Kannski gera Bandaríkin stýriflaugaárás á Sýrland!

En það hafa borist fregnir af aukinni herskipaumferð á vegum Bandar. við strönd Sýrlands, hingað til hefur það virst augljóst að stjórn Obama hefur ekki áhuga á beinni þátttöku Bandar. hers í Sýrlandsstríði og ekki fyrir löngu síðan kom það einnig skýrt fram hjá æðsta hershöfðingja Bandaríkjahers "joint chief of staff" að stríðsþátttaka væri óskynsamleg skv. greiningu Pentagon.

Obama hefur haft sterka tilhneigingu til að beita ómönnuðum árásum á skotmörk sbr. róbótískar herflugvélar, sem beitt er í stórauknum mæli af hans stjórn til að gera árásir á meinta eða raunverulega hryðjuverkahópa víða um heim.

Nú eftir mjög nýlega gasárás sem flestir telja að hafi verið framkvæmd af stjórnarher Sýrlands, er Obama undir miklu ámæli á Bandaríkjaþingi og víðar m.a. frá frönskum stjv. og þeim bresku.

Krafan er að e-h sé gert, og miðað við augljósan tregðu Obama við það að fara í stríð, þá virðist mér blasa við að Obama mun beita því sem skapar minnsta áhættu fyrir Bandaríkin sjálf.

• Stýriflaugar eru einmitt þannig að þeim má m.a. skjóta af skipum sem liggja nægilega nærri strönd þess lands sem árás er gerð á, en sumar þeirra draga nokkur hundruð km.

• Ofansjávarskip eru búin slíkum skotpöllum en einnig kafbátar.

• Auðvitað geta flugvélar að auki einnig borið þær.

 
Mig grunar að stýriflaugaárás sé fyrirhuguð!

US moves warships closer to Syria

Obama weighs possible military response after Syria chemical attack

Líkleg skotmörk eru þá efna-verksmiðjur í Sýrlandi sem grunaðar eru um að vera notaðar til að framleiða efnavopn.

Að auki er hugsanlegt að gerðar verði árásir á flugvelli þ.e. herflugvelli, og einhverjar herstöðvar sem grunur er um að hýsi efnavopnabirgðir.

En þær eru einmitt í anda hernaðarlistar Obama að beita ómönnuðum róbotískum tækjum.

Þá friðþægir Obama líklega andstæðinga sína á Bandar.þingi - - gerir eitthvað.

En um leið lætur vera að mæta þeirra ýtrustu kröfum þ.e. um svokallað "safe zone" og "no fly zone."

 

Niðurstaða

Það verður áhugavert að sjá hvort grunur minn reynist á rökum reistur. En Obama kom sér sjálfur í vissa snöru, er hann áður gaf yfirlýsingu um það fyrir rúmu ári - - að ef stjórnvöld Sýrlands beita efnavopnum. Þá sé það rautt strik - - sem krefjist aðgerða af hans hálfu.

Svo eina ferðina enn, gerir hann þá það minnsta sem hann kemst upp með - - þrátt fyrir einbeittan vilja meirihluta Repúblikana í annarri þingdeildinni um að koma Bandar. inn í það stríð.

Og þ.s. áhugavert er, þrýsting ríkisstjórna Frakklands og Bandar. um það sama.

 

Kv.