Hvað var það sem Merkel gerði sem sagt er svo hræðilegt? Er ESB í tilvistarkreppu?

Það virðist sem að fjöldi fólks fullkomlega leiði hjá sér bakgrunn ákvörðunar Angelu Merkel sl. sumar -- að hætta að framfylgja svokallaðri 1-lands reglu í Schengen.
En málið er - að sú ákvörðun hennar kom í kjölfar uppreisnar Ítalíu - Spánar og Grikklands, gegn 1-lands reglunni.
Sú uppreisn kom í kjölfar þess, að kvóta kerfi til að dreifa flóttamönnum milli landa í Evrópu -- hrundi nánast á 1-degi.
En það kerfi, var sett upp að beiðni S-Evrópu landanna, vegna þess -- að 2014 þá var flóttamannakrísan skollin á Evrópu, og 1-lands reglan þíddi þá það að S-Evrópa sat uppi ein með hundruð þúsundir flóttamanna <-> Sem N-Evrópulöndin neituðu að taka við.

Eftir sumarið 2014 var gríðarleg óánægja með Schengen í S-Evrópu

En óhjákvæmilega þegar flóttamannastraumurinn hófst frá Sýrlandi ca. 2012 - einnig hefur verið vaxandi fjöldi efnahags flóttamanna undanfarin ár.
Þetta hefur sett sífellt aukið álag á S-Evrópu lönd - vegna þess að þau eru yfirleitt - 1-lönd sem flóttamenn leita til.

2014 þegar heildarfjöldi var kominn yfir hálfa milljón - - þá fóru stjórnvöld S-Evrópulanda að beita miklum þrýstingi innan ESB -> Þ.s. þau kröfðust jafnari skiptingar á flóttamönnum.
Skv. þeirra frásögn, væri það ósanngjarnt, að N-Evrópulönd í krafti þess að vera afar sjaldan 1-land, hentu vandanum öllum í þau.
M.ö.o. þá sættu þau sig ekki lengur við það ástand - að vera flóttamannabúðir fyrir Evrópu alla.

1. Þ.s. gerðist var, að í kjölfar þess að kvótakerfið hrundi strax, vegna andstöðu meðal nokkurra A-Evrópulanda í Evrópu Norðanverðri sem komust upp með að leiða það hjá sér, neita að fara eftir því.
2. Þá létu stjórnvöld í S-Evrópu Merkel vita <--> Að þau mundu ekki lengur samþykkja beitingu 1-lands reglunnar.

• Á þessari stundu var Schengen sennilega í reynd hrunið.

Þá tekur Merkel þessa ákvörðun sem svo víða er gagnrýnd -- að hætta að framfylgja 1-landa reglunni.
M.ö.o. að hætta að senda flóttamenn aftur til baka til S-Evr. landa, sem leita Norður eftir að hafa komið í land í S-Evrópu.

Angela Merkel suffers dramatic setback in regional elections

 

Eins og fram kemur í fjölmiðlum - hefur flokkur Merkelar misst nokkuð fylgi í sveitastjórnarkosningum, og flokkurinn "Alternative für Deutschland" mælist víða á bilinu 10-15%

Vandinn er sá - er að ég sé ekki hvað annað Merkel gat gert.
En ESB hefur enga sameiginlega lögreglu eða her, sem getur neytt lönd til að gera þ.s. þau ekki vilja -- ESB hefur þó svokallaðan Evrópudómstól er getur beitt sektum, en málarekstur þar getur tekið fleiri ár, sem er of hægt þegar í gangi er krísa í hraðri þróun.

Flokkur Merkelar er þó enn eftir þær kosningar stærsti flokkurinn í flestum héröðum og sveitastjórnum.
AFD flokkurinn þýski - virðist nú kominn með ca. svipað fylgi og U.K.I.P. í Bretlandi.

• Þýskaland er þá einnig komið með all stóran innflytjenda mótmæla flokk.

Er ESB að klofna eftir -- Norður/Suður ás?

Það eru í reynd - 2-uppreisnir ríkja í gangi innan ESB, sem felur í sér niðurbrot tilrauna aðildarríkja, til þess að leysa mál í sameiningu.
Meira að segja á versta hluta skuldakreppunnar fyrir nokkrum árum - brotnaði samstarfið aldrei upp.
En nú eru komin 2-brot í samstarf aðildarríkja.

1. Uppreisn S-Evrópulanda gegn 1-landa reglunni, er hafði þær afleiðingar að flóttamenn streymdu eins viðstöðulaust til N-Evrópu frá S-Evrópu, eins og þeir hafa verið að streyma til S-Evrópu seinni ár frá N-Afríku og Tyrklandi yfir Marmarahaf.
2. Síðan er það ný uppreisn 10-landa í N-Evrópu, sameiginleg aðgerð þeirra til að loka landamærum þeirra gagnvart flóttamönnum, er koma til þeirra frá S-Evrópu.
   **Augljós tilraun til þess að þvinga ástand mála aftur í það far - er það var í, áður en S-Evrópulönd hófu sína uppreisn.

Þetta er eins og sagan um heitu kartöfluna -- sem menn hentu sín á milli.

