Ætla að spá, Úkraínustríð standi enn yfir við lok 2025! Mér virðist sennilegt, tilraunir Trumps til samninga, renni út í sand - í staðinn standi Trump við að halda stríðinu áfram, er hann metur Pútín ekki vilja frið - held mál fari þannig!

Staðan í stríðinu við árslok er sú:

• Rússland hefur hernumið ca. 3400 ferkílómetra lands, sl. 12 mánuði.

Sem er ca. 2-falt það land Rússland tók, 2023.
Hinn bóginn, eru enn milli 7 og 8 þúsund ferkílómetrar eftir af Donetsk héraði.
Sóknarhraði Rússa hefur skv. því verið ca. 2-falt meiri en árið á undan!
Á Vuhledar svæðinu, var sóknarhraði Rússa ca. 3-faldur fyrstu 2 mánuðina eftir fall Vuhledar.
Sú víglína hefur verið erfiðasta víglína Úkraínuhers, síðan Vuhledar féll.

1. Hinn bóginn eru sögur um, hrun, íkjukenndar.
2. Árétta, að talið er að mannfall Rússa í Nóvember 2024 hafi verið 45þús. fallnir og særðir.

Nóvember er talinn mánuðurinn þ.s. mannfall Rússa náði hámarki.
Sl. 6 mánuði, hefur meðalmannfall Rússa verið áætlað:

• 100þ. fallnir og særðir meðtali hverja 3 mánuði.
• m.ö.o. 200þ. sl. 6 mánuði.

Heildarmannfall Rússa 2024 er líklega yfir 300.000 föllnum og særðum.
M.o.ö. hafa Rússar náð fram 2-földum sóknarhraða, með gríðarlegu mannfalli.
Mesta mannfalli stríðsins alls hingað til.
--Heildarmannfall Rússa frá Febr. 2022 metið, 700þ. fallnir og særðir af PENTAGON.

1. Sagan sem þetta segir, er að -- Úkraínuher verjist af gríðarlegri hörku.
2. Að hver einasti ferkílómetri lands sem Rússar taka, kosti heilu tjarnirnar af blóði.

Augljóst skv. þessu, að -- Úkraínuher er ekki á barmi hruns.
Né er að sjá merki þess að hruns þess hers sé augljóslega yfirvofandi.
Sannarlega er Úkraínuher undir gríðarlegum þrýstingi.
Hinn bóginn, er ekki sem að -- Rússaher hafi ekki beðið mikið tjón á móti.

Varðandi hrun: Sáum við dæmi um slíkt. Þegar Sýrlandsstjórn féll á ca. 12 dögum.

Luhansk víglínan - 24. Febrúar 2024

Skoðum sömu víglínu í árslok 2024

Eins og sjá má, er meginsókn Rússa, sunnarlega, þó sjá megi eitthvað nart í víglínu Úkraínu norðar, má samt segja að þessi víglína hafi lítið breist að öðru leiti.
--En á svæðinu sunnan þ.s. sjá má sókn Rússa í átt að, Kramatorsk.

Donetsk víglínan 24. Febrúar 2024!

Sama víglína undir lok árs, 2024!

Eins og sést, er nær öll breytingin á víglínum í Úkraínu, í Donetsk.

• Bardagar um Toretsk hafa staðið nær allt árið, Rússar náð ca. 2/3 af þeim bæ.
  Allt hlýtur þar að vera nú í rjúkandi rúst.
• Chasiv Yar, stendur enn, eftir heilt ár af bardögum -- Úkraínumenn ráða enn, ca. 3/4 hlutum þess bæjar.
• Pokrovsk, er enn 100% á valdi Úkraínu, rétt Norðan við stóru deildina í víglínu Úkraínu, framan við Donetsk borg.

Kursk víglínan, undir lok árs 2024

Mánuðir liðnir síðan Rússar hófu gagnsókn á svæðinu -- myndin sýnir mestu útbreiðslu Úkraínuhers í héraðinu, samtímis að sýna hvar áætlað er að víglínan liggi þann 30/12.
Margir töldu að Úkraínumenn yrðu hratt hraktir í burt. Annað hefur komið í ljós.

1. Hefur Úkraína grætt á innrás í Rússland?
2. Engin leið að vita með vissu:
   
   Ég hef heyrt þá hugmynd, að innrásin í Kursk.
   Hafi komið í veg fyrir, að Rússar sjálfir opni nýjar víglínur í Úkraínu.
   M.ö.o. lið sem Rússar hafi ætlað að nýta til slíks.
   Hafi þess í stað verið bundið í bardögum við Úkraínuher, innan Rússlands.

Þessu hefur Zelensky haldið fram: Engin leið að vita hvort þ.e. rétt.

Víglína í Kharkiv héraði þ.s. Rússar gerðu atlögu á fyrri hluta árs, 2024.

1. Hinn bóginn, hefur Rússland ekki gert neinar nýjar innrásir í Úkraínu!
2. Síðan Úkraínuher hóf innrás sína í Rússland, í Kursk héraði.

Sem er ekki endilega sönnun þess Zelensky hafi á réttu að standa.
Þó það klárlega mæli ekki gegn þeim möguleika að hann fari með rétt mál.

Eru vopnabirgðir Rússa að klárast?
Við upphaf árs var bent á að -- mikilvægar vopnabirgðir væru minnkaðar ca. um 1/3.
Sjáum hver staða þeirra vopnabirgða er við árslok 2024.

Hlekkur á upplýsingar: https://docs.google.com/spreadsheets/d/1FnfGcdqah5Et_6wElhiFfoDxEzxczh7AP2ovjEFV010/edit?gid=0#gid=0 ; https://x.com/Jonpy99/status/1870922407625802232. Virkar einungis fyrir þá er hafa Google account.

