Ef Grikkland endar utan evrunnar á árinu, gæti Ítalía verið næst - árið eftir kannski

Ég sá ágæta grein á vef Financial Times þar sem vandamál Italíu sem Matteo Renzi forsætisráðherra þarf að glíma við - voru talin upp: Renzi is the last hope for the Italian elite.

Einna áhugaverðasti punkturinn var sá, að svokallaðir "andstöðuflokkar" fá í dag um 50% mælt fylgi, samanlagt - á Ítalíu. Þeir eru af mjög margvíslegu tagi.

"It is that practically half the political spectrum — from Silvio Berlusconi’s Forza Italia party to Matteo Salvini’s Northern League and the Five-Star Movement — is represented by forces that espouse eurosceptic or anti-euro policies."

--------------------------

Ekki bara "5-stjörnu hreyfing" Peppe Grillo, sem er mótmælahreyfing gegn flokkakerfinu á Ítalíu, sjá Wikipedia: Five Star Movement.

Um margt minnir þetta mig á "Borgarahreyfinguna" sem spratt upp 2009. En það virðist að kjörnir þingmenn, séu -starfsmenn hreyfingarinnar- þ.e. án eiginlegra valda -hluti af hugmynd um að afnema völd pólitíkusa- heldur séu þeir háðir ákvörðunum sem teknar séu á "umræðuvef" rekinn af hreyfingunni þ.s. félagar greiða atkvæði um tillögur og frumvörp -síðan greiða þingmenn hreyfingarinnar atkvæði í samræmi við þann vilja." Borgarahreyfinging ísl. klofnaði þegar þingmenn hennar, sættu sig ekki við það, að vera "valdalausir" að það væru ekki þingmennirnir sem á endanum réðu því hvernig þeir greiddu atkvæði. Margir félagar þeirra litu á þingmennina sem svikara. -ég auðvitað tek enga afstöðu-

Svo eru þeir með hugmyndir um -svokölluð græn störf- í nöp við stór iðnað.

Þessi hreyfing fékk atkvæði á bilinu 20-25% þ.e. í kosningum til Evrópuþings, efri deildar ítalska þingsins, og neðri deildar þess.

--------------------------

Forza Italia og Norðurbandalagið - - munu líklega ekki geta unnið með 5-stjörnu hreyfingunni.

Á hinn bóginn - - mun hún líklega ekki heldur geta unnið með nokkrum öðrum flokki.

Og ég sé ekki að hún sé fær um að stjórna landinu, hvort sem er.

• Punkturinn er auðvitað sá, að þó svo enginn flokkur mundi geta unnið með henni.
• Þá gæti tilvist hennar, ásamt vaxandi fylgi við andstöðu á hægri vængnum við evruna og ESB sjálft - - gert það ómögulegt að mynda meirihlutastjórn er væri ESB og evru vinsamleg.

Á móti kemur, þarf alls ekki vera að mögulegt væri heldur að mynda meirihluta sem hefði hina skoðunina - - að taka Ítalíu út úr evru.

Sem gæti þítt, pólitíska lömun.

1. Varðandi efnahags vandamál Ítalíu, slær mig mest að "iðnframleiðsla" hafi dregist saman um 25% sl. 6 ár.
2. Skuldir ítalska ríkisins upp á 133% væru ekki eins hættulegar, ef ítalski iðnaðurinn væri í vexti og það væri sambærilegur viðskiptaafgangur á ítalska hagkerfinu, og Japan bjó við samfellt milli 1990-2010.
3. Þá auðvitað væri ekki 40% atvinnuleysi meðal ungs fólks.

Renzi virðist a.m.k. vera hæfari foringi heldur en flestir sem hafa verið áberandi á Ítalíu seinni ár.

En á sama tíma, glímir hann við þau stjórnmál sem eru til staðar - hann virðist hafa merkilega gott samstarf við Berlusconi.

Hann virðist hafa tekið þá afstöðu, ef hann á að koma nokkru til leiðar, þurfi hann samkomulag við karlinn.

En karlinn hefur sagst vilja Líruna að nýju.

Það virðist ekki sérdeilis líklegt -miðað við það að hann býr við sama þingið of forveri hans í embætti Enrico Letta- að hann í reynd komi miklu til leiðar.

Hann hafi tekið áhættu, með því að velja að knýja ekki fram kosningar, því ef hann nær litlu fram af því sem hann stefnir að ná fram - þá mun hann hafa verið miklu af sínu pólitíska kapitali til lítils.

Kjósendur gætu þá í örvæntingu leitað í auknum mæli til þeirra flokka, sem segja að von Ítalíu liggi í því að endurreisa sinn fyrri gjaldmiðil. Þá er "and evru meirihluti" a.m.k. hugsanlegur.

Það mun auðvitað ráðast mikið af því, hvernig mál spilast á Grikklandi. Þ.e. hvort t.d. ef Syriza kemst til valda, og ef í kjölfarið á því Grikkland tekur að nýju upp drögmuna; hvort eftir það einhvers konar efnahagslegt kaos mun ríkja eða hvort að Syriza mun auðsýna a.m.k. lágmarks stjórnunarhæfilega. Því betur Grikklandi þykir vegna í kjölfarið, því í meira mæli muyndi sú útkoma styrkja þá sem vilja taka lönd eins og jafvnel Frakkland eða Ítalíu út.

 

Niðurstaða

Út af miklu atvinnuleysi og afar hægum hagvexti. Sem fátt bendi til að muni minnka atvinnuleysið á meginlandi Evrópu að ráði í nokkurri bráð. En fyrstu efnahagstölur sem eru að berast frá lokamánuðum sl. árs - - benda ekki til þess að hagvöxtur hafi glæðst síðasta fjórðung sl. árs í Evrópu. Heldur hafi ástandið einkennst af sömu stöðnuninni.

Þá hefur örvænting atvinnulausra farið vaxandi. Og eins og margir sáu fyrir, hefur fyrir bragðið fylgi við flokka - sem aðhyllast lausnir sem eru utan við meginstraum stjórnmála farið vaxandi.

Kosningar sem fara fram 2015, gætu skilað áhugaverðum úrslitum. Grikkland stendur frammi fyrir kosningum. Og þ.e. alveg hugsanlegt að ef slitnar upp úr stjórn Renzi á Ítalíu. Að þar verði einnig kosið. Á hinn bóginn, getur einnig verið að hún haldi áfram út árið - en ef hún skilar litlu þá mundu vinsældir hennar dala hratt. Og líklega fylgi við lausnir utan við meginstraum stjórnmála - - vaxa að sama skapi.

Ítalía gæti þá orðið næsta land á eftir Grikklandi, hvort sem það verður á þessu ári eða því næsta, þ.s. flokkar sem aðhyllast efnahagslausnir utan við svokallaðan meginstraum komast til valda.

Ef það gerist væri það töluverður jarðskjálfti í Evrópu. Svo eru auðvitað forsetakosningar í Frakklandi 2017. Þær gætu orðið mjög áhugaverðar, sérstaklega ef flokkar utan við -núverandi meginstraum- ráða ríkjum á Ítalíu þegar það ár kemur.

Þá gætu menn horft bæði til Ítalíu og Grikklands.

1. Tek fram að ég hef aldrei litið svo á, að endalok evrunnar -ef þau yrðu- þíddi endilega endalok ESB.
2. En það gæti leitt til annars konar ESB en í dag. Þá eru svo margar mögulegar útkomur, allt frá því að það leiddi til minni miðstýringar og smækkunar miðjunnar í ESB. Völd yrðu færð aftur til aðildarríkjanna. Yfir í að evruklúbburinn minnkaði, en þau lönd sem eftir væru mundu - - taka yfir stofnanir sambandsins og þá gæti sambandið sem slíkt minnkað einnig. Það mætti einnig hugsa sér samband lausara í reipum, með 2-gjaldmiðilssvæði. Eða jafnvel, að löndum utan evru mundi fjölga, evruklúbburinn minnka, og það leiddi til þess að jafnvægið milli evruklúbbs og landa utan evru mundi breitast löndum utan evru í hag. Það yrðu litlar breytingar á skipulagi samstarfsins - - > Kannski er það síðasta líklegasta útkoman.

