25 þúsund hermenn gráir fyrir járnum munu gæta embættistöku Joe Biden! Skellur á borgarastríð?

Þetta sýnir það einstaka ástand er ríkir í Bandaríkjunum í tengslum við þessa embættistöku, að mikill meirihluti kjósenda Repúblikana trúir -- ósönnuðum sögusögnum um fölsuð kosningaúrslit. Það sem er að gerast er nákvæmlega það sem maður óttaðist -- að dreifing slíkra skýringa, m.ö.o. fullyrðinga um stolnar kosningar -- mundi geta skapað hættulegt ástand ef svo mundi vilja til að þrátt fyrir slíkar sögu-dreifingar mundi Donald Trump tapa fyrir Joe Biden.

1. Hve gríðarlega margir trúa því, þrátt fyrir að engar öruggar sannanir liggi fyrir því að kosningum hafi verið stolið.
   Bendi á að Donald Trump -- tapaði 61 dómsmáli af 62. 1 dómsmál endaði með samkomulagi.
   M.ö.o. er ekki hægt að segja Donald Trump hafi ekki haft tækifæri til að sanna sínar fullyrðingar.
2. Þar fyrir utan, beitti hann embættismenn í fylkjum þ.s. Repúblikanar ráða, þrýstingi.
   A.m.k. 2-skipti komu hópar þingmanna úr fylkjum til Washington til fundar við hann.
   --Ekki má gleyma frægu símtali er lekið var - þ.s. Trump virtist beita embættismann í Georgíu þrýstingi um að breyta kjör-niðurstöðu í Georgíu.
   **Ég er eiginlega sannfærður um, það símtal endi líklega sem glæpamál gegn Trump.

--Trump hefur ekki gefið eftir fullyrðingar um stolnar kosningar, þrátt fyrir að ná engum árangri með þær fullyrðingar fyrir dómi -- endurtek, 61 tapað dómsmál.

• Maður verður eiginlega að hallast að því, að Trump hafi klárlega tapað.
  En á sama tíma, Trump -- einhvern veginn sé ekki fær um að sættast sig við það.

Það hættulega við allt málið, að Trump virðist hafa tekist að sannfæra meirihluta sinna kjósenda, þrátt fyrir að Trump hafi tapað sérhverju dómsmáli!

Það sé þessi stóri minnihluti Bandaríkjamanna er trúi sögum um stolnar kosningar er geri embættis-tökuna hættulegri sennilega en nokkra aðra embættistöku í sögu Bandaríkjanna!

Hermenn í afslöppun inni í Capitol byggingunni, þinghúsinu í Washington!

1. Svo hættulegt metur PENTAGON ástandið, að ótrúlegur fjöldi hermanna undir vopnum eins og sjá má munu gæta embættistöku Joes Biden.
2. Miðað við það að yfir 60 milljón manns innan Bandar. trúa líklega á sögur um stolnar kosningar -- að margir þeirra geta verið reiðir vegna þess, að þeir trúa slíkum sögum.

Þá hugsa ég að það sé ekki of mikið, að hafa 25.000 hermenn í Washington nk. miðvikudag.

Margvíslegar aðrar öryggisráðstafanir eru í býgerð: Transit security officials prep for chaos.

Í þessari frétt kemur fram, að allar lestar-stöðvar innan nokkurra km. radíus við Capitol hæð verða lokaðar, þannig að hópar er ætla að mæta á svæðið með lest -- verða þá að ganga langar leiðir.

Að auki verða örugglega helstu vegir í grennd við Capitol hæð, lokaðir!

• Samt getur vel verið að mæti gríðarleg þvaga af fólki.
• Þ.s. ekki er síst hættulegt, að bæði hópar stuðningsmanna Bidens og Trumps.
  Eru líklegir að mæta.
• Og enn verra, báðir slíkir hópar geta verið vopnaðir.

M.ö.o. er ég ekki endilega á því að mesta hættan á blóðabaði verði tengd árás á Capitol.
Frekar möguleika á -- skothríð brjótist út milli hópa stuðningsmanna!

Það sem þetts líklega sýnir: Sl. 150 ár hafi spenna innan Bandar. aldrei verið meiri.

Fólk í fullri alvöru er farið að ræða hættu á borgara-stríði.
Fyrir embættistöku Trumps 2017 hafi það líklega verið óhugsandi.
--En með því að takast að sannfæra tæpan helming kjósenda að kosningar séu virkilega stolnar, þrátt fyrir að vinna ekkert af 62 dómsmálum, virðist Trump hafa skapað mjög hættulegt ástand.

• En ég verð eiginlega að eigna það Trump, að skapa þá hættulegu spennu.
  Því eftir allt saman er það fyrir hans tilstuðlan, að svo margir trúa á söguna um stolnar kosningar.

