Spurningin um sjálfstæði Skotlands -gæti aftur dúkkað upp

Sá atburður sem eðlilega mesta athygli vekur, er stórsigur Íhaldsflokksins. Sem vann öruggan meirihluta þingmanna. Getur því stjórnað sjálfur án atbeina annarra flokka.

Síðan má reikna með því, að ósigur Verkamannaflokksins hafi vakið -næst mesta athygli. En þ.e. eiginlega sá ósigur sem ætti að beina kastljósinu að næsta atriði.

Sem er gríðarlegur kosningasigur flokks þjóðernissinnaðra Skota. En skv. niðurstöðu kosninganna, þá hefur hann nú 56 af 59 þingsætum Skota á breska þinginu.

Ástæða ófara Verkamannaflokksins, er að sjálfsögðu -að hann tapaði öllum sínum þingmönnum er hann áður hafði í Skotlandi, yfir til flokks skoskra þjóðernissinna. Tap upp á 40 þingmenn, á móti vann hann nokkra í Englandi - - sem skilar heildarútkomu 26-töpuðum þingsætum.

Nicola Sturgeon núverandi formaður flokks skoskra þjóðernissinna

The look that says, I'm going to make your life hell

Ef marka má MailOnline, þá er hún eitilharður sjálfstæðissinni, sem ætlar sér að gera allt í sínu valdi -til að skaprauna Englendingum. Vegna þess að hún telur, að vaxandi -pyrringur- Englendinga gagnvart Skotum, þjóni markmiði sjálfsstæðissinna -sem er sjálfstætt Skotland.

1. Það vekur athygli, að Verkamannaflokkurinn er áður hafði Skotland sem eitt sitt helsta vígi.
2. Skuli missa alla sína þingmenn í Skotlandi.

• En rétt er að muna, að Verkamannaflokkurinn, barðist gegn -sjálfstæðishugmyndinni- í kosningabaráttunni, áður en þjóðaratkvæðagreiðslan um sjálfstæði fór fram.

Þ.e. því augljóslega áhugavert - að í þingkosningum árið eftir, refsi skoskir kjósendur Verkamannaflokknum, með þetta harkalegum hætti -að þurrka hann alveg út í Skotlandi.

Og það eru skoskir sjálfsstæðissinnar, sem fá öll þau þingsæti, sem Verkamannaflokkurinn tapaði.

Nicola Sturgeon, má því segja að sé -nokkurs konar "drottning Skota" þessa dagana. Með svo stóran meirihluta á þingi Skota að hún getur algerlega farið sínu fram.

 

Niðurstaða

Eitt virðist ljóst, að stórsigur skoskra sjálfsstæðissinna, þíðir að spurningunni um skoskt sjálfstæði -verður heldur betur haldið á lofti. Þó að ekki sé sennilega að vænta, nýrrar þjóðaratkvæðagreiðslu meðal Skota í bráð. Þá sé líklegt að flokkur þjóðernissinnaðra Skota muni gera allt í sínu valdi á breska þinginu -til þess að vekja áhuga á sjálfsstæðismálinu, auk þess að leitast við af fremsta megni. Að gera ríkisstjórn David Cameron lífið leitt.

Það má meira að segja vera, að sjálfsstæðissinnaðir Skotar muni veita ríkisstjórn Cameron, töluvert öflugari stjórnarandstöðu heldur en Verkamannaflokkurinn. Sem augljóst verður í sárum eftir stærsta tap sitt í 30 ár -þrátt fyrir að hafa verið heilt kjörtimabil í stjórnarandstöðu.

 

Kv.

Verkamannaflokkur Bretlands, getur verið að fá sína verstu útreið í 30 ár

Ef marka má -útgönguspár í Bretlandi- fær Verkamannaflokkurinn einungis 239 þingsæti. Það eru 20-færri en Verkamannaflokkurinn hafði fyrir kosningar. Um virðist að kenna -afhroði Verkamannaflokksins innan Skotlands- á móti virðist flokkur Sjálfstæðissinna í Skotlandi auka fylgi sitt og þingmannafjölda.

Sjálfsagt geldur Verkamannaflokkurinn fyrir baráttu sína gegn kröfunni um sjálfstæði Skotlands.

Á sama tíma, segir -útgönguspáin- að Íhaldsflokkurinn fái 316 sbr. að lágmarks meirihluti kvá vera 326 þingsæti. Frjálslyndi-Demókrataflokkurinn, fær skv. útgönguspánni 10 þingmenn, sem er hrun.

Skoskir Sjálfstæðissinar hafa skv. þessu, 58 þingsæti í breska þinginu. Sjálfstæðisflokkur Bretlands -virðist einungis fá örfá þingsæti. Þrátt fyrir að vera 3-stærsti flokkurinn skv. skoðanakönnunum.

