Blóðbað í úkraínskri borg í átökum stjórnarhers og andstæðinga, eða hvað?

Eins og gjarnan á við um hernaðarátök, eru fréttir af mannfalli mjög misvísandi, að auki eru fréttir af rás atburða það einnig - þ.e. auðvitað í bland vegna ringulreiðar á átakasvæði en einnig vegna þess að þeir sem takast á - gjarnan flytja villandi fréttir af ráðnum hug. Fyrir bragðið verður oft mjög erfitt fyrir utanaðkomandi að átta sig á því hvað raunverulega gerðist.

 

Átökin urðu í Mariupol á strönd Azovshafs, í Donetsk héraði

Þetta virðist hluti af atburðarás ofbeldis er virðist í gangi. Skv. Wikipedia er Mariupol borg með um 500þ. íbúa, iðnaðarborg. Íbúaskipting ca. 50/50 milli Rússa og Úkraínumanna. Sem bersýnilega skapar hættu á borgaraátökum þar, en líkur eru á því að úkraínskumælandi muni fremur en hitt "styðja stjórnarherinn" meðan að rússneskumælandi séu líklegir frekar en hitt að styðja rússn.mælandi.

Það væri auðvelt að sjá þessa borg - klofna milli hópanna, eftir því hvar andstæðar fylkingar eru í meirihluta innan einstakra hverfa.

Fréttir af mannfalli gríðarlega misvísandi:

1. Ukraine crisis: 'three people killed' in fighting at Mariupol police station - - 3. féllu.
2. Putin marks Victory in Crimea as Ukraine violence flares - - 7. féllu.
3. Ukrainians mark patriotic holiday ahead of separatist referendum - - 7. féllu.
4. Ukraine crisis: violent clashes in Mariupol leaves over 20 dead - - 20 féllu.
5. Twenty die in clashes in south-eastern Ukraine - - 20 féllu.

Það munar ekki einungis miklu á mannfalli - - heldur einnig frásögnum.

 

Mér virðist af samanburðarlestri að líklega hafi ekki svo margir sem 20 fallið, en það virðist hafa verið skv. tilkynningu sem stjórnvöld í Kíev gáfu. En ýktar tölur um mannfall eru stundum gefnar til að stækka "sigurinn" í augum eigin fylgismanna gefa villandi mynd af andstæðingnum.

 

Hvert mannfallið raunverulega var virðist þó á reiki. 

 

En þetta hljómar svo að átök milli uppreisnarmanna og stjórnvalda um yfirráð í borginni, séu að hefjast af krafti. Svona um það bil.

 

Ef þ.e. rétt skilið hjá mér, þá tóku andstæðingar stjv. Úkraínu lögreglustöðina, en nokkru síðan gerðu úkraínskar sveitir "gagnárás" - það varð snarpur bardagi, það virðist að aðallögreglustöðin hafi brunnið.

 

En andstæðingar stjórnvalda virðast a.m.k. í það sinnið hafa hörfað - hvað sem síðar verður. En þetta er mikilvæg borg fyrir Donetsk hérað, ef uppreisnarmönnum er alvara um að stofna "sjálfstætt ríki" þurfa þeir a.m.k. eina góða hafnarborg.

 

En staða þeirra sé líklega ekki eins sterk í borginni eins og víðar annars staðar í héraðinu, vegna þess að í Mariupol séu þeir ekki í meirihluta - - heldur eins og ég benti á, sé 50/50 skipting.

 

Líklega er þá til staðar kjarni íbúa er styður við sveitir stjórnvalda, sem gefur þeim þá betra tangarhald á þessari borg, en víða annars staðar á svæðinu.

 

Þarna gæti skapast á næstunni "bitur rimma" því eins og ég sagði, ef uppreisnarmenn virkilega ætla að stofna ríki, þurfa þeir sennilega á Mariupol að halda, mikilvægri iðnaðarborg og hafnarborg á því svæði. 

 

Eins og að Úkraína þarf að halda Odessa, megin hafnarborg Úkraínu.

 

 

Niðurstaða

Ég bendi fólki á að taka öllum fréttaflutningi frá Úkraínu með fyrirvara. Það er vegna þess að líkur eru á að báðir aðilar sem takast á, gefi "villandi" fréttir til að gefa villandi mynd af stöðu eigin sveita og árangri þeirra sveita -- líkur eru á að báðir ástundi slíkt. Fréttastofur eru í vanda, því að bardagasvæði eru hættuleg, fréttamenn geta átt í erfiðleikum með að vera sjálfir nærstaddir án þess að stofna eigin lífi og limum í hættu. Síðan fylgir átökum gjarnan ringulreið og sögusagnir ganga ljósum logum, gjarnan víðtækt trúað - og fréttamenn eiga gjarnan í miklum erfiðleikum í að ráða í sannleiksgildi frásagna, þegar "sögusagna vandinn bætist við" - að auki er það þekkt vandamál að sjónarvottar gefa misvísandi frásagnir gjarnan af sama atburði er þeir urðu vitni að. 

 

Það er því ákaflega líklegt að mjög erfitt verði að vita nákvæmlega hvað er að gerast, jafnvel þó beitt sé því trixi að lesa marga fjölmiðla - eins og ég geri.

 

Ég á von á því að fréttir verði oft rangar - - það þíðir ekki endilega að verið sé viljandi að ljúga af fjölmiðlum, eins og gjarnan er haldið fram af sumum hópum netverja, heldur það að meira að segja fréttamennirnir, eiga oft í stökustu vandræðum með að ráða í misvísandi frásagnir sjónarvotta og auðvitað gjarnan viljandi villandi frásagnir stríðandi fylkinga.

 

Kv.