Argentína við Eyjahaf

Mjög merkilegt en satt, en akkúrat fyrir 10. árum síðan þ.e. júní 2001, var Argentína alveg eins og Grikkland er í dag, á barmi greiðsluþrots. Það er ótrúlega sterk kaldhæðni í því að telja upp þau atriði sem eiga við bæði löndin.

FT.COM -Dithering risks creating the Argentina on the Aegean

• "Narrow self-reinforcing political elite? Yep."
  
• "Chronic growth-sapping corruption? Check."
  
• "Public finance incontinence? Got it."
  
• "Culture of tax evasion? Our speciality. "
  

Argentína gerði einnig tilraun með svokallað "voluntary debt swap" en einungis 6. mánuðum seinna, var landið hrunið í greiðsluþrot.

Spurning hvort það sama mun eiga við um Grikkland, að það næstkomandi desember verði það gjaldþrota.

Fleira má tína til, en þegar Argentína var að sigla fram af bjargbrúninni, þá flúði töluvert af einkafjármagni út úr bönkum í Argentínu, til Montevideo þ.e. Úrúgvæ.

Tveim árum seinna þ.e. 2003 lenti Úrúgvæ einnig í vandræðum, en þau vandræði tengdust því fjármagni sem hafði flúið frá Argentínu, sem átti sér stað vegna vandræða í bankakerfinu þar þegar féð streymdi svo aftur snögglega út.

Skv. fréttum frá Financial Times, gætir fjármagnsstreymis frá Grikklandi til Kýpur - sem virðist líkjast fjármagnsstreyminu af bankareikningum í Argentínu til Úrúgvæ á sínum tíma.

 

Hvað segja fréttir helgarinnar?

WSJ - Greece Awaits Further Rescue

"Euro-zone finance ministers signed off on a new slice of bailout money for Greece, avoiding a financial meltdown this month..." - "Ministers also decided they would agree by September on arrangements for a new bailout to supplement the €110 billion package they agreed on last year but which..."

 

Það sem átti sér stað 3/7 þegar fjármálaráðherrar Evrusvæðis funduðu, var hið algera lágmarks samkomulag - þeir samþykktu að láta Grikkland fá sinn hluta áfanga greiðslu skv. björgunaráætluninni frá því í fyrra. 

En björgunarpakkinn frá því í fyrra, var skipt 2/3 - 1/3 milli ESB og AGS, þannig að í hvert sinn sem svokölluð endurskoðun á sér stað, þá greiðir björgunarsjóður Evrusvæðis 2/3 og AGS 1/3 ef Grikkland er talið hafa staðið við markmið áætlunar.

Annars reglum skv. er báðum stofnunum ekki heimilt að greiða. En nú hafa ráðherrar Evrusvæðis ákveðið að greiða Grikklandi sinn hluta af áfangagreiðslu í ljósi atkvæðagreiðsla á gríska þinginu í sl. viku, er ríkisstj. Grikklands náði í gegn formlegu samþykki á viðbótar niðurskurði ásamt stórfelldri sölu ríkisfyrirtækja.

Þær áætlanir hafa þó mjög takmarkaðann trúverðugleika - svo meira sé ekki sagt.

Síðan kemur í ljós þann 15/7 nk. þegar AGS tekur formlega ákvörðun um greiðslu síns hluta, hvort ákvörðun ráðherranna telst fullnægjandi skv. reglum AGS.

En strangt til tekið, má AGS ekki leggja fram fjármagn, nema endurgreiðsla þess sé tryggð. Og þ.e. virkilega orðið vafasamt að það eigi við - þ.e. að endurgreiðsla fjármagns AGS sé triggð.

Varnaðarorð starfsmanna AGS voru að, skv. reglum yrði fjármögnun Grikklands að vera triggð næstu 12. mánuðina - en það á klárt ekki við!

Það virðist samt af orðum ráðherrana að marka, að þeir telji fullvíst að AGS muni einnig greiða út sinn hluta.

Sjáum til - segi ég!

 

Getur Þýskaland geta þolað sambærilegt niðurskurðarplan?

Der Spiegel International - Greek-Style Austerity Would Be Hell for Germans

Þetta er mjög áhugaverð grein, en starfsmenn Der Spiegel setja niðurskurðar plan þ.s. Grikkjum er gert að undirgangast í þýskt samhengi.

Þeirra niðurstaða er klár, að Þjóðverjar myndu ekki ráða við sambærilega niðurskurðaráætlun.

Ég sé ekki ástæðu til að efast um réttmæti þeirra ályktana. 

Ég hve alla til að lesa greinina og mynda eigin skoðun!

 

Niðurstaða

Svona er það. Akkúrat 10 árum eftir að nær fullkomlega eins atburðarás skók Argentínu, er Grikkland nánast skref fyrir skref - að því best verður séð - að endurtaka þá sögu.

Sagan endurtekur sig - er oft sagt!

En, hún gerir það einungis vegna þess, að fólk lærir ekki af sögunni.

Evrópa átti að hafa svo fullkomnar stofnanir - að engum kom til hugar, að stúdera sögu S-Ameríku á 8. og 9. áratugnum. Uppskeran er síðan, nær fullkomin eftirherma - þ.e. eins og í S-Ameríku "boom" sem þar átti sér stað á 8. áratugnum, sem lyktaði svo með "bust" á 9. áratugnum.

Evrópa gekk í gegnum "boom" á sl. áratug, síðan 2008 kom "bust"-ið og skulda-kreppa ríkir.

Með aðstoð Bandaríkjanna á 10. áratugnum ( Brady plan / Brady plan ), komst S-Ameríka á endanum út úr skuldagildrunni, og endir var bundinn á drunga og stöðnun sem einkennt hafði seinni hluta 9. áratugarins þar í álfu. En aðstoðin fól í sér endurfjármögnun skulda, lánum skipt fyrir lán með lægri vexti og hagstæðari greiðsluskilmála, og í nokkrum tilvikum átti sér einnig stað afskrift að hluta.

Þessi atburðarás myndar "parallel" við skuldakreppu S-Evrópu í heild ásamt Írlandi. Full ástæða er að ætla, að svipuð úrræði ættu að virka þ.e. ódýrari lán, hagstæðari greiðsluskilmálar + skuldaafskriftir í tilvikum.

Vandræði Argentínu eru síðan sér kapítuli, sem spilaðist við síðustu aldamót og árið eftir. Þá atburðarás er nánast eins og að verið sé nær fullkomlega að endurleika í Grikklandi.

 

Kv.