Björgunaráætlun Grikklands send í þjóðaratkvæði!

Þetta er glænýtt útspil Papandreo forsætisráðherra Grikklands, að halda þjóðaratkvæðagreiðslu um björgun Grikklands - svokallaða.

Greece calls referendum on EU bail-out

Greece to hold referendum on EU debt deal

Papandreou to Put Loan Plan to Referendum

Greek PM calls referendum on new EU aid deal

George Papandreo - "We trust citizens, we believe in their judgment, we believe in their decision," he told ruling socialist party deputies. "In a few weeks, the (EU) agreement will be a new loan contract ... we must spell out if we are accepting it or if we are rejecting it."

• "Eurozone leaders agreed last week a second, 130-billion-euro ($180 billion) bailout for the cash-strapped country as well as a 50-percent write-down on its enormous debt to make it sustainable. Opinion polls show most Greeks view the deal negatively."
• "Papandreou also said he would ask for a vote of confidence to secure support for his policy for the remainder of his four-year term, which expires in 2013."

 

Þetta er ekkert minna en sprengi-efni

Segjum að það takist að framkvæma þessa kosningu í næsta mánuði eða fyrir miðjan desember - sumir fjölmiðlar tala um janúar nk, en þ.e. heldur seint. En þetta þarf klárt að framkvæma þetta með eins miklum hraða og framast er unnt, vegna þess að Grikkland mun enn á ný þurfa að ganga í gegnum endurskoðun á fyrri björgunar áætlun í desember.

Þá á Grikkland eina ferðina enn, að fá greitt - ef það stenst endurskoðun. 

Og enn einu sinni, reynir þá á þann möguleika - að allt strandi.

En ég á erfitt með að ímynda mér annað en að þetta sé lokaúspil Papandreo, vegna þess að hann hafi ekki getað náð nægri samstöðu um það innan ríkisstjórnar Grikklands, að framfylgja öllum þeim kröfum sem aðildarríki Evrusvæðis og Framkvæmdastjórn ESB, ásamt Seðlabanka ESB og AGS; gera til Grikklands.

Mjög líklega er Papandreo og ríkisstjórnin öll orðin mjög þreitt á þessari stöðugu baráttu, gegn vaxandi andstöðu þjóðarinnar. 

Að einhverju leiti getur það reynst vera viss losun fyrir hana - ef þjóðin afgreiðir þetta mál frá.

Þannig, að Papandreo er þá ekki beint að svíkja þau hátíðlegu loforð sem hann hefur gefið leiðtogum hinna ímsu aðildarríkja evrusvæðis þess efnis að Grikkland muni standa við sitt; ef þjóðin hefur gefið honum það bakland að hafa sagt "nei".

 

Niðurstaða

Hreint magnað lokaútspil George Papandreo, að setja það í hendur þjóðarinnar hvort Grikkland fylgir því niðurskurðar prógrammi, sem Grikklandi er gert að framfylgja - skv. annarri björgunaráætlun fyrir Grikkland.

Ef niðurstaðan er "Nei" - þá er ekki um annað að ræða, en drögmuvæðingu tafarlaust ásamt yfirlísingu um greiðsluþrot Grikklands.

Þá þarf ríkisstj. Grikklands eins og ríkisstj. Íslands gerði, að taka alla bankana yfir - samtímis því að lokað er á streymi fjármagns út landi.

Það er ekki hægt að reka land úr ESB.

Aðrar aðildarþjóðir geta verið fúlar - því greiðsluþrotið mun valda tjóni á undirfjármögnuðum bankakerfum. En ég sé einfaldlega ekki að Grikkir geti haldið það út til margra næstu ára, að halda núverandi vitleysu áfram.

Ef ég væri Grikki, myndi ég því taka seinni valkostinn. Þó svo ég viti að það þíði mjög snögga og djúpa dýfu fyrir hagkerfið og lífskjör. Hið minnsta, þá er lífskjarahnignun þá að mestu afgreidd í einu skrefi, í stað þess er annars er útlit fyrir að henni verði dreift á mörg ár, þ.e. mörg næstu ár - allann þann tíma að Grikkland mun þurfa að fara frá einnig björgunaráætluninni til þeirrar næstu.

Binda með öðrum orðum enda á vitleysuna - skera á kaðalinn sem heldur landinu í snörunni.

Ps: Mikill óróleiki er á mörkuðum þ.s. af er í dag, og stórfellt verðfall ofan í hið mikla verðfall gærdagsins. Eru markaðir nú fallnir niður fyrir upphafsstöðu þeirra í sl. viku, þannig að hækkun sl. viku er algerlega horfin og gott betur.

Talið er að ákvörðun um þjóðaratkvæði sé stór áhrifaþáttur um verðfall dagsins í dag!

PS2: Það getur verið að það sé ekki hægt að halda þessa atkvæðagreiðslu:

Bruno Waterfield : One reason why there will not be a Greek referendum: a referendum bill must be passed by three-fifths of the Greek parliament and the government's majority has gone or as good as.

"Greek constitution: http://www.hri.artcl50.htmlorg/docs/syntagma/ Article 44 suggests no referenda on fiscal matters. Also needs 3/5ths of parliament. No chance. "

Ef þetta er rétt hjá Bruno, þá fellur væntanlega gríska ríkisstjórnin fyrir vikulok, en krafa tveggja af þingmönnum Pasok flokksins um kosningar þegar hefur skapað óvissu um það hvort ríkisstj. í reynd hefur meirihluta - en orðrómur er uppi um að lögð verði fram á gríska þinginu tillaga um vantraust.

Fjármálaráðherra Grikklands er staddur á sjúkrahúsi, undir rannsókn vegna magaverkja - og hann hefur sagst ekki hafa haft nokkra hugmynd um það, að til stæði að halda þjóðaratkvæðagreiðslu.

