Hrun fylgis aðildarsinnaðra flokka heldur áfram!

Það er áhugavert að bera saman kannanir, þ.e. könnun Fréttablaðsins á fylgi flokka kynnt í dag 14/4 og könnun Gallup á fylgi flokka kynnt þann 3/4 sl.

Athygli vekur mjög mikið fylgi Sjálfstæðisflokks, en benda ber samt á að sá flokkur hefur oft áður mælst mjög sterkur í skoðanakönnunum í gegnum árin, en virðist fá minna kosningafylgi.

Það getur verið vegna þess að hann hafi hærra hlutfall af fastafylgi en aðrir flokkar, og sama skapi eigi minna af óákveðnum eða lítt áhugasömum um stjórnmál kjósendum, en aðrir flokkar.

Annað, er að 54% taka afstöðu í þessari könnun. Sem er hátt hlutfall þeirra sem ekki taka afstöðu, hærra en oftast á árum áður. Það getur stafað af því að óánægja sé útbreiddari eða áhugi á stjórnmálum hafi minnkað.

En benda ber á að algengt á árum áður er að rúm 30% taki ekki afstöðu, þegar ár er til kosninga.

Ef þarna er um að ræða, að til staðar er óánægja, en restin þ.e. cirka 30% séu áhugalitlir kjósendur þeir sem almennt lítinn eða engan stjórnmálaáhuga hafa; þá er það ekki alveg svo að þarna úti sé endilega pláss fyrir nýtt framboð með mikið fylgi.

En hingað til hafa allir flokkarnir nema einna síst Sjálfstæðisfl. geta sókt sér fylgi meðal áhugalítilla kjósenda, þegar kosningavélarnar fara að mala.

Þ.e. ekki víst að heildarfj. eiginlega óánægra kjósenda sé það margir sem bjartsýnisfólk sem er að stofna nýja flokka heldur.

 

Niðurstöður sjá frétt:  Sjálfstæðisflokkurinn með 43%

Könnunr Fréttablaðsins vs. könnun Gallup

1. Sjálfstæðisflokkur.....43%........29 þingmenn........38%.....28 þingmenn
2. Framsóknarflokkur....14,6%.....10 þingmenn........13%.......9 þingmenn.
3. Samfylking...............14,6%.....10 þingmenn.......17%.....12 þingmenn
4. Vinstri Græn..............9%..........6 þingmenn........11%.......8 þingmenn,
5. Samstaða..................6%..........4 þingmenn..........9%......5 þingmenn.
6. Björt Framtíð..............6%..........4 þingmenn.......<5%......0 þingmenn
7. Dögun.......................2,1%........0 þingmenn.......<5%......0 þingmenn
8. Hægri Grænir.............2,1%........0 þingmenn
9. Lýðfrelsisflokkurinn.....0,9%........0 þingmenn

 

Áhugaverðar niðurstöður:

1. Ríkisstjórnin skv. þessari könnun fær bara 16 þingmenn, og samanlagt tæp 24%.
2. Til samanburðar fékk Samfylking ein, 29,8% atkvæða í síðustu alþingiskosningum.
3. Sjálfstæðisflokkurinn fær skv. þessu bæði meira fylgi og fleiri þingmenn en stjórnarflokkarnir samanlagt.
4. Sjálfstæðisflokkurinn, einnig skv. þessari könnun með pálmann í höndunum, og getur myndað 4 mismunandi meirihluta, sem setur þann flokk í mjög sterka samningsaðstöðu, en skv. þessari könnun þarf 5 flokka stjórn ef halda á honum utan stjórnar.
5. Samstaða flokkur Lilju Mósesdóttur, fékk 21% fylgi í síðustu könnun Fréttablaðsins. 
6. Framsóknarfl. mælist jafn stór og Samfylking, sem eru ekki slæmar fréttir fyrir Framsóknarfl. því sá flokkur hefur hingað til ávallt bætt við sig fylgi í kosningabaráttu, um nokkur prósent a.m.k, svo 18-19% jafnvel 20% ætti að vera innan seilingar.

• Sérstaka athygli vekur að ný framboð eru ekki að fá mjög mikið fylgi.

• Einnig, að tilraunin til að auka fylgi aðildarsinna með fjölgun aðildarsinnaðra flokka - virðist mistakast og það herfilega.

Yfirlístir aðildarsinnar fá 21,5%.

Stefna Dögunar er ekki enn komin fram. Bæti þeim ekki við að sinni.