 

Mig grunar að tilraun til samkomulag við Tyrkland - geti verið síðasti séns ESB til lausnar á flóttamannakrísunnu

Þ.e. sú lausn -- að Tyrkland samþykki að stoppa strauminn hjá sér, gegn því að ESB lönd styrki rausnarlega flóttamannabúðir innan Tyrklands - og gegn því að veita mótttöku flóttamönnum úr þeim búðum, ár hvert.
Á sama tíma, samþykki Tyrkland að taka við þeim flóttamönnum, sem leka í gegnum þeirra landamæri - sem þeir hafa samþykkt að stöðva.
**Auk þessa vill Tyrkland fá fleira fyrir sinn snúð -- sbr. að aðildarviðræður við ESB verði aftur hafnar, og að tyrkneskir borgarar fái að nýju fullt ferðafrelsi til Evrópulanda.

1. En með því að -- tappinn sé hafður í Tyrklandi, þá ætti þessi tiltekna Norður/Suður deila milli S-Evrópu og tiltekinna N-Evrópulanda, að geta horfið að mestu.
2. En annars, án samkomulags, þá líklega þíði tappi fyrir Norðan Grikkland - að a.m.k. Grikkland drukknar í flóttamönnum.
   Vegna þess að þá líklega hverfa ferðamennirnir frá Grikklandi - lendir Grikkland án tafar án lítils vafa, aftur í miklum efnahagssamdrætti, samtímis og Grikkland á að sjá hratt vaxandi fjölda flóttamanna fyrir vistum og skjóli.
   Hrun Grikklands blasir þá við.
   Nú -- ef flóttamenn aftur leita í vaxandi mæli til S-Ítalíu, svo í gegnum Ítalíu til Frakklands og Austurríkis --> Þá virðist hætta á að svipuð lokun landamæra geti endurtekið sig --> Eins og pólitíkin virðist nú vera að þróast.
   Þeir geta einnig leitað yfir annað sund yfir til Spánar -- þangað hefur ekki legið eins stríður straumur, en þangað er 3-leiðin.

En útlitið virðist í þá átt - að áframhaldandi stjórnlaust aðflæði.
Leiði til fjölgunar á slíkum einhliða - landamæra aðgerðum.
Þannig að samstarfið - brotni sífellt í meira mæli eftir Norður/Suður ás.

 

Það á auðvitað eftir að koma í ljós, ef af verður - hversu vel samkomulagið við Tyrkland virkar!

En þ.e. algerlega hugsanlegt - að sýrlenskir flóttamenn, leiti aftur yfir Miðjarðarhaf í gegnum Líbýu.
Á hinn bóginn, má vera að stækkað yfirráðasvæði ISIS um miðbik strandar Líbýu, hafi gert slíka leið - of hættulega fyrir flóttamenn.
En það má samt vel vera, að meginhóparnir sem kljást innan Líbýu, geti boðið upp á nægilegt öryggi - fyrir slíkt smygl, á þeim strandlengjum sem hvor þeirra hópa um sig ræður yfir.

En smygl - gæti verið tekjulynd sem þeir hópar mundu kannski ekki geta hafnað.
Ef þeim aftur stæði það til boða.

Tæknilega mögulegt að leita lengra fyrir flóttamannahópa - í yfir til Spánar. En þá eru menn farnir að fara töluvert langa vegu landleiðina - efa að nokkrir fari það langt nema tiltölulega fáir.

• En aftur á móti - ætti Tyrkland að standa við sinn hluta samkomulagsins, ef af verður.
• Ég held að meiri líkur séu á, að vandinn verði heldur meðal ESB aðildarlanda - sérstaklega þegar kemur að þeim, að þiggja sinn árlega skerf að sýrl. flóttamönnum, skipt upp á milli aðildarlanda.

 

Niðurstaða

Mér virðist raunveruleg hætta á því að flóttamannakrísan leiði fram uppbrot ESB. Þau 2-dæmi um það að hópar landa grípi til sinna ráða sem fram hafa komið. Þ.e. uppreisn S-Evrópu gegn 1-lands reglunni sumarið 2015. Og í ár, uppreisn 10-landa fyrir Norðan Grikkland sem vilja tryggja það að flóttamenn komist ekki norður. Sýnir niðurbrot vilja aðildarlanda til þess að leysa mál sameiginlega -- í slíku niðurbroti felst ekkert minna en leiðin að uppbroti sambandsins ef slík þróun ágerist frekar.

Þess vegna sé samkomulagið við Tyrkland -- sennilega ekki síst mikilvægt fyrir framtíð ESB sjálfs, gæti verið loka tilraunin til þess að bjarga sambandinu sjálfu.

• Það verður ljóst í nk. viku hvort samkomulagið við Tyrkland - heldur áfram, eða hvort það deyr.
  Kannski snýst deilan ekki síst um það - hve mikilvæg áframhaldandi tilvist ESB sé í augum aðildarþjóðanna sjálfra.
  En ef viljinn til þess að færa fórnir til þess að halda samstarfinu áfram er farinn, þá er tilvist ESB sjálfs brátt á endapunkt kominn.

 

Kv.