Alþjóðleg hjálparsamtök hafa miklar áhyggjur af ástandi íbúa Yemen

Á þriðjudag varð einn -lítill atburður- sem sínir hvað erfitt er orðið að koma hjálpargögnum til landsins, þegar saudi arabískar orrustuvélar sprengdu upp flugbrautir flugvallarins í Sana höfuðborg landsins, til þess að koma í veg fyrir lendingu vélar frá Íran - - sem að sögn Írana flutti hjálpargögn, og að sögn aðila í Sana átti að flytja þaðan særða til Írans.

Þ.e. sjálfsagt ekkert unnt að fullyrða um sannleiksgildi þess, hvort að vélin flutti hjálpargögn eða ekki, eða hvort hún átti að flytja hópa af særðum frá Sana - - en þ.e. ekkert sem segir með óhyggjandi hætti að svo hafi ekki verið.

Fréttir af þessum atburði mátti finna í nokkrum fjölmiðlum, með -netleit- t.d:

Saudis pound arms depots in Yemen as bread, medicine run short

Russia Totay var einnig - videóið sem fylgir þeirri frétt er áhugavert:

Saudi Arabia bombs Yemen runway ‘to stop Iranian flight landing’ (VIDEO)

Ég gat einnig fundið það á Youtube - rétt að nefna að eyðilagða vélin er ekki vél íranska flugfélagsins sem sneri við þegar ljóst var að sprengjum hafði verið varpað á flugbrautina.

Skv. annarri frétt, var eyðilagða vélin í eigu Yemensks flugfélags:

Saudi-Led Coalition Bombs Airport In Yemen's Sanaa To Stop Iran Plane Landing

Hafnbannið, sem floti Saudi Arabíu hefur sett á landið, og síðan flugbannssvæðið sem flugher Saudi Arabíu viðheldur - - veldur því að nær ómögulegt er að koma matvælum og hjálpargögnum til landsins.

Vandinn er ekki síst, skortur á upplýsingum - því menn komast ekki heldur þangað, til að kanna aðstæður, og yfirlýsingum ráðamanna í Sana er að því er virðist -sjálfvirkt- hafnað af stjórnvöldum og herjum arabalandanna sem styðja Saudi Arabíu.

Ótti SÞ og Rauða Krossins, að alvarlegur mannlegur harmleikur sé í uppsiglingu, styðst því við reynslu þeirra aðila, af öðrum stríðsátökum.

Að það virðist -óhjákvæmilegt- að stöðugar árásir, hafnbann/flugbann, ásamt hörðum stríðsátökum milli stríðandi fylkinga - - > geti skapað útbreidda hungursneyð í landinu.

• Saudi Arabar virðast staðráðnir að -heimila- ekki lendingar á flugvöllum, sem andstæðingar Saudi Araba í Yemen - ráða yfir. Þá þar á meðal, til Sana.
• Það væntanlega þíðir einnig, að ekki er unnt að lenda í Aden.

1. Það gæti stefnt í að -þetta fari að líkjast þeirri hertækni sem Assad beitir uppreisnarmenn í Sýrlandi.
2. En hann hefur ekki síst beitt -hungri- gegn þeim. Með því að hindra með öllum tiltækum ráðum matvælaflutninga til svæða undir stjórn uppreisnarmanna.

Menn hafa ekki hingað til - - talið stríðsaðferðir Assads til eftirbreytni.

Vandinn er sá, að við erum að tala um allt að 12 milljón manns sem búa á svæðum þ.s. stríðandi fylkingar berjast, eða eru undir yfirráðum þeirra fylkinga sem Saudi Arabar hafa líst yfir -stríði gegn.

Svo að ef Saudi Arabar -eru að vísvitandi að beita fyrir vagn sinn- hungurvofunni, gæti sú aðferð leitt til eins mesta mannlega harmleiks sem sögur fara af.

 

Niðurstaða

Mér finnst þetta sérlega ljót atburðarás að verða vitni af. Að auðugasta landið í arabaheiminum, sé að ráðast að -fátækasta landinu í arabaheiminum. Með því að beita hafn- og flugbanni, þá virðist blasa við að þegar við bætum í kokteilinn -hörðum bardögum milli stíðandi fylkinga, sem enn standa yfir. Að þá geti orðið gríðarlega alvarlegur mannlegur harmleikur í landinu Yemen, ef utanaðkomandi öfl - - gera ekki nægilega mikið til þess, að þrýsta á þá sem -eru þáttakendur í átökum- að tryggja að matvælasendingar geti borist til landsins, og síðan til almennings.

 

Kv.