Upplýsingarnar eru á grunni gerfihnatta-eftirlits:

• T55...........166 vs. 313: 53%.
• T62..........1077 vs. 1897: 57%
• T64...........652 vs. 752: 87%.
• T72 Ural As...909 vs. 1142: 80%.
• T72B..........433 vs. 1478: 29%.
• T80B/V........104 vs. 1455: 7%.
• T80U/Uds......180 vs. 193: 93%.
• T90...........112 vs. 0: 0%.
• Meðtaltals minnkun: 48%.

• BMP 1/2/3....3668 vs. 6934: 53%.
• BMD...........242 vs. 602: 40%.
• Meðtaltal: 52%.

• BTR 60/70/80...2371 vs. 3673: 65%.
• MT-LB...........404 vs. 3695: 11%.
• BTR-50..........40 vs. 119: 34%.
• BRDM-2s........978 vs. 1314: 74%.
• MT-LBus........911 vs. 1606: 57%.
• Meðtaltals minnkun: 45%.

• Mortars.......2924 vs. 0: 0%.
• Towed Small...3033 vs. 6067: 50%.
• Towed Medium..2302 vs. 4776: 48%.
• Towed Large...845 vs. 2420: 35%.
• SPG...........2627 vs. 4662: 56%.
• MLRS...........304 vs. 1518: 20%.
• Towed AA.......531 vs. 1010: 53%.
• Meðtaltals minnkun: 41%.

Margir telja að megnið af eldri tækjunum - enn eftir í úti-geymslum.
Séu líklega ónýt. Þó tölur frá gerfihnöttum gefi í skyn fj. slíkra tækja.
--Séu þau ólíkleg að verða tekin til notkunar.

Ástand tækjanna er að sjálfsögðu stóra óvissan:

1. Þeir sem meta hlutfall þess eftir er, hátt ónýtt.
   Búast við jafnvel að Rússar klári vopnabirgðir mikið til, 2025.
2. Aðrir, sem leggja varlegra mat á hvert hlutfall ónýts er.
   Telja að Rússar klári megin vopnabirgðir sínar, 2026.

Málið er að allt þetta hefur verið varðveitt fyrir opnu.
Því veðrast - veðrun er af margvíslegu tagi, sbr. ryð, ónýt gúmmí, fastir mótorar og vélar.

• Þar fyrir utan, nota rússn. herinn líklega útibyrgðirnar sem, varahluta-lager.
  Vegna fj. gamallra tækja enn í notkun, ekki verið framleidd í áratugi.
• Myndirnar geta ekki metið, fj. þeirra tækja - þ.s. mikilvægir hlutir hafa verið fjarlægðir.

Eigin framleiðsla Rússa á tækjum er óveruleg. 80-90% af skilgreindri framleiðslu Rússa.
--Er skv. staðfestum heimildum, viðgerðir á eldri tækum sem tekin eru til notkunar úr, útigeymslum.

Auðvitað eftir því sem hratið er meira mæli eftir, er sífellt erfiðara að redda nothæfum tækjum.
--Krefst sífellt meiri fyrirhafnar - geri ég ráð fyrir. Þar til að - tilraunir til slíks verða tilgangslitlar.

 

 

Niðurstaða
Ég hef fylgst með Donald Trump síðan hann náði kjöri. Ég hef komist að þeirri niðurstöðu. Hann ætli að skilja eftir -- sjálfstæða Úkraínu. Hefur einungis boðið - 10 ára tryggingu fyrir engri NATO aðild.

Meðan að, kröfur Rússa eru -- nær fullkomin afvopnun Úkraínu. Og að rússn. stjv. ráði því sem þau vilja ráða í landinu. M.ö.o. krafa þess að Trump afsali algerlega tilkalli til Úkraínu, fyrir hönd Vesturlanda.

Greinilega er gjáin milli hugmynda Trumps það víð. Að samkomulag virðist ósennilegt.
Því, geri ég nú ráð fyrir - áframhaldandi stríði. Það haldi áfram hugsanlega 2 ár til viðbótar.

Ég er á því að úhald Rússlands sé ekki endalaust. Ekki seinna en 2026 sé alvarlegur skortur margra vopnakerfa. Ef maður gefur sér að Trump haldi stuðningnum áfram enn á þeim punkti.

Gæti komið allt annað samnings-tilboð frá Rússlandi seinni part 2026.
---------------
Gleðilegt nýtt ár til allra.

PS: Institute For Study of War: 

• Áætlar heildar-sóknar-árangur Rússa 2024: 4.200 ferkm. 
  Með því að taka tillit til þess, að Úkraína hefur misst ca. helming yfirráðasvæðis síns í Kharkiv í Rússlandi - síðan Rússlandsher hóf gagnsókn þar fyrir mánuðum síðan.
• Heildar-sóknar-árangur Rússa innan Úkraínu einnar, enn metinn ca. 3.400 ferkm. sbr. ofan.
• Úkraínuher staðhæfir nú, heildarmannfall Rússa látnir og særðir, 2024 hafi verið: 420.000.

 

Kv.

Jólakveðjur til allra, ósk um velfarnað fyrir nýja ríkisstjórn -- viðurkenni að ég á pínu erfitt með að sjá hvernig stjórnin ætlar að ná utan um fjármögnun dýrustu kosningaloforða a.m.k. á þessari öld, með tekjuskattshækkanir fyrirfram útilokaðar!

Á nýju ári hefur ný ríkisstjórn sín verk, þá væntanlega kemur fram hvaða leiðir hún hyggst fara í fjármögnun -- dýrustu kosningaloforða þessarar aldar.
Afar áhugavert að ný ríkisstjórn hafi starfsferil með eiginlega allt á huldu með fjármögnun verka sinna -- sérstaklega í ljósi þess, að einn 3rja stjórnarflokka; er andvígur skattahækkunum.
Maður hefur pínu á tilfynningu, að ágreiningsmálum hafi pent verið sópað undir teppi.
En stefnuskráin, almennt stuttorðuð, inniheldur markmið er hljóma sannarlega óskaplega kostnaðarsöm -- má eiginlega kalla það, yfirlýsingu um að laga alla hluti.
--Svipað og er Donald Trump lýsti því strax yfir í sigurræðu, ég geri allt gott.

