Var Þingvallastjórnin, á launum frá eigendum bankanna, þannig að eigendur bankanna hafi í reynd stjórnað landinu?

Það hefur komið enn betur en áður í ljós, hverju gersamlega duglaus Þingvallastjórnin var, þá 18 mánuði cirka sem hún var við völd.

 

Í skýrslu rannsóknarnefndarinnar, kemur fram að:

• í apríl 2008, var gerð atlaga að Icesave reikningum í bretlandi, þ.e. svokallað "run" þ.s. margir taka út af sínum reikningum. Þetta var alvarleg aðvörun.

• Bresk stjórnvöld, buðu íslenskum upp á, að færa Icesave reikninga yfir í breska lögsögu. Til þess að svo yrði, settu þó bresk stjórnvöld skilyrði - m.a. um aukið eiginfjárhlutfall bankans í Bretlandi, sem var í eigu Landsbankans, og Icesave reikningarnir myndu þá verða settir undir. Þetta hefði kostað töluvert fé, en í staðinn hefði sparað tjón af milliríkjadeilu - og - tjón vegna hryðjuverkalaga.

• Síðan, fór Icesave í Hollandi, ekki af stað fyrr en í maí 2008. Þ.e. eiginlega það óskiljanlegasta af öllu óskiljanlegu, það skuli hafa verið heimilað. Áhugavert er að frönsk stjv. komu víst í veg fyrir að sambærilegir reikningar væru stofnaðir þar í landi.

• En, Landsbankinn, var víst með í skoðun opnun reikninga sambærilega við Icesave, víðsvegar um Evrópu.

Í stað þess að bregðast við aðvörunum, og gera eitthvað í málinu - þá notuðu Solla og Geiri hverja utanlandsferð, er þau fóru í - lokamánuðina fyrir hrun, til að koma því á framfæri, að íslenska bankakerfið væri sterkt - ekki væri ástæða að óttast hrun - allt væri í lukkunar velstandi.

• Þetta gengur nefnilega mun lengra en getuleysi.

• En, með þessum yfirlísingum stórsköðuðu þau orðstír landsins, og gerðu stjórnvöld ekki bara ómarktæk í augum landsmanna, heldur einnig fyrirlitleg í augum útlendinga.

• En vísbendingar hafa komið fram um, að aðgerðir breskra stjórnvalda, - svokölluð hryðjuverkalög, hafi beinlínis verið sett, til að refsa ísl. stjórnvöldum, en bresk stjv. vöru eðlilega mjög óánægð, með viðbrögð ísl. stjv.

• Þannig, að hegðun talsmanna ríkisstjórnarinnar, mánuðina fyrir hrun, var beinlínis skemmdarverk gagnvart ísl. þjóð.

• Geiri og Solla, ásamt öðrum ráðherrum, hefðu ekki getað hagað sér, meira nákvæmlega samkvæmt hagsmunum og vilja, eigenda bankanna - en, ef þau hefðu beinlínis verið starfsmenn á launum.

Nú, voru þau það?

• Hegðun þeirra gengur gegn hagsmunum þeirra sjáfra sem stjórnenda, sem er að standa sig nægilega vel til að þau verði kosin aftur.

• Aftur á móti, var sú hegðun í fullkomnu samræmi, við stundarhagsmuni eigenda íslensku bankanna.

• Við vitum, að - Framsóknarflokkurinn, Sjálfstæðisflokkurinn og Samfylking - höfðu fengið rífleg fjárframlög frá eigendum bankanna. Þ.e. Sjálfstæðisfl. mest, síðan Samfylking og svo Framsókn.

Ef við gerum því skóna, að Solla og Geiri, hafi raunverulega verið á launaskrá hjá eigendum bankanna, þá er spurningin um hvar þeir leynireikningar eru?

Það var áhugaverð frétt í gær, ein af þeim sem vakti sennilega tiltölulega litla athygli, en það var þessi:

„Gervimaður í útlöndum“ fær arð

Á árunum 2006-2008 námu arðgreiðslur til gervimanns í útlöndum 5,5 milljörðum. Í skýrslu rannsóknarnefndar Alþingis kemur fram að „gervimaður útlönd" séu óþekktir eigendur erlendis.

Í skýrslunni segir að gervimaður í útlöndum hafi, samkvæmt opinberum gögnum, ekki þegið neinar arðgreiðslur fyrr en 2006. Það ár voru skil á hlutafjármiðum gerð að fullu rafræn og því ekki lengur hægt að skila inn auðum kennitölum eða kennitölum sem eru ekki til á hlutafjármiðum.

Stærsti hlutur arðgreiðslunnar til Gervimanns útlanda er vegna eignar hans í Kaupþingi, en meðal fyrirtækja sem einnig greiða arðs til gervimanns í útlöndum er Ístak, Milestone, Straumur, Leikhúsmungúllinn, Danfoss, Hamiðjan og B&L. Listi yfir arðgreiðslurnar er birtur á bls. 79 í níunda bindi skýrslunnar.

 

Mér si-svona, flaug í hug, hvort þarna væri kominn nokkurs konar "slush fund" sem notaður hafi verið, til að fjármagna mútur.

• Meira en nægir peningar. 

• En, óþekktir fjárfestar, þeir geta náttúrulega orðið að hverjum sem er.

 

Athugasemdir eru velkomnar.

 

Kv.