Sambandið tel ég getur vel haldið áfram án sameiginlegs gjaldmiðils. Eins og það var til áður en sá kom til. Að sama skapi, ef ríkjum í evrunni fækkar - - þarf það ekki endilega að vera tilvistar ógn við sambandið heldur.

Samstarfið þarf ekki bara að þróast skv. "reiðhjólakenningunni" ávalt í eina átt, það getur einnig stigið til baka. Eða ég sé ekki af hverju það ætti ekki geta gerst. Og af hverju þá mundi það endilega leiða til endaloka sjálfs samstarfsins.

 

Kv.

Stundum þarf ekki mikið til að fólk farist - 36 farast í troðningi í Kína gamlárskvöld

Hvað akkúrat gerðist virðist óljóst, en ég er með hlekk á áhugaverða fréttaskýringu kínverska sjónvarpsins í Sjanghæ. Eðlilega á kínversku - en myndræn útskýring á atburðinum skilst nægilega vel. Virðist troðningurinn hafa orðið í tröppum - annar hópurinn á leið upp, þegar allt í einu hinn hópurinn reyndi að troðast niður. Og það varð troðningur á milli.

Fréttaskýring Yoku.com

Witnesses Recall Panic of Deadly Stampede in Shanghai

"“We were just trying to walk up the steps to see the light show, and then people at the top began pushing their way down,” said a 20-year-old man who gave his name only as Xu, while waiting for a friend at the Shanghai No. 1 People’s Hospital. “Then I heard someone scream, and people began to panic. We got crushed.”"

Það virðist að fólk hafi mætt á torgið til að sjá flott "laser" atriði sem sýna átti á að lísa upp með glæsilegum hætti svokallaðan "Sjanghæ turn" næst hæstu byggingu heims.

Enginn veit enn af hverju annar hópurinn ákvað allt í einu að troðast niður tröppurnar þ.s. fólkið fórst.

Shanghai New Year's Eve stampede kills 36 after fake money thrown from building

Sú kenning, að fölskum peningum hafi verið kastað út um glugga á næturklúbbi, virðist umdeild.

 

Niðurstaða

Ef þessi sorglegi atburður sýnir eitthvað, þá er það atriði að -risastórar þvögur- séu hættulegar. Rás atburða getur afar snöggt farið úr böndum. Fólk farist út af afar litlu tilefni.

 

Kv.

Gleðilegt nýtt ár öllsömul

Ég ætla ekki að blogga um neitt sérstakt núna, heldur að senda öllum mínar bestu nýárs og áramótakveðjur, megi nýja árið verða hið alla besta og sem gæfurýkast fyrir ykkur öll :)

Kv.

Hinn róttæki vinstri flokkur Syriza gæti komist til valda í Grikklandi á útmánuðum 2015, spurning hvað það þíðir fyrir evruaðild Grikklands

Syriza er alvöru róttæklinga vinstri flokkur - þ.e. róttæki armur Vinstri Grænna á Íslandi, er sjálfsagt eitthvað nærri. Þarna er ekki um að ræða -gamla komma- heldur þá nýbylgju vinstri róttækni, sem hefur risið upp í samhengi við svokallaða "anti globalism" hreyfingu.

Hún er þá mjög andstæð, með öðrum orðum, alþjóða stórfyrirtækjum.

Stórum alþjóða bönkum þá að sjálfsögðu einnig.

Syriza hefur talað um að, krefjast lækkunar skulda Grikklands.

Hafandi í huga, að skuldastaða Grikklands er ca. aftur eins mikil og hún var orðin, er síðast var talin þörf á að afskrifa skuldir þess lands - - þá virðast hagfræðileg rök fyrir afskrift. Burtséð frá afstöðu Syriza.

En mér virðist samt sem áður, ólíklegt að Tsipras leiðtogi Syriza hafi erindi sem erfiði, hafandi í huga - - að til þess að fá kröfu sinni framgengt, mundi hann þurfa að neyða leiðtoga annarra aðildarríkja til þess að afskrifa skuldir, sem eru í eigu skattborgara þeirra eigin landa.

Fyrri afskriftir voru pólitískt auðveldari, því þá var verið að afskrifa skuldir í eigu alþjóðlegra einkafyrirtækja, og fjárfesta - - ekki í eigu ríkissjóða.

En með veitingu neyðarlána, fé sem ríkissjóðir aðildarlanda hafa lagt fram, og samtímis að einka-aðilar hafa fengið að blæða - - þá er meirihluti skulda Grikklands nú í eigu opinberra aðila.

1. Og þá verður allt málið til mikilla muna pólitískt séð erfiðara.
2. Það getur nefnilega vel verið, að aðildarríkin, kjósi frekar "GREXIT" en að taka þá pólitískt séð erfiðu ákvörðun, að samþykkja skulda-afskrift.
3. En punkturinn er sá, að ef Grikkland í staðinn, fer í greiðsluþrot - - þá munu pólitísk stjv. hvers lands, geta bent á grísk stjv. sem sökudólg þegar tjón þeirra eigin skattgreiðenda kemur samt sem áður fram. Pólitíkusar hinna landanna, þannig geta þá varpað sök af sér, það verði sennilega val evr. stjv. - - ef Tsipras bakkar ekki með kröfuna fyrir sitt leiti um afskrift skulda Grikklands.

Greece Heading to Early Elections After Presidential Vote Fails

Greece faces early election after PM loses vote on president

Fears for fresh Greek crisis after poll called

Alexis Tsipras formaður Syriza

 

Ástæða þess að Tsipras er líklegur til valda á næstu mánuðum

Er eins og kemur fram í fréttum. Hefur Antonis Samaras forsætisráðherra, formaður aðal hægri flokks Grikklands, neyðst til þess að rjúfa þing og boða til nýrra þingkosninga.

Nýlegar skoðanakannanir hafa sýnst Syriza flokkinn með fremur öruggan sess, sem stærsti flokkurinn. Þó auðvitað að eina skoðanakönnunin sem gildi, sé sú er fer fram á kjördag.

Og það sé ekki unnt að slá því föstu, að Syriza muni vinna þegar til kastanna kemur. Virðast samt líkurnar aldrei hafa verið meiri á þeirri útkomu.

• Sú merkilega regla er til staðar í Grikklandi, að stærsti flokkurinn fær alltaf að gjöf frá kosningakerfinu, 50 viðbótar þingmenn.
• Þetta var hugsað til þess, að hámarka líkur á sterkum meirihluta stjórnum.
• Það hefur áður leitt til eins flokks meirihluta - - þrátt fyrir hlutfalls kosninga kerfi.

Það er a.m.k. hugsanlegt, að Syriza með hjálp 50 viðbótar þingmanna. Nái hreinum þingmeirihluta, og þurfi því ekki að stjórna landinu í samvinnu við annan flokk.

Þó einnig sé hugsanleg sú útkoma, að Syriza verði að stjórna ásamt einhverjum öðrum flokki - - í því tilviki gæti verið gerð önnur tilraun til þess að mynda meirihluta stjórn án Syriza.

1. Það gæti einnig hugsanlega komið fram þing, þ.s. ekki væri unnt að mynda stjórn án einhvers róttæks flokks - - andstæðinga svokallaðrar björgunaráætlunar.
2. En samtímis, væri einnig ómögulegt, að mynda stjórn án einhvers af hefðbundnu flokkunum.