Sáttmáli nýrrar ríkisstjórnar!

Texti sameiginlegrar yfirlýsingar, óstyttur:

Ný ríkisstjórn gengur samstíga til verka.

Fyrsta verk er að ná stöðugleika í efnahagslífi og lækkun vaxta, með styrkri stjórn á fjármálum ríkisins.

Um leið mun ríkisstjórnin rjúfa kyrrstöðu og vinna að aukinni verðmætasköpun í atvinnulífi.

Lífskjör landsmanna verða bætt með samstöðu um þessi verkefni. En fleira þarf til. Ríkisstjórnin setur húsnæðisöryggi fólks í forgang með bráðaaðgerðum og kerfisbreytingum til lengri tíma. Þá verður gripið til aðgerða til að uppræta fátækt og lyfta greiðslum almannatrygginga til tekjulægri lífeyrisþega.

Ríkisstjórnin hyggst einfalda stjórnsýslu og hagræða í ríkisrekstri. Í því efni verður stigið fram af festu strax í upphafi kjörtímabils. Samhliða því mun ríkisstjórnin fjárfesta í innviðum til að auka verðmætasköpun og efla heilbrigðis- og velferðarþjónustu um land allt.

Sérstaklega verður hugað að íslenskri tungu, menningu og náttúru til að varðveita og styrkja sjálfsmynd þjóðar. Mannréttindi og virðing fyrir fjölbreytileika verða leiðarstef og leitast verður við að skapa breiða sátt um þau málefni sem skipta þjóðina mestu.

Markmiðum sínum hyggst ríkisstjórnin ná með eftirfarandi aðgerðum:

1. Með því að ná stjórn á fjármálum ríkisins og skapa skilyrði fyrir lækkun vaxta, m.a. með stöðugleikareglu og stöðvun hallareksturs. Eitt af forgangsverkefnum nýrrar ríkisstjórnar verður að hagræða, einfalda stjórnsýslu og sameina stofnanir. Á sama tíma hyggst ríkisstjórnin bæta skattskil, loka glufum og fækka undanþágum í skattkerfinu.
2. Með mótun auðlindastefnu um sjálfbæra nýtingu og réttlát auðlindagjöld sem renni að hluta til nærsamfélags. Ríkisstjórnin mun hafa forgöngu um að samþykkt verði ákvæði í stjórnarskrá um auðlindir í þjóðareign.
3. Með því að auka fjárfestingu í samgöngum og hefja kraftmiklar framkvæmdir um land allt. Ríkisstjórnin mun rjúfa kyrrstöðu í jarðgangagerð og vinna á viðhaldsskuld í vegakerfinu. Ráðist verður í mikilvægar úrbætur í samræmi við samgöngusáttmála höfuðborgarsvæðisins til að greiða fyrir umferð á stofnvegum, efla almenningssamgöngur og styðja við fjölbreytta ferðamáta. Hafist verður handa við framkvæmd Sundabrautar og verkefnið fjármagnað með innheimtu veggjalda.
4. Með bráðaaðgerðum til að fjölga íbúðum hratt og kerfisbreytingum sem miða að jafnvægi á húsnæðismarkaði. Ríkisstjórnin mun beita sér fyrir því að fleiri íbúðir nýtist sem heimili fólks, m.a. með breyttum reglum um skammtímaleigu, auk þess að liðka fyrir uppbyggingu á færanlegum einingarhúsum og umbreytingu atvinnuhúsnæðis í íbúðir. Ríkislóðir verða nýttar til uppbyggingar, regluverk einfaldað í mannvirkja- og skipulagsmálum og stigin skref til að minnka vægi verðtryggingar. Hlutdeildarlán verða fest í sessi með skilvirkari framkvæmd, staða leigjenda styrkt og stutt við húsnæðisfélög án hagnaðarsjónarmiða. Þá vill ríkisstjórnin hvetja til aðkomu lífeyrissjóða að húsnæðismarkaði og til byggingar á nýjum íbúðahverfum, svo sem með heildstæðum samningum við sveitarfélög um lóðaframboð og innviðauppbyggingu.
5. Með atvinnustefnu sem stuðlar að sjálfbærum vexti atvinnugreina, aukinni framleiðni og heilbrigðum vinnumarkaði. Ný ríkisstjórn hyggst taka fast á félagslegum undirboðum, m.a. með því að herða eftirlit með starfsmannaleigum, innleiða keðjuábyrgð í stærri verklegum framkvæmdum, efla heimildir til vinnustaðaeftirlits og lögfesta skýrari refsiákvæði vegna vinnumansals.
6. Með aðgerðum til að auka orkuöflun, styrkja flutningskerfi og bæta orkunýtni þannig að stutt verði við orkuskipti og verðmætasköpun um allt land. Ferli leyfisveitinga verður einfaldað, tímafrestir lögbundnir og verkefni í nýtingarflokki rammaáætlunar látin njóta forgangs í stjórnsýslu orkumála. Ríkisstjórnin mun vinna að breiðri sátt um lagaumgjörð vindorkunýtingar og sjá til þess að stærri hluti tekna af orkumannvirkjum renni til nærsamfélags. Raforkulögum verður breytt til að tryggja forgang heimila og almennra notenda.
7. Með markvissum loftslagsaðgerðum svo að Ísland nái kolefnishlutleysi fyrir árið 2040 og verði áfram í fremstu röð í baráttu gegn hnattrænni hlýnun. Ríkisstjórnin mun ýta undir orkuskipti í samgöngum og iðnaði, vinna gegn losun frá landi og greiða götu tæknilausna og nýsköpunar á sviði loftslagsmála. Þá verður stutt við líffræðilega fjölbreytni og ráðist í aðgerðir til að vernda hafsvæði og ósnortin víðerni.
8. Með því að stöðva strax kjaragliðnun launa og lífeyris og stíga stór skref til að uppræta fátækt. Ríkisstjórnin mun hækka örorku- og ellilífeyri á hverju ári til samræmis við hækkun launavísitölu en þó aldrei minna en verðlag. Almennt frítekjumark ellilífeyris hækkar í skrefum upp í 60 þúsund krónur á mánuði, tekið verður upp frítekjumark ellilífeyris vegna vaxtatekna og dregið úr skerðingum lífeyris vegna atvinnutekna. Sérstökum hagsmunafulltrúa eldra fólks verður falið að standa vörð um réttindi þess. Bundið verður í lög að aldursviðbót á lífeyri öryrkja haldist ævilangt. Þá verður gripið til frekari aðgerða til að bæta grunnframfærslu tekjulágra lífeyrisþega umfram vísitöluþróun. Við innleiðingu á nýju örorkulífeyriskerfi verður litið til þess að tryggja sjálfstæði og afkomuöryggi öryrkja.
9. Með því að lögfesta samning Sameinuðu þjóðanna um réttindi fatlaðs fólks og fjármagna þann fjölda samninga um notendastýrða persónulega aðstoð (NPA) sem gefin hafa verið fyrirheit um. Stofnaður verður aðgengis- og aðlögunarsjóður til að styrkja fatlað fólk til breytinga á húsnæði. Stutt verður við atvinnuþátttöku fatlaðs fólks og hugað sérstaklega að stöðu þess í menntakerfinu.
10. Með því að vinna að fjölbreytni í atvinnulífi, sterku samkeppniseftirliti, öflugri neytendavernd og hagstæðum rekstrarskilyrðum fyrirtækja. Ríkisstjórnin hyggst auka skilvirkni í samskiptum fyrirtækja og hins opinbera. Áfram verður stutt við vöxt hugverkaiðnaðar, nýsköpunar og tækni. Unnið verður að skýrri lagaumgjörð um gervigreind.
11. Með því að stuðla að verðmætasköpun, öryggi og álagsstýringu í ferðaþjónustu. Vinsælustu ferðamannastaðir landsins eru í eigu þjóðarinnar og ríkisstjórnin hyggst taka upp auðlindagjald fyrir aðgang ferðamanna að náttúruperlum Íslands. Á meðan unnið er að útfærslu verða innheimt komugjöld.
12. Með því að ýta undir vöxt og verðmætasköpun í matvælaframleiðslu. Í sjávarútvegi verða gerðar auknar kröfur um gagnsæi í eignarhaldi og skerpt á skilgreiningu tengdra aðila. Ríkisstjórnin mun tryggja 48 daga til strandveiða. Gripið verður til aðgerða til að efla nýsköpun í landbúnaði, auðvelda nýliðun og kynslóðaskipti og draga úr orkukostnaði garðyrkjubænda. Jarðalögum verður breytt til að vinna gegn samþjöppun og stuðla að nýtingu á ræktarlandi til búrekstrar. Ríkisstjórnin mun styrkja lagaumgjörð fiskeldis til að sporna gegn neikvæðum áhrifum á lífríki og innleiða hvata til eldis á ófrjóum laxi og til eldis í lokuðum kvíum.
13. Með því að styðja við listir og menningu með myndarlegum hætti. Lögð verður áhersla á að auka aðgengi landsmanna að menningarlífi óháð efnahag og búsetu. Ríkisstjórnin mun hlúa að íslenskri tungu og menningararfi þjóðarinnar og leitast við að auka enn frekar útflutning og verðmætasköpun í skapandi greinum.
14. Með fjárfestingu sem styrkir stoðir heilbrigðis- og öldrunarþjónustu um land allt. Ríkisstjórnin mun leiða þjóðarátak í umönnun eldra fólks, m.a. fjölga hjúkrunarrýmum og efla heimahjúkrun, og vinna að þjóðarmarkmiði um fastan heimilislækni fyrir alla landsmenn. Sérstök áhersla verður lögð á að stytta biðlista barna, auka aðgengi að geðheilbrigðisþjónustu og fjármagna meðferðarúrræði vegna fíknivanda. Skipulega verður dregið úr skriffinnsku í heilbrigðiskerfinu með hagnýtingu tækni og nýsköpunar. Áfram verður stuðst við fjölbreytt rekstrarform þó að þungamiðja þjónustunnar verði í opinberum rekstri.
15. Með því að hefja sókn í menntamálum og bæta umhverfi nemenda og kennara. Lögð verður áhersla á íslenskukennslu, læsi og aðgengi að fjölbreyttum námsgögnum. Styðja þarf skólakerfið til að mæta áskorunum, tryggja inngildingu barna sem ekki hafa íslensku að móðurmáli og snemmtæka íhlutun fyrir börn með fjölþættan vanda. Framhaldsskólar og háskólar fá stuðning til að efla menntun, nýsköpun og aðgengi um allt land, auk þess sem hugað verður sérstaklega að iðn- og verknámi, sí- og endurmenntun og raunfærnimati. Ríkisstjórnin hyggst móta ungmennastefnu og beita sér fyrir jöfnu aðgengi allra barna að íþróttum, listum og frístundastarfi. Skoðað verður hvort setja eigi samræmdar reglur um notkun snjalltækja og samfélagsmiðla í skólum.
16. Með því að leggja áherslu á jafna stöðu og jöfn réttindi allra, standa með jaðarsettum hópum og uppræta rótgróna fordóma í samfélaginu, m.a. með jafnréttis- og hinseginfræðslu. Áfram verður unnið að því að leiðrétta kerfisbundið vanmat á virði kvennastarfa. Ríkisstjórnin einsetur sér að vinna gegn sundrung og tortryggni og byggja undir traust og samheldni í íslensku samfélagi.
17. Með því að innflytjendur fái tækifæri til að læra íslensku og taka virkan þátt í samfélaginu. Ríkisstjórnin vill gæta samræmis við reglur nágrannaríkja á sviði útlendingamála og styrkja stjórnsýslu til að tryggja mannúðlegt og skilvirkt móttökukerfi fyrir umsækjendur um alþjóðlega vernd. Heimilt verður að afturkalla alþjóðlega vernd og brottvísa fólki sem fremur alvarleg afbrot eða ógnar öryggi ríkisins.
18. Með því að auka öryggi almennings og fjölga verulega lögreglumönnum á kjörtímabilinu. Tekið verður fast á skipulagðri glæpastarfsemi, netbrotum, mansali og kynbundnu ofbeldi. Samhliða þessu verða aðrir þættir réttarkerfisins styrktir til að tryggja hraða og örugga málsmeðferð.
19. Með því að bæta samskipti ríkis og sveitarfélaga og treysta stoðir hinna dreifðu byggða. Áhersla verður lögð á jafnt aðgengi að heilbrigðisþjónustu og annarri opinberri þjónustu, óháð búsetu. Unnið verður að eflingu fjarskiptainnviða á landsbyggðinni og frekari skref stigin til jöfnunar á dreifikostnaði raforku.
20. Með breytingum á fæðingarorlofskerfinu til að styrkja afkomuöryggi fjölskyldna. Tryggt verður að tekjulægri foreldrar haldi óskertum tekjum í fæðingarorlofi. Ríkisstjórnin mun hækka fæðingarstyrki námsmanna og fólks utan vinnumarkaðar og bæta hag fjölburaforeldra og þeirra sem veikjast í kjölfar fæðingar eða á meðgöngu. Þróun barnabóta verður komið í fastar skorður svo að fjárhæðir fylgi launaþróun og stuðningur haldist stöðugur.
21. Með því að vinna áfram með Grindavíkurbæ og framkvæmdanefnd um málefni Grindavíkur að viðunandi lausn fyrir sveitarfélagið og íbúa þess, atvinnurekendur og fasteignaeigendur.
22. Með breytingu á kosningalögum til að auka jafnræði í atkvæðavægi og þingsætadreifingu.
23. Með utanríkisstefnu sem byggir á mannréttindum, friði, virðingu fyrir alþjóðalögum og náinni samvinnu við Evrópusambandið, önnur norræn ríki og Atlantshafsbandalagið. Mótuð verður öryggis- og varnarmálastefna. Þjóðaratkvæðagreiðsla um framhald viðræðna um aðild Íslands að Evrópusambandinu fer fram eigi síðar en árið 2027. Í upphafi kjörtímabilsins verður óháðum erlendum sérfræðingum falið að vinna skýrslu um kosti og galla krónunnar og valkosti Íslands í gjaldmiðlamálum.