Ed Miliband er þá líklega á leið út úr pólitík

Líklegasta ríkisstjórnin, virðist minnihlutastjórn Íhaldsflokksins

Frjálslindir-Demókratar muni sennilega velja að sleikja sárin -frekar en að halda stjórnarsamstarfi áfram. Það auðvitað þíðir, að Íhaldsflokkurinn getur -tæknilega- samið til skiptis við Frjálslinda-Demókrata eða skoska Sjálfstæðissinna.

Sjálfsstæðissinnar, gætu veitt Cameron sama samkomulag, og þeir nefndu sem hugsanlegt við Miliband. Þ.e. að -styðja einstök mál. Veita hlutleysi við -vantraust.

Það má vera, að Frjálslyndir-Demókratar, bjóði upp á svipuð kjör.

1. Það væri þá frekar veik ríkisstjórn, sem alltaf mundi þurfa að semja við aðra þingflokka, til að koma lögum í gegn.
2. Það væri stöðugt sú áhætta til staðar, að lagafrumvarp sem Íhaldsflokkurinn mundi vilja ná í gegn, mundi stöðvast í þinginu.
3. Og tæknilega gætu -hinir flokkarnir- komið sér saman um að fella ríkisstjórn Íhaldsflokksins.

• Þó sennilegra virðist að þeir mundu ekki velja þá leið, nema að skoðanakannanir bentu til hagsæðra fyrir þá, kosningaúrslita.

Hugsanlega mundi sú ríkisstjórn sitja út kjörtímabil.

Hugsanlega fellur hún innan þess.

 

Niðurstaða

Það virðist að Bretland sé að ganga í gegnum tímabil -veikra ríkisstjórna. En ég man ekki eftir því að áður hafi gerst. Að hvorki Íhaldsflokkurinn né Verkmanna, nái ekki hreinum meirihluta 2-kosningar í röð.

---------------------

Ps: Skv. Financial Times er ljóst að Íhaldsflokkurinn hefur sigur í þessum kosningum, og með meirihluta. Getur þá stjórnað einn og óstuddur.

Íhaldsfl. kominn með 325 þingmenn þegar skv. stöðu talningar. Búið að telja 641 af 650.

Demókratar, 229 tapa 26. UKIP - bara kominn með 1 þingmann.

Sjálfsstæðissinnaðir Skotar 56, bæta við sig 50.

Frjálslindir bara 8, tapa 46.

---------------------

Ps2: Eins og allir sem fylgjast með fréttum ættu að vita, hafa formenn Verkamannaflokksins, Frjálslindra og "UKIP" -sagt af sér formennsku- í sínum flokkum. Vonbrigði fyrir "UKIP" að fá bara 1-þingmann. Kannski verður formaður þess flokks -klappaður upp. En Clegg og Miliband -eru án nokkurs vafa, líklega hættir.

---------------------

Ps3: Lokatölur kvá vera eftirfarandi:

1. Íhaldsflokkur, 331 þingsæti, bætir við sig 24.
2. Verkamannaflokkur, 232 þingsæti, tapar 26.
3. Skoskir Sjálfsstæðissinnar, 56 þingsæti, bæta við sig 50 (þar af 40 á kostnað Verkamannaflokksins sem þurrkaður var út í Skotlandi)
4. Frjálslindir-Demókratar, 8 þingsæti, tapa 49.
5. Sjálfstæðisflokkur Bretlandseyja, 1 þingsæti, hafði ekkert áður.
6. 22 þingsæti fara til -annarra, einkum svæðisbundinna flokka.

 

Kv.

Grísk stjórnvöld reka fram fingurinn gagnvart aðildarríkjunum

Mér virðist ákvörðun Syriza flokksins aðfararnótt miðvikudags -augljóst dæmi um "defiance" sem a.m.k. getur verið vísbending þess, að Syriza flokkurinn sé u.þ.b. hættur tilraunum til þess að semja við aðildarríkin um skuldir Grikklands.

Greece overturns civil service reforms

1. "A new law proposed by the leftwing Syriza-led government and passed Tuesday night opens the way to rehire thousands of workers cut loose from the country’s inefficient public sector in a reform enacted by the previous government."
2. "And it followed legislation passed last week to reopen the state broadcaster, ERT, which was shut down by the previous government as a cost-cutting measure."

• "Opposition lawmakers accused Syriza of violating that agreement with the new laws, which could expand the government payroll by as many as 15,000 employees." - "“We aren’t going to consult [bailout monitors], we don’t have to, we’re a sovereign state,” Nikos Voutsis, the powerful interior minister, told parliament."

Sjálfsagt er það -tæknilega- rétt hjá Voutsis, að Grikkland sé í lagalegum rétti til þess að taka þessar ákvarðanir.

