Atvinnuleysi á evrusvæði nú 11,2% á Spáni er það nú 24,8%!

Þetta er skv. tölum sem koma fram á vef Eurostat sjá: Euro area unemployment rate at 11.2%. Þar má einnig sjá að atvinnulausir eru nú samtals um 25 milljón manns. Frekari fréttir eru einnig frá Spáni, en skv. frétt: Spanish unemployment hits record high. Þá skv. tölum stjv. Spánar eru 5,7 milljón spánverja án vinnu. En spænsk stjv. segja atvinnuleysi vera 24,6%. Þó eru þær tölur ekki árstíðaleiðréttar. Það má því vera að Eurostat sé nær lagi. En skv. frétt Financial Times er þetta mesta atvinnuleysi sem mælst hefur á Spáni síðan tja Fransico Franco var við völd.

Þessi áhugaverða mynd tekin af vef Wall Street Journal sýnir með skemmtilega lýsandi hætti stígandann í atvinnuleysi á evrusvæði undanfarið ár: EU Jobless Rate Hits High.

Það mun væntanlega ekki vekja kátínu fjárfesta, að frétta það kemur síðan fram i næstu frétt þ.e.: Spain’s largest regions defy Madrid. En ríkisstjórnin er að leitast við að þröngva héröðunum til að miða við einungis 1,5% halla á eigin fjárlögum, en þetta kvá ekki vekja neina kátínu meðal héraðsstjórnanna - jafnvel þó skv. fréttum í dag -

"The Spanish region of Catalonia has temporarily stopped grant payments to hospitals and elderly care homes because it cannot afford to pay them." - ""It is due to a problem of liquidity," a spokeswoman for the Catalan regional government's economy ministry told AFP. She said that the payments would resume in September."

- séu peningavandræði stjórnar Katalóníu orðin mjög alvarleg, þá mætti fulltrúi héraðsstjórnarinnar ekki á fund sem Cristobal Montoro fjárlagaráðherra Spánar hélt í dag með fulltrúum héraðsstjórna, og fulltrúi héraðsstjórnar Andalúsíu gekk af fundi áður en honum lauk. Að sögn vegna óánægju með kröfur ríkisstjórnarinnar um niðurskurð fjárlaga héraðsstjórna.

En flestir erlendir greinendur eru sammála um að það skipti mjög miklu máli ef vinna á bug á fjárlagahalla Spánar, að lækka halla héraðsstjórnanna sem fara með mjög hátt hlutfalla opinberra útgjalda á Spáni.

Að fulltrúar ríkasta héraðsins - sem hefur óskað hefir fjárhagsaðstoð - og þess fjölmennasta, eru greinilega að tregðast við að skera niður að því marki sem krafist er af ríkisstjórn Spánar.

Er ekki góðs viti um horfur á um að ríkisstjórn Spánar auðnist að ná að standa við gefin fyrirheit um niðurskurð fjárlagahalla.

En héraðastjórnirnar standa náttúrulega alveg þráðbeint frammi fyrir því böli sem fylgir samfélagsvanda Spánar, vegna hins óskaplega atvinnuleysisanda - en þær bera ábyrgð á félagslegum bótagreiðslum.

Annað sem kemur fram í frétt Financial Times er eftirfarandi:

"This came as Spain suffered €41.3bn of capital flight in May, or a total of €163bn in the first half, equivalent to about 16 per cent of economic output, increasing concerns about Madrid’s ability to attract the foreign capital needed to finance itself."

Þetta er tala sem ég hef ekki séð áður, að flótti innistæðna úr spænskum bönkum í maí hafi verið kominn í samtals 16% af þjóðarframleiðslu Spánar, ef miðað er við upphaf árs fram að þeim tíma.

Þetta er ekkert smáræði. Og er mjög sambærilegt þeirri þróun sem var í gangi innan írska bankakerfisins mánuðina áður en ríkisstjórn Írlands neyddist til að fara fram á fjárhagsaðstoð.

 

Í dag kom enn ein yfirlísing leiðtoga um stuðning við evruna!

Í þetta sinn voru það Monti og Hollande, sem funduðu í dag. En undanfarna daga hefur rignt inn slíkum yfirlísingum, eftir að Mario Draghi seðlabankastjóri evrusvæðis sagðir munu verja evruna - fullyrti að aðgerðir Seðlabanka Evrópu yrðu nægar. Sem hefur skapað miklar væntingar um nk. vaxtaákvörðunardag Seðlabanka Evrópu nk. fimmtudag - Hollande and Monti vow to protect euro - þeir félagar Monti og Hollande fögnuðu einnig ummælum Draghi.

Áhugavert er að í dag, féllu markaðir allt í einu!

Ekki nægilega stórt fall til að taka af hækkun mánudagsins, hvað þá fimmtudags og föstudags, en þetta gefur ef til vill vísbendingu um það - að aðilar á markaði séu farnir að efast um að útspil Draghi verði það íkja merkilegt eftir allt saman.

En ég bendi að auki á frétt Der Spiegel, en hún gefur vísbendingu þess efnis að mikil óánægja kraumi undir innan bankaráðs Seðlabanka Evrópu, og því sé langt - langt í frá öruggt að Draghi nái að fá fram á fundi þess, þær afgerandi aðgerðir sem á þessum tímapunkti þarf til:

ECB Divided over Efforts to Save Euro

 

Niðurstaða

Spennan fyrir nk. vaxtaákvörðunardag Seðlabanka Evrópu magnast. Merkilegt að nú er þetta orðinn að "stóra deginum" en þeir hafa verið nokkrir svokallaðir "stórir dagar" þ.s. redda átti hlutum. En hingað til hafa þær reddingar alltaf átt að koma frá einhverjum af þeim fjöldar leiðtogafunda evrusvæðisríkja sem haldnir hafa verið síðan vandræði evrusvæðis hófust.

Að nú allt í einu sé það vaxtaákvörðunardagur Seðlabanka Evrópu, og að nú sl. daga komi hver leiðtogi Evrópu fram eftir öðrum tali um mikilvægi þess að tryggja framtíð Evrunnar; er í reynd birtingarmynd þess hve alvarlegt ástandið er orðið.

En þ.e. eins og að hinir pólitísku leiðtogar hafi gefist upp - og séu nú í örvæntingu að óska eftir því að Seðlabankinn reddi þeim. En eins og fram kemur í frétt Der Spiegel, er innan ECB að finna mikla harðlínumenn - og þeir eru langt í frá ánægðir með yfirlísingu Draghi frá sl. fimmtudegi.

Nú virðast markaðir loks að vera að sjá, að sennilega verður aðgerðarpakki Seðlabanka Evrópu ekki þ.s. reddar hlutum.

Miðað við augljósa uppgjöf pólitískrar forystu evrusvæðis - tja, ef þ.e. útkoman að Seðlbankinn reddar ekki, vegna öflugrar andstöðu harðlínuafla innan hans raða.

Þá geta í kjölfarið komið mjög áhugaverðir dagar á mörkuðum.

En ég er að tala um að - hækkanir undanfarinna daga gangi til baka og gott betur.

En einnig um það, að fjármagnsflótti frá Spáni líklega magnist upp enn meir.

Þá getur ört farið að styttast í að Spánn og jafnvel Ítalía neyðist til að grípa til eigin aðgerða.

 

Kv.