Hvers vegna að stytta hann, að hann er ekki það íkja langur.

 

Það eru tvenns konar ríkisstjórnir er birta stutta stjórnarsáttmála!

1. Ríkisstjórnir er samanstanda af flokkum er eru nánast sammála um alla hluti - því ekki ástæða að reikna með umtalsverðum ágreiningi.
2. Ríkisstjórnir sem líklega eru ósammála um flesta hluti - því djúp gjá liggur milli flokkanna um markmið og leiðir að þeim markmiðum.

Fyrri týpan líklega klárar sitt kjörtímabil, tímabil er líklega verður fremur leiðinlegt því slík stjórn líklega starfar án þess að vera mikið í fréttum.
Meðan að seinni týpan verður við stjórn sé óhætt sennilega að reikna með að hún verði nánast stöðugt í fréttum - því stöðugt þurfi langar, erfiðar umræður um alla hluti, vegna gjár milli flokkanna megi líklega treysta því, einstakir þingmenn -- tjái sig reglulega í fjölmiðlum, meðan forstöðumenn leitast við að halda andlitinu út á við.

• Mér finnst við vera að sjá líklega endurtekningu síðustu ríkisstjórnar, öfugt mix - tveir vinstriflokkar vs. einn hægri-flokkur, en sama gjá milli aðila.

1. Eina er liggur fyrir um fjármögnun, er hugmyndin um auðlyndagjöld.
2. Hinn bóginn, sbr. yfirlýsinguna að ofan, efa ég stórfellt sú fjármögnunarleið dugi.

Ferðamennskunni gæti hnignað hratt, ef á hana er hent of miklum kostnaði!
Almennt séð er það fólk er hingað kemur, ekki milljarðamæringar eða verulega auðugt.
Flest virðist það, venjulegt fólk er hafi sparað fyrir frýinu sínu af launatekjum.
Ef Ísland verður of dýrt fyrir það, ferðast það -- annað!

Ýmsir hafa bjartsýnar hugmyndir hvað sé hægt að sækja í sjávarútveg!
Hinn bóginn eru auðugu fyrirtæki í greininni - örfá. Meðan flest eru ekki með mikið aukafé.
Miklar kostnaðarhækkanir, gætu leitt til minni endurnýjunar skipakosts, sparnaðar-aðgerða fyrirtækjanna er líklega leiddu til fækkunar starfa, lokana vinnsla.

• Umsvif í báðum greinum samtímis gætu farið í minnkun.
  Er gæti leitt til þess að gjöld skili miklu mun minna fé.
• Vinstrimenn eru þekktir fyrir að vanmeta áhrif gjaldahækkana á atvinnuvegi.

Ætla þó ekki fyrirfram að spá henni misfarnaði.
Þó að ég bendi á augljósar glufur í yfirlýsingu flokkanna 3ja.

