Til hamingju Finnland með inngöngu í NATO! Stórfelld klúður Pútíns hafa leitt til styrkingar stöðu NATO við Eystrasalt, veikingar stöðu Rússlands að sama skapi!

NATO getur þakkað það innrás Rússlands í Úkraínu Febr. 2022 að Finnland hefur nú gerst formlegur meðlimur að NATO. En innrásin í Úkraínu, hefur kollvarpað hugmyndum um hlutleysi í hvort tveggja Finnlandi og Svíþjóð. Meðan innganga Svíþjóðar býður eftir staðfestingu Tyrklands, þá hefur innganga Finnlands nú tekið formlegt gildi.
Hugmyndir beggja landa um hlutleysi virtust ólíklegar að taka breytingum, í jan. 2022 -- en innrásin er hófst mánuði síðar, framkallaði hugarfarsbreytingu í báðum löndum!

Að margvíslegu leiti má segja, að innrás Pútíns í Úkraínu hafi verið greiði við NATO!

1. Ný stækkun NATO, hefði ekki orðið - má slá því föstu.
   Þar með, hefði ekki orðið að styrkingu stöðu NATO við Eystrasalt, og gagnvart löndum við botn Eystrasalts.
2. Innrásin hefur dregið úr innri ágreiningi meðlima NATO, m.ö.o. bætt samstöðu NATO landa.
3. Innrásin hefur sannfært NATO lönd -- að auka hergagnaframleiðslu til muna. Þó það taki tíma að koma verksmiðjum af stað - reikna ég með því að ef Úkraínustríð stendur í 2 ár -- þá muni sjá mikla aukningu á hergagnaframleiðslu NATO landa, þar eð það tekur tíma að koma nýjum framleiðslu-einingum í gang.
4. Innrásin hefur veitt NATO tækifæri -- til að veikja Rússland.
   Með því að senda vopn til Úkraínu, verður her Rússlands fyrir stöðugu tjóni.
   Tjóni, er veikir hernaðarlega stöðu Rússlands -- þar með valdastöðu Rússlands.
   Það án þess, að NATO lönd hætti sínum eigin hermönnum.
   NATO hefði aldrei getað búið til þá aðstöðu -- sem Pútín skaffaði NATO.

Nato's border with Russia doubles as Finland joins

Finland joins NATO as 31st Ally

Það er einfalt að sjá á kortinu hvernig staða NATO styrkist!

Fyrir inngöngu Finnlands, hefur verið afar erfitt að verja Eystrasaltlönd!

1. Vandamálið er Kaliningrad. Rússland hefur gert það landsvæði að öflugu víghreiðri -- ekki síst skiptir máli, mikill fjöldi skammdrægra ballistískra eldflauga, sem geta dregið hundruði kílómetra út frá Kaliningrad.
2. Leiðin framhjá Póllandi, er afar þröng - og með skothríð frá Kaliningrad, væru landflutningar frá Póllandi, gerðir afar erfiðir ef ekki ómögulegir.
3. Það hefur þítt -- varnir Eystrasaltlanda hafa verið nánast óframkvæmanlegar.
4. Nú er allt í einu hægt að færa NATO her yfir flóann á milli Finnlands og Eystlands, þ.e. enginn vafi að þ.e. mun færari leið til að koma Eystrasaltlöndum til aðstoðar.
   Finnland hefur öflugan her - her sem gæti hratt komið Eystrasaltlöndum til aðstoðar. Fyrir utan, að þ.e. nú unnt að byggja upp, NATO stöðvar í Finnlandi.
5. Með Finnland í NATO, þá er öflugur NATO flugher nú með yfirráð yfir stærstum hluta Eystrasalts -- eiginlega er svigrúm herskipa-flota Rússlands í Eystrasalti, nánast horfið. Pétursborg gerð lítils til einskis virði sem flotahöfn.

• Staða Rússlands við Eystrasalt, hefur ekki verið veikari -- síðan fyrir sigur Péturs Mikla á Svíum í stríði á fyrri hluta 18. aldar.
• Má segja, að Pútín hafi nokkurn veginn -- eyðilagt allt þ.s. Pétur Mikli byggði upp.
• Staða Rússlands við Eystrasalt hrunin -- Vestur-glugginn Pétur Mikli opnaði, lokaður.

Þetta er dramatísk breyting á Rússlandi að mörgu leiti.

1. Pétur Mikli gerði Rússland að einu af megin stórveldum Evrópu.
2. Alla tíð, þ.e. alveg fram undir hrun Sovétríkjanna, 1993.
   Var Rússland eitt af helstu stórveldum meginlands Evrópu.
3. Með Pútín, er stórveldis-tími Rússland, sem Pétur Miklu hóf, að líða undir lok -- sól Rússlands að síga.

Pútín hefur rétt fyrir sér um eitt - einungis eitt - að við stöndum frammi fyrir breytingum, hinn bóginn eru það ekki þær breytingar Pútín staðhæfir.

• Rússland er ekki að styrkjast, heldur erum við að sjá -- hrun Rússlands sem stórveldis. Meina, líklega endanlegt hrun Rússlands sem stórveldis.
• Þ.e. eiginlega kaldhæðið, samanburður við Pétur Mikla - en Norðurlands-stríðið-mikla, snemma á 18. öld, leiddi til hruns Svíþjóðar sem herveldis -- upprisu Rússlands sem herveldis í staðinn.
• Með innrás í Úkraínu, hefur Pútín skapað NATO það tækifæri, NATO er sannarlega að notfæra sér: binda endi á stórveldis-tíð Rússlands, eitt skipti fyrir öll.

Það er einmitt sú breyting við erum að verða vitni.

 

Niðurstaða
1989/1990 þann vetur, sáum við hrun - A-Evrópu veldis Sovétríkjanna. 1993 sáum við hrun Sovétríkjanna sjálfra, og ris nútíma Rússlands. Innrásin í Úkraínu, febr. 2022 er að valda smám saman hruni Rússlands sem herveldis, líklega endanlegu hruni.
Þetta er ein af hinum mikilvægu sögulegu breytingum án vafa.

• Eins og Svíþjóð er enn til, verður Rússland áfram til.
  Þó Rússland hætti að vera stórveldi.

 

Kv.