Hræðslan um stöðu Spánar!

Á föstudag voru 16 spænskir bankar felldir um mat á lánshæfi af lánshæfismatsfyrirtækjunum Moody's og Fitch Rating. Fyrr í vikunni lækkaði Fitch 3 héröð á Spáni í ruslflokk. Fréttirnar af spönskum bönkum, settu fókus manna á Spán á föstudag, og Grikkland féll a.m.k. tímabundið í skugga.

Myndin sýnir aukningu eða minnkun í milljörðum evra á bankainnistæðum síðan í janúar 2012, og sýnir greinilega flótta á innistæðum milli landa!

Two tiers, one crisis for Spanish banks

Eins og kemur fram í þessari umfjöllun Financial Times, eru stærstu spænsku bankarnir Santander, BBVA og La Caixa taldir vel reknir - af flestum sem telja sig hafa vit á bankamálum.

Fljótt á litið virðast flestir spænskir bankar bærilega staddir, þ.e. flestir þeirra með eiginfjárhlutfall metið sem 10%, sem er yfir meðaltali á evrusvæði, þ.s. það oft hefur ekki verið nema á bilinu 5-6%.

Ekki er þó endilega allt sem sýnist - því tvær stórar ógnanir veikja stöðu þeirra!

1. Fyrsta lagi er það gríðarlegt magn af slæmum húsnæðislánum, sem skv. tilkynningu Seðlabanka Spánar - Spain hit by rise in bad bank loans - standa nú í 148ma.€, aukning um 1/3 í umfangi húsnæðislána í vandræðum innan spænska fjármálakerfisins.
2. Í öðru lagi, og það getur reynst fyrir rest hin stærri ógn, er gríðarleg magn sem spænskir bankar eiga af skuldabréfum spænska ríkisins. En miðað við vaxtakröfu Spánar í dag, eru spænskar skuldir örugglega þegar að ganga kaupum og sölum á endursölumarkaði, á einhverjum afföllum frá fullu verði.

• Samanlagt getur þetta tvennt étið upp eiginfjárhlutfall upp á 10% og gott betur.
• Þannig að jafnvel stöndugustu bankarnir 3, sem hafa einnig fjölmörg útibú í öðrum Evrópulöndum, geti lent í vandræðum.

 

Spænsk stjórnvöld eru þó að gera sitt besta - að því er séð verður!

Spain bids to pin down real estate losses

Skv. þeirri frétt hafa spænsk stjv. ráðið utanaðkomandi matsaðila BlackRock Inc. til að meta spænsk húsnæðislán, sérstaklega skal slegið mati á muninn á líklegu markaðsvirði lána miðað við núverandi markaðsástand og bókfærðu virði þeirra, og síðan að auki á matsaðilinn að skila til stjv. mati á verðþróun þeirra miðað við slæma spámynd um framvindu spænskra efnahagsmála.

• Þetta virðist mér vera virðingarverð atlaga spænskra stjv. að því að finna út, hver húsnæðislánavandinn raunverulega er. 

Spain taps Goldman to value Bankia

Skv. þessari frétt hafa spænsk stjv. ráðið Goldman Sachs fjárfestingabankann, til að meta raunverulegt virði eigna mesta vandræða barns spænska fjármálakerfisins um þessar mundir "Bankia."

En spænsk stjv. tóku hann yfir að hluta í sl. viku, þ.e. tóku sér cirka 30% eignarhlut, með fjármagnsinnspýtingu - er þá stærsti einstaki eignaraðilinn.

• Spænsk stjv. virðast vera að reyna sitt besta við það, að forðast mistök írskra stjv. er þau 2009 fóru of gassalega að, í því að leitast við að tryggja stöðu fjármálakerfisins á Írlandi.

• Þau leitast því við að stíga varlega til jarðar í því, að taka á sig kostnað og ábyrgðir!

 

Spánn glímir við mjög alvarlega efnahagskrísu!