Með því hafi honum tekist að skapa gríðarlegt víðtækt ástand reiði meðal mjög fjölmenns hóps.
Það sé hve sá hópur sem er fjölmennur, sem skapi þá tilfinningu að -- embættis-takan gæti verið rás-punktur nýs borgarastríðs í Bandaríkjunum!

--Ég sé það ekki sem ósanngjarnt að eigna Trump að það ástand hafi myndast!
Ég held að öll heimsbyggðin bíði með öndina í hálsinum eftir embættistökudegi.

 

Niðurstaða

Sögur Trumps um stolnar kosningar virðast hafa klofið Bandarísku þjóðina með hætti er ekki hefur gerst í um 150 ár -- að sjálfsögðu verð ég að kalla þetta sögur.
Honum tekst ekki að vinna nokkurt af 62 dómsmálum, tilraunir hans fyrir rétti til að sanna söguna um stolnar kosningar voru m.ö.o. margar -- og allar þær tilraunir mistókust.
--Þannig hefur honum ekki tekist að sanna sína sögu!
--Það þíðir m.ö.o. að lagalega séð er Joe Biden lögmætur arftaki, þ.s. það stóð á Trump að sanna að kosningin hefði verið óheiðarleg, þ.s. skv. hefðbundinni reglu réttarhalds er Joe Biden sýkn saka ef ekki tekst að sanna á hann sök, þá telst hann sýkn saka af slíkum áburði hvað réttarfar Bandaríkjanna áhrærir.

Síðan lagalega séð, hafði Bandaríkjaþing enga lagalega ástæðu til að kollvarpa niðurstöðunni, eftir að -- allar tilraunir fyrir rétti höfðu farið út um þúfur, eftir að öll fylkin hvert fyrir sitt leiti höfðu staðfest kosninganiðurstöður, og eftir að Elector College hafði meirihluta kjörið Joe Biden forseta.
--Þess vegna að sjálfsögðu, sagði Pence að hann mundi ekki gera tilraun til að ónýta niðurstöðuna eins og Trump heimtaði um daginn -- Pence m.ö.o. fylgdi hinu lagalega ferli.

Pence hefur auki líst því yfir hann verði við embættistökuna: Pence is done with Trump’s bulls--t, said a former Pence adviser.
Ef það er rétt haft eftir, þá væntanlega eru komin full vinslit milli Pence og Trumps.

Þrátt fyrir að lagalega séð - sé Biden rétt-kjörinn. Er krafan það stríð, að Trump haldi áfram eftir að Trump hefur tekist að sannfæra yfir 60 milljón manns - hann þrátt fyrir allt eigi á réttu að vera forseti nk. 4 ár.
--Að líklega hafi aldrei ríkt innan Bandaríkjanna hættulegra spennu-ástand sl. 150 ár eftir lok borgarastríðs í Bandaríkjunum.

Spurningar um nýtt borgarastríð vakna því!
Bendi auk þess á, að líklega verða mótmæli í yfir 100 borgum samtímis.
Í þeim borgum er líklega ekki eins gríðarleg öryggis-gæsla.
--Kannski í einhverri þeirra borga eru tíðindi líklegri, hver veit.

 

Kv.

Athugasemdir

[Ásgrímur Hartmannsson, 17.1.2021 kl. 19:50]

1: ekkert af þessum dómsmálum tapaðist.  Þeim var öllum vísað frá.

Semsagt: enginn fór í gegnum sönnunargögnin. Og af þeim er fullt.

2: Það er margt sem ýtir undir ólguna, sjá td atriði 1 hér að ofan, svo eru fjölmiðlar ekki að segja rétt frá svo eftir er tekið, og demókratarnir eru alls ekkert dipló.

Það verður mikil kergja næstu 4 árin.

3: Trump er enn yfirmaður yfir hernum... pældu í því.  Þessir 26.000 manns eru þá varla sendir til höfuðs hans fólki.

[Einar Björn Bjarnason, 18.1.2021 kl. 00:47]