Þetta er því farið að líta út sem einhvers konar örvæntingarfullt útspil George Papandreo.

Ríkisstjórnin mun víst halda neyðarfund í kvöld. 

Fylgjast með fréttum! 

 

Kv.

Evrukrísan virðist vera á leið í enn hættulegri gír - en áður!

Stórfellt verðfall varð á mörkuðum í Evrópu í dag, og eru markaðir langt komnir með að skila þeirri hækkun til baka er varð í skammvinnu bjartsýniskasti í sl. viku, í kjölfar yfirlísingar leiðtoga evrusvæðis sl. fimmtudag um "björgun evrunnar".

• Eftir að hafa hugsað málið - sjá markaðir að þessi "björgun" er ekki í reynd nein björgun!

En yfirlísingin um stækkun ESFS (björgunarsjóðs evrusvæðis) var algerlega innantómt loforð - vegna þess að Evrópa sjálf ætlar ekki að leggja fram neitt nýtt fé í ESFS.

Þess í stað stendur til að leita eftir góðvild annarra - þ.e. að rík lönd á öðrum svæðum heimsins, skaffi það fjármagn er upp á vantar - litla 800 ma.€. Í yfirlísingu í dag sagði Putin að til greina komi að lána 20ma.$ - sem er dropi í hafið.

Ég reikna með því, að aðilar á markaði hafi velt því fyrir sér yfir helgina - gegn hvaða hugsanlegu afarkostum það fé myndi fást?

Hvaða afleiðingar hefði það fyrir Evrópu að slá sér pening - gegn erfiðum kjörum eða einhverjum afarkostum af öðru tagi?

Og að auki, það augljósa - að langt í frá er hægt að slá því föstu að það fé fáist svona yfirleitt.

Né unnt að tímasetja það - hvenær hugsanlega það myndi skila sér fyrir rest.

• Samkomulagið um lækkun skulda Grikklands, var að auki ekkert sem hönd er á festandi.

En það samkomulag, er einungis samkomulag um það prinsipp - að einkabankar skuli afskrifa 50%.

Enn sem komið er, hefur engin bindandi skuldbinding verið frágengin.

Kjötið vantar á beinin, þ.e. akkúrat hvernig á að hrinda slíku dæmi í framkv.

Síðast en ekki síst, Grikkland verður þá með skuldastöðuna 120% sem var ástand Grikklands við upphaf skuldakrísunnar í apríl 2010 áður en Grikkland fékk neyðarlán, og mjög fáir trúa því að það sé sjálfbær skuldastaða í tilviki Grikklands.

 

Afleiðingin af gagnslausu samkomulagi, er hrun tiltrúar!

Það er þ.s. í stefnir, en þegar á föstudaginn hækkaði vaxtaálag Ítalíu og Spánar - hressilega.

Í dag hækkaði vaxtaálagið enn frekar, fór álag Ítalíu í 6,12% en sl. föstudag seldi Ítalía skuldabréf fyrir 6,06%.

Þetta gerist þrátt fyrir að Seðlabanki Evrópu sé enn að kaupa bréf Ítalíu, til að leitast við að sporna gegn hækkun þeirra.

Svo gerðist einn atburður í dag, þ.e. hrun stórs fjárfestingarbanka: MF Global fjárfestingarbankinn, er orðinn gjaldþrota, eftir að víst hafa tapað stóru veðmáli.

Bætum við, aðvörun frá OECD: PRESS BRIEFING ON THE ECONOMIC OUTLOOK AND POLICY REQUIREMENTS FOR G20 ECONOMIES

"if the commitments made by EU Leaders fail to restore confidence and a disorderly sovereign debt situation were to occur in the euro area with contagion to other countries, and/or if fiscal policy turned out to be excessively tight in the United States. OECD analysis suggests that a deterioration of financial conditions of the magnitude observed during the global crisis (between the latter half of 2007 and the first quarter of 2009) could lead to a drop in the level of GDP in some of the major OECD economies of up to 5% by the first half of 2013."

• Þeir hafa lækkað hagspá sína fyrir Evrusvæði niður í einungis 0,3%fyrir 2012.

• Sbr. að hagstofa Þýskalands spáir nú 0,8% hagvexti í Þýskalandi það sama ár.

Þær hagspár gera ráð fyrir - ath. - bestu útkomu miðað við núverandi ástand, og framreikning þaðan í frá, að hruni verði forðað.

Þvert á móti benda atburðir föstudags og nú mánudags til þess, að evrukrísan sé nú eina ferðina enn, á leið á enn hættulegri braut en áður.

• G20 fundurinn nk. fimmtudag og föstudag í Canne, getur reynst mjög áhugaverður!
• Hugsanlega síðasti séns fyrir reddingu af einhverju tagi - þá með aðstoð heimsins.

Ef G20 fundurinn skilar ekki niðurstöðu sem róar ástandið - þá hreinlega blasir hildýpið við!

 

Niðurstaða

Því miður hafa ríki evrusvæðis og stofnanir þess, algerlega brugðist í því að lækna það mein sem sífellt versnandi fer innan evrusvæðis.

Það var fyrirsjáanlegt, að ef útkoman af fundahöldum sl. viku væri vonbrigði - eins og nú blasir við, að þá myndi það valda enn frekari óróleika og hræðslu um framtíðina.

Einungis von um að eitthvað útspil komi fram á Canne nk. fimmtudag og föstudag, heldur sennilega mörkuðum enn uppi - þannig að enn stórfelldara hrun eigi sér ekki stað.

En ef G20 fundurinn kemur ekki fram með þá reddingu sem aðilar geta fest sínar vonir við, þá sé ég einungis hildýpið framundan.

 

Kv.