Fjármálaráðherra Spánar var mjög heiðarlegur, er hann lýsti því hvað væri í húfi:

Luis de Guindos - "The battle for the euro is going to be waged in Spain" - "It is a large economy with an orthodox government implementing orthodox policies."

Hann sagði beint - að evran stendur eða fellur á Spáni.

Vandi spænska ríkisins í þessu samhengi er, að það hefur mjög ílla efni á því að verja miklum fjármunum til að styðja við fjármálakerfi Spánar, þ.s. slæm lán eru orðin 8,4% skv. frétt af heildarútlánum.

Síðan má ekki ofstara heldur á slæmu lánin - því spænska efnahagskrýsan og traust á spænska fjármálakerfinu víxlverka, þ.e. því meir sem menn óttast um stöðu spænska ríkisins, því meir skaðar það mat aðila á stöðu spænsku bankanna.

Gríðarleg eign spænskra banka á ríkisbréfum Spánar - er alls ekki síður akkílesarhæll.

Reyndar víxlverkar allt dæmið hvað um annað, þ.e. krýsan fjölgar slæmum lánum, hún lækkar einnig virði eigna sem þjóna sem veð, og að auki lækkar virði skuldabréfa eignar spænskra banka.

Þó svo að á pappírnum standi spænskir bankar vel - þá eru þessar ógnanir nægilega miklar til þess, að skapa raunverulega óvissu um það hvort spænska fjármálakerfið getur staðið af sér storminn.

Áhyggjur af stöðu þess, víxlverka einnig við stöðu ríkisstj. Spánar - og hefur einnig neikvæð áhrif á virði skuldabréfa spænska ríkisins.

Reyndar getur verið erfitt að sjá hvort er hænan og hvort er eggið í þessu samhengi.

 

Niðurstaða

Þó að spænskir bankar virðist í fljótu bragði með þeim sterkustu á evrusvæði, þá eru þær ógnanir það sterkar er þeir standa frammi fyrir, að fullkomlega rökrétt er að óttast um þá.

En gríðarlega alvarleg staða spænskra efnahagsmála er þeim augljóslega mikill fjötur um fót, þ.e. veikir þeirra eignastöðu því eiginfjárstöðu, auk þess að kreppan magnar upp tap á lánum sem einnig ógnar þeirra stöðu.

Síðast en ekki síst, er það óvissan um stöðu sjálfs spænska ríkisins - sem jafnvel má telja alvarlegustu einstöku ógnina við stöðu spönsku bankanna.

Það er því mjög skiljanlegt að spænsk stjv. tipli um varfærnum fótum, í nálgun þeirra að vanda fjármálakerfisins.

Ekki síst vegna þess, að það væri mjög firrískt sennilega að ef spænska ríkið myndi skuldsetja sig verulega, til að aðstoða einstaka banka - en það myndi hefna sín strax á móti með verulegu verðfalli skuldabréfa spænska ríkisins þannig að ólíkleg væri að slíkt inngrip myndi styrkja nettó stöðu fjármálakerfisins.

Þannig að spænska ríkið í þessu er að mörgu leiti statt í "catch 22" sbr. bandarísk máltæki "damned if I do and damned if I don't." - "Double damned."

Ekki furðulegt að í sl. viku hafi spænska ríkið gefið einkabönkunum fyrirmæli um að auka lausafé sitt um 30ma.€.

Spænska ríkið eiginlega verður að vonast til þess að bankarnir geti siglt í gegnum stórsjóina án aðstoðar.

Spænska ríkið sé nánast alveg niðurnjörvað af eigin aðstæðum - geti lítið gert.

En samtímis sé staða fjármálakerfisins, einnig hemill á spanska hagkerfið.

 

Kv.

Athugasemdir

[Kristján B Kristinsson (IP-tala skráð) 19.5.2012 kl. 15:50]

Nú hlýtur dómíno lestin að fara að rúlla af stað.

[Einar Björn Bjarnason, 19.5.2012 kl. 16:10]

Það verður að koma í ljós, en ekki er enn kominn 17. júní.

Kv.