Hugmynd að nýju fyrirkomulag á opinberjum styrkjum til stjórnmálaflokka!

Eygló Harðardóttir þingmaður Framsóknarflokksins vakti fyrst athygli á þessu á eigin bloggi á Eyjunni, i sl. viku. Í dag þá vakti Kristbjörg Þórisdóttir athygli á bloggfærslu Eyglóar, í athugasemd við frétt á Eyjunni, og þá fyrst veitti ég þessari nýju hugmynd athygli.

 

Hlekkur á grein Eyglóar: Styrkir til flokka: Einn maður, ein ávísun?

Frétt Eyjunnar þ.s. athugasemd Kristbjargar kemur fram:  Gunnar Bragi fúll út í RÚV fyrir drottningarviðtöl við nýja frambjóðendur

Hlekkur þ.s. stutt umfjöllun um hugmyndinar má finna: Putting Political Reform Right Into the Pockets of the Nation’s Voters

 

Í hverju felst þessi nýja hugmynd?

Heimfærð upp á Ísland getur hugmynd Lawrence Lessig verið með eftirfarandi hætti:

• Í stað núverandi fyrirkomulags á styrkjum, áfram verði miðað við að heildarupphæð styrkja sé nærri því sú sama og stjm.fl. nú njóta frá ríkinu.

• Verði fyrirkomulagið það, að upphæðinni verði skipt niður á sérhvern Íslending með kosningarétt.
• Ég legg til, að hver og einn fái sérstaka ávísun - ekki innlegg á netbanka eða stafræna færslu, heldur ávísun senda með gamaldags hætti í pósti.
• Hver ávísun verði með nafni viðkomandi, kennitölu - og til að virkja hana, verði viðkomandi að skrifa undir með eigin rithendi, og svo senda í pósti.
• Burðagjald væri fyrirfram greitt - þ.e. unnt væri að setja ávísunina inn í hvaða póstkassa sem er, þó inn í meðfylgjandi umslagi.
• Hún væri að auki stíluð á viðtakanda, sem yrði að vera einhver stjórnmálasamtök, og væri þá listi til staðar á heimasíðu yfir skráð slík, og url prentað á ávísun - svo fólk geti nýtt sér þá síðu auðveldlega.

Hvert þeirra samtaka sem er á listanum mætti fá þess ávísun, og hefði þá rétt til að framvísa henni eða öðrum slíkum til ríkisins, til að fá fjármagn á móti. Hana væri ekki unnt að framvísa í verslunum, væri einungis gild við þessa tilteknu notkun.

Til að komast á listann, þyrfti að stofna samtök og tilkynna ríkinu með tilteknum fyrirvara, ég er ekki alveg klár á því hvaða skilyrði eða nokkur lögin kveða um, svo samtök geti talist stjórnmálasamtök.

En einhver viðmiðunar-regla þarf sennilega að vera til, svo menn geti hugsanlega ekki komist í þennann pening, án þess að vera raunverulega stjórnmálasamtök.

 

Niðurstaða

Mér finnst ofangreind hugmynd áhugaverð, en núverandi styrkjakerfi hefur verið gagnrínt á þeim grunni, að það gefi flokkunum sem fyrir eru, of mikið forskot. 

Með þessari aðferð væru styrki einungis bundnir við það, að samtök teldust vera stjórnmálasamtök. Sjálfsagt þarft að sjóða saman einhver lágmarks skilyrði - til að forðast misnotkun óprúttinna. 

Fólk hefði algert val um það, hvaða stjórnmálasamtök á lista yfir stjórnmálasamtök á tiltekinni vefísðu, fengju þetta fé.

 

Kv.