NyTimes virðist hafa afhjúpað ótrúlega stórfellt svindl sem selur: menntunargráður, frá diplómum upp í doktora, einnig falsaða hæfnistitla svo sem flugmannsskýrteini

Maður hefur heyrt um -Nígeríusvindl- en þetta svindl er skv. rannsókn NyTimes rekið frá borginni Karachi í Pakistan, af hálfu fyrirtækis þar í landi er nefnist - Axact. Starfsemi fyrirtækisins, sem byggist á sölu falsaðra hæfnis eða menntunarskýrteina, jafnvel vottorða.

Rekur mikinn fjölda af vefsvæðum, sem -þykjast vera háskólasvæði, eða annað skólatengt sem hentar sölu falsaðra skírteina í það skiptið.

Þau vefsvæði -gjarnan nota nöfn, sem vísvitandi séu búin til svo þau hljómi traustvekjandi eða þannig að þau líkist nöfnum þekktra menntastofnana, sbr. að neðan "Columbiana University." Sem að sjálfsögðu er ekki til.

Á vefsvæðum þeirra, séu að sögn blaðamanna NyTimes -gjarnan komið fyrir "promotion vids" þ.s. leikarar þykjast vera háskólaprófessorar - eða þákklátir fyrrum stúdentar.

Og sölumenn fyrirtækisins, sem séu oftast nær í Pakistan -beiti mjög ósvífnum aðferðum þ.s. öllum brögðum sé beitt til að fá fólk til þess að -kaupa falsaða pappíra. Oft dýrum dómum.

Þeir vísvitandi blekki fólk -sem langt í frá alltaf átti sig á að það sé að kaupa "falsaða vöru" eða í tilivkum selja til þeirra sem kaupa falsaða pappíra í fullri vitneskju.

Þeir ganga svo langt að selja fölsuð vottorð sem líkja eftir raunverulegum vottorðum sem unnt er að fá í Bandaríkjunum og kosta þar 100 Dollara fyrir þúsundir Dollara, til viðskiptavina sem séu gjarnan blekktir til þeirra kaupa.

Þessi starfsemi virðist ekki vera ólöglegt innan Pakistan og fyrirtækið virðist a.m.k. forðast að beita sér innan eigin lands; forsvarsmenn átta sig greinilega á því að þeir þurfa að eiga einvhers staðar í heiminum griðarstað.

• Þessi starfsemi velti að því er best verði séð ótrúlegum upphæðum.
• Og geti verið umfangsmesta svindlið af þessu tagi í heiminum öllum.

Fake Diplomas, Real Cash: Pakistani Company Axact Reaps Millions

 

Niðurstaða

Megin hættan af þessu svindlfyrirtæki -getur legið í því að innflytjendur frá 3-heims löndum, beiti slíkum pappírum fyrir sig- til þess að blekkja innflytjendayfirvöld. Svo getur þetta fólk komist í störf sem það á alls ekkert erindi í.

Það eru til nú nokkur þekkt dæmi þess, að fólk hafi komist á grunni falsaðra pappíra fyrirtækisins í vel launaðar ábyrgðarstöður --> Jafnvel sérfræðistöður þ.s. þekkingarleysi viðkomandi gat hafa valdið verulegu tjóni.

"In Britain, the police had to re-examine 700 cases that Mr. Morrison, the falsely credentialed police criminologist and Rochville graduate, had worked on. “It looked easier than going to a real university,” Mr. Morrison said during his 2007 trial."

Dæmi herra Morrison er sennilega það ótrúlegasta fram að þessu sem hefur komist í hámæli.

Þ.e. aldrei að vita, en hugsanlegt er að einstaklingar á Íslandi hafi keypt "fölsuð réttindi" eða skírteini af Axact.

 

Kv.

 

Athugasemdir

[Ómar Ragnarsson, 19.5.2015 kl. 23:12]

Efnilegasti ungí stjórnmálamaður Mexíkó fórst í flugslysi þegar þota hrapaði ofan í miðja Mexíkóborg og fjöldi fólks fórst eða slasaðist. 

Orsökin var sú að flugmennirnir höfðu keypt sér réttindin til að fljúga vélinna að stórum hluta og kunnu ekki nógu vel á hana. 

Kona, sem ég hitti nýlega og hefur búið í Suður-Ameríku, sagði mér að þar syðri væri það oft frekar spurningin hve mikið fólk hefði borgað fyrir réttindi, viðurkenningar og skýrslur af ýmsu tagi, heldur en hve lengi það hefði verið við nám. 

[Einar Björn Bjarnason, 20.5.2015 kl. 08:34]

Mögnuð saga, hafði heyrt um þetta slys, en ekki lesið útkomuna af rannsókninni. Verður skiljanlegra af hverju Flugfélag Íslands viðhefur eigið þjálfunarprógramm, heimilar engum að fljúga fyrir sig, nema að vikomandi einnig standist þeirra prógramm. Frændi okkar, Sigurður Einar Guðmundsson, atvinnuflugmaður - sagði mér eitt skipti frá því hvernig þetta virkar hjá félaginu.

Kv.