Heimsmarkaðsverð á olíu komið í 72,5$ fatið, ca. 37% niður miðað við verð í júní 2014

Þetta hljóta að teljast góð tíðindi fyrir efnahag heimsins. Á sama tíma - rýrna tekjur landa sem lifa á sölu olíu. Margir telja að ákvörðun OPEC að minnka ekki framleiðslu, sem þeir hafa oftast nær áður gert þegar verð á olíu hefur lækkað verulega, sé vísbending þess að OPEC vilji sverfa að keppinautum á olíumarkaði - sem hafa háan framleiðslukostnað.

Það eru ekki nándar nærri allar olíuþjóðir eins skynsamar og Norðmenn, sem hafa safnað digrum olíusjóði - og nota ekki tekjur af olíunni beint til að "jafna út fjárlagahalla."

Heldur láta Norðmenn þær tekjur renna í olíusjóðinn, halda fjárlögum samt hallalausum.

En það virðist að freysting þess að - - eyða olíutekjunum "jafnóðum," sé a.m.k. sumum þjóðum ofviða.

Mundu Íslendingar vera eins skynsamir og Norðmenn, eða mundum við taka út allar tekjurnar í lífskjörum - - strax. Og eiga síðan ekkert til mögru áranna?

Skv. upplýsingum í erlendum fréttum:

1. Þarf Venesúela 160$ á fatið til að jafna út hallann á ríkissjóði.
2. Íran þarf ca. 130$.
3. Sumir olíuframleiðendur í Bandaríkjunum er vinna úr olíuleirsteini, þurfa 115$ til að halda sjó, þó að flestir sérfræðingar telja að margir hafi minni kostnað.
4. Rússland kvá þurfa 110$ á fatið til að skila hallalausum fjárlögum.
5. Vinnsla Kanada á olíusandi, kvá þurfa 100$ á fatið til að halda sjó.
6. Saudi Arabía þarf 90$ á fatið til að skila hallalausum fjárlögum.
7. Kúvæt kvá á sama tíma ekki þurfa nema 50$ á fatið til að forðast fjárlagahalla.
8. Þeir bandarísku framleiðendur er vinna úr olíuleirsteini er hafa minnsta kostnað, kvá geta haldið velli svo fremi að verð á olíu per fat fer ekki niður fyrir 40$.

Ég veit ekki hvert "brake even" verð er fyrir norska olíuvinnslu - en þ.e. til muna kostnaðarsamara að vinna olíu úr sjó undan hafsbotni, en að vinna hana eins og flest olíulönd gera - - beint undir þurru landi.

1. Það er því fremur sennilegt að olíuvinnsla Norðmanna, verði rekin með tapi - - ef olíuverð haldast neðan við 80$.
2. Það mun þó sennilega ekki skaða Norðmenn að ráði, nema sá taprekstur sé lengur en örfá ár.

• Þ.e. þó góð spurning, hvort Norðmenn - - munu lækka lífskjör?
• Meðan olíuvinnslan er rekin með tapi?
• Eða hvort að tappað verði af olíusjóðnum, til að halda þeim uppi - yfir rekstrartaps tímabilið?
• Ég þekki ekki, hve miklar renturnar af sjóðnum eru - - t.d. ef þær væru allar teknar til neyslu í Noregi, án þess að ganga á sjóðinn - - hvort það mundi duga til þess að Norðmenn mundu sleppa við lífskjarahrap jafnvel þó það væri einungis tímabundið?

Ef einhver þekkir þessi mál - - má viðkomandi alveg svara þessu.

Stærð sjóðsins kvá vera 880 milljarðar USD.

Sem gera sennilega ca. 160þ. dollara á hvert mannsbarn í Noregi.

 

Niðurstaða

Olíuverðslækkun er óneitanlega góðar fréttir fyrir Ísland, en þetta ætti að lækka kostnað almennings af ferðum um landið, auðvitað einnig ef menn hafa áhuga á að fara með flugi til annarra landa. Sama gildir auðvitað um daglegan rekstur einkabíls - - sem sagt, meira verður eftir í buddunni.

Þetta getur vel verið á við nokkra launahækkun.

Svo má ekki gleyma - auknum hagnaði fiskveiða. Sem ætti að skila auknum skatttekjum af hagnaði útgerðarfélaga í ríkissjóð.

• Þetta eru því mjög góðar fréttir fyrir okkur.

Töluvert verri fyrir Rússa, sem nú fá rekjurýrnun 2-falda þ.e. þessar miklu olíuverðs lækkanir + refsiaðgerðir + segir einn af aðaleigendum Lukoil að olíuvinnsla í Rússlandi muni dragast saman skv. spálíkani um ca. 7% nk. 4-5 ár: Lukoil executive predicts significant fall in Russian oil output. Það er slæmt er það fer saman við, lækkað verð + refsiaðgerðir.

 

Kv.