En hafa ber í huga - - að róttækir vinstri menn í Syriza, geta að sjálfsögðu ekki myndað stjórn með Ný-nasistum.

Það áhugaverða er, að þeir einnig fyrirlíta gömlu kommana í kommúnistaflokki Grikklands.

Þetta er því ekki endilega svo ólíkleg útkoma, að Syriza verði stærsti flokkurinn - - - en samtímis, að Syriza verði að semja við einhvern af þeim flokkum, sem standa nær miðju grískra stjórnmála.

Það er þó a.m.k. umtalsverðar líkur á því. Að ESB lendi í þeirri klemmu, að í fyrsta sinn síðan kreppa hófst í Evrópu 2008. Þá komist til valda í Evrópulandi, róttækur flokkur andstæðinga svokallaðra björgunaráætlana.

1. Ég á þó ekki von á því, að ef mál æxlast með þeim hætti, að Grikkland endi utan við Evru, að þá leiði það til alvarlegrar evru-kreppu.
2. En mér virðist að Seðlabanki Evrópu sé kominn það nærri því þegar að fá fulla prentunarheimild, að við þær aðstæður - - mundu síðustu hömlurnar gegn því að veita honum fulla heimild til prentunar sennilega bresta. Og Seðlabankinn geta því staðið sem veggur að baki hverri þeirri fjármagnshreyfingu sem hugsanlega verður.
3. Vegna þess að ég tel líklegra en ekki að við þær aðstæður fái "ECB" fulla prentunarheimild, úr því sem komið er - þá muni ekki heldur það gerast, að vaxtakrafa á einstök aðildarlönd fyrir utan Grikkland - - hækki úr öllu valdi.

• Á hinn bóginn, geti "GREXIT" eigi að síður, skapað fordæmi - markað þau spor, að unnt sé að hætta í evrunni, án þess að hætta í ESB.
• En lagatæknilega, þá mundi þurfa að hætta að vera meðlimur að ESB til að losna undan evrunni. En þ.s. að ekki er til neitt það ákvæði í sáttmálum ESB sem gerir það mögulegt fyrir aðildarríkin að reka eitt af aðildarríkjunum úr sambandinu, ef það vill ekki þaðan fara sjálfviljugt. Þá virðist mér líklegra en ekki, að "GREXIT" geti farið fram, án þess að Grikkland hverfi úr sambandinu.

Síðan mundi það sennilega ráðast mjög af því, hvernig Grikklandi mundi vegna eftir "GREXIT" hvort að það fordæmi Grikklands - - mundi hafa þau áhrif, að hvetja fleiri ríki til dáða eða ekki.

En þ.e. að sjálfsögðu hvorki gefið, að Grikklandi mundi vegna vel eftir "GREXIT."

Né að því mundi vegna illa eftir "GREXIT."

Fer alveg eftir því hvernig stjórnvöld halda á sínum spilum.

 

Niðurstaða

Það getur stefnt í áhugavert ár framundan, þ.e. kreppa í Rússlandi - - og líkur á að kreppa skapi þrýsting á stjórnvöld Rússlands, til þess að beina sjónum sinna landsmanna að deilum við önnur lönd. Því gæti það farið svo, að ef kreppa í Rússlandi er farin að skapa sýnilega umtalsverða óánægju meðal rússnesks almennings - - þá fari stjórnvöld þar í frekari ævintýramennsku í utanríkismálum. Spenna milli Vesturlanda og Rússlands gæti því vaxið.

Á sama tíma, gæti staða Grikklands skapað nýja spennu innan ESB, sérstaklega í samhengi evrusvæðis. Þó að ég telji það líklegra en ekki að "GREXIT" muni ekki valda alvarlegri evrukreppu, þá er það á sama tíma ekki heldur algerlega örugg útkoma.

Aftur virðist stefna í að ár hefjist með vaxandi spennu framundan. Þó að á endanum hafi 2014 endað heilt yfir tiltölulega friðsamlegt á efnahagssviði heimsmála, þá hefur spenna í alþjóðastjórnmálum sannarlega farið vaxandi.

Lægra olíuverð sennilega mun auka hagvöxt heiminn vítt - en á sama tíma virðist líklega að spenna í alþjóðastjórnmálum haldi áfram að hlaðast upp.

Og í samhengi evrusvæðis - eins og ég sagði, gæti orðið ný spenna vegna Grikklands.

 

Kv.

Skv. sameinuðu þjóðunum hafa verið framin mjög alvarleg brot á mannréttindum í Úkraínu

Ég hef áður fjallað um, september skýrslu mannréttindaskrifstofu SÞ - Report on the human rights situation in Ukraine 16 September 2014. En ég hef ekki áður fjallað um, nóvember skýrslu mannréttindaskrifstofu SÞ: Report on the human rights situation in Ukraine.

Ef marka má báðar skýrslur - hafa báðir stríðsaðilar framið mannréttindabrot.

En brot uppreisnarmanna, séu þó -því miður- alvarlegri.

Bls1 "In the territories under the control of the ‘ Donetsk people’s republic’ and ‘Luhansk people’s republic’ there continues to be a total breakdown in law and order, and a lack of any human rights protection for the population under their control . "

Bls2"In territories under the control of both ‘republics’ 8 , cases of serious human rights abuses by the armed groups continued to be reported, including torture, arbitrary and incommunicado detention, summary executions, forced labour, sexual violence, as well as the destruction and illegal seizure of property. These violations are of a systematic nature and may amount to crimes against humanity."

Í fyrri skýrslu sinni, þá vakti Mannréttindaskrifstofa SÞ einnig athygli á alvarlegum mannréttindabrogum í A-Úkraínu.

En þ.s. nýtt er fyrir mér, er ályktunin að - þessi brot séu bersýnilega "skipulögð" og síðan seinni ályktunin að þau brot séu sennilega "brot gegn mannkyni" - eins og má íslenska orðalagið, "crimes against humanity."

• Ályktanir september skýrslunnar, eru stór ástæða þess - af hverju ég hef illan bifur á uppreisnarmönnum.
• En ef marka má niðurstöðu starfsmanna SÞ, þá er viðhaldið í A-Úkraínu á svæðum undir stjórn uppreisnarmanna, ástandi - lögleysu, þ.s. viðhaldið sé ótta eða "terror."

En skv. þessu, þá bendir flest til þess, að uppreisnarmenn - - séu klárlega öfgamenn. Hugsanlega hafa þeir ekki verið það í upphafi, það má vera að öfgamenn hafi síðar náð valdi yfir uppreisninni.

1. Það sem einnig er áhugavert við þetta, er að niðurstöður starfsmanna SÞ hvað þetta varðar.
2. Koma einnig heim og saman við, tölur SÞ yfir það - hvert flóttamenn hafa verið að flýgja frá átökunum í A-Úkraínu.

En skv. niðurstöðu SÞ frá því í desember 2014, þá er fjöldi flóttamanna:

Half a million displaced in eastern Ukraine as winter looms, warns UN refugee agency

1. "The fighting in eastern Ukraine this year has internally displaced over half a million people..." 
2. "William Spindler said that the fighting has also forced over two hundred thousand Ukrainians to flee to Russia and other neighbouring countries."

Þetta hef ég nefnd áður - en það má sannarlega vera að meirihluti íbúa hafi upphaflega stutt uppreisnina.

Á hinn bóginn, má einnig vera - að meirihluta þeirra hafi snúist hugur.

Fyrst að tölur yfir flóttamenn - gefa það upp, að 500.000 hafi flúið inn á svæði sem lúta stjórn ríkisstjórnar Úkraínu.