Og lagatæknilega séð, þurfi ekki að ræða þær breytingar við hin aðildarríkin.

1. En menn þurfa að vera -heilabilaðir- til að skilja ekki, að þessar ákvarðanir - - víkka töluvert gjána milli krafna aðildarríkjanna - og afstöðu ríkisstjórnar Syriza flokksins.
2. Og þar af leiðandi, minnka verulega -líkur á samkomulagi.

Og það á sama tíma, þegar flest bendi til þess, að einungis sé það spurning um -örfáar vikur- ekki mánuði; hvenær gríska ríkið verður greiðsluþrota.

• Að auki, þá er ég viss um, að þessar ákvarðanir -minnka líkur þess að Seðlabanki Evrópu, auðsýni sveigjanleika gagnvart Grikklandi.
• En hann gerir það vart, ef sérfræðingar -meta líkur á samkomulagi, litlar sem engar.

Það er auðvitað hugsanlegt, að hægri höndin og vinstri höndin í Syriza flokknum -samræmi ekki aðgerðir. En ég sé í sjálfu sér ekki -að það skipti máli.

Aðildarríkin og stofnanir ESB, hljóti að líta svo á, að ráðherrar ríkisstjórnarinnar, standi einnig að baki þessum ákvörðunum.

Þetta geti augljóst bent til þess -- > Að Syriza flokkurinn sé búinn að gefa viðræður upp á bátinn. Þó ráðherrar hans, hafi ekki gefið slíkt upp með formlegum hætti. Þá megi lesa þá afstöðu -milli lína.-

Þessar ákvarðanir auki því greinilega líkurnar á því að greiðsluþrot Grikklands sé virkilega á leiðinni.

 

Niðurstaðan

Ef Syriza flokkurinn, raunverulega telur enn mögulegt að ná samkomulagi við aðildarríkin. Virðist mér sérkennilegt, að flokksmenn ákveði að -endurráða að nýju starfsmenn ríkisfjölmiðilsins- og að auki -endurráða þá ríkisstarfsmenn sem reknir voru af síðustu ríkisstjórn. Hvort tveggja voru -sparnaðar aðgerðir, sem eru þannig dregnar til baka.

En þessar ákvarðanir hljóta að minnka enn frekar líkur á samkomulagi, ég á erfitt með að trúa því, að flokksmenn Syriza séu það skyni skroppnir -að þeir átti síg alls ekki á því atriði.

Þannig að mig grunar að lesa megi það út úr þeim ákvörðunum, að Syriza flokkurinn hafi í reynd gefist upp á þeim viðræðum - - og sé mjög líklega því að stefna að greiðsluþroti.

Í því samhengi -hættir það að vera órökrétt, að Syriza flokkurinn standi við sín kosningaloforð. Sem m.a. voru þau, að endurráða brottrekna ríkisstarfsmenn og endurreisa ríkissfjölmiðil Grikklands.

• Það megi nánast taka þessar ákvarðanir -sem lokastaðfestingu þess, að Syriza flokkurinn stefni á gjaldþrot.

 

Kv.

Rússland hótar að beita neitunarvaldi -gegn hugmyndum innan Evrópusambandsins um hernaðaraðgerðir gegn þeim sem smygla fólki á bátum til Evrópu

Ég held að þessi hugmynd, að -ráðast á stöðvar smyglara á strönd Líbýu. Hafi hvort sem er verið -arfa slæm hugmynd. En augljósa hættan -er að Evrópa hefði getað blandast inn í stríðið innan Líbýu.

Ég held að maður geti vel -unað Pútín einum áróðurssigri.

Russia scuttles Brussels’ plan to destroy migrants boats

Einhverjir virðast halda -að bátafólkið séu Líbýumenn á flótta undan átökunum þar

Þvert á móti, virðist -bátafólkið flest hvert. Vera frá löndum Sunnan við Líbýu. Þ.e. bláfátækum Sahel löndum sbr. Níger, Chad, Mali og jafnvel -enn Sunnar.

Þau lönd hafa hingað til -misst af þeirri efnahagsuppbyggingu, sem þó er hafin í mörgum löndum í Afríku, sérstaklega þeim sem eru -Sunnan við miðbaug og Norðan við S-Afríku.

Í þeim löndum er -samt hröð mannfjölgun. Útkoman er -hratt vaxandi straumur af ungu fólki í leit að betra lífi í Evrópu. Því það veit, að möguleikarnir á mannsæmandi lífi. Eru nánast engir í þeirra heimalöndum.

