Alþjóðlega Ólympýunefndin fellur frá allherjar banni á rússneskt íþróttafólk - en á einungis 12 dögum þarf viðkomandi að sanna sakleysi sitt

Ákvörðun Alþjóðaólympýunefndarinnar: Decision of the IOC Executive Board concerning the participation of Russian athletes in the Olympic Games Rio 2016.

1. Rússland getur kannski kallað þetta -- varnarsigur.
2. Fáni Rússlands verður borinn inn á ólympýuleikana í Ríó.
3. Rússneskir íþróttamenn fá nú 12-daga til að sanna sakleysi sitt, en skv. ákvörðuninni teljast allir rússneskir íþróttamenn - sjálfkrafa sekir nema sýnt sé fram á annað, m.ö.o. öfug sönnunarbyrði.
4. En með því að heimila hverjum fyrir sig, að fá tækifæri að sanna sitt sakleysi - þá er tekið tillit til réttar hvers fyrir sig, a.m.k. að einhverju leiti.
5. Það virðist komið undir sambandi hverrar greinar fyrir sig, að fella þetta mat.
6. Á hinn bóginn, muni óháður mats maður skipaður af alþjóða nefndinni - fara yfir það mat í hvert sinn, það einungis gilda ef sá aðili sé sáttur við matið hverju sinni.
7. Og þrátt fyrir þetta, verði sérhver rússneskur íþróttamaður sem fái keppnisheimild - undir viðbótar eftirliti og prófunum sem viðkomandi muni verða að skila af sér.
   --Annars muni keppnisréttur viðkomandi falla úr gildi, og árangur.

Vörn rússneskra yfirvald virtist fyrst og fremst felast í því, að vísa til þess - að önnur lönd væru einnig sek, m.ö.o. ekki í því beinlínis að hafna sekt - sem út af fyrir sig er áhugavert.

Á hinn bóginn, þó vitað sé að svindl tíðkist í öðrum löndum, þá er það sérstakt við tilvik Rússlands --> Þátttaka stjórnvalda sjálfra í svindlinu, þar á meðal með beitingu eigin leyniþjónustu - þátttöku Ráðuneytis Íþróttamála, og auðvitað hinnar opinberu rannsóknarstofu og starfsfólks hennar í svindlinu.

Út af því, hafi það verið niðurstaðan, að allir rússneskir íþróttamenn séu sjálfkrafa sekir -- vegna þess að þeir hafi starfað innan gjörspillts kerfis.

Þeir sem hafa aftur á móti keppt mikið erlendis, og geta vísað til prófa tekin á erlendum vettvangi, þar sem sýni hafa verið rannsökuð af aðilum utan Rússlands - sem njóta trausts Alþjóða Ólympýunefndarinnar; hafa þá það tækifæri sem vísað er til - að sýna fram á að þeir séu -hreinir.-

• Það má m.ö.o. því vera að helstu rússnesku stjörnurnar fái að vera með.
• Fyrir utan að hver sá sem einhvern tíma hefur fallið á prófi, fær ekki að vera með.

Þess vegna fékk ekki -Yuliya Stepanova- að vera með.
Þó hún hafi komið fram og vakið athygli á svindlinu.

Litið er á hana sem svikara þar af leiðandi af rússneskum aðilum.
-Það að hún fái ekki að vera með -- er því gagnrýnt af mörgum, að sú sem átti þátt í að afhjúpa svindlið - sé sett í skammarkrókinn ásamt hinum, sem höfðu þagað yfir því.

 

Niðurstaða

Vegna þess að hver íþróttamaður fær tækifæri til að sýna fram á sakleysi sitt. En til þess að geta gert það - virðist sá eða sú þurfa að hafa keppt erlendis, og þar með tekið lyfjapróf á erlendri grundu - sem rannsökuð voru af aðilum utan Rússlands, af aðilum sem njóta trausts.
--Þá er útlit fyrir að það verði einhver hópur rússneskra íþróttamanna eftir allt saman á ólympýuleikunum í Ríó sem hefjast eftir 12 daga.
--Má reikna með mikilli spennu þessa 12 daga hjá íþróttafólkinu.

En hjá sérhverjum íþróttamanni er um tækifæri lífs viðkomandi gjarnan að komast á ólympýuleika.

 

Kv.