Gos getur verið yfirvofandi á Reykjanesskaga - í rás atburða er getur í nokkru líkst atburðarás er varð 2014 er gos varð rétt Norðan við Vatnajökul!

Á fundi Vísindaráðs Almannavarna var varpað upp nýrri sviðsmynd er setur allt aðra mynd á rás atburða sl. rúma viku, m.ö.o. nánar tiltekið að kvika sé að brjóta sér leið eftir gangi á nokkurra km. dýpi undir yfirborði, jarðskjálfarnir séu merki þess að hún víkki sprungur neðanjarðar á ferð kvikunnar er virðist til Norð-Austurs frá svæðinu við Fagradalsfjall.
Ef marka má fréttir þá stefni gangurinn nokkurn veginn á fjallið Keili.

Eftirfarandi mynd frá 2014 sýnir gang af sambærilegu tagi undir Vatnajökli!

Þá braut kvika sér leið neðanjarðar undir jökli til Norð-Austurs, þar til hún braust upp á yfirborðið í flæðigosi rétt Norðan við jökulinn. Talið að kvikan hafi komið frá Bárðabungu-eldstöðinni, kvikuhólfi þaðan - gömul færsla:  Ef marka má fréttir, getur verið stutt í gos í Norðvestanverðum Vatnajökli.

Skv. upplýsingum Veðurstofu: Ný gögn gefa ástæðu til að skoða nánar þá sviðsmynd sem snýr að kvikuinnskoti undir svæðinu við Fagradalsfjall.

Efirfarandi mynd er sýnir jarðskjálfa sl. mánudag!

Er þá væntanlega að sýna kvikuhreyfingu eftir gangi neðanjarðar!

1. Þetta virðist alveg umpóla sviðsmyndinni sem sérfræðingar hafa verið að ræða, því allt í einu blasa við miklu mun stærri líkur á gosi, að virðist.
2. Líklegasta skýringin er sú að kvikugangur sé að myndast undir því svæði þar sem mesta jarðskjálftavirknin hefur verið síðustu daga.
   --Þetta er haft eftir sérfræðingum almanna-varna.

Ekki er talið öruggt að það verði gos.
--Kvika geti storknað í ganginum, frekar streymi kviku inn í hann hætt, skjálfahrina hætt.
--Eða, skjálftahrina heldur áfram, kvika streymir áfram fram neðanjarðar - skjálfar halda áfram að sýna ferð hennar neðanjarðar eftir því sem miðja skjálftanna færir sig smá saman NE.

• Ef atburðarásin hættir ekki, vaxa líkur væntanlega á að kvikan rambi á sprungu eða veikleika í jörðu er leiði hana greiðlega upp á yfirborð fyrir rest.

Miðað við núverandi staðsetningu gangsins, ef kvikan brýst fljótlega upp.
Væri gosið á tiltölulega meinlausu svæði -- hraun streymdi væntanlega átt til sjávar humátt að Reykjanesbraut.
--Auðvitað vex spennan því lengra sem kvikan leitar frá Fagradalsfjalli.

Í atburðarásinni undir Vatnakjökli - leitaði kvikan tugi km.
Hinn bóginn gæti jökullinn hafa verið hluti ástæðu þar um.
--Kvikan virðist hafa farið einungis skamma vegu út fyrir jökulsporð.

 

Niðurstaða

Allt í einu lítur atburðarásin út sem aðdragandi eldgoss, eftir að sérfræðingar höfðu dögum saman skilið hana með öðrum hætti - sem spennu-losunar-skjálfa í tengslum við jarðskorpuhreyfingar.
Ég verð að ætla að hversu þrálátir skjálftarnir eru að reynast vera.
Þeir séu ekki í rénun, eins og búist var við.
Sé undanfari þess að aðilar hafa teiknað upp alfarið nýja sviðsmynd.

• Síðast gaus á landi á Reykjanesi kringum 1240.
  Hinn bóginn virðist ekki hafa gosið út frá kerfinu tengt Fagradalsfjalli í 6000 ár.

Það væri þar með nýr spennandi jarðfræðilega atburðarás ef fyrsta gos sem tengja má kerfinu verður nú á nk. dögum eða vikum.

 

Kv.

Athugasemdir

[Þorsteinn Briem, 2.3.2021 kl. 09:36]

Alls ekki má leggja nýjan flugvöll við Hafnarfjörð en í góðu lagi að byggja íbúðarhús á hrauni í Hafnarfirði, þriðja stærsta bæ landsins, og að fleiri en fjögur þúsund manns búi í Vestmannaeyjabæ við hliðina á eldfjalli sem gaus fyrir 48 árum.