Meðam að færri en 200.000 hafa flúið til Rússlands - - sem sagt, fjarri þeim fullyrðingum sem gjarnan sjást á netinu, að nærri milljón manns hafi flúið átökin til Rússlands.

• Punkturinn er - - að hvert fólkið hefur flúið.
• Rýmar við þá niðurstöðu SÞ, að uppreisnarmenn viðhaldi lögleysu og ástandi ótta.
• Þá má það einfaldlega vera, að eftir allt saman - óttist íbúarnir uppreisnarmenn meir.

Sem þarf ekki að þíða - yfirlýsingu um stuðning við stjórnvöld. Heldur einfaldlega það, að þeir öfgamenn sem stjórna uppreisninni að því er virðist, hafi gengið fram af fólki.

Best að nefna, að stjórnvöld í Kíev - fá sannarlega yfir sig skammir!

Það hafa fundist grafir nærri Donetsk borg, og einnig nærri Sloviansk - - þær virðast innihalda í flestum tilvikum einstaklinga, er virðast hafa látist í átökum.

En það eru þó 4-einstaklingar þeirra lát er undir sérstakri rannsókn. Ekki sannað hver ber ábyrgð. En ásakanir eru uppi þess efnis, að stjórnarsinnar beri þá ábyrð.

Síðan séu mörg dæmi þess, að svokallaðar - sjálfboðaliðssveitir - sem ekki eru hluti af Úkraínuher, en hafa barist í stríðinu með honum, sem hluti af hersveitum stjórnarinnar. Að þær hafi handtekið fólk, barið það - jafnvel haldið fólki til þess að skipta á því, og fólki haldið af uppreisnarmönnum; allt án þess að mál þessa fólks væru undir nokkru opinberu ferli.

Lögleysa - með öðrum orðum. Það sé a.m.k. ekki enn sem komið er, nokkrar sannanir um morð af hálfu þeirra sveita - - né að fólki sé haldið í nauðungarvinnu.

• Punkturinn er ekki sá, að mannréttindabrot hafi ekki verið framin af báðum aðilum.
• Heldur sá, að tónninn virðist alvarlegri, þegar kemur að umfjöllun SÞ um brot uppreisnarmanna.

En skv. greiningu starfsmanna SÞ - virðast þau A)Alvarlegri, en einnig, B)Skipulagðari.

Enn frekar má nefna - - að báðir aðilar eru sakaðir um beitingu, "klasasprengja" þó þær ásakanir teljist ekki sannaðar.

Báðar fylkingar eru sakaðar um að hafa valdið manntjóni meðal almennra borgara.

"According to the SBU, as of 30 September, there were at least 21 new ad hoc places of detention set up since the conflict started in the areas controlled by the armed groups (in the cities of Donetsk and Luhansk, as well as Horlivka, Makiivka and Shakhtarsk). In addition, the ‘minister of internal affairs’ of the ‘Donetsk people’s republic’ 16, claims that it controls all penal colonies, pre - trial detention centres and temporary detention facilities which existed before the hostilities started in its territory. However, there are also places of detention managed by the ‘military police’ subordinated to the ‘ministry of defence’, and some managed by the ‘ministry of state security'. There are also numerous detention facilities, which are reportedly maintained by various armed groups operating under the auspices of either the ‘Donetsk people’s republic’ or the ‘Luhansk people’s republic’, as well as ad hoc detention facilities that are operated by armed groups not under the control of either of the aforementioned ‘republics’."

Mikið af ásökunum - - eru ekki sannaðar.

T.d. um aftökur af hálfu öryggissveita - - uppreisnarmanna.

Á hinn bóginn, hafa komið fram einstaklingar sem hafa sagt frá slíkum hlutum, og aðrir sem hafa tjáð sig um hvernig meðferð þeir hafa fengið, hvort sem þeir hafa verið í haldi uppreisnarmanna - eða sjálfboðaliðssveita úkraínsku stjórnarinnar.

1. Það virðist ljóst - að báðar fylkingar hafa beitt handtökum án dóms og laga.
2. Einnig pyntingum.

• En einungis liggja fyrir skjalfestar ásakanir skv. vitnisburði, um skipulögð morð af hálfu uppreisnarmanna.
• Og einnig, að fólki í haldi, sé haldið í nauðungarvinnu.

Það þíðir ekki að engin morð hafi verið framin af - stjórnarsinnum. Það liggja þó ekki fyrir nein dæmi um skjalfestan vitnisburð þess efnis.

 

Niðurstaða

Eins og ég hef svo oft sagt, þá beiti báðar fylkingar hörku. Það sé hið minnsta ljóst - - að uppreisnarmenn séu með engum hætti, síður öfgafullir heldur en þjóðernissinnaðir hópar sem tekið hafa þátt í stríðinu, undir merkjum ríkisstjórnar Úkraínu.

En ef marka má þó niðurstöðu starfsmanna SÞ, þá séu vísbendingar þess - að uppreisnarmenn hafi gengið skrefum lengra í brotum á mannréttindum.

Og starfsmenn vilja einnig meina, að þau brot séu það vel skipulögð og kerfisbundin, að það sé ástæða til að rannsaka hvort þau flokkist undir brot gegn mannkyni.

• Þ.e. auðvitað áhugavert, að 2/3 þeirra sem SÞ hefur skráð sem flóttamenn frá A-Úkraínu.
• Séu flúnir yfir á yfirráðasvæði stjórnarinnar - fremur en að leita Austur til Rússlands.

Það bendi a.m.k. ekki til þess, að í gangi sé einhver allsherjar óttabylgja í A-Úkraínu, gegn ríkisstjórn landsins eða stjórnarhernum.

Það að flr. hafi flúið inn á svæði stjórnarinnar, gæti verið viðbótar vísbending þess - - að eitthvað sé að marka þær alvarlegu ásakanir um "terror" sem starfsmenn SÞ hafa skjalfest í sínum gögnum.

Þær ásakanir séu hvísbending þess, að stjórnendur uppreisnarinnar séu raunverulega öfgamenn.

 

Kv.

Hætt við þingkosningar í Svíþjóð - blasir við tilraun til þess að útiloka Svíþjóðar Demókrata frá landsstjórnmálum

Þetta kemur fram á vefjum Reuters of Financial Times. En ef marka má þær fréttir, þá hefur náðst samkomlag milli ríkisstjórnar Svíþjóðar og stjórnarandstöðuflokka. Sem gerir ríkisstjórn Stefan Lofven það mögulegt - - að halda áfram störfum.

Í samkomulag flokkanna - virðist fela í sér að hætt er við nýjar þingkosningar.

Swedish centre-left do eight-year deal with opposition to avert snap election

Sweden’s prime minister cancels snap elections

Líklegt er að einhverju hafi ráðið, að það stefndi í verulega fylgisaukningu Svíþjóðar Demókrata

Það virðist gæta óánægju með ákvörðun "hefðbundnu flokkanna" innan raða Svíþjóðar Demókrata - - ásakanir um ólýðræðisleg vinnubrögð.

Ég er aftur á móti ekki endilega sammála því - nema að hluta, en sænska þingið var kosið sl. haust - - þannig að umboð þess frá kjósendum var nýlegt.

Kjósendur voru að sjálfsögðu að kjósa sína fulltrúa, til þess að stýra landinu nk. 4 ár, sbr. hefðina um 4-ára kjörtímabil.

Kjósendur höfðu því vart, réttmætar væntingar þess, að kosið yrði aftur fáum mánuðum síðar.

• Ef núverandi þing, hefði gefist upp á að stjórna landinu.
• Þá að mínum dómi, hefði það þing átt það sannarlega skilið, að vera rækilega kaghýtt af kjósendum.

