Laugardag voru 20 ár frá 9-11 atburðinum er WorldTradeCenter turnarnir voru eyðilagðir af al-Qaeda. Tveim farþegaþotum flogið vísvitandi á turnana, tjónið af þess völdum ásamt eldhafi felldi turnana báða! Aðrar skýringar ósennilegar!

Ég hef fjallað um þessa atburðarás áður - fyrir 10 árum: 10 ár liðin frá 9/11 atburðinum! Samsæri Bandaríkjanna sjálfra? Stríðin hafa flýtt fyrir hnignun veldis Kana, þ.e. klárt!. Einnig ryfjaði ég málið upp 2018: Gaman að ryfja upp fullyrðingar 9-11 samsærissinna, að engir skýjakljúfar hafi hrunið vegna elds!.

Mynd tekin snemma morguns daginn fræga rétt áður en árásin hefst!
Örugglega með síðustu myndum er teknar voru af turnunum - heilum!
Mjög fallegur morgunn eins og sjá má!

Gríðarlegur vaðall af - heimskulegum samsæriskenningum voru spunnar upp.
Mikið um fullyrðingar út í bláinn!
--Sbr. ranglega oft fullyrt að engar stálbyggingar hafi fallið af völdum eldhafs!

2018 brunnu tvær turnbyggingar - önnur í Sao-Paulo, hin í Teheran!
Þeir brunar vöktu athygli mína, einmitt vegna algengra fullyrðinga.
Að stálgrinda-byggingar gætu hreinlega ekki fallið í bruna.
--Sem var auðvitað kjaftæði, enda mundi ég sjálfur eftir stálgrindabyggingum er höfðu farið illa í eldi meira að segja á Íslandi.

Sao Paulo bruninn

Sao Paulo, bygging hrunin

Teheran fyrr á sama ár 2018

Teheran, bygging hrunin

Þetta eru eða voru mun smærri turnbyggingar en World Trade Center turnarnir, hinn bóginn ætti stærðin "per se" ekki að skipta máli - þegar maður íhugar þá ítrekuðu fullyrðingu sem ég heyrði í fjölda skipta -- að engin turnbygging hafi brunnið og hrunið, nokkru sinni.

1. Hinn bóginn, þarf einnig að taka tillit til þess tjóns sem farþega-vélarnar er flugu á turnana 2 orsökuðu.
2. En þ.e. mjög auðvelt að sjá, að í báðum tilvikum falla turnarnir -- akkúrat á áreksturs-punkti.

Miklu púðri var einnig varið í af samsæris-sinnum, að gera sem minnst úr árekstrunum.
Láta sem þeir skiptu ekki máli.

Eina myndskeiðið sem til er af árekstrinum á Norður-Turn

Sýni full-lengdar útgáfu.
Enda vídeóið langsamlega trúverðugast á því formi.

Fjöldi myndskeiða er til af árekstri á Suður-Turn, en þetta er gott!

Þetta videó - sýnir mæta vel, hvílíkt bull margar samsæris-kenningarnar eru.
En vídeóið sýnir, hina gríðarlegu sprengingu er verður -- afar afar vel.
Hvernig eldhnötturinn, springur út í gegnum hliðarnar í allar áttir.
--Að horfa á þetta nokkrum sinnum, ætti að lækna alla sanngjarna einstaklinga af öllum efasemdum þess, að þessir árekstrar hafi orsakað óskaplegt tjón á turnunum.

 

Hrun Norður-Turns:

Það sést afar afar vel - að hrunið hefst akkúrat í sárinu eftir áreksturinn.
Ef menn efast, horfið eins oft á myndskeiðið og þið þurfið.
--Þetta er afar skírt!

Hrun Suður-Turns:

 

Skondið við þetta myndband, að þeir sem ræða saman í því - eru svo uppteknir af því að ræða saman, að það tekur þá nokkra stund að fatta að Suður-Turn er hruninn!
--Hrunið er ca. við miðbik myndbands.

Það er ágætlega skírt í þessu myndbandi.
Að hruni Suður-Turns, hefst greinilega í sárinu þ.s. flugvélin skall á bygginguna.
--Horfið eins oft og þið þurfið/viljið.

