Ég er hneykslaður!

Í gær, fimmtudaginn 7. jan, kom fram í speglinum, Sigurbjörg Sigurgeirsdóttir, stjórnsýslufræðingur.

Pistill Sigurbjargar Sigurgeirsdóttur, stjórnsýslufræðings

 

Icesave andstaða - "pólitískt samsæri".

Hún hraunaði yfir alla þá, sem eru andstæðingar Icesave, og notaði orð eins og lýðsskrum, deila og drottna, að notfæra sér málið, o.s.frv. Af orðum hennar að ráða, er greinilegt að hún hefur alls enga samúð með málsstað, andstæðinga Icesave - reyndar hljómar það eins og hún telji að einhvers konar "tilgangur helgar málið" dæmi sé í gangi, þ.e. einhver annar tilgangur að baki heldur en umhyggja gagnvart þjóðinni. Það kemur reyndar ekki beint fram í orðum hennar, en má lesa á milli lína úr orðum eins og "deila og drottna, sundrungaröfl reyna að taka völdin í sínar hendur, sameina þjóðina á sínum forsendum" -  þannig, að hún sér þetta greinilega sem beina valdabaráttu við ríkisstjórnina, með öðrum orðum, að aðilar séu einungis að nýta sér málið til að grafa undan ríkisstjórninni.

Áhugavert, hvað þetta rímar við margt af því, sem maður hefur heyrt frá Samfylkingarfólki, nefnilega að baráttan gegn Icesave, sé einungis pólitískt samsæri, að gömlu spilltu öflin, ásamt samsafnaði lýðsskrumara og einfeldninga, sé að leitast við að steypa stjórninni

Samkvæmt þessu, er væntanlega stór hluti þjóðarinnar utan gátta, og þjáður af misskilningi - og augljóst, hvað er það eina rétta að hennar mati.

 

Augljóst er hvað þetta lýsir, mikilli fyrirlitningu gagnvart þjóðinni

En, ljóst er af þessu, ef þessi skoðun er ríkjandi innan Samfó, að þá ef til vill er það skýring þeirrar frámunalegu þrjósku og stífni, sem auðsýnd hefur verið af hennar fulltrúum. Þ.e. að eftir því sem andstaðan gegn Icesave hefur breyðst út, hafa þau fyllst æ sterkari tilfinningu ógnar, og um leið orðið enn einbeittari í að standa gegn því, sem er einungis séð sem "ískalt" samsæri andstæðinga, til að steypa fyrstu vinstristjórn landsins.

En, með því að sjá þetta með þessum hætti, neyðast þau til að trúa því, að þjóðin sé beinlínis fífl. En, það má ráða af orðum hennar, svo sem að þetta sé moldviðri þeytt upp af lýðsskrumurum, að það sé auðvelt að blekkja fólk til fylgis, þ.e. þjóðina, og einnig af orðum sem heyrast nú mikið á netinu - nefnilega "að enginn kjósi að borga" sem ber með sér þá trú að þjóðin sé óskynsöm. Með öðrum orðum, er gefið í skyn, að "nei" muni fela í sér, óskynsemi þjóðarinnar.

Mér virðist ljóst, að Samfó sé orðin, eins og sértrúarsöfnuður, sem eins og dæmigerðir slikir, veit hvað er rétt, og undir þrýstingi, forherðist einungis.

Hættan er sú, að ef ekki er hægt að ná í gegn til þessa fólks, að eina leiðn verði leið átaka og frekara sundurlyndis, þangað til þau eru brotin á bak aftur.

En, ef fólk er á annað borð haldið ranghugmyndum, í þessu tilviki af taginu "groupthink", þá getur verið mjög erfitt að fá þau til að átta sig.

 

Ég er hneyklaður

Ég er hneyklaður á því, að RÚV skuli ítrekað í sinni tíð, byrta hreina pólitíska áróðurs pistla, eins og um fræðilegar úttektir væri að ræða. En, sem dæm er Sigurbjörg m.a. beðin að ráðleggja um viðbrögð fyrir Íslendinga og hún kemst upp með, að fara með augljósa staðlausa stafi um alþjóðamál. En, þó er hún ekki alþjóðafræðingur, heldur einungis stjórnsýslufræðingur - sem eru algerlega óskild svið.

