Atburðarásin í Tyrklandi virðist varpa fram fleiri spurningum en fást svör við

Fyrsta spurningin er eðlilega -- hvort þetta var allt sviðsett, sem virðist að mjög margir virðist halda; þ.e. auðvitað með margvíslegum hætti unnt að rökstyðja slíkt.
Á hinn bóginn, þá mundi byltingartilraun sem hefði of fáa liðsmenn, og því ekki nægan styrk til að hafa betur, skila sennilega nákvæmlega sömu útkomu - þ.e. að byltingartilraun væri með hraði bæld niður, og síðan hefðust -- hreinsanir af hálfu stjórnvalda.
Síðan að auki hefur AKB flokkur Erdogans lengi haft erfið samskipti við dómarastétt landsins, þannig að það má vel vera að meðal raða AKB hafi verið búið fyrir alllögnu að sjóða saman lista yfir þá -- sem hentugt fyrir flokkinn væri að losna við.

1. Það eina sem við vitum fyrir algerlega víst, að það eru hreinsanir í gangi.
2. Og að Erdogan virðist hafa styrkt stöðu sína.

Hreinsanirnar eru frekar magnaðar!

Vast Purge in Turkey as Thousands Are Detained in Post-Coup Backlash

Turkey Seeks to Rid Education of Erdogan Opponents After Coup Attempt

1. 18þúsund hafa verið handteknir, þ.e. 6þ. hermenn, 3þ. dómarar, 30 héraðsstjórar, 1/3 allra yfirforingja hersins og flotans, þar á meðal -- hernaðarfulltrúi Erdogans sjálfs.
2. Að auki hafa önnur 17þ. verið reknir innan hersins og öryggissveita landsins.
3. Á þriðjudag, var kynnt að 1500 háskólakennarar hefðu verið reknir, og 21þ. kennarar.

Það ræður auðvitað hver fyrir sig -- hvaða trúnaður er lagður á skýringar stjórnvalda Tyrklands, á því að verið sé að hreinsa út -- svokallaða Gulemista!
--Sem og auðvitað, hvern þann sem lagði á ráðin um valdaránstilraun hersins, meinta eða raunverulega.

Minnir mann á atburðarás frá einræðisríkjum á 20. öld!

En svokallaðar - hreinsanir fóru gjarnan einmitt við og við fram, þó voru þær jafnan miklu mun grimmari en þær hreinsanir sem nú eru í gangi innan Tyrklands.

1. Hreinsanir Stalíns fólu yfirleitt í sér, sýndarréttarhöld - síðan aftökur, eða jafnvel, að margir voru teknir af lífi - án réttarhalda.
2. Á Stalínistatímabilinu, voru aðferðir víðast með þeim hætti í ríkjum kommúnista.
3. En eftir að því tímabili lauk -- urðu hreinsanir yfirleitt minna grimmar, þ.e. yfirleitt ekki að fólk væri tekið af lífi, heldur dæmt í fangabúðavist - eða útlegð í afskekktu héraði.

• Það má segja að - hreinsanir Erdogans minni nokkuð á hreinsanir í ríkjum Kommúnista, á þeim síðari tímum.

Það voru alltaf nefndar einhverjar opinberar afskanir fyrir slíkum hreinsunum.
Og maður reiknaði alltaf með því, að raunveruleg ástæða - væri valdabarátta.

Nýjast hafa hreinsanir verið í gangi í Kínaveldi -- margir meðlimir valdaflokksins þar verið dregnir fyrir rétt, og dæmdir til langrar fangelsisvistar.

M.ö.o. að þetta minnir allt á atburðarás úr einræðisríki!

 

Niðurstaða

Ég ætla ekki að taka afstöðu til þess hvort að atburðarás var sviðsett eða ekki, en þ.e. auðvitað freystandi ályktun -- þó ég ítreki að raunveruleg valdaránstilraun sem mundi misheppnast, mundi mjög sennilega einnig leiða til hreinsana.
--Og slíkri fylgir líklega svipuð niðurstaða, að Erdogan stæði eftir með pálmann í höndum.

Hvort tveggja getur vel verið <-> Þ.e. að Erdogan sé að græða á misheppnaðri tilraun til valdaráns, eða sú tilraun hafi verið sviðsetning hans sjálf.

Bersýnilega sýnir þetta algeran skort á trausti, þegar engin leið er að gera nokkurn greinarmun á því -- hvort sé sennilegra!

 

Kv.