Grikklandskrýsa - taka 3! Ætlar Evrópa að leggjast sem hrægammar á hræ Grikklands?

Eins og ég nefndi um daginn er skollin á ný Grikklandskrýsa innan Evrusvæðis. En í þessari viku eftir að 4 aðildarríki Evrusvæðis um sl. helgi kvörtuðu yfir samningi Finna og Grikkja, sem hefði lækkað áhættu Finna - sbr. umfjöllun mína frá því um daginn: Er ný Grikklandskrýsa í uppsiglingu?

Þá hefur þessi nýja krýsa síðan þá verið að krauma og síssla. Í dag, sýndu markaðir mjög ákveðin viðbrögð, þ.e. vaxtakrafa Grikklands fór í nýtt met - þ.e. hefur aldrei áður verið hærri:

• 18,5% f. 10. ára bréf.

Greek debt yields spike on collateral fears

Vaxtakrafa Grikklands hefur verið að stíga í þessari viku, en þegar hún náði þessu nýja meti - varð allt í einu umsnúningur á mörkuðum í Evrópu, sem höfðu verið í hækkunarferli sl. 3 daga - og verðfall hófst í staðinn cirka um kaffileitið.

• Bankakerfi Grikkja er einnig á barmi hruns: Greece forced to tap emergency fund

• Það er ekki síst vegna: Greek Banks Grapple With Deposit Outflows

Óhætt að segja - að Grikklandskrýsan sé skollin á aftur af fullum þunga!

En staðan er svo alvarleg - að samkomulagið frá júlí er hreinlega á barmi hruns!

Ef það gerist - er allt unnið fyrir gíg, eins og ekkert samkomulag hefði átt sér stað í júlí!

Ef það verður niðurstaðan - þá verður markaðspaník sú sem átt hefur sér stað fram að þessu, sem smágárur í polli sbr. þau markaðsboðaföll er þá geta orðið.

Varðandi kröfu Finna, þá er þetta krafa sem hefur víst legið fyrir alveg síðan samkomulagið var gert í júlí - en þá var hluti af sáttinni að Finnar mættu gera einhverskonar samkomulag við Grikki um Tryggingu. 

• Þannig séð voru Finnar ekkert að brjóta af sér - þetta samkomulag var alveg skv. því sem þeir reiknuðu með, að þeim hefði verið lofað að þeir mættu gera.

• Þetta samkomulag við Finna, knúðu þeir fram - hótuðu ella að samþykkja ekki björgunarpakka til handa Grikkjum.

• Sú hótun stendur reyndar enn: Finland threatens to withdraw Greek bailout support

• Þetta var áréttað af forsætisráðherra Finna, sem síðan dróg aðeins í land - án þess að gefa eftir þeirra meginkröfu: Finland Open to New Collateral Model After Provoking Rebuke

Þegar Finnar gengur fyrir viku frá samkomulagi um slíkt v. Grikki - þá risu 4. aðrar þjóðir upp, og kröfðust að fá smbærilegann díl. Síðan skiptu Hollendingar um skoðun, og þess í stað settu fram úrslitakosti - þ.e. gagnvart Finnum; að gefa eftir sína kröfu eða að Holland myndi neita að staðfesta samkomulagið um björgun Grikklands í annað sinn.

 

Neyðarfundur fjármálaráðherra Evrusvæðis á föstudaginn 26/8

Þessi fundur er hreinn neyðarfundur, og sníst um 11. stundar tilraun til að bjarga samkomulaginu um aðra björgun Grikklands frá yfirvofandi hruni.

Finance ministers move to save Greek bail-out : "...three officials briefed on the talks said the group was looking at a proposal for a “non-cash” collateral arrangement where Greece would put up either real estate or shares in state-owned enterprises and financial institutions as a guarantee towards eurozone bail-out loans."

• Þetta er mögnuð hugmynd - en skv. þessu mun slíkur díll standa opinn gagnvart hvaða Evrusvæðislandi, sem óskar að fá tryggingu í veði í grískum eigum.

• Ath. að þegar er búið að lofa, að selja nær allar eignir gríska ríkisins, sem eitthvert raunverulegt verðmæti er í - til að ná fram lækkun á lántökukostnaði til handa Grikklandi um 50ma.€.

• Ath. Grikkir græða ekkert á þeirri sölu - þeir peningar eiga ekki að fara til að bæta hag grískra borgara, eða til að lækka skuldir gríska ríkisins - - heldur eingöngu til að hin ríkin þurfi að leggja minna fé í púkkið. Þetta sparar skattgreiðendum hinna landanna.

• Nú að auki, virðast sterkar líkur á að skattgreiðendur hinna landanna, í nafni sinna ríkisstjórna - að auki muni slá eign sinni á nánast allt þ.s. eftir verður af grískum ríkiseignum; í gegnum kröfu um tryggingu í formi veða.

• Ég velti fyrir mér - hvað þarf til að grískur almennigur geri uppreisn? Það er verið að taka allar grískar ríkiseigur - án þess að grískur almenningur komi til að njóta nokkurs ágóða af þeim eignaskiptum.

• Hugsa sér - er þetta sú evrópska samstaða, sem við Íslendingar viljum taka þátt í?
• Þjóð liggur niðri - þá koma hinar þjóðirna eins og hrægammar, og hirða allar eigur hennar upp í skuld.
• Þetta mynnir á hegðun evrópskra nýlenduvelda - t.d gagnvart Egyptalandi, sem var platað til að taka á sig skuldir, svo skiptu Bretar og Frakkar landinu í milli sín.

• Jafnvel þó að Grikkir hafi ekki beint verið plataðir - þá er þetta ekki aðferð þeirra sem vilja hjálpa!
• Svona hegða vinir sér ekki við félaga sinn - sem liggur niðri, sannarlega eftir svall!

Niðurstaða

Mér lýst virkilega ekki á framkomu Evrópuþjóða gagnvart Grikkjum. Og einmitt sú framkoma, gerir mann enn síður móttækilegann fyrir hugmyndum, um að ganga inn í þennann klúbb.

• En, ef þú vilt vita hvaða mann einhver tiltekinn hefur að bera - þá er ekki besta mælingin á viðkomandi hvernig sá hagar sér, þegar vel gengur.

• Heldur, þá sýnir það hver þú ert - hvernig þú hegðar þér, þegar á hefur bjátað.

• Að auki, er hegðan þín gagnvart þeim sem eru minni máttar - mjög lísandi um þitt eðli.

Í stað þess að hjálpa Grikkjum. Leggjast þjóðir Evrópu eins og hrægammar á hræið eða hrafnar, og þ.e. ein stór átveisla framundan, nema gríska þjóðin rísi upp.

Svona vinskap hef ég ekki áhuga á!

 

Kv.