Spurning hvort að leiðtogi Skota, með því að heimta nýja atkvæðagreiðslu um sjálfstæði Skotland, sé að nota sjálfstæðismálið til að þrýsta á Theresu May í BREXIT viðræðum?

Nicola Sturgeon er leiðtogi flokks sjálfstæðissinna í Skotlandi. Eins og flestir ættu að þekkja, þá tapaði flokkurinn þjóðaratkvæðagreiðslu fyrir örfáum árum -- skv. afstöðu London þá, á þar með þessi spurning að vera afgreidd a.m.k. í heila kynslóð.
--Það má því velta fyrir sér, hvort London heimili nýja almenna aktvæðagreiðslu í Skotlandi.
En lagatæknilega þarf London að veita heimild - sem þíðir að London getur sagt, nei!

Það sem vekur athygli - með kröfu Nicola Sturgeon.
Er að hún heimtar að atkvæðagreiðslan fari fram - vorið 2019.
Þegar áætlað er að - skýrar línur séu komnar á BREXIT viðræður, en BREXIT ekki enn orðið.

1. Það geri það að verkum, að þar með setur Sturgeon það fram sem skýra hótun.
2. Að ef Theresa May - geri of slakan samning við ESB, þá leiði það til þess að Skotar segi -- bæ, bæ - við Bretland.

--M.ö.o. geti málið snúist um það atriði, að þvinga London til þess - að velja á milli þess að halda Skotum í ríkjasambandinu sem væntanlega þíddi, að Bretland yrði að semja um -- áframhaldandi fulla aðild að - innra markaði ESB, ef halda ætti Skotum í Bretlandi; sem þíddi að breskir BREXIT-erar yrðu þá gefa að stærstum hluta eftir -væntanlega- kröfuna um að takmarka aðflutning fólks til Bretlands, sem virðist hafa verið megin ástæða þess að breskir kjósendur völdu BREXIT í fyrsta lagi.
--Eða, að taka það val sem mundi sennilega auka verulega líkur á því að - Skotland segi, bæ - bæ - ed BEEXIT viðræður enda með þeim hætti, að Bretland er utan - innra markaðar ESB.

Nicola Sturgeon, leiðtogi flokks skoskra sjálfstæðissina, og leiðtogi Skota!

Að sjálfsögðu er ekkert formlega að því fyrir Skotland, að vera sjálfstætt ríki!

Það sem síðast réð mestu um - nei - niðurstöðuna, var að skoskir kjósendur samþykktu það að viðskilnaður -- líklega leiddi til verri efnahags í Skotlandi.
--Þetta rökrétt séð á enn frekar við í dag!

1. En verðlag á olíu, var enn yfir 100 dollurum fatið, þegar síðasta atkvæðagreiðsla var.
2. Í dag er það verð, nærri helmingi lægra.

--Skotland er því í sama vanda, ef þ.e. sjálfstætt ríki -- eins og Noregur.
--Nema að Skotland á engan, olíusjóð.
Að það er án vafa -- verulegur taprekstur á olíuvinnslunni.
Sem við Skotland eins og við Noreg -- er rekin með borpöllum.
Dýrasta aðferð í heimi - til olíuvinnslu.

• Skotland verður m.ö.o. klárlega ekki, auðugt olíuríki.
  --En olíudraumurinn -- sé örugglega, endanlega búinn!

Það stafi af - tæknibreytingum við olíuvinnslu, þ.e. "fracking" - sem hefur opnað nýjar leiðir til landvinnslu á olíu, á fleiri svæðum í heiminum á landi en áður var unnt að vinna olíu.
--Þ.s. aðferðin er ódýrari en vinnsla með borpöllum.
Þá getur -fracking- viðhaldið framleiðslu að nægilegu marki!
Þannig að verðlag fyrir olíu --> Haldist alltaf neðan við þau mörk, er olíuvinnsla með borpöllum fer að bera sig.

• M.ö.o. þíði það sennilega, að olíuvinnsla úr sjó - beri sig ekki, meðan -fracking- aðferðin skilar enn nægri olíu, til að halda verðlagi á olíu í heiminum - lágu.
  --Það gæti verið, samfellt a.m.k. nokkra áratugi.