Með því, að hafa náð samkomulagi, sem geri stjórninni fært að starfa - - hafi þingið þar með tekið ákvörðun um að, standa við sitt hlutverk - - sem þeir þingmenn voru kosnir til eftir allt saman.

----------------------

Á hinn bóginn, má finna aðra þætti í þessu samkomulagi - sem má fetta fingur út í frá lýðsæðislegu sjónarmiði.

En samkomulagið virðist skuldbinda hefðbundnu hægri flokkana, til þess að standa hjá þegar ríkisstjórnin tekur meiriháttar ákvarðanir út þetta kjörtímabil.

Ríkisstjórnin fær þá hlutleysi þeirra, stjórnar þá eins og meirihlutastjórn.

Á móti, þá virðast stjórnarflokkarnir hafa samþykkt, að ef næsta þing verður aftur með þeim hætti, að hvorki hefðbundnu hægri flokkarnir fá meirihluta, né hefðbundnu vinstri flokkarnir.

Þá fái hefðbundnu hægri flokkarnir stjórnarumboð - - og hefðbundnu vinstri flokkarnir muni þá lofa hefðbundnu hægri flokkunum að stjórna landinu - - jafnvel þó að hefðbundna hægri fylkingin endi með ívið færri þingmenn.

• Það sem samkomulagið virðist fela í sér, er - - samantekin ráð hefðbundnu flokkanna, að útiloka Svíþjóðar Demókratana frá landstjórnmálum.

 

Niðurstaða

Samkomulag hefðbundnu flokkanna, virðist fela í sér samkomulag um að - deila völdunum í Svíþjóð ekki einungis út þetta kjörtímabil, heldur það næsta einnig. Þetta sé því afar áhugavert samkomulag, svo meir sé ekki sagt.

Felur að því er best verður séð í sér tilraun til þess að útiloka Svíþjóðar Demókratana.

Það verður auðvitað áhugavert að fylgjast með því hvað gerist síðar meir, ef þetta samkomulag heldur t.d. á nk. kjörtímabili.

• En mér virðist alveg hugsanlegt, að slík samantekin ráð - - geti reynst vatn á myllu Svíþjóðar Demókrata.
• Það geti gert Svíþjóðar Demókrötum það mögulegt, að skilgreina hefðbundnu flokkana sem "samráðsflokka."
• Þ.e. að þeir séu í einhverjum skilningi, sama tóbakið.

Auðvitað ef fylgi Svíþjóðar Demókratanna heldur áfram að vaxa við slíkar aðstæður, þá mun líklega ekki verða mögulegt fyriri hefðbundnu flokkana alfarið að hundsa vilja þeirra kjósenda - - sem gæti þítt að á einhverjum enda, þá taki hefðbundnu flokkarnir upp nægilega mikið af vinsælustu stefnumálum Svíþjóðar Demókrata til þess að slá á fylgi þeirra.

En það fer auðvitað eftir þvi, hvort að Svíþjóðar Demókrötum tekst að vinna sigur í áróðursstríðinu framundan.

 

Kv.

Pútín óttast skipulagðan undirróður gegn utanaðkomandi afla

Ég sá þessa frétt á vef FT.com, en í henni kemur fram ný "stefnumörkun" rússneskra stjórnvalda þegar kemur að skilgreiningu þeirra á þeim helstu "ógnum" sem Rússland stendur frammi fyrir, gagnvart eigin öryggi.

New Putin doctrine emphasises threat of political destabilisation

• “It can be observed that military dangers and threats are moving into the information sphere and the domestic sphere of the Russian Federation,”
• “The establishment in states neighbouring the Russian Federation of regimes, especially through the overthrow of legitimate institutions of state power, whose policies threaten the interests of the Russian Federation”
• “subversive activities of special services and organisations of foreign states and their coalitions against the Russian Federation”

• "The doctrine warns of attempts to undermine “historical, spiritual and patriotic traditions in defence of the Fatherland”, especially among young Russians."
• "It also for the first time names “foreign private military companies in areas adjacent to the borders of the Russian Federation and its allies” as a military danger. "

-----------------------

Mér finnst sérstaklega áhugaverð - aðdróttunin um "erlend áhrif" á rússneska æsku.

En rússnesk æska, eins og æska annars staðar í tækniþróuðum löndum, er orðin "netvædd." Það auðvitað þíðir, að rússn. æska hefur kynnst straumum og stefnum - frá öðrum áttum.

Það getur auðvitað skapað umtalsvert - kynslóðabil í Rússlandi. Milli hinnar nýju netvæddi kynslóðar. Og þeirra eldri.

Það er í sjálfu sér ekkert nýtt við þau viðbrögð - að bregðast "neikvætt" við breytingum á hegðan "yngri kynslóðar" í samanburði við hegðan og hugsun þeirra eldri.

• Ég get vel trúað því, að yngsta kynslóðin, sú sem hefur alist upp sl. 20 ár - sé ekki eins innrömmuð í dæmigerða rússn. þjóðernishyggju.
• Og kynslóðirnar á undan, sem ólust upp við - ögun Sovétríkjanna.

Þetta finnst mér skynja úr þessum orðum - líklegt kynslóðabil innan Rússlands.

Ég hef einmitt heyrt í gegnum árin, að rússn. æska sé orðin mjög útsmogin í því, að - - forðast herþjónustu.

Ég get vel trúað því, að hinir eldri - skynji andlega afturför.

 

Hvað aðra þætti varðar, þá virðast þeir snúa að - - Úkraínumálinu. En eins og ég skil málið, þá hófst málið á tilraun Pútíns - - til þess að leiða fram aðra stefnumótun um framtíð Úkraínu, en Úkraínumenn sjálfir vildu. En úkraínsk stjv. höfðu samið samfellt í 7 ár við ESB um "aukaaðild" sambærilegan samning við EES, þegar samningum var nærri alveg lokið - - hófu rússn. stjv. að beita forseta landsins og stjórn hans, þrýstingi - - efnahags refsiaðgerðir, stigversnandi - þar til að forseti landsins sannfærðist um að láta að kröfum rússn. stjv., skrifa þess í stað undir sáttmála við Rússland um inngöngu í svokallað "Asíusamband" undir stjórn Rússlands.

• Gallin við þann gerning, er að sá hefði bundið endi á - efnahagslegt sjálfstæði Úkraínu. Sett efnahagsmál landsins, að stærstum hluta undir yfirráð Rússlands.

• Pútín lætur sem að það sé það gersamlega sama, og það að vera í t.d. EES og - taka við reglugerðum frá Brussel.

En þ.e. ekki rétt, Ísland sem dæmi, getur hvenær sem er, sagt upp EES. Þ.e. formlega aðferðin, er að forsætisráðherra sendi formlegt bréf um afsögn til "sameinuðu EES nefndarinnar." Það erindisbréf - tekur formlega gildi nákvæmlega einu ári eftir móttaka þess er dagstimpluð.

Afsögn er því - - algerlega einhliða aðgerð af Íslands hálfu.

Að ganga í EES, felur því ekki í sér - - eftirgjöf fullveldis, sem ekki er afturkræf.

• Til samanburðar, þá taka aðildarlönd að Asíusambandinu, við lögum og reglugerðum ákveðin af rússn. þinginu - þ.s. það þing er stimpilpúði valdaflokks Pútíns og co.

• Ég stórfellt efa að samn. um aðild að "Asíusambandinu" kveði á um "einhliða uppsögn."

Síðan vildi úkraínska þjóðin, ekki sætta sig við þá útkomu - - að Rússland þ.e. Pútín, gæti ákveðið fyrir þeirra hönd, hvaða framtíðar fyrirkomulag mundi gilda fyrir þeirra land.

