar og rússa og kínverja hinsvegar.  Ef silkileiðin verður að veruleika ... munu flutningar með "flugi" og "skipun" minnka.  Þetta eykur hagnað Kína, og Rússa ... í óþökk kanans, sem er með allt sitt stríðs hafurtask í kyrrahafi til að tryggja siglingaleiðir.

ALLT sem kaninn gerir, er til að drepa Evrópu og hefur alltaf verið. Eða réttara sagt, tryggja að Evrópa verði aldrei "stórveldi".

• Electrical machinery, equipment: US$455.5 billion (24.7% of total Chinese imports)

• Mineral fuels including oil: $247.6 billion (13.4%)

• Machinery including computers: $169.8 billion (9.2%)

• Ores, slag, ash: $125.4 billion (6.8%)

• Optical, technical, medical apparatus: $97.4 billion (5.3%)

• Vehicles: $79.2 billion (4.3%)

• Plastics, plastic articles: $68.9 billion (3.7%)

• Organic chemicals: $55.8 billion (3%)

• Oil seeds: $44.5 billion (2.4%)

• Copper: $41.2 billion (2.2%)

Þetta eru tíu æðstu influttningsgreinar Kína.  Olía, er stór þáttur ... þeir flytja inn meira en kaninn í dag.  En það má benda á, að Kína framleiðir minna en áður sem er orsök meiri influttnings.  Helstu seljendur af olíu til Kína, eru Saudar, Angóla, Írak og Íran.  Rússar hafa þegar tekið stærri bita af þessari köku og ekkert ólíklegt nema Írani geri slíkt líka.

• Electrical machinery, equipment: US$599 billion (26.4% of total exports)

• Machinery including computers: $382.9 billion (16.9%)

• Furniture, bedding, lighting, signs, prefab buildings: $89.8 billion (4%)

• Clothing, accessories (not knit or crochet): $73.6 billion (3.2%)

• Knit or crochet clothing, accessories: $72 billion (3.2%)

• Optical, technical, medical apparatus: $70.6 billion (3.1%)

• Plastics, plastic articles: $70.6 billion (3.1%)

• Vehicles: $67.4 billion (3%)

• Articles of iron or steel: $57.3 billion (2.5%)

• Toys, games: $55.3 billion (2.4%)

Þetta eru útflutningsgreinar þeirra.  Við sjáum sjálfir að þetta eru vörur sem meðal annars við hér á vesturlöndum kaupum.  Vegna þess, að framleiðsla á þessum vörum er í Kína.  Getum við keypt þetta ódýrt hér.

Þar af leiðandi, á það að vera ljóst að allar efnahagsþvinganir gegn "Íran","Kína" og "Rússum", er ekki beint að þessum löndum.  Heldur að þeim sem kaupa þeirra vörur.  Með því að setja efnahagsþvinganir á þá, verða vörur okkar hér ekki eins ódýrar og lifnaðarhættir okkar munu rýrna. Eins og þeir hafa gert, undanfarinn áratug. Og þó svo, að við "getum" orðið sjálfstæð ... verðum við að fá olíu til að geta rekið iðnaðinn ... og slík vara er ekki á boðstólnum.  Nema gegnum "leifi" kanans. Rússar eru "úr myndinni" og því ódýrt gas og olíu frá þeim ekki til staðar.

Ekkert af þessu gengur út á "Kína" ... því ef þú skoðar almennilega import/export myndina að ofan. Eru Kínverjar að miklu leiti "sjálfbjarga" og algerlega "sjálfbjarga" með Írani og Rússa á sinni hlið.

Evrópa, er gersamlega ósjálfbjarga ... hvað varðar olíu og gas.  Og tilraunir þjóðverja með vetni, var keypt af kananum og "satt upp í hyllu".

Óvinir kanans, eru ekki Rússar ... heldur þú og ég.

[Einar Björn Bjarnason, 10.5.2018 kl. 22:37]

Bjarne Örn Hansen, ávallt eru þínar kenningar fullkomlega ruglaðar.

Fyrsta lagi, er ekkert viðskiptabann gagnvart Rússlandi.
Í öðru lagi, er ekkert viðskiptabann í gangi á Kína.

Megin hindrun svokallaðrar silkileiðar - er Rússland sjálft.
En Pútín greinilega álítur hana ógn, engin leið annars að skilja af hverju hann "pikkar fight" við Vesturlönd.

En þ.e. einfalt að sjá af hverju - megin tilgangur Pútíns, er að tryggja eigin völd.
Hann hafi einfaldlega komist að þeirri niðurstöðu - að silkileiðin gæti ógnað hans völdum.
--Vegna mikillar aukningar erlendra áhrifa innan Rússlands, sem það aukna flæði viðskipta mundi leiða fram.

Þú ert haldinn einhverjum stórfuðulegum misskilningi á eiginlega öllum hlutum.
--Aftur, ekkert viðskiptabann á Rússland.
--Þ.e. Pútín sjálfur sem hleður upp viðskiptahindrunum.

En Rússland hefur sett viðskiptabann á öll V-Evrópulönd.
Meðan engar viðskiptahindranir eru til staðar á móti.
--Þetta er alveg skýrt.

Kv.