Annað Suður-Turns-hrun myndband: 911 Call in World Trade Center, while tower collapse.
Ath. myndband er afar stuðandi, því um er að ræða símtal - viðtalandi er greinilega í turninum.
Er hann hrynur, æpir hann upp fyrir sig - síðan þögn.
--Hrunið á Suður-Turni er undir lok myndbands!
**Horfið einungis ef þið hafið taugar til þess.

 

Gjarnan var fullyrt af samsæringa-sinnum að sjáist sannanir um sprengingar í hruninu sjálfu!
Bendi fólki á að hver hæð í turnunum er gríðarlega stór, full af lofti.
Er hver hæð er kramin saman á andartaki, þarf það loft að leita út.
--Þá leitar það að sjálfsögðu út til hliðanna, af óskaplegum krafti.

Í tilvikum virðist það loft leita niður um stiga-ganga er voru opnir.
Og síðan sprengja sig út um glugga, nokkrum hæðum neðar.
Gerðist það ítrekað, hægt að sjá ef menn nenna að horfa í hægmynd.

En þ.e. ekkert undarlegt við þá atburðarás, að loft undir þrýstingi.
Sé á flótta undan hruni byggingarinnar, þannig séð.

Krafturinn af loftinu virðist hafa verið slíkur er það var kramið af þúsundum tonna, í frjálsu falli - að oft þeittist brak kílómetra frá hrun-stað.
--Það einungis sýni fram á þá óskaplegu krafta í gangi, er risa-bygging fellur.

• M.ö.o. nákvæmlega ekki neitt dularfullt við það, mörg dæmi voru um brak langar leiðir frá.

 

Niðurstaða

Mörgun fannst það furðulegt að turnarnir falla í frjálsu falli. Ég hafna að slíkt hafi verið skrítið.

1. Bendi fólki aftur á að horfa á hrun-myndböndin!
2. En það sést vel á þeim, að það eru bæði skiptin er turnarnir hrynja -- margar hæðir fyrir ofan hrun-punkt; þ.s. hrun hefst í hvort skipti.

Það sé að sjálfsögðu fargið af hæðunum fyrir ofan hrun-punkt.
Sem orsaki þetta viðstöðulausa hrun!
--Menn þurfa að skilja, við erum að sjá mörg þúsund tonn pompa af stað.
Fall-þunginn er þá -- þau þúsundir tonna sem hæðirnar fyrir ofan vikta.
--Sinnum fallhraðinn!

Það að sjálfsögðu skýri, af hverju að hæðirnar fyrir neðan, gefa sig viðstöðulaust.
Síðan bætist stöðugt meira efni við fall-þungann.
Hrunið eins og sést vel á myndböndunum, óstöðvandi eftir að það hefst.

• Ég efa stórfellt að til sé í heiminum - nokkur bygging.
  Er standist fall-þunga upp á mörg þúsund tonn.

Hæðirnar að sjálfsögðu halda vel byggingunni uppi, áður en hún byrjar að falla.
En ég efa að hægt sé að -- gera byggingar svo sterkar.
--Að þær geti - haldið er t.d. 10 eða 20 hæðir fyrir ofan, poppa niður á hæðirnar fyrir neðan.

• Ítreka að fallþunginn -- er sinnum fall-hraði.

Ég verð að vera ósammála sérhverri þeirri athugasemd.
Er finnst það skrítið, að turnarnir hrynji viðstöðu-laust.
--Þeir einfaldlega hafi þá óraunsægjar hugmyndir um þann styrk, sem slíkar byggingar geti haft.

-----------------

Ég ætla ekki að fjalla um stríðin í Afganistan og Írak, fyrir utan að segja:

1. Greinilega voru bæði árása-stríð Bush stjórnarinnar mistök.
2. Bandar. tókst með leynimakki nokkrum árum síðar, að vega að stofnanda og hæstráðanda al-Qaeda, sem þá reyndist vera í felum í Pakistan.

Mannfall í Írak var ósakplegt, heilt yfir talið.
Hinn bóginn, verður aldrei hægt að ákveða -- hvert svokallað umfram mannfall hugsanlega var.
Enda var stjórn Saddams Hussain, sjálf ógnarstjórn er regluglega drap hauga af fólki.
--Engin leið sé að vita, hver tala þeirra væri er ógnarstjórnin líklega mundi drepa.
--Ef maður ímyndaði sér þá stjórn halda áfram!
Hinn bóginn, var mannfall í Írak, í kjölfar innrásarinnar mjög mikið.
Það braust út eiginlega algert borgarastríð milli íbúa-hópanna.
Samtímis var al-Qaeda á fullu að berjast við Bandar.her.
--Útkoman, allherjar -mayhem.

