N-Kórea storkar heimsbyggðinni - eina ferðina enn, með kjarnorkutilraun

Um virðist að ræða svokallaða "nuclear fission bomb" m.ö.o. kjarnorkusprengja sem byggist á kjarnaklofnun. Slíkar sprengjur eru mun aflminni en sprengjur sem framkalla, kjarna-samruna, eða svokallaðar - vetnissprengjur.
--Það áhugaverða er, að þetta er aflmesta sprengjan sem N-Kórea hefur sprengt fram að þessu, þ.e. kraftur upp á 10-kílótonn.

Skv. frétt: North Korea’s Nuclear Blasts Keep Getting Stronger

1. 8. okt. 2006, 1 kílótonn.
2. 24. maí 2009, 2,35 kílótonn.
3. 12. feb. 2013, sprengikraftur ekki uppgefinn, en meiri en fyrri skiptin.
4. 5. jan. 2016, sprengikraftur svipaður.
5. 8. sept. 2016, 10 kílótonn.

Það sem er áhugavert við þetta er að krafturinn í sprengingunum 2013 og 2016, virðist benda til þess að N-Kórea sé að ná valdi á smíði kjarna-klofnunarsprengju, með kraft á bilinu 8-10 kílótonn!

Til samanburðar: Hiroshima sprengjan, 17kt - Nagasaki sprengjan, 21kt.

• Skv. þessu teljast N-kóreönsku sprengjurnar, fremur kraftlitlar!

Á hinn bóginn, virðast síðustu 3-sprengingarnar benda til þess að N-Kórea hafi náð sæmilegu valdi á tækninni.
--Tilraunirnar 2006 og 2009 bendi til þess, að þær sprengjur hafi sennilega verið - lítt skilvirkar.

Það skilst í þeirri merkingu, að lágt hlutfall kjarnakleyfs efnis - er sprengjurnar innihéldu, hafi tekið þátt í virkninni er framkallaði sprengingu.

En að síðan þá - gangi þeim betur - þannig séð, í þeim skilningi að sprengjurnar séu skilvirkari.

Sennilegt virðist að N-Kóreu sé sennilega að takast að ná að þrengja hringinn um einhvers konar -- staðlaða hönnun!
--Sem gæti orðið að "warhead."

Decoding North Korea’s Claim of a Successful Nuclear Test

A Big Blast in North Korea, and Big Questions on U.S. Policy

North Korea Tests a Mightier Nuclear Bomb, Raising Tension

North Korea condemned for fifth nuclear test

Heimurinn virðist standa alfarið ráðþrota!

Vandamálið sem allar tilraunir Vesturvelda til að einangra N-Kóreu stranda á, er það:

1. Að refsiaðgerðir fram að þessu hafa engin áhrif á hegðan N-Kóreu!
2. Vegna þess að Kína heldur landinu uppi.

Eitt af því sem Bandaríkin undir Obama hafa samþykkt sem viðbragð - er að lofa S-Kóreu því að senda THAAD eldflaugavarnarkerfi til S-Kóreu.

Þeirri ákvörðun hefur verið mótmæl hátt af hálfu Kína - sem fullyrðir að kerfið sé í reynd beint að Kína!
--Þó að bandaríkjastjórn og S-Kórea hafni slíkri túlkun, bendi á að N-Kórea sé nærri því að geta sett kjarnavopn á sínar eldflaugar.

• Punkturinn er sá -- að það getur verið að Kim telji að viðbrögð Kína feli það í sér, að hann hafi í reynd - heimild Kína til að gera það sem hann vill!

"“North Korea almost certainly sees this as an opportunity to take steps to enhance its nuclear and missile capabilities with little risk that China will do anything in response,” Evans J.R. Revere, a former State Department official and North Korea specialist, said in a speech in Seoul on Friday."

Það er Kína sem hefur alla strengi í höndum sér - þ.e. tryggir að N-Kórea geti haft utanríkisviðskipti -- er Vesturlönd hafa í reynd lokað á landið.
--Vörur frá Kína streyma til N-Kóreu.
--Varningur frá N-Kóreu er seldur í Kína.

• Á meðan getur Kim sent Vesturlöndum - fingurinn!
• Samtímis getur hann treyst á það að Kína - stöðvi allar aðgerðir innan SÞ með neitunarvaldi.

 

Af hverju gerir Kína ekkert í málinu? Samtímis og það hindrar aðra?

Í raun og veru veit enginn það -- en kenningar hafa verið nefndar!

1. Einn möguleikinn, sem bent er á, er sá að Kína óttist hrun N-Kóreu -- en líklega skellur flóttamannabylgja á Kína.
   Enginn veit hvað mundi gerast, í því ástandi sem mundi fara af stað - ef stjórnin væri við það að hrynja. En hún ræður yfir kjarnorkuvopnum.
   --Kjarnasprengingar á yfirborði mundu geta sent geislavirkni sannarlega yfir svæði innan Kína.
2. Annar möguleiki er sá, að Kína óttist þann möguleika - að S-Kórea nái N-Kóreu, ef N-Kórea hrynur. Þannig að Kína hafi bandalagsríki Bandaríkjanna, beint upp við sín landamæri.
   --M.ö.o. N-Kórea sé "buffer" ríki í augum Kína, sem mikilvægt sé að halda í.

Enginn veit í reynd hvort annað hvort - er akkúrat það sem leiðtogar Kína óttast.

En það má sannarlega fastlega reikna með því - að stjórnvöld Kína mundu óska þess að leiðtogar N-Kóreu hegðuðu sér með öðrum hætti en þeir gera.

En samtímis virðist ljóst - að Kína vill alls ekki rugga bátnum innan N-Kóreu.

• M.ö.o. bendi fátt til annars en innan fárra ára verði það staðreynd að N-Kórea ráði yfir fjölda eldflauga er bera kjarnorkusprengjur.
• Sem mundu geta náð til helstu landa Asíu.

Afleiðingin geti vart annað en orðið sú!
-Að hafa áhrif til stigmögnunar vígbúnaðarkapphlaups innan Asíu.

Eins og ég bendi á, í minni síðustu umfjöllun: Norður Kórea heldur áfram að ógna nágrönnum sínum með eldflaugum

 

Niðurstaða

Kimmarnir halda áfram að storka heiminum með kjarnorkutilraunum, og tilraunum með eldflaugum er geta borið kjarnavopn. Og fátt virðist benda til þess að nokkuð verði gert í því sem dugar til þess að hindra þá útkomu - að N-Kórea verði að kjarnorkuveldi er ráði yfir eldflaugum er bera kjarnorkusprengjur, sem unnt sé að skjóta á helstu þjóðir innan Asíu.

Afleiðingin geti vart annað orðið sú, að stuðla að mögnun vígbúnaðarkapphlaups innan Asíu.

Kv.