1. Mér skilst að bátarnir sem notaðir séu af smyglurunum. Séu gjarnan það ódýrir og lélegir. Að þeir kosta minna -heldur en heildar farið sem fæst greitt fyrir hverja ferð.
2. Það þíðir, að jafnvel þó að Evrópa mundi ákveða að -sökkva smyglbátum undan ströndum Líbýu. Væntanlega -eftir að hafa bjargað fólkinu um borð frá drukkun.
3. Þá mundi það ekki -skaða að verulegu ráði smyglarana. Sem samt mundu græða á hverri ferð samt sem áður.
4. Ef e-h er, mundi slík aðferð sennilega vera greiðasemi við smyglhringina. Því ef flotar Evrópuþjóða, mundu stöðva bátana rétt við strönd Líbýu. Þá mundi einfaldlega bátsferðin verða minna hættuleg. Því sennilega -meir aðlaðandi aðferð fyrir fátækt fólk að reyna að komast til Evrópu.

 

Ég kem ekki auga á nokkra lausn á vandanum - nema kannski?

En líklega eru smyglhringirnir orðnir að drjúgri tekjulind fyrir marga í Líbýu. Í ástandi þegar væntanlega -heiðarleg starfsemi í landinu liggur mikið til niðri.

Það mundi ekki koma mér á óvart -að smyglhringir greiði báðum stríðsaðilum -mútufé- til að láta þá í friði. Þannig að smyglið sé þá báðum fylkingum -tekjulind.

• Ég held að flest þetta fólk sé -skilríkjalaust.
• Og að auki, að löndin sem það fólk kemur frá, séu líkleg að notfæra sér slíkt -til þess að neita að taka við því aftur. Ef ætti að senda það til baka til heimalands.
• Að ætla að senda það til Líbýu -væri vart fær lausn. Í landi í upplausn borgarastríðs. Sem fyrir bragðið væri ólíklegt að geta -brauðfætt það fólk.

1. Það mætti ímynda sér - að aðildarríki ESB. Mundu hefja samstarf við -báða stríðsaðila.
2. En það væri vart praktísk nálgun, nema í samhengi tilrauna til að -binda endi á stríðið í landinu.

En sennilega er eina leiðin sú -að endir verði bundinn á það stríð.

Þ.s. augljóst er enginn áhugi í Evrópu að senda landher til Líbýu.

Yrði það að vera -einhverskonar sáttaleið að samkomulagi.

Kannski ættu aðildarríkin að íhuga alvarlega að beita sér með slíkum hætti - - þ.s. eftir allt saman, bera þau töluvert stóra ábyrgð á ástandinu innan Líbýu. Þ.s. að á sínum tíma, beittu aðildarríkin sér gegn Muammar Gaddhafi þegar uppreisn hófst þar í landi fyrir nokkrum árum. Aðstoðuðu uppreisnina til sigurs - - en eftir það hafa átök milli þeirra hópa sem tóku þátt í þeirri uppreisn. Leitt til þess upplausnar ástands sem þar er til staðar.

Og sennilega einmitt það upplausnar ástand -skapar þann jarðveg sem smyglararnir þurfa.

 

Niðurstaða

Ég held að nánast eina leiðin sem hugsanlega er fær, ef binda á endi á gríðarlegan straum flóttamanna í gegnum Líbýu -síðan á bátskænum til Evrópu. Að Evrópa beiti sér til þess, að binda endi á borgaraátök í Líbýu.

Mér er í sjálfu sér sama -hver lausnin akkúrat yrði, sem sátt næðist hugsanlega um.

En eins og mál eru nú að þróast, með eina ríkisstjórn í V-Líbýu og aðra í A-Líbýu. Þá gæti stefnt í klofnun landsins í 2-þjóðríki. Þ.e.svæði með miðju í Tripolitania svæðinu, og svæði með miðju á Cyrenaica svæðinu.

 

Kv.

AGS beitir aðildarríki evrusvæði þrýstingi - að lækka skuldir Grikklands

Þetta er haft eftir blaðamanni Financial Times í Brussel, Peter Spiegel, sem segist hafa það eftir -fulltrúa AGS í Evrópu, að mat AGS á gríska prógramminu sé með þeim hætti - - að það sé "off track" eins og AGS gjarnan orðar það.

Sem þíðir að AGS telur að framvinda Grikkland sé ekki að standast þær væntingar sem miðað var við, þegar áætlanir voru gerðar um veitingu neyðarlána til Grikklands.

• Þetta getur þítt - - að AGS neyti að afhenda Grikklandi 7,2ma.€ sen enn eru eftir að afhenda Grikklandi, skv. samningi um 2-lánsprógramm Grikklands, sem AGS hefur tekið þátt í.
• En AGS er ekki heimilt að lána -nema mat sérfræðinga AGS sé að viðkomandi land, sé fært um að -endurgreiða lánið. Þegar metið er, að land sé ekki að -fylgja mörkuðu ferli- þannig að væntingar að baki prógrammi séu ekki að ganga upp -þá þarf AGS eigin reglum skv. -að stöðva frekari lánveitingar.

