ISIS virðist hafa náð heilu hverfi í höfuðborg Sýrlands

Þó þetta tæknilega nefnist flóttamannabúðir, hafa Palestínumenn búið nú þarna í marga áratugi. Fólkið sem býr þarna hefur fasta búsetu, það býr í húsum.

Það sem vekur að sjálfsögðu athygli, er að ISIS skuli nú vera að sækja fremur hratt fram þessa dagana innan Sýrlands.

Yarmouk hverfið má sjá á þessu korti af Damaskus

Eins og sjá má, þá er Yarmouk utarlega í borginni - en það þíðir samt að ISIS er nú statt einungis í nokkurra kílómetra fjarlægð frá jaðri miðborgarinnar. Sem hlýtur að veikja tak stjórnarinnar á borginni.

Áður en stríðið skall á 2011, bjuggu þarna skv. fréttum um 160þ. manns, en skv. frétt séu einungis um 18þ. eftir - langsamlega flestir íbúanna séu flúnir.

Það er áhugavert að meðan að stjórnvöld í Bagdad, hafa tekið landsvæði af ISIS - - virðist ISIS vera að sækja fram innan Sýrlands.

Þetta kort á að sýna í grófum dráttum stöðu mála undir lok janúar sl.

Ef ISIS er komið að Damskus - þá hefur yfirráðasvæði þeirra samtaka í Sýrlandi teigt sig töluverðan spöl síðan undir lok janúar í átt til höfuðborgarinnar.

Þó svo að mikið sé um ISIS liða frá öðrum löndum - þá er erfitt að sjá annað en að fjöldi Sýrlendinga hljóti að berjast með ISIS.

Annars væri erfitt að trúa því að her ISIS væri fær að ná þessum áragnri.

Islamic State Seizes Palestinian Refugee Camp in Syria

 

Niðurstaða

Ég vara fólk við þeirri hugsun - að lausn liggi í stuðningi við ríkisstjórn Assads. En stríðið hefur í dag mjög sterkan -trúarstríðs- undirtón. Með róttæka Shíta í Hesbollah hreyfingunni að berjast við hlið hermanna Assads - - sem í dag kvá flestir vera skipaðir hópi Alavíta sem kvá hafa eigin sértrú af meiði Íslam. Umdeilt hvort trú þess hóps skal teljast sértrú af stofni Shíta, eða alveg - sér útgáfa af Íslam út af fyrir sig.

En punkturinn er sá, að þessi hópur milli 10-12% íbúa. Meðan að Súnní arabar eru kringum 70% íbúa. Þá hefur þessi 10-12% íbúa samt um áratugi haldið meirihlutanum niðri með klassískum aðferðum lögregluríkis.

Það sé hatrið á minnihluta stjórn Assadanna - - sem reki Súnní araba meirihluta til fylgis við ISIS.

Svo að jafnvel þó að ISIS hópurinn viðhafi ógnarstjórn á sínum svæðum, virðast margir íbúa landsins samt líta á ISIS sem skárri kostinn. Það eiginlega setur í samhengi, hve sterkt hatrið á milli íbúahópa virðist orðið.

• Ég efa að hægt sé að koma á friði í þessu landi.
• Án þess að skipta því upp eftir íbúasamsetningu.

 

Kv.