Og væntanlega er mun gáfulegra að byggja þúsundir íbúðarhúsa á Vatnsmýrarsvæðinu en á gömlu hrauni í Garðabæ og Hafnarfirði.

Hins vegar er hægt að reisa varnargarða gegn hraunrennsli og kæla hraun með vatni eða sjó til að stöðva framrásina, eins og gert var í Vestmannaeyjum.

1.3.2021 (í gær):

"Hraun flæða venjulega í rásum og geta þá farið hratt en þegar þau fara út fyrir rásirnar ná þau ekki meira en gönguhraða.

Meðalstærð hrauns sem hefur komið upp á yfirborðið í eldgosum á Reykjanesskaga er um tíu ferkílómetrar, fimm kílómetrar á lengd og tveir á breidd," segir Þorvaldur Þórðarson eldfjallafræðingur."

Og varnargarðar gegn snjóflóðum og skriðuföllum hafa verið reistir fyrir milljarða króna á Vestfjörðum, Norðurlandi og Austfjörðum til að verja þar nokkur íbúðarhús.

Ef nýr flugvöllur verður ekki lagður við Hafnarfjörð verður innanlandsflugið einfaldlega flutt af Vatnsmýrarsvæðinu til Keflavíkurflugvallar og flugvellir á Akureyri, Egilsstöðum og í Skotlandi eru varavellir fyrir Keflavíkurflugvöll.

"Keflavíkurflugvöllur er vel í stakk búinn til að taka við innanlandsflugi, reisa þyrfti nýja flugstöð eða finna henni stað í húsnæði sem til staðar er á vellinum."

(Innanlandsflug um Keflavíkurflugvöll, möguleikar og samfélagsleg áhrif - Atvinnuþróunarfélag Suðurnesja, janúar 2014.)

En Sjálfstæðisflokkurinn ætlar að sjálfsögðu ekki að reisa fleiri hús á gömlu hrauni í Garðabæ og Hafnarfirði og þar að auki ætlar flokkurinn að flytja á brott alla íbúa Vestmannaeyjabæjar strax í fyrramálið.

[Einar Björn Bjarnason, 2.3.2021 kl. 17:06]

Ég er eiginlega talsmaður þess að halda vellinum þ.s. hann er - alltaf litið það hagkvæmasta kostinn. Aldrei litið það áhugaverðan kost, að setja íbúða-byggð í staðinn. En afar dýrt að byggja þar, þar eð jarðvegur er afar djúpur sá dýpsti á höfuðborgarsvæðinu - vegna jarðskjálfta verður að grafa alveg niður á fast. Það getur aldrei verið annað en byggð fyrir ríkt fólk - ríkisbubba-byggð, vegna stórfellds kostnaðar per byggt húsnæði.
Vandi við hugmynd um varnar-garða við byggðir - er þú veist ekki hvar hraun kemur upp, engin leið að vita það fyrirfram, og þar fyrir utan getur hraun pent farið yfir garðinn; nema þú gerir hann afar háan - m.ö.o. a.m.k. 2-3ja hæða hús; en hraun geta náð þykkt umfram venjulega hús-hæð, og er þau renna svo þykk hafa þau mjög mikið afl til að ryðja í burtu. Kostnaðurinn væri ævintýralegur, fyrir utan hvar ætlar þú að finna allt efnið. Mér virðist augljóst, að ný eldgosa-hrina sé sterk rök fyrir flugvellinum áfram í Vatnsmýri, þ.s. borgin getur mjög auðveldlega verið -- skorin af frá aðgengi að Kefla-víkurvelli; ef hraun-gos hefst á svæðinu nærri Kefla-vík, sem örugglega gerist á einhverjum punkti. Bestu rökin fyrir vellinum, hafa alltaf verið öryggis-rök, þ.e. unnt er að flytja vistir loftleiðist beint til borgarinnar, þó svo Kefló-völlur fari undir hraun, er getur sannarlega gerst. Aftur á móti er RVK. völlur staðsettur þ.s. hraun-aðstreymi er afar ósennilegt. Eiginlega er sú staðsetning besta mögulega staðsetning hægt er að finna fyrir flugvöll nokkurs staðar á öllu svæðinu, ef þú hugsar um öryggis-þáttinn, þ.s. akkúrat þarna eru langsamlega minnstar líkur á að flugvöllur eyðileggist af völdum náttúru-hamfara, að flugvöllur verði óaðgengilegur af völdum náttúruhamfara. Gríðarlegt öryggis-atriði fyrir alla íbúa RVK. og nágrennis, að völlurinn sé einmitt þ.s. hann er -- verði aldrei niður lagður.
Kv.