-----------------------

IMF takes hard line on aid as Greek surplus turns to deficit

"Without the funds, Greece is expected to run out of cash this month."

• "Mr Thomsen said initial data the IMF had received from Greek authorities showed Athens was on track to run a primary budget deficit of as much as 1.5 per cent of gross domestic product this year."
• "Under existing bailout targets, Athens was supposed to run a primary surplus...of 3 per cent of GDP in 2015."

"The IMF only signed off (on the current bailout program) after eurozone ministers agreed to consider, but never implemented, writing down their bailout loans to reduce Greece’s debt to “substantially lower” than 110 per cent of GDP by 2022."

-----------------------

Það virðist að AGS -hafi talið sig hafa loforð aðildarríkjanna 2012, þegar gengið var frá lánsprógrammi Grikklans No.2 - - að þau mundu lækka skuldir Grikklands og þannig tryggja að skuldir Grikklands mundu ekki verða hærri en 110% árið 2022.

Á hinn bóginn, virðist að aðildarríkin, hafi ekki veitt -skuldbindandi loforð.

En nú virðist AGS hafa tekið þetta mál upp að nýju.

 

Niðurstaða

Ef AGS neitar að afhenda lokagreiðslu sína -þá annað af tvennu þurfa aðildarríkin að veita Grikklandi það viðbótar fé -sjálf. Þ.s. það var reiknað með því þegar gengið var frá seinna prógrammi Grikklands 2012 að gríska ríkið mundi fá allt féð frá AGS. Eða, að aðildarríkin sætta sig við þá útkomu -að gríska ríkið verði greiðsluþrota algerlega þá pottþétt þetta sumar.

 

Kv.

Vara eindregið við hugmyndum að setja lögbann á fjölmenn verkföll sem eru fyrirhuguð á næstu vikum

Það er alveg augljóst - að þrýstingur á "lögbann" mun fram koma. En margir eru líklegir til þess að misskilja reynsluna af fyrri skiptum þegar lögbann hefur verið sett á verkfall.

1. Málið er að -þau verkföll sem eru fyrirhuguð, eru miklu mun fjölmennari en -ég man til, að áður hafi verið beitt á lögbann.
2. En allt að 100þ. manns fyrirhuga hugsanlega verkfall á næstu 2-mánuðum.

Þegar þú ert með slíkan fjölda þ.e. á bilinu 30 - 100þ.

Þá er áhættan á allt, allt, allt öðru stigi -að beita lögbanni.

 

Fjölmenn götumótmæli!

Þetta er sú áhætta sem ég vísa til -og ég vara fólk við því, að taka þau mótmæli sem viðmið, sem hafa -við og við sést árin frá 2009.

• Ég er að tala um mótmæli, frekar á þeim skala sem við sáum beitt gegn ríkisstjórn Geira og Sollu, lokatíma þeirrar ríkisstjórnar við völd.

Ríkisstjórnin má alls ekki misskilja eða vanmeta það hættustig sem hún stendur frammi fyrir.

Ég er m.ö.o. að segja -lögbann í tilviki svo fjölmennra verkfalla -> Of áhættusama aðgerð.

Ég geri mér fulla grein fyrir því tjóni -á efnahagslíf þjóðarinnar sem þessi verkföll munu valda, ef af þeim verður.

Þess vegna - -> Mín seinni ályktun.

 

Ríkisstjórnin á ekkert annað raunhæft val en að fallast á kröfur félaga launamanna

Ég geri mér fulla grein fyrir því -hvaða afleiðingar það mun hafa, að láta þær launahækkanir sem -læknar og -kennarar hafa fengið, ganga yfir línuna.

Það þíðir að sjálfsögðu -verðbólgu og óstöðugleika.

Á hinn bóginn -lít ég svo á nú, að það sé samt skárri kosturinn í boði.

1. Hætta er að sjálfsögðu að -ferðamannasumarið fari í súginn.
2. Það þíðir mikið tap gjaldeyristekna, sem þjóðfélagið hefur síst efni á.
3. Að auki, getur vel verið að ferðamenn mundu einnig að einhverju leiti, afpanta fyrir sumarið á eftir, vegna ótta við óstöðugleika hér. Þannig að tjón af stórfelldum verkföllum, væru ekki endilega - - > Bara sumarið í ár.

