Samdráttur í peningamagni innan evrusvæðis - Grikkir færast nær "Björgun 3"

Ambrose Evans-Pritchard vakti athygli á þessu, en skoðun á þeim gögnum sem hann vísar á, sem eru staðsett á vef EUROSTAT sjá: Gögn. Sýna einmitt að svokallað vítt peningamagn eða M3 dalaði í september. Það sama kemur fram, ef maður skoðar M2 eða M1.

Eurozone nears Japan-style trap as money and credit contract again

Sjá útskýringu Wikipedia á þessum hugtökum.

Að auki eins og sést á þeim gögnum, er samdráttur í útlánum til fyrirtækja og einnig til almennings, í sömu heildartölum yfir svæðið.

Þetta eru allt kreppueinkenni - - ef maður skoðar peningamagnið, þá má sjá að það varð aukning í því í júní og ágúst, en síðan hart í bak í september.

Samdráttur í því er almennt talið af hagfræðingum - vísbending um aukinn samdrátt í hagkerfinu framundan.

Þó ef til vill sé of snemmt að álykta mjög mikið á þessum tölum, því enn virðist vanta tölur fyrir október, svo ekki unnt að fullyrða að þetta sé nýtt "trend."

 

Ríkisstjórn Grikklands virðist ekki einhuga að baki "björgun 3"

Greeks fail to agree on bailout terms

"Fortis Kouvelis, head of the moderate Democratic Left, told his party’s executive committee last night that changes were needed in the labour measures for the package to be acceptable, according to a person at the meeting."

Greinilega er pólit. drama í gangi, en flokkurinn "Lýðræðislegt Vinstri" gekk inn í ríkisstjórnina, eftir að hafa áður verið í stjórnarandstöðu. Frekari pólit. drama er einnig framundan, í öðrum aðildarríkjum evru, þegar kemur að því að taka formlega afstöðu til enn einnar björgunar Grikklands.

En það virðist stefna óðfluga í "björgun 3" - en ennþá liggur ekki fyrir, akkúrat hvernig skal fjármagna hana. 

• En eitt og annað hefur heyrst - t.d. að til greina komi að lengja í lánum Grikklands.

• Eða, að lækka vexti á lán Grikklands.

• Í stað þess, að lána Grikklandi nýtt fé.

En það virðist pólit. erfitt að lána Grikklandi viðbótar peninga, þannig að stjv. evrusvæðis hugsanlega ákveða, að lengja bilið milli greiðsludaga eða lækka vexti, til að brúa það kostnaðarbil sem verður til - - ef það verður af því að Grikkland fær viðbótar 2 ár til að hrinda í framkv. samkomulagi því sem gert var við Grikkland, er samið var um "björgun 2." Fyrir cirka ári síðan.

 

Niðurstaða

Gríski harmleikurinn heldur áfram, stefnir í að aðildarríki evrusvæðis velji að framlengja hengingaról Grikkland eina ferðina enn, og líklega mun pólit. stéttin í Grikklandi samþykkja þau skilyrði sem aðildarlönd evrusvæðis, munu heimta. En örugglega verða e-h ný. Heyrst hefur, að Þjóðverjar muni líklega krefjast þess að erlendir aðilar muni "aðstoða Grikki" við skattheimtu, og sölu ríkiseigna - laun þeirra verði greidd af Grikkjum. Líklega endar ríkisstj. Grikklands á að samþykkja hvað sem er, til að halda í heningarólina nokkra mánuði til viðbótar. En ég stórfellt efa að um sé að ræða annað, en enn eina skammtíma reddinguna. Algerlega sé af og frá, að Grikkland muni í reynd geta staðið við slíkt samkomulag. En kannski nær Grikkland að fljóta yfir kosningar í Þýskalandi í sept. 2013.

--------------------------------

Það verður að koma í ljós hvort peningamagn er að dragast saman á evrusvæði þetta haust. Að það hafi minnkað í september er fyrsta vísbending. Ef slíkur samráttur var einnig í október. Þá væri það vísbending þess, að kreppan sé að versna.

Of snemmt að álykta nokkuð mikið út frá tölum eins mánaðar.

En slíkur samdráttur væri rökréttur!

 

Kv.