Ásgrímur Hartmannsson, þ.e. einmitt hvað gerist - ef mál er reifað og það er engum sönnunar-gögnum til að dreifa. Látum: 1. Voru yfirlýsingar X-fjölda aðila þú væntanlega vísar til, ljósár frá vera fullnægjandi sönnunar-gögn; eins og ég hef bent þér á voru báðir flokkarnir alltaf með sama fj. eftirlits-fólks. Og þú mátt reikna með því að -- í sérhvert sinn, sé eftirlits-einstaklingur á vegum Demókrata, á annarri skoðun ef eftirlits-aðili á vegum Repúblikana heldur öðru fram. Ef síðan rætt er við starfsmenn eða starfsmann - sem fylgst var með um að skera út um málið. Og vitnisburður þeirra eða hans, eftir hvort á við -- styður ekki ásakanir. 2. Þá er máli snarlega vísað frá, ef ekki er til að dreifa -- gögnum er styðja ásakanir. 3. Þ.e. ekki rétt að allir þessir dómsstólar hundsi sönnunar-gögn, tilhæfulaust kjaftæði. Vandinn var -- skortur á sönnunum. Ekki að fullt hafi verið til, sem hefi pent verið hundsað. 4. Staðar forseta sem yfirmanns hersins - gefur honum ekki rétt til að fyrirskipa einhliða beitingu hans innanlands. Það eru til lög sem takmarka mjög rétt til beitingar herafla innan Bandar. Og til að lísa yfir neyðar-ástandi þarf samþykki beggja þingdeilda. Þannig að 3-punktur þinn eiginlega skiptir litlu máli. 5. Eftir að Trump tapar 61 dómsmáli -- er ekki hægt að sjá nokkra skynsemi í að veita ásökunum um stolnar kosningar mikla athygli -- fyrir utan allan þann fjölda, er virðist hafa --fíflast-- til að trúa þeim. 
Kv.

[Þorsteinn Briem, 18.1.2021 kl. 12:35]

Jón Baldvin Hannibalsson getur að sjálfsögðu stillt til friðar í Bandaríkjunum eins og í Sovétríkjunum.

Sér til fulltingis gæti karlinn haft Árna Johnsen með gítarinn og saman gætu þeir gefið skrílnum Þorramat, súrsaða selshreifa, hrútspunga og sviðakjamma, þar til sæi undir iljarnar á öllum óeirðaseggjunum.

[Þorsteinn Briem, 18.1.2021 kl. 12:48]

17.1.2021 (í gær):

New Yorker birtir lygilegt myndband sem tekið var í þinghúsinu

[Ásgrímur Hartmannsson, 18.1.2021 kl. 16:57]

"þ.e. einmitt hvað gerist - ef mál er reifað og það er engum sönnunar-gögnum til að dreifa."

Engin mál voru reifuð.  Það er það sem "vísað frá" þýðir.  Það er undirstaða vandamálanna núna.

" Staðar forseta sem yfirmanns hersins - gefur honum ekki rétt til að fyrirskipa einhliða beitingu hans innanlands. "

Forsetinn er absolút yfirmaður hersins.  Og hann er ekki að ráðast á neinn þarna, bara að standa vörð.

Svo er þetta: https://www.nbcnewyork.com/news/local/fbi-vetting-guard-troops-in-dc-amid-fears-of-insider-attack/2835818/

Paranoian er mjög öflug þarna.

[Theódór Norðkvist, 19.1.2021 kl. 23:15]

[Borgþór Jónsson, 20.1.2021 kl. 18:32]

Það verður að teljast frekar ólíklegt að það komi til borgarastyrjaldar í Bandaríkjunum en þó er líklegt að það verði nokkur órói næstu mánuði allavega.
Þegar Demókratar töpuðu kosningunum 2016 gripuu þeir til sömu aðferða og þeir hafa stundað í öðrum ríkjum um allan heim á undanförum áratugum.
Það er, að fjármagna ofbeldisfulla hópa og senda þá út á göturnar til að valda upplausn.
Þetta gekk með  ágætum og Bandarískar borgir loguðu mánuðum saman.
Nú þegar Demokratar hafa náð völdum munu þessir hópar verða kallaðir af götunum.
Reyndar er ekki auðvelt að stöðva svona villimenn en líklega tekst það með því að skrúfa fyrir fjármagnið til þeira og þegar forystumenn þeirra hverfa skyndilega eftir að hafa þjónað sínum tilgangi.
Peningalausir, forystulausir , án stuðnings þingmanna Demokrata og sviftir óheftum og jákvæðum fjölmiðlaaðgangi munu þessir hópar smá saman leysast upp.

