Framkvæmdi Seðlabanki Evrópu umtalsverð markaðsinngrip í morgun? Berlusconi tilkynnir nýjar efnahagsaðgerðir!

Það var merkilegt að fylgjast með mörkuðum í morgun, en framan-af var atburðarásin eins og síðdegis í gær, þ.e. verð féllu. Vaxtakrafa fór hækkandi fyrir Spán og Ítalíu, og skuldatryggingaálag beggja fór einnig hækkandi. Um hálf ellefu leitið var vaxtakrafa beggja fyrir 10 ára bréf komin í 6,3% og skuldatryggingaálag Spánar nágaðist 440 meðan álag Ítalíu ver rétt neðan við 400.

Síðan um hádegi, voru verð allt í einu verulega lækkuð, þ.e. 6,18% Ítalíu og 6,12 fyrir Spán, meðan að skuldatryggingaálag Spánar var þá í 395 og Ítalíu 382.

Þegar ég gái nú, eru tölurnar Spánn 6,08% og Ítalía 6,15%, skuldatryggingaálag enn óbreytt.

Mér finnst afskaplega líklegt að um inngrip ECB hafi verið að ræða eða einhvers stórs aðila, ECB mun líklegri. 

Á hinn bóginn, þá framkv. ECB einnig inngrip þegar Grikkland, Írland og Portúgal voru á leið í alvarleg vandræði.

• Vandinn er, að til þess að virka í alvöru - þarf ECB að fá frá aðildarríkjunum heimild til ótakmarkaðra inngripa!
• Það myndi verðfella Evruna óhjákvæmilega og að auki skapa verðbólgu.

• Á hinn bóginn, eru stjórnendur ECB miklir anty-verðbólgu haukar, og m.a. þess vegna, ólíklegt að þeir beiti inngripum með öðrum hætti en áður.
• En það var með þeim hætti, að ekki var um aukningu fjármagns á Evrusvæðinu, heldur nýtti ECB fjármagn innan seðlabankakerfisins, færði fé frá A til B.

• Það er ekki unnt nema í mjög takmörkuðum mæli - hvergi nærri til þess, að halda Spáni einsömlum á floti nema í skamman tíma, og alls ekki Ítalíu - nema rétt sem mjög skammtíma aðgerð.
• Eina gagnið er þá að vinna tíma fyrir einhverjar aðrar aðgerðir X.

Italy to announce economic reforms

1. Talað um að lögfesta í stjórnarskrá að fjárlög verði að vera í jafnvægi.
2. Svokallaðar "close shops" þ.e. lokaðir vinnumarkaðir, verði opnaðir.
3. Laun til pólitíkusa og styrkir til flokka verði lækkaðir.

• Útlínur verða kynntar áður en markaðir loka í dag skv. frétt. En, leitast verði við að koma þessu í lög áður en ágúst er lokið.

• Auðvitað, er engin leið nú að vita að hvaða marki slíkar breytingar myndu nást fram! 

• Slíkar breytingar myndu ekki endilega vera gagnslausar þó svo þær taki tíma að skila árangri.

• Enda lítur markaðurinn fram í tímann, og ef útlitið fyrir framtíðina skánar þá geta mál skánað.

• Auðvitað þá þurfa aðgerðirnar að vera mjög sannfærandi, og ekki síst framkvæm þeirra einnig.

• Eigum við ekki að segja að baráttan um framtíð Ítalíu sé að hefjast fyrir alvöru!

 

Ríkisstjórn Spánar - mun sennilega ekki tilkynna um aðgerðir fyrr en eftir helgi eða á sunnudag!

 

Niðurstaða

Ég reikna með því að um inngrip ECB hafi verið að ræða í dag. Hugsanlega - eins og ég sagði - er unnt að vinna einhvern tíma með slíku. Það virðist sem ástandið hafi loks sjokkerað ríkisstjórn Ítalíu nægilega, til að grípa til róttækra aðgerða. Stundum er það einmitt svo, að kreppu þarf til - svo nauðsynlegar breytingar komist til framkvæmda.

Það er enn til staðar smávægilegur séns, að forða Ítalíu frá greiðslufalli með slíkum aðgerðum.

----------------

Ég mynni þó á, að þegar Grikkland, Írland og Portúgal voru á leið í vandræði, var í öllum tilvikum gripið til efnahagsaðgerða til að leitast við, að skapa tiltrú á 11. stundu. En í öllum tilvikum tókst það ekki.

Það eina sem við á Íslandi getum gert er að fylgjast með fréttum af hinni miklu og sögulegu atburðarás á erlendri grundu.

Lesið þessar greinar: Please Europe, either put up or break up

Peterson Institute - Peter Boone and Simon Johnson - Europe on the Brink

 

 

Kv.