Spurningin um hugsanlega hnattræna björgunaráætlun fyrir Evrópu - með milligöngu AGS, kemur aftur upp á yfirborðið!

G20 fundur fer fram í næsta mánuði. En síðan á sameinuðum fundi fjármálaráðherra ríkja heims fyrir nokkrum vikum, og reyndar hófst það nokkru fyrr, hafa ráðherrar svokallaðra BRIC ríkja verið að ræða sín á milli um hugsanlega þátttöku þeirra landa, í einhverskonar hnattrænni björgunaráætlun fyrir Evrópu.

BRIC: Brasilía, Kína, Indland og Rússland.

Eurozone: Brics back to the rescue?

G20 strains cast shadow over meeting

Emerging countries in talks on IMF boost

• Það sem þessi ríki virðast ekki síst vera að horfa á, er að styrkja stöðu sína innan AGS. En þau virðast ekki síst horfa á vandræði Evrópu - sem tækifæri til að breita valdahlutföllum innan AGS, þ.s. víða er litið svo á að Evrópa eigi ekki skilið þau miklu áhrif sem hún hefur þar enn.

• Talað er um þörf fyrir að auka fjárhagslegann styrk AGS - svo AGS geti komið meir til skjalanna, t.d. veitt beinar lánalínur til Grikklands o.flr. landa innan evrusvæðis - til að minnka hættu á útvíkkun krísunnar, og að auki lánalínur til aðstoðar evrópuríkjum er þurfa að endurfjármagna banka o.s.frv.

Domenico Lombardi - “The emerging market countries are hoping to put pressure on the Europeans by readying their own contribution and insisting that the euro area adopts sustainable economic policies”

• Sú leið sem er einkar rædd, virðist vera að búa til "Special purpose vehicle" þ.e. sérstakann sjóð undir formerkjum AGS, undir umsjón starfsm. AGS, en sem fjármagnaður er af BRIC ríkjum - og úr honum séu veitt lán.

• Einnig virðist rætt að BRIC ríkin láni AGS peninga - kaupi sérstök skuldabréf, sem AGS gefi út. Það hefði þann kost fyrir BRIC ríkin - að þeirra áhætta væri mun minni en ef skuldabréf ríkissjóða einstakra evruríkja væru keypt.

• Punkturinn er einnig, að slík óbein lántaka gæti einnig verið minna pólitískt séð vandræðabarn heima fyrir hjá þeim sjálfum.

• Svo einnig, getur verið að aðilar innan Evrópu eigi auðveldar með að taka við peningum frá Kína, með milligöngu AGS - en að fá lán beint frá Kína án milligöngu. En nokkur tortriggni ríkir gagnvart Kína.

• Það má fastlega reikna með að lántökum fylgi ströng skilyrði - krafa um eftirfylgni o.s.frv. Í reynd að um væri um AGS prógramm að ræða, í megindráttum.

Á fundi fjármálaráðherra heims í sl. mánuði, þá var Evrópu gefinn 6 vikna frestur til að koma málum sínum í lag. G20 fundurinn fer fram í fyrstu viku nóvember - um fyrstu helgina.

Ef niðurstaðan er að Evrópu hafi ekki tekist að leysa sín mál á þessum tíma - mun skapast mjög öflugur þrístingur á Evrópu, að þiggja þá lausn sem BRIC ríkin eru að ræða sín á milli.

Nákvæmlega hvernig þetta færi fram er ekki enn ljóst.

 

Niðurstaða

Ef Evrópa endar með því að þurfa að leita eftir utanaðkomandi aðstoð. Verður Evrópa komin á sama stall og S-Ameríka var stödd á seinni hluta 9. áratugarins og fyrri hluta 10. Þegar skuldakreppa stóð yfir í S-Ameríku. Henni lauk ekki fyrr en ríki heims undir forystu Bandaríkjanna, komu S-Ameríku til aðstoðar. Snerist sú aðstoð ekki síst um aðstoð við skuldbreytingu lána. En einnig fylgdi með í pakkanum skilyrði um tiltekt í efnahagsmálum o.s.frv.

Evrópa mun þá fá yfir sig alveg sambærilegann pakka!

Missa að stórum hluta sitt efnahagslega sjálfstæði eins og átti sér stað um S-Ameríku.

Mun þetta gerast? Ég held að það sé alls ekki slæmur möguleiki á því að þessi útkoma verði ofan á.

En ríki heims vilja ekki að Evrópa detti alveg niður í eitthvert efnahagslegt svað - svo þau munu aðstoða Evrópu þeirra sjálfra vegna. 

En niðurlæging Evrópu verður mikil!

Eiginlega eftir slíka atburðarás - hljóta hugmyndir um evrópskt stórveldi að hljóma hálf hjákátlega.

 

Kv.