Eystrasaltlandið Litháen hefur ákveðið að taka að nýju upp - almenna herþjónustu

Skv. Wikipedia - Lithuania - eru íbúar landsins 2,9 milljónir talsins. 84% þeirra teljast til kynþátts Litháa, en 6,6% af pólskum ættum, 5,8% af rússneskum. Skv. því er hlutfall Rússnesk ættaðra minnst í Litháen af Eystrasaltlöndum.

Í Eystlandi er hlutfall rússnesk ættaðra, 24,8% á móti 69,1% af kynþætti Eysta.

Í Lettlandi eru sömu hlutföll, 26,9% vs. 62,1%.

Þeim röddum fer fjölgandi sem vara við þeim möguleika, að stjórnvöld Rússlands - geti beitt hinum rússneska minnihluta fyrir vagn sinn, til þess að grafa undan sjálfstæði Eystrasalt landanna.

Litháen virðist fyrst þeirra að bregðast við, vaxandi ótta við stefnu stjórnvalda Rússlands - með því að hefja að nýju "almenna herþjónustu."

Þó eru rússn. ættaðir þar í landi tiltölulega fáir.

Skv. Wikipedia hefur herinn 15þ. liðsmenn, síðan eru ca. 5þ. landamæraverðir.

Lithuania reinstates military conscription for young men

En með endur-upptöku almennrar herþjónustu má sennilega reikna með fjölgun.

Her landsins virðist ekki eiga neina skriðdreka - lítið af þungavopnum.

Flugherinn virðist ekki eiga neinar orrustuvélar, heldur landið háð loftvörnum á vegum NATO.

Fljótt á litið virðist þetta ekki her sem getur mikið

"The plan announced on Tuesday — which is subject to approval by Lithuania’s parliament — would see 3,000-3,500 young people called up each year." - "Suspended in 2009, the military draft will be reintroduced for five years for men aged between 19 and 26..."

Augljóst virðist að þessi her hefur enga burði til að verjast - innrás í landið. Miklu mun veikari sem dæmi, heldur en her Úkraínu.

Sennilega vegna skorts á fjármagni - enda landið fátækt, og auðvitað hefur efnahagskreppan þar gert illt verra sem skall á 2008.

1. En það gagn sem ég sé í því að þjálfa unga Litháa í notkun vopna. Og í því að starfa sem liðsheild með öðrum vopnuðum einstaklingum.
2. Virðist mér fyrst og fremst liggja í - hugsanlegum skæruhernaði. Ef landið væri hernumið.

En kjarni íbúa landsins með "herþjálfun" væri augljós grunnur að - andspyrnuhreyfingu í stíl við þá sem var til staðar í Evrópu í Seinna Stríði.

Slíkir hópar gætu starfað í landinu, valdið hersetuliði tjóni og öðrum vandræðum, þar til landið væri frelsað að nýju - ef til átaka af þessu tagi mundi koma.

 

Niðurstaða

Veikleiki hers Litháen er sennilega ekkert einsdæmi í löndunum þrem. Þessi lönd eru því sennilega nær algerlega háð aðstoð annarra NATO landa, ef til hernaðarátaka mundi koma. Sennilega gera yfirvöld í þeim sér grein fyrir að þeirra herir séu ekki raunverulega færir um að verja löndin.

Á hinn bóginn - - í því hugsanlega tilviki að hefjast mundu skærur við rússneska minnihlutann í þeim löndum. Og sá hópur er hæfi vopnaða andstöðu nyti aðstoðar Rússlands. Þannig að ekki verið verið að tala um - - innrás. Þá ættu þessir herir sennilega nokkra möguleika til að fást við átök af því tagi. En ef maður ímyndar sér að rússn. stjv. ætluðu að halda því fram að skæruliðar væru eingöngu að nota hergögn fáanleg innan landanna, þá mundi það vera of -gegnsætt- ef þeir færu að beita rússn. smíðuðum skriðdrekum. Svo að takmarkaður vopnabúnaður þessara herja - þarf ekki að leiða til vonlausrar stöðu þeirra ef átök af slíku tagi mundu hefjast. Eins og sumir óttast!

 

Kv.