Vaxtakrafa Ítalíu fór í 8% á föstudaginn!

Þetta er nánar tiltekið krafan fyrir 3-ára ríkisbréf, en hún fór hæst í 8,13% á föstudag - á mörkuðum í gær. Á föstudag seldi Ítalía skuldabréf og á útboðinu fóru 2. ára bréf á 7,81% sbr. 4,61% fyrir mánuði. 6 mánaða bréf fóru á 6,5% sbr. 3,54% fyrir mánuði.

Áhugavert er að fyrir skömmu fóru grísk 6 mánaða bréf á 4,89%. 

Belgía: vaxtakrafa þess lands fór upp í vikunni og það heilmikið, eða úr 4,79 sl. mánudag alla leið í 5,85% á föstudag, fyrir 10 ára bréf.

Miðað við það getur krafan fyrir Belgíu farið í 6% rúm í næstu viku, og Belgía farið upp að hlið Spánar, sem einnig er með vaxtakröfu milli 6-7%, meðan vaxtakrafa Ítalíu flöktir í 7% rúmum fyrir 10 ára bréf.

• Stærsti atburður sl. viku var þó án nokkurs vafa misheppnað útboð Þýskalands á 6ma.€ - þ.s. einungis tæpl. 3,9% ma.€ seldust, þ.e. vantaði 35% upp á fulla sölu.
• Þ.e. hreint magnaður atburður, ekki einungis að það skuli misheppnast, heldur hve mikið vantaði upp á, þ.e. ekki 5% heldur 35%.

Krísan er sem sagt á fullu blússi - og þ.e. virkilega þannig, næsta land og svo næsta land!

Hvaða máli skiptir það að vaxtakrafan fyrir skammtímabréf er farin að hækka hraðar en krafan fyrir langtímabréf?

• Mér skilst af sérfræðingum að þetta þíði, að fjárfestar eru að gefa viðkomandi land upp á bátinn.
• En þegar skammtímakrafan hækka hraðar, þá eru menn farnir að óttast að stutt sé í óleysanleg fjárhagsleg vandræði hjá viðkomandi landi.
• Meira að segja 6 mánaða lán eru orðin mjög dýr - svo fj. aðila óttast greiðslugetu Ítalíu á skuldum innan þess tímaramma.

• Mér skilst að þetta þíði, að stutt sé í að fjárfestar hætti að kaupa skuldabréf viðkomandi, algerlega óháð því hvaða verð verði upp á borði - því þeir trúi ekki að þeir fái endurgreitt.

Þetta sé sem sagt vísbending um að lokaspretturinn sé hafinn hjá Ítalíu, og þrot - mjög raunveruleg þrot, sé ekki langt undan.

Belgía er síðan klárt næsta land - sennilega komið upp að hlið Spánar í næstu viku!

Það verður mjög spennandi að fylgjast með skuldabréfaútboði Frakkl. í næstu viku!

En Frakkland er að líkum næsta land á eftir Belgíu!

 

Niðurstaða

Ég sé ekki hvernig bankakerfi Evrópu getur lifað af gjaldþrot Ítalíu. Það má því líklega reikna með verulegu viðbótar verðfalli hlutabréfa evr. banka, sérstaklega franskra banka, í næstu viku. En vandi Frakka er að bankarnir eru 440% af þjóðarframleiðslu, of stórir í reynd til þess að ríkissjóður Frakklands geti bjargað þeim eins og var reyndin um ísl. bankana gagnvart ríkissjóði Ísl.

Og frönsku bankarnir eiga mjög mikið af ítölskum skuldum, meira en nóg til þess að þeir rúlli af flestum líkindum, þegar Ítalía rúllar.

Þá þarf Frakkland að taka upp höft eins og Ísland, þ.e. á hreyfingar fjármagns út fyrir landamæri, þó svo reglur Evrusvæðis og ESB banni það, þá verður það samt gert, því annars flýr fjármagn unnvörpum úr landi, og hagkerfið bræðir algerlega úr sér.

Ég sé ekki að evran muni geta haft það af í kjölfarið, en við þetta yrði svo mikill óróleiki að mjög líklega yrðu öll önnur aðildarríki evru að gera eins, þ.e. loka á fjármagnshreyfingar út fyrir landamæri. Þetta væri "THE END".

 

Kv.