Sem ég skil afskaplega vel!

• Bendi á til sbr. að ég að sjálfsögðu mótmælti tilraun Breta og Hollendinga, til þess að "troða upp á Ísland svokölluðum Icesave-greiðslum" skv. þeirra einhliða túlkun.

Að Íslendingar mótmæltu þvingunum Breta og Hollendinga, langsamlega flestir hverjir. Virðist mér skýr vísbending þess, að í sömu sporum og Úkraínumenn - - hefðu Íslendingar brugðist eins við.

Ég bendi á að auki, að Íslendingar knúðu "hrunstjórnina" til afsagnar - - þá sem lét undan Bretum og Hollendingum. Ég held það hafi örugglega verið hluti af reiði almennings. Að ætla að semja við Breta og Hollendinga um, Icesave greiðslur - - eftir þeirra þvingun.

Pútín aftur á móti heldur á lofti þeirri söguskýringu, að utanaðkomandi öfl - þ.e. Vesturlönd, hafi búið til uppreisn gegn lögmætri stjórn Úkraínu, byltingin hafi verið "valdarán" með aðstoð utanaðkomandi afla!

Ég skynja framsetningu hans, að erlendur undirróður sé ein af lykilhættum Rússlands, ekki síst í innanlandsmálum - - sem framhald af þeirri áróðurssyrpu sem mér virðist Pútín hafa rekið alveg frá þeirri stund er stjórninni í Úkraínu var bylt; og landið fært aftur af byltingarstjórninni til baka á hinn fyrra kúrs - þ.e. að semja við ESB um aukaaðild.

1. En þ.e. ekki bara það, heldur grunar mig að þessi orð séu vísbending þess - - að ef andstöðuhreyfing gegn núverandi stjórn Rússlands, rís upp - í kjölfar efnahagshrunsins sem er að steypast yfir Rússland.
2. Að slíkar andstöðuhreyfingar verði stimplaðar, sem einhvers konar, handbendi - erlends undirróðurs.

• Sem gæti því þítt, að Pútín og Co, hyggist mæta slíkri hreyfingu, með fyllstu hörku. Ef slík hreyfing kemur fram.

Það getur auðvitað verið, að ég sé að lesa of mikið í þessi orð!

 

Niðurstaða

Ný öryggisstefna Pútíns, bendir til þess að sjónir hans beinist nú gegn meintum erlendum undirróðri innan Rússlands sjálfs - - sbr. vísun hans til þess að erlend öfl hafi steypt lögmætum stjórnum, að hans mati, í nágrannaríkjum.

Þessi orð slá mig dálitlum óhug - því að mig grunar að í ljósi efnahagsvandræða, sem almenningur muni finna fyrir á nk. ári. Þegar lífskjarahrapið ætti að verða tilfinnanlegt.

Þá gæti það orðalag sem fram kemur, gefið vísbendingu þess efnis - að Pútínsstjórnin gæti verið líkleg til þess. Að stimpla hverja þá móttstöðu sem kann að gjósa upp, sem handbendi erlendra undirróðurs afla.

Þannnig, að líkur væru þá á því, að slíkt gæti orðið - réttlæting fyrir valdbeitingu.

Þannig að Rússland Pútíns, gæti ef til vill endurtekið mistök síðasta keisara Rússlands, Nikulásar, er hann mætti svipaðri aðstöðu í upphafi 20. aldar. Lögregla keisarans framdi þá fræg voðaverk, er varð þvert á móti til þess - - að andstaðan magnaðist til mikilla muna. Svæ nærri lág að keisarastjórnin félli 1905.

Það verður að koma í ljós hvað gerist. Ef til vill er öryggislögrelan í dag, öflugari en öryggislögregla keisarans.

 

Kv.

Seðlabanki Rússlands hefur ákveðið að tryggja greiðslur erlendra lána rússneskra ríkisfyrirtækja sem falla á gjalddaga á nk. ári

Það hefur vakið athygli hve gjaldeyrissvarasjóður Rússlands hefur lækkað hratt undanfarna mánuði. Í upphaf árs var hann yfir 500ma.$ - - en skv. fréttum lækkaði hann í 398,8ma.$ í vikunni fyrir jól. Er með öðrum orðum, fallinn niður fyrir 400ma.$.

Ef marka má fréttir, þá falla 120ma.$ af gjaldeyrislánum ríkisfyrirtækja á gjalddaga á nk. ári.

"The bank said it would lend dollars and euros to major companies that were willing to put up their foreign borrowings as collateral." - - Það virðist mér þíða að Seðlabanki Rússlands tekur þær skuldir þá yfir. En ríkisfyrirtækin -líklega þau sem annars væru í greiðsluvanda- fá rúblulán á móti.

Russia to help large borrowers as S&P mulls junk rating

• Þetta þíðir ekki endilega, að öll upphæðin 120ma.$ sé yfirtekin af Seðlabankanum, þ.s. örugglega einhver þeirra ríkisfyrirtækja sem eiga í hlut - - hafa nægt tekjustreymi í gjaldeyri til að ráða við greiðslur.
• Á hinn bóginn, sennilega staðfestir þessi aðgerð Seðlabanka Rússlands - - > Að til staðar séu ríkisfyrirtæki, sem lenda í greiðsluvanda - vegna viðskiptabanns aðgerða Vesturvelda. Og er annars mundu verða greiðsluþrota - - > Svo að þeirra skulda þá falla hvort sem er á ríkið.
• Seðlabankinn á þá ekki neina undamkomu auðið frá því, að gefa þetta vilyrði.

Það þarf þó að taka tillit til þess, að fjármagnsflótti frá Rússlandi hefur verið umtalsverður 2014 eða 134ma.$ að andvirði.

Það er að sjálfsögðu ekki unnt að vita, að hvaða marki hann heldur áfram á nk. ári.

En margir óttast að útflæði gjaldeyris - þ.e. fjármagnsflótti, muni aukast frekar en hitt.

1. Menn munu því óhjákvæmilega halda spurningunni á lofti varðandi gjaldeyrisstöðu Rússlands - - nú þegar sjóðurinn gæti alveg farið vel niður fyrir 300ma.$ á nk. ári.
2. Hafandi í huga, að heildarskuldastaða ríkisfyrirtækja virðist í kringum 600ma.$.

 

Þetta getur skýrt af hverju Standards&Poors hefur ákveðið að setja mat á greiðsluhæfi Rússlands í neikvæðar horfur - - eru nú öll matsfyrirtækin með Rússland á neikvæðum horfum, einu þrepi fyrir ofan ruslflokk

Russia on Verge of Junk as S&P Puts Rating on Negative Watch

"The move “stems from what we view as a rapid deterioration of Russia’s monetary flexibility and the impact of the weakening economy on its financial system,” S&P said."

Skv. þessu, virðast öll matsfyrirtækin meta það a.m.k. hugsanlegt - að Rússland lendi í greiðsluvandræðum með gjaldeyrislán.

Rúblan styrktist töluvert í sl. viku - - í kjölfar inngripa Seðlabank Rússlands, er kostuðu 15,7 ma.$, stendur nú ca. 10% hærra en vikuna á undan, þ.e. heildarfall sl. 12 mánuði um ca. 40% í stað 50%.

Russia's Defense of the Ruble Cuts Reserves by $15.7 Billion in Week

Á hinn bóginn veit enginn - hvort að þessi ívið skárri staða sé verjanleg.

Rússneski Seðlabankinn getur augljóslega ekki ástundað þetta kostnaðarsama vörn - - viku eftir viku.

