Hver er lausnin? - Ein tillaga að lausn!

Það þarf varla að segja nokkrum Íslendingi, hvað Ólafur Ragnar ákvað. En hitt, hvernig við leysum þá krísu sem landspólitíkin er kominn í, er allt annar handleggur.

Ég er með eina hugmynd, sem ég vil stinga hér að lesendum.

 

Stofnum sameiginlega samninganefnd

Eins og við öll vitum, hafa stjórnmálaflokkarnir nánast verið staddir á sinni hverri plánetunni, hvað varðar skilning á því, hvað séu hinar réttu lausnir á núverandi vandamálum þjóðarinnr.

Það sýnist mér ljóst, að svo lengi sem þessi djúpstæði ágreiningur ríkir, þá viðhelst hin pólitíska pattstaða. Nú í kjölfar ákvörðunar Ólafs Ragnars, er veruleg hætta á að þessi togstreyta vindi enn frekar upp á sig.

Þess vegna, sting ég upp á þeirri hugmynd, að þingflokkarnir komi allir saman, stingi saman nefjum og geri alvarlega tilraun til að koma sér saman, um sameiginleg samingsmarkmið, um Icesave.

 

Tortryggni er skiljanleg

Það má einfaldlega ekki gerast, að núverandi stjórn, gefist upp og upp komi, þ.s. sennilega yrði, mjög löng stjórnarkreppa. Svo, hún má fyrir alla muni ekki gefast upp.

En, aðilar þurfa að komast niður á jörðina. Persónulega, held ég að þjóðstjórn, sé fullkomlega ómöguleg, þ.e. ef þeim tekst ekki að komast að sameiginlegum samningsmarkmiðum varðandi nýtt Icesave samkomulag, þá sé einnig alveg óhætt að agreiiða endanlega hugmyndina um þjóðstjórn af borðinu. Þ.e., ef sameiginleg markmið eru ekki möguleg, þá sé það full sönnun þess, að þjóðstjórn sé það ekki heldur.

 

Fyrri samningsviðmið voru óraunhæf

Í ljósi þess:

• að 60% fyrirtækja eru í reynd gjaldþrota, eins og staðan er í dag, og munu hætta rekstri á næstu misserum, nema mestu afskriftir skulda Íslandssögunnar, fari fram. 
• að það stefnir í að 40-50% fjölskyldnar, skuldi meira í eigin húsnæði, en þau eiga.
• að endurreisn bankanna, hefur mistekist.

Hefur mér verið ljóst, að markmið um hagvöxt upp á 3,6% frrá 2013, árlega 50 milljarða tekjuaukningu ríkissjóðs, og síðan árlegan afgang af útflutningsverslun upp á 160-180 milljarða, væri ekki praktískt mögulegt.

Að það þíði, að mjög ólíklegt væri, að Ísland gæti staðið undir nokkurri umtalsverðri viðbótar greiðslubyrði, eins og t.d. af Icesave.

Það þarf að gera Bretum og Hollendingum, þessa raunstöðu ljósa.

Ný samingsmarkmið, þurfa einnig að vera unnin í ljósi þessarar, raunstöðu.

 

Kv.

Athugasemdir

[Einar Þór Strand, 5.1.2010 kl. 18:27]

Sæll

Þarf ekki líka að gera ESB grein fyrir því að þeir sem koma upp regluverki sem getur ekki gengið þurfa líka að bera ábyrgð og þarf ekki einnig skoða ábyrgð þessara svo kölluðu mats fyrirtækja sem gáfu bönkunum hæðstu einkunn út í það óendanlega.

[Einar Björn Bjarnason, 5.1.2010 kl. 18:54]

Sjálfsagt, en við erum ekki almáttug, og þurfum að leggja í þær orustur eingöngu sem við eigum einhvern smá séns, ef til vill, til að vinna.

Ólíklegt, að við umbreytum alþjóðasamfélaginu.

Kv.