Bretland gæti verið að nálgast víðtæka pólitíska sátt um að yfirgefa ESB

Ég skal viðurkenna að ég hef ekki mikla þekkingu á skoðunum Jeremy Corbyn, sem virðist líklegastur næsti leiðtogi Verkamannaflokksins breska. En þ.s. mesta athygli vekur - - eru viðhorf hans: Wikipedia Jeremy Corbyn

1. Móti ESB aðild, vill m.ö.o. Bretland út úr ESB.
2. Vill reyndar að auki Bretland út úr NATO.
3. Er uppsigað við Bandaríkin.
4. Hann virðist styðja sjónarmið Rússlands, í þá átt - að rangt hafi verið að hleypa A-Evr. þjóðum inn í NATO, og að ástandið í Úkraínu sé V-Evrópu, og NATO að kenna.
5. Mjög sterk viðhorf gegn Ísrael, og ákveðinn stuðningsmaður sjónarmiða Palestínuanna, þar á meðal - Hamas.
6. Vill að Bretland hætti að vera kjarnorkuveldi.
7. Vill opna aftur kolanámur í Bretlandi, er lokað var í tíð Möggu Thatcher.
8. Vill ríkisvæða járnbrautir.
9. Móti skólagjöldum í breskum skólum.
10. Meðlimur að Amnesti International.

Þau viðhorf hans er gætu haft einna mest áhrif, gætu verið viðhorf hans gagnvart ESB

Það gæti haft áhugaverð áhrif, ef hann verður leiðtogi Verkamannaflokksins - þegar fyrirhugað er að halda þjóðaratkvæðagreiðslu um hvort Bretland verður áfram meðlimur eða yfirgefur ESB.

Sannarlega er David Cameron ekki - beint andvígur aðild. Eða þannig les ég ekki hann. En á hinn bóginn, eru mjög sterk andstöðuhreyfing við aðild innan Íhaldsflokksins.

Síðan er það 3-aflið í bresku pólitíkinni, þ.e. UKIP er nú 3-flokkurinn í breskri pólitík. Hefur nú meira fylgi en Frjálslindir. Afstaða UKIP er sannarlega þekkt.

• Ofan í allt þetta - bætist hin nýja flóttamanna krísa.
• Og öflug andstaða innan Bretlands - að veita móttöku mörgum flóttamönnum.

Ég þekki ekki viðhorf Jeremy Corbyn um það atriði.

En það getur verið að hann sé stuðningsmaður þess að taka við þeim flóttamönnum.

Hafandi í huga ákafan stuðning hans við málstað Palestínumanna.

 

Niðurstaða

Mig grunar að það geti haft merkileg áhrif á bresk stjórnmál, líklegt kjör Jeremy Corbyn sem formanns Verkamannaflokksins.

Ekki nærri öll hans viðhorf virðist mér sennilegt að öðlist almanna hylli - sbr. virðist mér ekki neinn verulegur stuðningur innan Bretlands, að landið hætti að vera meðlimur að NATO. Það gæti verið töluverður stuðningur við það, að hætta að vera kjarnorkuveldi. Síðan efa ég að víðtækur stuðningur sé við það sjónarmið - að rangt hafi verið að hleypa A-Evr. þjóðum í NATO - - að með því hafi NATO veitt Rússlandi gilda átyllu. Eða að deilan í Úkraínu sé V-Evr. og NATO að kenna.

En afstaða hans til ESB aðildar - gæti haft áhrif. Þegar tekið er tillit til áhrifa UKIP + hóps íhaldsmanna sem vilja Bretland úr ESB - - > Og ekki síst, sennileg áhrif núverandi flóttamannakrísu til þess að efla stuðning við brotthvarf Breta úr ESB.

Þess vegna sagði ég í fyrirsögn.

Að það geti verið að nálgast sú stund.

Að það myndist víðtæk pólitísk sátt í Bretlandi.

Að landið yfirgefi ESB.

 

Kv.