1. Á hinn bóginn, ef -lögbann væri sett á yfirvofandi verkföll.
2. Og það gerist sem ég á þá von, að í staðinn muni sömu verkalýðsfélög standa fyrir -fjölmennum götumótmælum.
3. Sennilega -í leiðinni, snöggum skammtímaverkföllum. Þ.e. starfsmenn mæta á mótmælafund, í stað þess að vinna. Það séu kannski - mjög fjölmennir mótmælafundir t.d. 2-svar eða 3-svar í viku, á meðan að fámennari mótmælastaða verði haldið uppi stöðugt þess á milli.
4. Það verði nefnt mótmæli ekki verkfall.
5. Og bent á réttinn til að mótmæla, þetta séu ekki verkföll, því ekki brot á lögbanni.

• Þá er mikil hætta á því, samt sem áður, að ferðamannasumarið mundi fara í súginn.

En það yrði óhjákvæmilega mikill hiti á slíkum, mótmælasamkundum í kjölfar lögbanns.

Og hætta stöðugt yfirvofandi á -óeirðum.

Það má reikna með -nákvæmlega sama viðbúnaði lögreglu, og þegar mótmælin stóru stóðu yfir þegar ríkisstjórn Geira og Sollu var við völd.

Sá kvittur gæti mjög auðveldlega skapast meðal ferðamanna, erlendra aðila í ferðaþjónustu -að hættulegt ástand vofi hér yfir.

Það er ekki einu sinni víst - að það yrðu stórar ýkjur.

 

Hvað er þá til ráða?

Úr því sem komið er -sé líklega of seint að forða þeirri verðbólgu og efnahags óstöðugleika sem líklega af hlýst, þegar gengið verður að kröfum verkafólks.

En málið er -að ég tel að stjórnendum og forsvarsmönnum helstu verkalýðsfélaga hljóti að vera það kunnugt, hvað mun gerast.

1. Þannig að tilgangur þeirra krafna, að fá sambærilegar hækkanir við þær hækkanri sem aðrir hafa fengið.
2. Sé einmitt sá, að framkalla þá verðbólgu og óstöðugleika - -því þá virðislækka laun þeirra sem þegar hafa fengið 30%. Enginn fær þá í reynd 30% heldur miklu minna.
3. Verkalýðshreyfingin, sé að verja sneið síns fólks af þjóðarkökunni. En foringjar þeirra félaga hljóta að vita að 30% hækkun allar virkar ekki. Að það verður gengisfelling síðan verðbólga.
4. Svo að sá eini -nytsami tilgangur sem ég kem auga á. Ég vil ekki gera ráð fyrir því að -forkólfar verkalýðsfélaga séu heimskir.
5. Sé þá sá, að fyrst að við getum ekki fengið 30% eins og þeir, þá sé skárra fyrir okkur að lækka þá niður sem fengu 30%. Þannig að enginn fái þá raunverulega 30%.
6. Það sé tilgangur í sjálfu sér því, að framkalla þá gengisfellingu og verðbólgu sem af hlýst.

Auðvitað -leiðir það til þess, að ríkisstjórnin getur ekki losað höft þetta ár.

En ég tel að ríkisstjórnin -hafi þegar verið búin að kasta þeim möguleika frá sér, þegar samningar við kennara sem tryggðu þeim 30% hækkanir voru undirritaðir.

Um þetta ályktaði ég þegar í júlí 2014:

Stefnir Ísland í átt að stórri gengisfellingu - eins og svo oft áður?

Önnnur færsla frá janúar 2015 - þegar hlutir lágu nokkuð skírar fyrir:

Hvað ætli að gengisfellingin verði stór síðar á árinu?

• Meginlínur þess sem ég átti von á, virðast vera að rætast

Með öðrum orðum, allt sem síðan þá hefur gerst, hafi verið óhjákvæmilegt!

Því að -hin félögin sætti sig ekki við, að sneið sinna félagsmanna af þjóðarkökunni minnki.

Það eina sem kemur mér á óvart í því samhengi, er að ríkisstjórnin hafi ekki séð þetta sjálf fyrir -en þ.e. augljóst að það gerði hún ekki.

Hún súpi nú biturt seiði af þeim mistökum.

 

Niðurstaða

Eins og ég skil tal forsvarsmanna verkalýðsfélaga -þegar þeir hafna því að ætla að valda óstöðugleika. Kenna ríkisstjórninni sjálfri eða vinnuveitendum.

Þá vísa þeir til þeirra háu prósentu launahækkana -sem nokkur fjöldi hátekjuhópa hefur fengið, eða tekið sér. Þeir séu m.ö.o. að segja sínar aðgerðir -afleiðingu þeirra hækkana sem ríkisstjórnin eða vinnuveitendur, hafi þegar samþykkt fyrir þá hópa.

Þannig að niðurstaðan -sé m.ö.o. þeim sjálfum að kenna. Þá vísa ég til þess sem ég bendi á að ofan. Að verkalýðsstéttinn; sé að verja sína sneið af þjóðarkökunni umræddu.