 

Niðurstaða
Jólakveðjur til allra, vona nk. ár verði öllum gott.
Endurtek, velfarnaðaróskir til nýrrar ríkisstjórnar.
Þó sannarlega eigi það við að það verður mjög forvitnilegt að komast að því.
Hvaða leiðir skal fara til að fjármagna dýrustu markmiðsyfirlýsingu þessarar aldar.
Þar eð, sbr. bent á að ofan, tekjuskattshækkanir eru fyrirfram útilokaðar.
Og ég efa að þær hugmyndir reifaðar eru, séu nokkurs staðar nærri því að duga.
Bilið milli flokkanna sem vart virðist minna en milli flokka síðustu ríkisstjórnar.
Bendir ekki til rólegs stjórnarheimilis. Óhætt virðist að spá drama á stjórnarheimilinu.

 

Kv.

Mögnuð atburðarás hefur leitt til falls, Bashar al-Assads, forseta Sýrlands -- á 10 dögum! Fall Assads virðist hliðarverkan af stríði Ísraels við Hesbollah, virðist sanna Assad var íranskur puppet seinni árin!

Abu Mohamman al-Jilani, er leiðtogi, Hayat Tahrir al-Sham (HTS) hreyfingarinnar er hefur kollvarpað Assad stjórninni síðan atlaga hreyfingarinnar hófst 28. nóv. sl.
Áhugavert að atlaga hreyfingarinnar hefst, daginn eftir að vopnahlé Ísraels og Hesbollah.

Abu Mohamman al-Jilani - vill verða nýr forseti Sýrlands

Maður með afar skrautlegan feril - Bandaríkin hafa 10 milljón dala bounty á al-Jilani. al-Jilani er fæddur í Sýrlandi, en gerðist róttækur múslimi vegna innrásar Bandaríkjanna í Írak. Hann náði háum metorðum innan al-Qaeda hreyfingarinnar er barðist við her Banaríkjanna innan Íraks. Hann er einn af þeim er var um tíma handtekinn innan Íraks, síðar einhverra hluta vegna sleppt. Síðar fór hann milli róttækra hreyfinga - m.a. um tíma meðlimur af Islamic State innan Sýrlands -- eftir að borgarastríðið í Sýrlandi fer af stað 2011.
Hinn bóginn, ef marka má frásagnir af ævi al-Jilani, gerðist hann ósáttur við hugmyndir Islamic state um - hnattræna íslamska byltingu - vildi þess í stað, einblýna á móðurland sitt, Sýrland.
Hann stofnar síðar eftir að hafa yfirgefið ISIS -- HTS hreyfinguna.
Sú hreyfing eftir eyðileggingu ISIS var síðan sterkasta einstaka hreyfingin innan svokallaðrar uppreisnar, eftir að -- svokallaði, Frjálsi Her Sýrlands, var nánast alfarið eyðilagður kjölfar bardagan um borgina Aleppo.
--Ég er ekki með skýringu á 10 milljóna bounty Bandar. - gæti tengst því hann var um tíma í ISIS.

1. 28 nóvember var það fyrsta er heyrðist um árás HTS -- einungis 2 dagar síðan liðu, og borgin Aleppo var fallin, önnur stærsta borg Sýrlands - 2,2 millj. íbúa fyrir borgarastríð.
   Það virtist að hermenn Assad stjórnarinnar, gæfust upp nánast bardagalaust, eða að þeir flýðu og hentu frá sér vopnum -- einhverjir þeirra hörfuðu.
   Á þeim fyrstu dögum, náði HTS einnig fjölda smærri byggðalaga, sem og mikilvægum herflugvelli, er m.a. var notaður af her Rússa.
2. 4. des HTS komið að hliðum Hama, 4 stærsta borg Sýrlands - daginn eftir, 5. des hefur lið Sýrlandsstjórnar hörfað frá borginni.
   Og leiftursókn HTS heldur áfram.
3. 6. des er HTS að nálgast Homs. Í örvæntingu er brú yfir á, sprengd. Er virðist ekki hafa dugað til.
4. Borgin Homs er tekin síðan 7. des. Sú borg var síðasta hindrunin að sókn til Damascus.
5. 8. Des einungis degi síðar, er stjórn Sýrlands fallin -- myndir hafa birst af almenningi ganga um forsetahöll Assads, rænandi og ruplandi.

Það sem er áhugavert við þessa atburðarás -- er að varnir Assads eru nánast engar.

• Það er eins og að -- eyðilegging Ísraelshers á her Hesbollah innan Sýrlands.
• Hafi einnig leitt til falls Sýrlandsstjórnar.

Þannig virðist sannað, að þ.s. mig grunaði - að Assad væri ekkert annað en íranskur leppur, var rétt - þ.e. leppur eftir að Íran og Rússland eru sögð hafa bjargað Assad frá falli.
--En í raun og veru virðist hann hafa fallið, verið minnkaður niður í nafnið eitt.

HTS liði, í forsetahöll Assads - Damascus.

Rænt og ruplað í forsetahöll Assads, Damascus

Spurning um hlutverk Tyrklands!
HTS herinn virðist hafa nálgast 30þ. - Erdogan virðist hafa látið HTS fá vopn úr vopnabúrum Tyrklandshers - gömul vopn, sannarlega. Einhver hefur augljóslega fjármagnað hreyfinguna þau ár sem HTS -- stjórnaði Idlib svæðinu í Sýrlandi.
--Skv. fréttum í dag, fagnar Erdogan falli Assads.

Skv. al-Jilani, þá notaði hann árin á milli vel þ.e. endurskipulagði her hreyfingarinnar, setti upp þjálfunarbúðir, er marka má þá frásögn - skipulag breska hersins sem fyrirmynd. Sagt að hreyfingin hafi komið sér upp hæfni til að smíða eigin dróna. Meira að segja eigin eldflaugar.
Hann segist hafa rætt við hópa innan Sýrlands -- áður en hann hóf árás HTS.

1. Mig grunar það síðasta sé trúverðugt.
2. Því að í borgarastríðinu - myndaði Assad bandalag við minnihlutahópa innan Sýrlands.
   Þegar HTS hefur árás sína -- virtist enginn þeirra hópa, taka upp hanskan fyrir Assad.
   Hóparnir virðast hafa yfirgefið Assad.
3. Al-Jilani segist hafa lofað - minnihlutahópunum því, hann muni stjórna Sýrlandi, sem forseti alls landsins -- ekki einungis múslima.