 

Niðurstaða

Mér virðist fréttir þær sem ég vísa í, staðfesta skilning minn á stöðu Rússlands - að hún sé með þeim hætti. Að gjaldeyrisstaða rússneska ríkisins sé -Neikvæð- ekki -Jákvæð- þ.s. sennilega neyðist rússn. ríkið til þess, að beita Seðlabankanum fyrir vagn sinn. Og láta hann taka að sér að verja stöðu skuldugra ríkisfyrirtækja - - er skulda mikið fé í gjaldeyri.

Það verður ákaflega forvitnilega að fylgjast með því, til hvaða úrræða verður gripið til á nk. ári.

En margir -málsmetandi- eru farnir að spá "gjaldeyrishöftum" í Rússlandi.

 

Kv.

Lítt þekktur fjárfestir ætlar að reisa 50 milljarða Dollara skipaskurð í gegnum hið bláfátæka Mið-Ameríkuland, Níkaragúa

Hér á Íslandi voru nokkrar efasemdir um "Huang Nubo" sem vildi reisa ferðamannaparadís á hálendi Íslands, á landi Grímsstaða á Fjöllum. Meðal annars vegna þess, að mjög erfitt var að komast að því, hvaða fjármagn lá að baki hans fyrirtæki. Að auki virtist hans fyrirtæki ekki hafa afrekað stóra hluti fram að þeim tíma.

En hvað segja menn þá um annan Kínverja, sem ætlar svo sannarlega að gera stóra hluti?

Daniel Ortega (left) shake hands with Wang Jing, president of Chinese company HK

Nicaragua announces start of China-backed canal to rival Panama

Nicaragua launches construction of inter-oceanic canal

Nicaragua starts work on $50bn canal between two oceans

Protests as Nicaragua starts work on $50bn interoceanic canal

Nicaragua breaks ground on canal project

 

Það virðist gersamlega augljóst, að Wang Jing, sé einungis framhlið fyrir kínversk stjórnvöld

1. Fyrirtæki Wangs Jing, virðist ekki hafa nokkra reynslu af risa verkfræði verkefnum.
2. Fyrirtæki hans, er í - - "Telecoms" þ.e. fjarskiptum. Það virðist a.m.k. ekki það augljósasta að "símafyrirtæki" taki að sér að leggja - stærsta skipaskurð heimssögunnar.

"Wang, 42, heads more than 20 companies, including Xinwei Telecom Enterprise Group, which controls Chinese state telecoms firm Datang Telecom Technology & Industry Group." - "He set up Hong Kong-based HK Nicaragua Canal Development Investment Co Ltd (HKND Group) in November 2012 and won the licence to build the canal in June 2013 with no competition."

"Both ports and the canal will be designed to handle the modern mega-ships favoured by global shipping firms, which can carry up to 25,000 containers." - "A $5.25bn expansion of the Panama canal, scheduled for completion in early 2016, will enable it to handle ships carrying 12,000 containers." - "Three billion cubic metres (106bn cubic feet) of earth will have to be excavated for the canal, which will be between 230 and 520 metres wide (750-1,700 feet) and 30m deep, allowing it to handle ships of up to 400,000 tonnes."

Og Níkaragúa skurðurinn á ekki að vera nein smásmíði, þ.e. :

1. 3-falt lengri en Panama skurðurinn, lengd 278 km.
2. Á samtímis að vera, miklu mun víðari og að auki dýpri, þannig að risaskip sem geta flutt 25.000 gámaeiningar, geti farið um hann. Í dag komast einungis skip er flytja 5.000 gáma um Panamaskurðinn. Stækka á þó hann, svo geti flutt stærri skip.
3. Hluti af framkvæmdinni, verður að reisa 2-risahafnir á sitt hvorum enda, fær um að meðhöndla þau risaskip sem eiga að geta nýtt sér nýja skipaskurðinn.
4. Að auki stendur til að reka "tollfrýsvæði" á landi Nikarakúa, í grennd við skurðinn, þ.s. til stendur að reka framleiðslufyrirtæki og alþjóðaflugvöll - - "The project is to include two ports, an airport, a resort and an economic zone for electricity and other companies."
5. Talið að 50.000 verkamenn muni þurfa til. Áætlað að verkefnið taki 5-ár.

Ég er eiginlega algerlega viss, að það séu í raun og veru, kínversk stjórnvöld sem séu að reisa þennan skurð - - hafandi í huga að þetta er sennilega mesta verkfræði verkefni heimssögunnar, fram að þessu.

Mér virðist afar - afar líklegt, að Daniel Ortega, leiðtogi Sandinista hreyfingarinnar og flokks, forseti hins bláfátæka Nikaragua - - sé "de facto" að semja landið yfir á kínversk yfirráð.

En það geti vart annað verið -hafandi í huga að einungis Haiti er fátækara en Níkaragúa- kostnaður við það að reisa skurðinn er upp á a.m.k. 4-þjóðarframleiðslur landsins.

Þegar reksturinn er formlega hafinn, verður þetta án nokkurs vafa - - meginþungamiðja efnahagslífs landsins.

• Og Ortega hefur samið -um 100 ára langt einkaleyfi kínverska fyrirtækisins- á rekstri skurðarins, sem og tollfrýsvæðisins - sem reka á samhliða.-

• Ég er ekki frá því, að er Panamaskurðurinn var reistur, hafi verið 99 ára samningur.

 

Kínverjar eignast þá eitt stykki Mið-Ameríkuland

Það þarf þó ekki -heilt yfir litið- að vera slæmur valkostur fyrir landsmenn. Þó svo það þíði, að eiginlegt sjálfstæði landsins sennilega verði ákaflega takmarkað - - þá er það sennilega ekki "verra fyrirkomulag hvað það varðar" en landið Panama hefur lengi búið við gagnvart Bandaríkjum N-Ameríku. Bandaríkin reyndar bjuggu það land til - skilst mér, en það landsvæði áður tilheyrði Kólumbíu, þegar þing þess lands reyndist erfitt í samningum - - studdu Kanar að sögn "local" herforingja til uppreisnar gegn Kólumbíu, og bandarískur her síðan gekk þar á land og síðan var formlega kynnt um stofnun lýðveldisins Panama og gerður samningur við það um skipaskurð, að bandarískt rekstrarfélag mundi eiga og reka hann í 99 ár.

1. Höfum í huga hve óskaplega fátækt land, Níkaragúa er - höfum einnig í huga, að það þíðir að laun í landinu eru "virkilega lág."
2. Hugmyndin að reka "tollfrýsvæði" samhliða er því "snjöll" en Kínverjar sjálfir hófu sína efnahagsuppbyggingu, á því að setja upp "sérstök iðnsvæði" innan Kína, sem síðan stækkuðu og smám saman - síðan má segja að þau hafi tekið yfir Kína.
3. Mér virðist sannarlega vera tækifæri til þess, að setja upp verksmiðjur í Níkaragúa, til þess að "hagnýta lágu launin" sem -mjög líklega eru lægri en í Kína- til þess að framleiða ódýrar vörur, og koma þeim í skip - - með alla þessa skipatraffík í næstu nálægð.
4. Þá verða það væntanlega "fyrst og fremst" kínverskir fjárfestar er eiga og reka þessar verksmiðjur. Og ég á von á því, að þeirra - - persónulegi gróði geti verið heilmikill.

En hvað er þá í þessu - - fyrir kínversk stjórnvöld?

1. Höfum í huga mikilvægi Panamaskurðarins, fyrir Bandaríkin sem flotaveldis, en hann gerir þeim kleyft að færa flotaeiningar með hraði frá Atlantshafi yfir til Kyrrahafs. Panamaskurðurinn hefur því verið mjög mikilvægur kjarni fyrir flotaveldi Bandaríkjanna, ásamt að sjálfsögðu - - Súes skurðinum.
2. Mér virðist blasa við, að áhugi kínverskra stjórnvalda, sé - - hernaðarlegs eðlis. Þó svo að ég reikni ekki endilega með því, að kínverskar flotastöðvar spretti upp í höfnunum tveim, sem reknar verða á sitt hvorum enda Níkaragúa skurðarins, endilega alveg strax - - eða endilega á allra næstu árum eftir að hann verður kláraður.

