Það sem er áhugavert við ósigur ISIS við Palmyra í Sýrlandi!

Er að hersveitir Assads - sem náðu bænum, nutu aðstoðar loftárása rússneskra hervéla - ásamt því að fjölmennar hersveitir skipaðar bandamönnum Írans - tóku þátt.

1. Þetta þíðir, að þrátt fyrir yfirlýsingar Kremlverja um brottflutning liðs frá Sýrlandi - þá eru flughersveitir Rússa, alls ekki farnar.
   Það má vera að þeim hafi verið fækkað.
   En þetta virðist sýna að ekki hafi verið um - brottflutning að ræða.
2. Síðan er eftirtektarverkt - þátttaka liðssveita Hezbollah og annarra liðssveita Shíta hliðhollum Íran í þessu áhlaupi á Palmyra.
   En það bendir til þess - að sögu um veikleika hersveita stjórnarinnar, hafi sannleiksgildi - að þrátt fyrir loftárásir rússneskra hervéla, hafi orðið að styrkja árásina á Palmyra með - - bandalagssveitum Írans.
3. Eins og frá er sagt - þá féll bærinn í hendur liðssveita stjórnarinnar.
   En ljóst virðist - að án stuðnings íranskra bandamanna, þá hefði þessi sigur ekki unnist.
   Þannig að sú fréttaskýring virðist villandi sem segir þetta - sigur stjórnarhersins.
   **Þetta er þá ekki síður - sigur bandalags hersveita Írana.
   **Og auðvitað, Rússa.

Syrian forces retake Palmyra from Isis

"Ayed al-Utayfi, a tribal sheikh from the city who backs the opposition, said he worried whether Palmyra’s largely Sunni residents would be able to return, citing concerns that regime forces would accuse them of being pro-Isis."

 

Þetta getur verið lykilatriðið!

En málið er -- að vegna þess hversu "sectarian" þetta stríð er orðið, sbr. liðssveitir stjórnarinnar í dag stærstum hluta skipaðar Alövum - - sem er sérstakur trúarhópur.
Þær njóta síðan stuðnings - Írans og bandalagsliðsveita Írana.

Á móti standa, Súnní hópar af margvíslegu tagi, allt frá ógnarhópnum ISIS - yfir í hina eiginlegu uppreisnarhópa, og þeir uppreisnarhópar njóta stuðnings - hóps Araba ríkja sem einnig eru Súnní trúar.

• Um langa hríð hafa átök þess hóps Arabaríkja - og Írans, og bandamanna Írans, farið stig vaxandi.

Síðan 2013 - eftir að hópar er nutu stuðnings Arabaríkjanna voru orðnir ríkjandi meðal uppreisnarmanna.
Og eftir að ISIS var komið til sögunnar.
Og einnig það ár - þá fékk Íran bandamann sinn, Hezbollah - til að senda sínar sveitir til Sýrlands.

• Þá held ég að ekki sé nokkur vafi um að átökin hafi tekið á sig -- sterkan trúarstríðs tón.

 

Spurningin er þá - hvað gerist ef hersveitir skipaðar Shítum og Alövum halda nú innreið inn á svæði meirihluta byggð Súnnítum?

Ef ótti, Ayed al-Utayfi, að þeir leggi á flótta - og snúi ekki til baka.
Ef sá ótti reynist á rökum reistum.

Þá þíðir áframhaldandi framrás slíkra liðssveita -- fjöldaflótta Súnní íbúa þeirra svæða sem þær sveitir ná undir sig.

Það verður að koma í ljós hvort að svo raunverulega sé!

 

Niðurstaða

Það sem ég óttast, í ljósi þess að gríðarleg grimmd Assad stjórnarinnar hefur þegar leitt til landflótta um 5 milljón íbúa Sýrlands -- að ótti íbúa á svæðum sem eru byggð Súnní meirihluta sé slíkur.
Að ef og þegar hersveitir skipaðar einkum Alövum og Shítum - hefja innreið sína á svæði byggð meirihluta til Súnní Aröbum.

Þá verði ný flóttabylgja frá Sýrlandi í hvert sinn.
Fall Palmyra getur verið áhugaverð prófraun á það hvort ótti minn er á rökum reistur.

Eins og að Ayed al-Utayfi sagði - ef íbúarnir snúa ekki heim.
Þá getum við verið í vanda!

En ég get ekki ímyndað mér að nýr fjöldaflótti leiði til friðar.
Þá stækka flóttamannabúðir enn frekar í löndunum í kring.

Slíkar síðar meir geta þróast yfir í að verða þjálfunarmiðstöðvar fyrir skæruhópa, sbr. flóttamannabúðir Palestínumanna á árum áður, og ekki síður - flóttamannabúðir Afgana innan Pakistan er urðu skjól og þjálfunarbúðir Talibana.
**Stríðinu verði haldið áfram frá flóttamannabúðunum m.ö.o.

Kv.