Hafandi í huga það augljósa - að enginn virtist standa með Assad.
Verð ég að gera ráð fyrir því, að al-Jilani fari ekki með íkjur.
---------
Hann hafi vissulega samið við hópana er byggja Sýrland.
Sannfært þá um að vera hlutlausir.

A.m.k. er eitt ljóst af fréttum, að HTS hreyfingin -- hefur sjáanlega ekki farið harkalega með minnihlutahópa t.d. kristna, eftir töku Aleppo, þ.s. margir kristnir búa.
Hinn bóginn, eru þetta - early days - al-Jilani gæti sínt annað andlit.
Hinn bóginn, er 30þ. manna her, ekki nægur til að stjórna landinu, í andstöðu við fjölmenna hópa.

Þeir mundu t.d. strax lenda í miklum vanda, ef það hæfust fjölmenn mótmæli í t.d. Aleppo.

• Punkturinn er sá, ástandið er greinilega brothætt.

Þó al-Jilani hafi nú kjarnahéruð Sýrlands, stórum hluta.

1. Ath. HTS hefur ekki enn, Ladakia hérað þ.e. Miðjarðarhafsströnd Sýrlands. Alavar er byggja ströndina, gætu haldið henni lengi gegn HTS.
2. Rússar hafa flotastöð í Ladakia héraði, þeir gætu líklega stutt við Alava.

M.ö.o. þarf al-Jilani í kjölfarið líklega að semja við -- íbúa Ladakia héraðs.
Á móti er athyglisvert - að Alavi fólkið, en Assad er Alavi, kom Assad ekki til aðstoðar.
Það getur þítt, að -- al Jilani hafi séns til að ná til sína Ladakia héraði án átaka.

• Hvað kemur fyrir flotastöð og herflugvöll Rússa í Ladakia héraði, kemur í ljós.

 

Niðurstaða
Stríð Ísraels gegn Hesbollah - virðist hafa kollvarpað Assad einnig.
Með því að eyðileggja her Hesbollah innan Sýrlands, greinilega kollvörpuðu Ísraelar valdajafnvægi því er var til staðar innan Sýrland, eftir að borgarastríðið í Sýrlandi virtist hafa endað með sigri Írans og Rússlands.

Fall Assads verður að skoða sem, Íranskan ósigur. Hugsanlega einnig, sem rússneskan.
Hinn bóginn á eftir að koma í ljós, hvað -- al-Jilani, nýr leiðtogi Sýrlands gerir.
Hann stjórnar ekki enn, er þessi orð eru skrifuð, Ladakia héraði þ.e. strandsvæðum Sýrlands.
En þ.s. Alavar - meirihluti íbúa Ladakia, komu Assad ekki til bjargar sl. 10 daga.
Þá grunar mig að það sé ágætur möguleiki, að al-Jilani nái samkomulagi við Alava.

Staða Rússa í Sýrlandi, klárlega er veik orðin - Assadar hafa verið bandamenn Rússa áratugaskeið. Herflugvöllur Rússa og flotastöð, eru líklega í uppnámi.
Rússar eru ekki fjölmennir í Ladakia, einungis fámennt lið -- bilinu 1-2 þúsund.
Þeir hafa því enga möguleika til að halda stöðvum sínum, nema:

1. Alavar, vopnist og haldi strandhéröðunum gegn -- nýrri stjórn Sýrlands.
2. Eða, að samkomulag náist milli -- al-Jilani og Rússa.

Það síðarnefna er langt í frá útilokað. al-Jilani virðist a.m.k. opin fyrir slíkt.
Á móti, er engin vinátta milli al-Jilani og Írana. Þ.s. HTS hreyfingin og Íranir, hafa barist spjótum árum saman nú.
Það er ekki ólíklegt mál endi þannig Rússar þurfi að taka föggur sínar og fara.

Bandaríkin hafa hugsanlega opnun í Sýrlandi - augljóslega þurfa þeir þá að fella niður 10 millj. dala bounty á al-Jilani, taka HTS af lista yfir hryðjuverkasamtök.
Vegna þess, að Tyrkir virðast hafa - stutt við HTS samtökin, meðan þau stjórnuðu Idlib svæðinu í Sýrlandi árin á milli.

Það verður mjög forvitnilegt að fylgjast með þróuninni.
A.m.k. les maður úr þessu, stórtjón fyrir Íran.
Er líklega missir þá beinu tengingu yfir til Hamas í Lýbanon, Íran hefur haft síðan Íraksstríði. Missir þeirrar beinu land-tengingar - veikir stórfellt til líklegrar frambúðar, Hamas samtökin. Stórveldis-skeið Hamas getur því verið á enda.
Átökin við Ísrael virðast hafa kostað Íran stórfellt - staða Íran veikluð.

Hlutverk Erdogans forseta Tyrklands er að auki augljóst - því vart kemur annað til greina en að, útrás HTS hafi verið með hans blessan. Það getur því verið, að Sýrland sé nú að færast yfir á yfirráðasvæði Tyrklands.
Það verði Erdogan freka en - al Jilani, er ráði því hvort Rússar fái áfram að vera með stöðvar í Ladakia héraði. 

Kannski eru Rússar því að tapa öllum sínum áhrifum innan Sýrlands.
Ef svo fer þá er það merkileg hliðar-afleiðing stríðs Ísraels við Hesbollah.
Farið að líta svo út að veldi Írans í Miðausturlöndum sé einhverju leiti - spilaborg er geti fallið. En staða Írana greinilega er verulega veikluð eftir átökin við Ísrael, er þíði einnig að staða Rússa hefur veikst. Ef mál enda þannig að Rússar tapa öllum sínum áhrifum í Sýrlandi -- gætu áhrif Rússa í Mið-Austurlöndum þar með nánast verið upp gufuð með öllu í samhengi Mið-Austurlanda, er yrði stór breyting sannarlega á stöðu mála þar um slóðir.
--Bandaríkjunum og Tyrklandi líklega báðum í hag.