Yfirlístir sjálfstæðissinnar:  Sjálfstæðisfl. + Framsóknarfl. eru samanlagt 57,6%. 

Ef fylgi VG, Samstöðu, Hægri Grænna er bætt við er fylgi sjálfstæðissinna:74,7%.

 

Niðurstaða

Stóra niðurstaðan þegar sjónum er beint að stóra baráttumálinu, þ.e. sjálfstæði vs. aðild, er að hlutfall fylkinganna skv. könnun virðist vera 1/4 vs. 3/4. Aðildarsinnum í óhag.

Eiginlega virðist þarna vera fylgishrun aðildarsinna. Gambítturinn að fj. flokkum aðildarsinna, til að sækja aðildarsinnað fylgi sem talið var til staðar í öðum flokkum, virðist misheppnast.

Þvert á móti, virðist þetta meinta fylgi einfaldlega ekki vera til, að þess í stað mígi aðildarsinnaðir flokkar í skóna á hverjum öðrum, klofningur aðildarsinna í flr. flokka skapi einfaldlega veikari flokka.

Á sama tíma, virðist fylgisleg ógnun af nýjum framboðum ekki nærri eins mikil við eldri flokkana, og margir töldu.

 

Kv.

Athugasemdir

[Ásthildur Cesil Þórðardóttir, 14.4.2012 kl. 16:03]

Varðandi nýju framboðin Dögun og Samstöðu þá verður að segja að þessir flokkar hafa ekki verið mikið í umræðunni og ekki ennþá birt stefnuskrár sínar svo það er von að þeir skori ekki hátt á þessum tíma.  Það þarf að gefa þeim tækifæri til að kynna sig.  Auk þess er aðeins helmingur þeirra sem tóku þátt sem gefa upp hvað þeir muni kjósa.  Og það er nokkuð ljóst að sá fjöldi kýs ekki Sjálfstæðisflokk eða hina þrjá fjórflokkinn.

[Einar Björn Bjarnason, 14.4.2012 kl. 16:51]

Það held ég sé of stór fullyrðing í ljósi þess að algengt hlutfall óákveðinna í gegnum árin er kringum 30% milli kosninga.

Það þarf ekki að vera óánægja - þ.s. fulllt er af fólki með engann pólit. áhuga.

Óákveðnum fækkar alltaf þegar nær dregur kosningum.

Þeir sem ekki gefa upp afstöðu sína eru óvenju margir, en óánægjan er þá á milli 15-20% ef við miðum við að oft áður sé kringum 30% sem ekki gefa upp afstöðu sína, að cirka það hlutfall geti verið kjósendur sem fyrst og fremst eru áhugalitilir eða áhugalausir frekar en að vera beint óánægðir. Þannig að þau 15-20% umfram það bit, geti verið það óánægjufylgi sem er til skiptanna.

Kv.

[Ásthildur Cesil Þórðardóttir, 14.4.2012 kl. 17:16]

Já rétt er nú það.  En við þurfum bara að bíða og sjá.  Það er málið að Sjálfstæðisflokkurinn fær alltaf meira í skoðanakönnunum en í kosningum. 

[Einar Björn Bjarnason, 14.4.2012 kl. 19:18]

Þ.e. eins og hann hafi hærra hlutfall af fastafylgi en aðrir flokkar. Þannig milli kosninga mælist hann stærri ekki vegna þess að fleiri séu að baki flokknum þá.

Það væntanlega þíðir að óákveðnir og/eða áhugalitlir kjósendur, hafa litla tilhneygingu til að kjósa Sjálfst.fl. Af hverju veit held ég enginn.

Kv.

[Ásthildur Cesil Þórðardóttir, 14.4.2012 kl. 19:24]

Nei, svo hef ég heyrt sögur af vinstra fólki sem segist ætla að kjósa XD til að skekkja myndina, veit ekki alveg hvað býr á bak við það.  En það er bara þannig, það er einn hluti skýringanna.

[Kristján B Kristinsson (IP-tala skráð) 14.4.2012 kl. 23:11]

Er það nokkuð skrítið að ný framboð fái ekki hljómgrunn hjá kjósendum? Sjáið bara (Borgara)hreyfinguna, fékk 4 í síðustu kosningum og hver er staða þeirra núna? Þráinn Bertelsson farinn í Vg og hin 3 orðin varahjól undir óvinsælustu ríkisstjórn allra tíma, dettur einhverjum í hug að fólkið sem kaus þetta lið sé ánægt með það? þetta er bara til þess að enginn tekur mark á nýjum framboðum.