En eins og komið sé -sé eina leið verkalýðsfélaganna einmitt að knýja fram sambærilegar launahækkanir. Í fullkominni vitneskju ákaflega sennilega að þá komi gengisfelling síðar og verðbólga.

• En þ.s. sú aðgerð geri, sé að hún ver -sneið viðkomandi hópa launafólks af þjóðarkökunni umræddu.
• Gengisfelling og verðbólga, sé þá -hliðarafurð.

Ég sé ekkert sem bendi til þess, að ríkisstjórnin geti sannfært hópa launamanna um að hætta við kröfur sínar -eða slá umtalsvert af þeim.

Að auki tel ég að það væri ákaflega háskaleg aðgerð, að gera tilraun til lögbanns á svo afskaplega fjölmenn verfköll -slíkt gæti framkallað, raunverulega uppreisn meðal fjölmennra hópa almennings. Alltof áhættusamt með öðrum orðum.

1. Ríkisstjórnin verði einfaldlega taka þá bitru pillu.
2. Að hún hafi misst plottið, þegar hún samþykkti launahækkanir til kennara á sl. ári.
3. Að allt sem síðan þá hafi gerst, sé afleiðing þess að hafa látið kennara síðan lækna fá háar prósentu hækkanir.

Hvað gerist þegar það kemur síðan í ljós - - að hvorki læknar né kennarar.

Fengu raunverulega, leiðréttingu launa?

Það má vera að þá verði landflótti í þeim stéttum, en eins og er að koma í ljós, er hvort sem er ekki unnt að -leiðrétta laun tiltekinna hópa, án þess að aðrir stórir hópar launamanna hafi gengist inn á að sætta sig við að sitt fólk fái mun smærri prósentu launahækkanir.

• Það skársta í boði, úr því sem komið er, sé að samþykkja kröfur launamanna um stórar launahækkanir sem fyrst.
• Svo að verkföll skaði ekki ferðamannasumarið.

Gengisfelling verður væntanlega síðar -nk. haust eða nk. vetur.

Allar aðrar ákvarðanir ríkisstjórnarinnar -leiði fram enn verri útkomu.

 

Kv.

Ríkisstjórnin verður -sjálfs sín vegna- að taka stjórnarskrármálið aftur fyrir

En ein af stóru ástæðunum fyrir gríðarlegri fylgisaukningu Pírata er örugglega hve ákveðnir Píratar hafa einatt verið í afstöðu sinnar til kröfunnar um - - aukið lýðræði. Þegar kemur að -auknu lýðræði- vilja þeir ganga mun lengra -en ég er sjálfur tilbúin til.

Niðurstöður könnunar Gallup

Til samanburðar: Stjórnarskrá Lýðveldisins Íslands

Tillaga Stjórnlagaráðs: Frumvarp til stjórnskipunarlaga

En ég get vel fallist á það að 65. gr. tillögu stjórnlagaráðs, nái fram að ganga -verði færð inn í núverandi stjórnarskrá - með þeirri breytingu að miðað verði við 15%:

-----------------------------

65. gr.
Málskot til þjóðarinnar.
Tíu af hundraði kjósenda geta krafist þjóðaratkvæðis um lög sem Alþingi hefur samþykkt.
Kröfuna ber að leggja fram innan þriggja mánaða frá samþykkt laganna. Lögin falla úr gildi ef kjósendur hafna þeim, en annars halda þau gildi sínu. Alþingi getur þó ákveðið að fella lögin úr gildi áður en til þjóðaratkvæðis kemur. Þjóðaratkvæðagreiðslan skal fara fram innan árs frá því að krafa kjósenda var lögð fram.

-----------------------------

1. En þetta er það form -beins lýðræðis- sem mér líst vel á.
2. Að veita þegnum landsins, stöðunvarvald á Alþingi, með beinum hætti -án atbeina forseta.

• Ég er aftur á móti -ekki tilbúinn að veita þegnum landsins með sama hætti, frumkvæðisvald - -en þ.e. ósamrýmanlegt við grunn regluna þingræði.

Ég hafna því 66. gr. tillögu Stjórnlagaráðs -Þó að ég sé til í að íhuga að þegnar landsins hafi -málsskotsrétt- þ.e. geti lagt fram -þingmál- en þá sé það alfarið á valdi Alþingis að hafna þeirri tillögu -einhliða.

Það þíðir, að ég annað af tvennu, hafna 66. gr. alfarið, eða til vara -legg til þá breytingu að ef Alþingi hafnar viðkomandi þingmáli, þá falli málið dautt -þannig að greinin veiti eingöngu -málsskotsrétt.