Missir Tartus flotastöðvarinnar og flugvallarins í grennd, gæti einnig skaðað mjög stöðu Rússa í Afríku - þ.s. flotastöðin og flugvöllurinn, virðast hafa verið viðkomustaðir fyrir Rússa á leið til og frá Afríku.
Hinn bóginn, er marka má alJazeera, er ekki enn að sjá merki um paník í Tartus, eða á svæði herflugvallar Rússa þar í grennd. Spurningar vakna hvort Rússar hafi gert samkomulag við Erdogan nú þegar, eða hvort málið sé einfaldlega í bið.
--A.m.k. virðast þeir ekki búast við hernaðarárás á svæðið.

PS1: Assad virðist hafa flúið til Rússlands, til pápa Pútíns.
PS2: Arabískir fjölmiðlar, halda því fram að Rússar hafi samkomulag við andstæðinga Assads, varðandi aðstöðu Rússlands í Ladakia héraði - áhugavert að nýjasta umtal rússn. miðla um líklega nýja valdhafa Sýrlands er miklu mildara og dyplómatískra en fram til þessa.

 

Kv.

Þorgerður Katrín í oddaaðstöðu! Hún líklega algerlega ræður hvaða ríkisstjórn verður mynduð. Hinn bóginn blasir við að til muna auðveldara verður að mynda hægristjórn! Held við fáum, hægristjórn!

Að sjálfsögðu átta ég mig á því að Kristrún fær fyrst keflið frá Forseta Íslands.
Hinn bóginn, getur Samfylking ekki myndað stjórn - án einhvers hægri flokks.
Og, þ.s. atkvæði leka auðveldlega milli hægri flokkar.
Væri afar erfitt fyrir hægri-sinnaðan samstarfsflokk, að gefa eftir af sinni stefnu.

1. Alveg skýrt á máli Kristrúnar, að - hugmyndir hennar um að loka fjárlagatinu í ríkisfjarmálum, snúast megin hluta til um, skattahækkanir.
2. Viðreisn, líklegasti hægri flokkurinn í samferð, flokkur með íhaldsama afstöðu til ríkisfjármála og skatta; er ekki líklegur til að samþykkja þær umtalsverðu hækkanir sem Samfylking og Flokkur Fólksins -- líklega þurfa, til að ná fram stefnumálum sínum.

Þorgerður Katrín greinilega í oddaaðstöðu!

Ég held að - stjórn Samfylkingar, Viðreisnar og FF -- endurtæki líklega farveg ríkistjórnar: Sjálfstæðisflokks, Framsóknarfl. og VG. -- þ.e. stöðugur ágreiningur, langar tafsamar viðræður um öll mál, mjög lengi að taka ákvarðanir.

Meðan að ég held að ágreiningsmál: Sjálfstæðisflokks, Viðreisnar og Miðflokks.
Séu fá og tiltölulega léttvæg -- þeir flokkar væru fljótir að komast að niðurstöðu sín á milli í skatta- og ríkisfjármálum -- mjög sennilega færu þeir í fjárlaga-niðurskurð.

• Kristrún fær líklega keflið frá Forseta.
• Það þíðir ekki að, önnur stjórnarmyndun geti ekki farið fram, samhliða.
  Þ.s. enginn bannar fólki að hittast í heimahúsum, eða einhverjum öðrum húsum.

------------------

Viðreisn hefur 15 þingmenn, út á 20,8% atkvæða.
Sjálfstæðisflokkur með 14 þingmenn, út á 19,4% atkvæða.
Viðreisn með 11 þingmenn, út á 15,8% atkvæða.
Flokkur Fólksins með 10 þingmenn, og 13,8% atkvæða.
Miðflokkur með 8 þingmenn, og 12,1% atkvæða.
Framsókn 5 þingmenn, út á 7,8% atkvæða.

• Stjórn: Sjálfstæðisflokks, Viðreisnar, Miðflokks: 33 þingmenn.
• Stjórn: Samfylkingar, Viðreisnar, Flokk Fólksins: 36 þingmenn.

Fljótt á litið virkar stjórnin með 36 þingmenn, starfhæfari: Hinn bóginn, held ég að slík stjórn yrðu stöðugt - klofin af hörðum og erfiðum ágreiningi - hún gæti því átt erfiðar með að ná málum fram. Og hún gæti klofnað á kjörtímabilinu.

Hinn bóginn, held ég að hægri-stjórnin: Gæti verið stjórn nánast án ágreinings.

 

 

Niðurstaða
Ég ætla því að gerast svo grófur að spá -- hægristjórn.
Því það verði mun auðveldar að mynda hana. Þeir flokkar séu miklu mun meira sammála en ósammála. Það sé algerlega öfugt við hugsanlega stjórnarmyndun -- Samfylkingar. Því - eiginleg vinstri-stjórn er ómöguleg - því þarf alltaf að vera, hægri-flokkur með í för.
Hafandi í huga að meginlínur FF og Samfylkingar: Eru skattahækkanir og útgjaldahækkanir.
--Þá blasir við mér slík stefnugjá milli hugsanlegra hægri-flokkar, burtséð frá því hvort það sé Viðreisn eða Sjálfstæðisflokkur eða Miðflokkur.

Að slík stjórn væri líklega svo erfið í innra samstarfi, hún væri líklega nærri ósamstarfshæf.
Viðreisn hefur getað fylgst með samstarfs-örðugleikum: VG, Sjálfstæðisfl. og Framsóknar.
Að hafa horft á slíkt utan frá, ætti að vera næg aðvörun til Þorgerðar Katrínar.

 

Kv.