Eins og allir þekkja, er útkoman af Írak -- Írak færðist á áhrifa-svæði Írans.
--Bandar. m.ö.o. töpuðu.

Afganistan - útkoma aftur, að Bandaríkin tapa.
--Talibanar 20 árum síðar, aftur komnir til valda.
Eins og ekkert hafi breyst.
Nema að yfir 160þ. manns liggja í valnum.

-----------------

Virðist augljóst.
Að Bush stjórnin -- átti að láta vera að ráðast inn í báðum tilvikum.
--Þar fyrir utan að Írak kom hvergi nærri málum.

 

Kv.

Athugasemdir

[Guðmundur Ásgeirsson, 13.9.2021 kl. 21:17]

"Gríðarlegur vaðall af - heimskulegum samsæriskenningum voru spunnar upp."

Þar á meðal sú útbreiddasta, sem þú virðist aðhyllast.

[Einar Björn Bjarnason, 13.9.2021 kl. 23:21]

Guðmundur Ásgeirsson, kemur mér ekki á óvart þú sért einn af þeim bullurum.

[Guðmundur Ásgeirsson, 13.9.2021 kl. 23:38]

Hvaða bullurum? Það ert þú sem aðhyllist útbreiddustu samsæriskenninguna um þessa atburði sem til er, hafandi sjálfur skilgreint allar slíkar kenningar sem heimskulegan spuna.

Svo ræðstu að mér með ad hominem röleysu fyrir að benda á þessa staðreynd, sem vekur upp þá spurningu hver sé bullarinn hér?

[Einar Björn Bjarnason, 13.9.2021 kl. 23:44]

Guðmundur Ásgeirsson, engar aðrar samsæriskenningar hafa nokkurt hið minnsta atriði sér til framdráttar. Þ.e. ekki ósanngjarnt að kalla þær allar með tölur bull, og þar með sérhvern þann er aðhyllist einhverja þeirra - bullara. Ekki -ad hominem- að þegar menn raunverulega trúa á þ.s. sannarlega er bull. Fram til þessa, hef ég aldrei orðið þess vitni - þú bendir á staðreynd.
Kv.

[Einar Björn Bjarnason, 13.9.2021 kl. 23:50]

Guðmundur Ásgeirsson, bendi þér á ég varði löngum tíma í að stúdera þær kenningar t.d. á vef sem hét - 9 11 truth org - sem sannarlega var í engum atriðum um sannleikann. Í þeim ryfrildum komst ég að mörgu um þær kenningar, rannsakaði málið sjálfur skv. því sem ég gat; efa þú getir nefnt nokkurt það atriði í þessu máli - sem ég hef ekki skoðað í kjölinn.
Kv.

[Theódór Norðkvist, 14.9.2021 kl. 16:06]

Guðmundur Ásgeirsson, engar aðrar samsæriskenningar hafa nokkurt hið minnsta atriði sér til framdráttar. - Þú sem sagt viðurkennir að þetta sé samsæriskenning sem þú aðhyllist?

Ég tek fram að ég er sammála þér, aldrei þessu vant - þ.e. um að árekstur flugvélanna hafi orsakað hrun turnanna, óháð því hvað menn vilja kalla þá (opinberu) kenningu.

[Guðmundur Ásgeirsson, 18.9.2021 kl. 00:19]

Theodór. Ég aðhyllist enga sérstaka "samsæriskenningu" um þessa atburði. Síst af öllu þá "opinberu" sem var sett fram af bandarískum stjórnvöldum.

Ég er þeirrar skoðunar að þeir atburðir sem áttu sér stað þennan dag hafi verið flóknari en nokkur kenning hefur hingað til náð fyllilega utan um.

Það eina sem ég veit er það sem flestir halda um þessa atburði er ekki byggt á traustum heimildum, því þær eru allar litaðar af einhverjum viðhorfum.

Ég vil frekar draga ályktanir af staðreyndum en kenningum, þegar það er hægt.