Efnahagslega spurningin er m.ö.o. mun erfiðari í dag fyrir skoska sjálfstæðissina en var síðast!

 

Það áhugaverða er - að skoskir sjálfstæðissinnar eru samtímis, ESB aðildarsinnar!

Það þíðir að sú sterka - andstaða við aðflutning fólks frá fátækari aðildarlöndum ESB.
Er ekki ráðandi mál í augum - skoskra kjósenda.
--Eins og það reyndist vera, meðal -- enskra kjósenda.

1. Þetta gæti mjög verulega flækt málið með -- BREXIT viðræður, þ.e. þrýstingurinn frá Skotlandi eða m.ö.o. hótunin að fara.
2. En það að meirihluti Skota vill ESB aðild - þíði að þeir vilja eindregið halda aðildinni að innra markaði ESB.
   --Sem þíði, að þeir setji sig ekki upp á móti - frjálsu flæði fólks milli ESB aðildarlanda, eins og margir Englendingar gerðu.

• Auðvitað getur -- May velt því fyrir sér, hversu trúverðug hótun Sturgeon er.

--Enda eftir allt saman, hefur áhugi skoskra kjósenda á - brotthvarfi úr sambandinu við Bretland, ekki verið áberandi mikill í seinni tíð.

Það sé þó a.m.k. hugsanlegt - jafnvel meir en hugsanlegt!
Að ef Skotar standa frammi fyrir - því að detta út af innra markaði ESB, þá segir þeir -- bæ, bæ.

 

Hinn bóginn er einn vandi fyrir skoska sjálfstæðissinna!

Að Skotland lendir óhjákvæmilega - utan ESB. Burtséð frá því hvort Skotland segir hugsanlega -- bæ, bæ. Áður en BREXIT er orðið.

• Hinn bóginn, ætti Skotland sennilega greiða leið inn í EES.
  --Þ.e. aðild að innra markaði ESB.
  --Þó án fullrar aðildar!

Líklega stefndu þeir inn aftur -- þ.e. inn í sambandið.
Engin leið að vita - hve hratt það mundi ganga fyrir sig.
Mundi fara eftir vilja aðildarríkja!

 

Annar vandi, eru efnahagsmálin!

En ef eitthvað er, þá væri viðskilnaður Skotlands við restina af Bretlandi - flóknari en BREXIT fyrir Bretland sem heild. En við erum að tala um, skilnað á 300 ára sambandi. Þessi lönd hafa verið þar með að vaxa saman í mjög langan tíma. Sem þíði, að þau séu -- samofin efnahagslega og menningarlega með hætti, sem erfitt verði að - aftengja á snöggum tíma.

• T.d. fari nær allur útflutningur og innflutningur Skotlands, í gegnum það sem yrðu -- ný landamæri.
• Skotland fær töluverða meðgjöf af skattfé frá London -- mikið af opinbera kerfinu í Skotlandi sé beinlínis haldið með þeim hætti uppi.
• Fyrir utan, að olían í dag - er sennilega, nettó fjárhagslegur baggi.

Viðskipti Skota og Englendinga hvor við annan, eru mjög mikil að sjálfsögðu. Mun hærra hlutfall þess sem framleitt er í Skotlandi, er selt í restinni af Bretlandi. En hlutfall þess sem er framleitt í restinni af Bretlandi - er selt á meginlandi Evrópu.

1. Skotar þyrftu að samþykkja, að taka yfir - hlutfall skulda Bretlands.
2. Þeir fengu aldrei, að -- yfirgefa Bretland, án þess að taka á sig, sinn hlutfalls skerf skulda Bretlands.

• Það dugar sennilega til þess - að dekka stórum hluta, meintan hagnað Skota -sem sumir halda fram- við það ef Skotar ekki lengur senda skattfé til London.

Líklega mundi Skotland þurfa að a.m.k. til bráðabirgða, taka upp nýjan gjaldmiðil.
Óvíst hvort það yrði kallað - pund.

En ef t.d. það eru ekki algerlega frjáls viðskipti milli Skotlands og Bretland - í ljósi þess að restin af Bretlandi er yfirgnæfandi langsamlega stærsti hefðbundni markaður Skota.
--Mundi það koma beint til kjaralækkunar í Skotlandi.