-----------------------------

66. gr.
Þingmál að frumkvæði kjósenda.
Tveir af hundraði kjósenda geta lagt fram þingmál á Alþingi.
Tíu af hundraði kjósenda geta lagt frumvarp til laga fyrir Alþingi. Alþingi getur lagt fram
gagntillögu í formi annars frumvarps. Hafi frumvarp kjósenda ekki verið dregið til baka skal bera það undir þjóðaratkvæði, svo og frumvarp Alþingis komi það fram. Alþingi getur ákveðið að þjóðaratkvæðagreiðslan skuli vera bindandi.
Atkvæðagreiðsla um frumvarp að tillögu kjósenda skal fara fram innan tveggja ára frá því
málið hefur verið afhent Alþingi.

-----------------------------

Ég mundi að auki leggja til þá breytingu við 67. gr. -hún væri færð inn í núverandi stjórnarskrá, að takmörkun sem snýr að -þjóðréttarskuldbindingum- verði afnumin. En ég lít svo á að ef e-h er, sé það þjóðinni sérlega mikilvægt að hafa stöðvunarvald um þjóðréttarlega gildandi skuldbindingar. Því slíkar skuldbindingar -geta bundið alla þjóðina um aldur of æfi. Það getur þess vegna, falið í sér -skuldsetningar skuldbindingu, sbr. Icesave.

-----------------------------

67. gr.
Framkvæmd undirskriftasöfnunar og þjóðaratkvæðagreiðslu.
Mál sem lagt er í þjóðaratkvæðagreiðslu að kröfu eða frumkvæði kjósenda samkvæmt
ákvæðum 65. og 66. gr. skal varða almannahag. Á grundvelli þeirra er hvorki hægt að
krefjast atkvæðagreiðslu um fjárlög, fjáraukalög, lög sem sett eru til að framfylgja þjóðréttarskuldbindingum né heldur um skattamálefni eða ríkisborgararétt. Þess skal gætt að frumvarp að tillögu kjósenda samrýmist stjórnarskrá. Rísi ágreiningur um hvort mál uppfylli framangreind skilyrði skera dómstólar þar úr.
Í lögum skal kveðið á um framkvæmd málskots eða frumkvæðis kjósenda, svo sem um
form og fyrirsvar fyrir kröfunni, tímalengd til söfnunar undirskrifta og um fyrirkomulag þeirra, hverju megi til kosta við kynningu, hvernig afturkalla megi kröfuna að fengnum viðbrögðum Alþingis, svo og um hvernig haga skuli atkvæðagreiðslu.

-----------------------------

Ég er að tala um -stjórnarskrárbreytingu - - ekki um samþykki -Tillögu Stjórnlagaráðs- sem heild.

En ég held að vel sé unnt að ná fram samstöðu um þessi tilteknu ákvæði - - þannig afnema þá ásökun frá þjóðfélaginu að Alþingi og nánar tiltekið ríkisstjórnarflokkarnir -standi á móti lýðræðinu.

1. Mjög líklega verður að auki, þrýst á um að -eignaréttarákvæði tillögu Stjórnlagaráðs, verði að auki sett inn í stjórnarskrána.
2. Það verður sjálfsagt ekki vikist undan því, að a.m.k. ræða breytingu á núverandi eignarréttarákvæði Stjórnarskrár Lýðveldisins Íslands.

En ef tekið væri á öllum þessum atriðum - - þá ætti fylgissveifla Pírata að líða hjá.

Enda kem ég ekki auga á nokkur önnur stór mál sem þeir halda á lofti.

 

Niðurstaða

Stjórnarflokkarnir þurfa að átta sig á því að fylgissveifla Pírata er raunveruleg ógnun. Besta leiðin til þess að glíma við -ógn af þessu tagi. Er sögulega sú, að -stela þeim málum sem flokkur sem sækir fram fylgislega heldur hvað mest á lofti. Stjórnarflokkarnir eiga einfaldlega sjálfir -að standa fyrir ofangreindum lýðræðisumbótum.

Þá sofnar sú ásökun góðum svefni að þeir séu andlýðræðislegir.

Það ætti einnig að endurreisa -traust á þingræðinu- að veita almenningi stöðvunarvald skv. 65. gr. tillögu Stjórnlagaráðs.

En um leið og almenningur hefur stöðvunarvaldið með þannig formlegum hætti, þá hefur almenningur ekki lengur ástæðu til þess mikla vantrausts sem í dag virðist til staðar gagnvart Alþingi.

Með 15% viðmiði, ættu þjóðaratkvæðagreiðslur -ekkert að verða of tíðar. En hafandi í huga að í þau 3-skipti sem hefur verið með vel-heppnuðum hætti skorað á Forseta Íslands. Þá er 15% viðmið ekki of hátt!

 

Kv.