 

Sjá hér úrgrip úr pistlinum:

"Deila og drottna", "sundra þjóð" - "Icesave notað", "sundrungarölf reyna taka völdin í sínar hendur með e-h hætti og sameina þjóðina á sínum forsendum", "auðveldur aðgangur fyrir lýðskrum" - "þjóðinni gersamlega misboðið vegna hegðunar þingmanna (stjórnarandstöðu)" - "fólk að átta sig á því að þ.s. sundrungaröfin kölluðu hræðsuáróður um þ.s. gæti gerst ef við ætluðum ekki að axla ábyrgð okkar á Icesave og ef við ætluðum að hafna því að ganga inn í samkomulag og taka okkar skerf af þeirri ábyrgð sem Icesave reikningarnir bera með sér" - "fólk er að komast að því að það að þetta hafi verið hræðsluáróður hafi verið rangt", "fólk er farið að átta sig á því að viðbrögðin eru að koma yfir okkur frá alþjóðasamfélaginu" - "þetta var ekki hræðsluáróður" - "þessi viðbögð alþjóðasamfélagsins þau verða ekki bara til út af Íslandi þetta er alþekkt í alþjóðlegum samskiptum og alþjóðlegum viðskiptum að þegar þjóðir fara ekki að þeim almennu reglum sem um slík samskipti gilda" - "ef þær fara að haga sér eins og einhver ólíkindatól" - "þá bregst aðlþjóðasamfélagið við",  "þá stendur alþjóðasamfélagið yfirleitt nokkuð vel saman til að tryggja það að reglum sé fylgt, þeim sé haldið,"

 

Manneskjan er gengin af göflunum!

Ég verð að segja, að ótrúleg vanþekking hennar komi fram í þeim hluta, er ég lita rautt. En, alþjóðasamfélagið - þ.e. SÞ, stóru þjóðirnar, sannarlega beita sér öðru hvoru gagnvart ríkjum, er brjóta reglur. En, til þess þarf mjög alvarleg og ógnandi fyrir alþjóðasamfélagið, brot. Eða, að þau séu með þeim hætti, að e-h skonar almenn hneyxlan brjótist fram.

Það er algerlega út í hött, að beita þess-konar samanburði.

Dæmi um alvarleg og ógnandi brot, er t.d. "Þegar Íranar héldu starfsfólki sendiráðs Bandaríkjanna í gíslingu í yfir ár" - "þegar Saddam Hussain gerði innrás í Kuwait" - "Lockerbie tilræðið sem Lýbía stóð að baki" - "Áttökin í Ísrael" - "Hegðun Írans" - "Hegðun Milosevic og Serba í stríðunum í Bosníu og Króatíu".

Dæmi um hneyxlanlega atburði - "gasárás Saddam Hussains á Kúrdíska flóttamenn" - "fjöldamorðin í Rúvanda" - "Hegðun stjórnvalda í Myanmar gagnvart stjórnarandstöðu" - "Hegðun stjórnvalda í N-Kóreu gagnvart eigin þjóð" - "Hegðun forseta Zimbabve".

Í öllum ofantöldum tilvikum, hefur alþjóðasamfélagið á endanum, gripið til sameiginlegra gagnaðgerða.

Þ.s. menn þurfa að hafa í huga, er, að það þarf heilmikið til að alþjóðasamfélagið hreyfi sig. Það að líkja okkar gerðum, í tengslum við Icesave, við e-h af þessu ofantöldu, er svo sterkt fáránlegt, að fræðimaður sem lætur slíka froðu út úr sér, fyrir alþjóð, getur ekki lengur verið tekinn alvarlega.

Manneskjan er með þessu búin að afhjúpa sig, sem slíkt algert fífl, að ég stend á öndinni af forundran.

 

Kv.

Athugasemdir

[Jón Steinar Ragnarsson, 8.1.2010 kl. 20:06]

Inilega sammála þér hér.  Manneskjan er ekki með réttu ráði og raunar lítil hætta á að slík gífuryrði verði tekin alvarlega af fólki. Móðursýkislegt í besta falli.

Annars vil ég benda þér á að það er K í hneyksla. (taktu svo bara kommentið út)

[Einar Björn Bjarnason, 8.1.2010 kl. 20:45]

Takk, stafsetning alltaf verið veikleiki.

Kv.

[Guðrún Sæmundsdóttir, 8.1.2010 kl. 21:18]

Ég varð ekki hissa þegar ég heyrði í þessari konu í Speglinum, þar sem að við skylduáskrifendur RÚV höfum þurft að sitja undir dæmalausum ESB áróðri í þessum þætti undanfarin ár.

Spegillinn ætti að vera á dagskrá útvarpsstöðvar sem er í sama klassa og útvarp Saga en ekki í ríkisfjölmiðli.