• Þar er auðvitað -- þrýstingspunktur frá London, á móti.

1. Líklega yrði gengi gjaldmiðils Skotlands, fljótlega -- verulega lægra en pundsins.
2. Burtséð frá því, hvort pundið mundi -- hugsanlega lækka verulega við BREXIT.

--En þ.s. restin af Bretlandi er langsamlega stærsti hefðbundni markaður Skota.
--Þ.e. ekki unnt að svissa - 1, 2, eða, 3.
Þá yrði það alveg örugglega útkoman, að Skotar yrðu fyrir nýrri umtalsverðri kjararýrnun.
Ofan á hugsanlega kjararýrnun, vegna BREXIT.

A.m.k. virðist sennilegt, að deila um sambandsslit -- gæti orðið erfið og bitur.
Að líklega verði baráttan í kringum, síðari atkvæðagreiðslu -- mun bitrari og eitraðaðri en sú fyrri.

1. Þ.e. algerlega hugsanleg, að Skotar samþykki sjálfstæði - í annarri tilraun.
2. Þó klárlega mundi Skotland, með 2-efnahagstjón þ.e. A)Vegna BREXIT, og, B)Vegna slita við Bretland --> Ekki lifa nein efnahags dásemdar ár a.m.k. fyrsta áratuginn.

Auðvitað getur verið að -- löngu síðar blómstri Skotland.
En það er eitthvað sem enginn getur vitað í dag.

 

Niðurstaða

Mér finnst blasa við miðað við tímasetningu þeirrar þjóðaratkvæðagreiðslu í Skotlandi - sem Nicola Sturgeon nú gerir kröfu um, þ.e. áður en áætlað er að BREXIT hafi farið fram - en eftir að viðræður líklega hafa staðið nægilega lengi til að mynd sé komin á málin í megin atriðum.
--Að Sturgeon ætli að nota sjálfstæðismálið, sem hótun á Theresu May.

M.ö.o. skýr hótun um endalok sambandsins við Skotland, geti verið ætlað að þvinga London til þess að semja um BREXIT með hætti -- sem skárr hugnast Skotum.
Eða, sem er annar möguleiki, sem ég hef ekki enn nefnt -- að Sturgeon ætli að þvinga fram meira "devolution" þ.e. aukið sjálfræði Skotlands innan sambandsins innan Bretlands.--T.d. að aukið hlutfall skattfjár Skotlands verði eftir í Skotlandi.

• Auðvitað geti útkoman orðið, sjálfstætt Skotland -- hvort sem Skotland endar inni í ESB eða ekki; en það sé einnig undir meðlimalöndum ESB komið.

---------------

Fyrir Ísland, gæti sjálfstæði Skotlands verið hentugt: En bent hefur verið á, að Skotland gæti virkað sem, eitt af svokölluðum Norðurlöndum. En náin samskipti við Skanndinavíu, voru til staðar á öldum áður -- og landfræðilega væru þau ákaflega rökrétt.

Ef einhverra hluta vegna, það yrði bið á mögulegri ESB aðild Skotlands -- t.d. vegna afstöðu Spánar, er gæti hugsanlega verið tregt í taumi -- vegna innalands mála á Spáni, sbr. deilur við Katalóníu.
--En þeim gæti virst það, að verðlauna Skotland (eins og þeir gætu séð það) með aðild, gæti gefið katalónskum sjálfstæðissinnum, byr í segl - svo a.m.k. er hugsanlegt að Spánn hafni aðild Skotlands.

Þá mundi Skotland væntanlega verða eitt -- EES aðildarlanda.
Það væri mjög hentug útkoma fyrir Ísland -- að fá Skotland inn, sem viðbótar akkeri fyrir EES.
--Tæknilega gæti Bretland sem heild, endað þar -- þó það virðist ekki sérlega líkleg útkoma nú, vegna afstöðu BREXIT-era.

• Algerlega sjálfsagt fyrir Ísland, að hafa góð og vinsamleg samskipti við hugsanlegt sjálfstætt Skotland.
  --Ég hef prívat og persónulega, enga skoðun á því - hvort Skotland á að vera sjálfstætt eða ekki.

 

Kv.