Ástæðan fyrir þessu er að Bandarískir Demokratar aðhyllast ekki lýðræði.Þeir eru þess fullvissir að þeir eigi að stjórna hvort sem almenningur vill það eða ekki.
Þessa er líka farið að gæta í fleiri ríkjum.
Fjölmiðalar og samfélagsmiðlar munu svo sjá um að óánægjuraddir heyrist ekki.
Þetta er þegar byrjað og til stendur að setja lög sem styðjast við núverandi hryðjuverkalög til að þagga algerlega niður í fólki sem eru ekki þóknanlegar Demokrötum.
.
Hvað varðar Trump þá stóð hann ekki við kosningaloforðin sem hann gaf.Sennilega er þetta það sem varð honum að falli
Það er ekki gott að segja hvað veldur. Sennilegasta skýringin er að hann er í raun hluti af vandamálinu þó að hann hafi aldrei fengið inngngu í innstu elítuna í landinu.
Áhrif Trumps í framhaldinu verða engin.
Hann og fylgismenn hans verða ritskoðaðir að því marki að fólk gleymir fljótlega að hann sé til.
.
Hið góða við valdatíð Trumps er að hún dró fram í dagsljósið að Bandarísk stjórnmál eru farsi þar sem elítan í samstafi við auðmenn ræður algerlega til likta hver verður forseti.
Niðurstaðan er að Bandaríkjamenn sitja nú uppi með tvo æðstu valdamenn þjóðarinnar sem voru svo óvinsælir í eigin flokki að þeir höfðu enga möguleika til að komast áfram nema fyrir stórkostleg inngrið frá flokkseigendafélögunum.
Fáránleikinn í þessum kosningum er með ólíkindum. Fólk sat uppi með allt að átta kjörseðla á heimilum sínum ,sem það gat skilað inn án þess að hitta nokkurn mann eða að gera grein fyrir sér á nokkurn hátt. 
Þetta getur hreinlega ekki mistekist,eða hvað.
Nú er uppi sú staða að nánast helmingur þjóðarinnar telur að núverandi forseti hafi ekki náð kjöri sem slíkur. Lái þeim hver sem vill.
.
Hið góða er að atburðir undanfarinna mánuða hafa leitt til þess að enginn horfir lengur til Bandaríkjanna sem lýðræðisríkis,enda kominn tímii til.
Þetta mun leiða til þess að það verður ekki sérlaga sannfærandi þegar Biden vill næst ráðast á einhverja þjóð og tortíma henni í nafni lýðræðis.
Bandaríkjamenn standa ekki lengur hærra en aðrar þjóðir eða sjá lengra eins og Hillary og Allbright sögðu okkur gjarnan.
Nú hafa þeir ekki lengur nein tæki til að ná fram vilja sínum önnur en hrátt ofbeldið án sykurhúðar.

[Birgir Loftsson, 25.1.2021 kl. 15:50]

Ásgrímur Hartmannson hefur rétt fyrir sér, málin voru ekki tekin efnislega fyrir dómstóla og þar með töpuðust þau ekki.

Líkleg ástæðan fyrir að ekki er hægt að sanna kosningasvindl ffer að svindlið fór fram í netheimum. Svindlið fór einnig þannig fram að eftirlitsmönnum Repúblikana var hindraður aðgangur talningu. Frægt er einnig myndbandið sem sýnir talningafólk, taka kassa undir borð, þegar eftirlitsfólk var farið, í skjóli nætur.

Svindlið fór fram sem sagt í þremur hlutum:

1) Kosningavélum breytt (ég sá myndband þar sem tveir tölvumenn breyttu kosningavél á innan við 10 mínútum) en einnig í gegnum ,,gagnaver" þar sem hægt var að breyta tölum í rauntíma eins og gerðist um miðja kosninganótt og Trump var þá með afgerandi forystu. Þegar kosningarkerfið hrökk í gang aftur, var Trump kominn í mínus.

2) Eftirllitfólki var meinaður aðgangur að talningu.

3) Fjöldaframleiddir kosningaseðlar (með nöfnum dauðs fólk) voru dregnir fram í skjóli næturs.

Svo er það annað, hvernig er hægt að treysta kosningum þar sem hægt er að senda kjörseðil án þess að framvísa skilríkjum? Hvað hefði verið sagt ef forsetakosningarnar hér í sumar, í covid-ástandi, hefðu verið rafrænaar?  Ekki mikið tekið mark á þeim. 

Eina leiðin til að tryggja öruggar kosningar er að fólk mæti á kosningastaðinn og framvísi skilríkjum. Annað bíður upp á kosningasvindl.

Ég tek einnig undir mat Borgþórs Jónssonar á hverjir studdu og hvöttu til óeirða og uppþot götulýðsins, sem eru auðvitað Demókratar.

Theódor Norðkvist hittir einnig naglann á höfuðið, þegar hann bendir á þau undarlegheit, að herinn þurfi til að tryggja innvígslu í starfið. 

Að lokum, þetta voru furðulegasta forsetakosningaeinvígi sögunnar. Annar hélt framboðsfundi daglega fyrir fullu húsi, stundum marga á dag, en hinn hélt sig heima við, í kjallaranum í Wilmington (meirihluti íbúana kaus Trump) nánast allan tímann og tók örfá viðtöl.  Er það trúlegt að slíkur frambjóðandi hafi unnið? Þurfa framtíðarframbjóðendur e.t.v. að breyta kosningabaráttu sinni í að láta ekki sjá sig eða taka viðtöl?