Orð þess efnis að kreppan sé búin, stórlega ýkt - skv. Hagstofu Ísl. enginn viðsnúningur!

Niðurstöður annars ársfjórðungs komnar - úps, tal manna um hagvöxt reynist rangt.

Enginn viðsnúningur hér - forsætisráðherra og ríkisstj. greinilega ekki aldeilis með á nótunum, en Jóhanna talaði um stórfelldan árangur, um viðsnúning.

Eitthvað hljóma orð gærdagsins á Alþingi hjákátlega í dag - er ég hræddur um.

 

Annar ársfjórðungur 2010, Hagstofa Íslands

"Þessar tölur eru árstíðaleiðréttar og miðast við vöxt milli ársfjórðunga, ekki ára. Samanburður við 2. ársfjórðung 2009, á landsframleiðslu án árstíðaleiðréttingar, sýnir samdrátt um 8,4% á milli tímabila."

• Einkaneysla,   - 3,2%
• Samneysla,    + 1,0%
• Fjárfesting,     - 4,7%
• Útflutningur,   + 2,8%
• Innflutningur, - 5,1%

• Þjóðarútgj.,    - 7,4%
• Hagvöxtur,    - 3,1%

 

 

Fyrsti ársfjórðungur 2010, Hagstofa Íslands

• Einkaneysla,   - 0,6%
• Samneysla,     - 0,5%
• Fjárfesting,   - 15,6% (kemur á móti aukningu á síðasta fjórðungi upp á 16,6%, nettó ef til vill
•                                    fjárfesting plús 1)
• Útflutningur,   - 3,6%
• Innflutningur, - 3,3%

• Þjóðarútgj.,  + 1,3%
• Hagvöxtur,   + 0,6%

Áhuga vekur ennfremur að án "árstíðabundinnar leiðréttingar" væri verið að tala um samdrátt upp á 6,9% en ekki hagvöxt upp á 0,6%.

 

Niðurstaða - vonbrigði!

Það eru mikil vonbrigði, að sú útbreidda trú aðila, að hagvöxtur mældur á 1. ársfjórðungi hefði haldið áfram inn á 2. fjórðung, síðan styrkst og væri skýr merki þess að viðsnúningur væri hafinn - hafi ekki reynst á rökum reist!

Nú verða allir að taka saman um að framkalla hagvöxt. Klárlega, er það ekki leið til þess, að hlaða á hagkerfið samdráttaraðgerð eftir samdráttaraðgerð.

Nú þurfum við hagvaxtarhvetjandi aðgerðir og það strax!

Kv.