Níkaragúa skurðurinn geri þá það sama fyrir kínversk stjórnvöld, sem Panamaskurðurinn hefur gert fyrir bandarísk stjórnvöld - - þ.e. að gera Kína það mögulegt að færa flotastyrk með hraði milli Kyrrahafs og Atlantshafs.

Daniel Ortega hafi ákveðið, að gerast "de facto" bandalagsríki Kína, í því framtíðar kalda stríði sem líklega mun skella á - á næstu árum.

En ef Kína er virkilega alvara með það - að ætla að storka veldi Bandaríkjanna í heiminum, þá verður Kína að gerast flotaveldi á heimshöfunum, a.m.k. langleiðina til jafns við Bandaríkin. En það eru yfirráðin á hafinu, sem er meginkjarninn í veldi Bandaríkjanna.

• Ég bendi á gamla færslu, þ.s. ég fjalla um framtíðar flotaveldi Kína, en í henni bendi ég á viðbótar atriði sem ég tel Kína þurfa að hrinda í verk, ef Kína ætlar sér að verða að risaveldi til jafns við Bandaríkin: Hvað ef hið raunverulega skotmark Kína er Tævan?

 

Niðurstaða

Mig grunar afskaplega sterklega að Wang Jing sé einungis framhlið fyrir kínversk stjórnvöld, þegar kemur að þeirri risaframkvæmd sem til stendur í Níkaragúa. Á hinn bóginn, þá hef ég alls engar efasemdir - að skurðurinn verði reistur. Wang Jing sé einungis hafður frammi, svo kínversk stjórnvöld geti -afneitað því- að koma nokkurs staðar nærri.

Að einhverju leiti, læddist svipaður grunur að manni, í tengslum við Huang Nubo. Á móti, þá blasti ekki endilega við mér - notagildi Grímsstaða landsins fyrir kínversk stjórnvöld, þ.e. langt frá sjó, samtímis hátt yfir sjó.

Afleiðing þess að skurðurinn verður reistur, tel ég verða þá að landið Níkaragúa verði líklega -de facto- kínversk hjálenda. Á móti þá sennilega verður útkoman af því alls ekki slæm fyrir landsmenn.

Þeir sennilega uppskeri verulega lyftistöng fyrir þeirra hagkerfi, sem og störf. Það sé langt í frá út í hött, að skurðurinn geti leitt til þess að landið verði að -miðstöð framleiðslu- sem hagnýtir sér lág laun í landinu.

Þannig byggist upp framleiðslu-iðnaður þar, sambærilegt við þá uppbyggingu er hófst fyrir nærri 30 árum í Kína. Þegar sá grunnur er kominn til - - þá verður síðar meir mögulegt að byggja frekar þar ofan á. Eins og gerst hefur í Kína.

Þetta land er enn þann dag fátækasta land Mið-Ameríku, fyrir utan Haiti. En í ákveðinni kaldhæðni, getur það verið að í þeirri fátækt liggi tækifæri, þegar skipaskurðurinn kemur til - - það hve launin séu lág, geri það mögulegt fyrir landið að verða miðja láglauna-iðnaðar.

Þú þarft alltaf að byrja einhvers staðar.

 

Kv.

Að baki þeirri grátbroslegu sögu, að N-Kórea er að hindra að grínmynd verði sýnd í kvikmyndahúsum, að N-Kórea hefur byggt upp öflugt hakkarateymi

Sjálfsagt hafa flestir frétt af því, að N-kóreanskt hakkarateymi á vegum hers N-Kóreu, virðist hafa brotist inn á vef Sony Pictures - stolið miklu magni af gögnum, þar á meðal handritum af óloknum myndum, persónuupplýsingum leikara, starfsmanna og lykilorð ásamt persónuupplýsingum notenda vefsins - - öllu dreift um vefinn.

En kannski er það áhugasamasta að þetta sýni fram á tilvist skipulagðs hakkarateimis N-kóreska hersins. Sumir sérfræðingar, eru hræddir við það fordæmi sem "Sony Pictures" hafi auðsýnt, með því að - - hætta að frumsýna myndina "The Interview."

Fyrir áhugasama, trailer á "The Interview" með Seth Rogen, myndin virðist fljótt á litið "skemmtileg vitleysa" - dæmi hver fyrir sig:

• "Testimony from North Korean defectors points to the development of a complex and highly organised cyber warfare capacity since 1998, when then leader Kim Jong-il reportedly ordered a vast expansion of computer education in the Korean People’s Army."
• "According to research by Kim Duk-ki, a South Korean navy officer, potential hackers are identified at around the age of 12 and subjected to years of high-level training before being assigned to specialised institutions and military units. "
• "“Being a hacker is a dream job for many young North Koreans because they are relatively well-paid and respected,” says Jang Jin-sung, a former North Korean government official who claims that hacking has become a significant source of foreign currency for the regime."

Ef þetta er rétt hjá Kim Duk-ki - - > Þá er N-Kórea farin að ástunda skipulagða glæpastarfsemi í fjárplógsskyni í gegnum vefinn.

Ekki bara það, að brjótast inn á síður til að - skemma.

En sjálfsagt ætti ekkert að koma manni á óvart með N-Kóreu, land sem viðheldur "skipulögðu þrælahaldi" í formi vinnubúða þ.s. miklum fjölda N-Kóreumanna er haldið bakvið gaddavír, rafmagnsgyrðingar með banvænum straumi, og vélbyssuhreiður - ásamt vörðum með skipanir um að skjóta til að drepa. Fólkinu þrælað þangað til að það megnar ekki meir, endar þar síðan ævina sennilegast.

Land þ.s. hundruð þúsunda létu lífið fyrir rúmum áratug, í hungursneið - landið viðheldur samt milljón manna her, eldflaugaprógrammi - smíðar eldflaugar sem geta flogið langleiðina til Bandaríkjanna, og ekki má gleyma kjarnorkuprógrammi - - samtímis að stór fjöldi íbúa er vannærður.

• Grínið er eiginlega - grátbroslegt; því þó að myndin slái bersýnilega öllu í grín.
• Þá er ljóst, að stjórnendur N-Kóreu eru að leitast við að gera allt sem þeir geta, til að hindra að grínmynd sem snýst um tilraun til að drepa leiðtoga N-Kóreu, verði sýnd.

• En fyrir þeim, er bersýnilega sjónarspilið tengt persónudýrkun á leiðtoganum - - dauðans alvara.

 

Niðurstaða

Ef það er kaldhæðni í tilraun N-Kóreu til að drepa myndina "The Interview" þá ef til vill liggur það í því, að með því að málið hefur komist á forsíður heims pressunnar, þá hefur myndin fengið gríðarlega ókeypis auglýsingu. Samtök leikara og leikstjóra, fjöldi manns í samfélaginu - hafa að auki mótmælt því að "hætt sé við að sýna myndina" í bíóhúsum yfir jólahátíðina.

Það er aldrei að vita, nema að öll þessi "óvænta auglýsingaherferð" verði til þess að eigendur kvikmyndahúsa. Komist yfir hræðsluna yfir hótunum N-Kóremanna, um að ráðast að vefjum kvikmyndahúsa þeirra - - þegar þeim líklega verður ljóst að öll þessi kynning mun sennilega auka mjög aðsókn, þannig þeirra gróða af sýningu "The Interview."

 

Kv.