Forseti Filippseyja segist halla sér að Kína, að Bandaríkin hafi tapað - meðan honum er tekið með kostum og kynjum í opinberri heimsókn í Kína

Það er erfitt að vita hve mikið alvarlega er unnt að taka Rodrigo Duterte, en á sama tíma og Duterte segir eitt - virðast skilaboð ríkisstjórnar hans í Manilla nokkuð önnur:

Duterte aligns Philippines with China, says U.S. has lost

U.S. has few good options for response to Philippines' Duterte

"In this venue, your honors, in this venue, I announce my separation from the United States," - "Both in military, not maybe social, but economics also. America has lost." - "I've realigned myself in your ideological flow and maybe I will also go to Russia to talk to (President Vladimir) Putin and tell him that there are three of us against the world - China, Philippines and Russia. It's the only way,"

En á sama tíma og hann segir þetta í opinberri heimsókn í Kína, sagði helsti efnahagsráðgjafi og talsmaður Duterte í Manilla:

"We will maintain relations with the West but we desire stronger integration with our neighbors," - "We share the culture and a better understanding with our region."

Fyrir utan þetta, segja bandarískir embættismenn, að stjórnvöld Filippseyja hafi ekki aflýst fyrirhuguðum heræfingum bandaríkjahers og hers Filippseyja - né óskað formlega eftir nokkurri breytingu á samskiptum þjóðanna, eða hernaðarsamvinnu!

• Góð spurning hvernig á að túlka nettó-ið af þessu!

Rauða línan er svæðið í Suðurkínahafi sem Kína segist eiga!

Bláu línurnar sé skiptingin skv. reglum Hafréttarsáttmálans, skv. honum eiga nágrannalönd Kína - allt svæðið í sameiningu! Deila Kína og nágranna landanna minnir í sumu á deilu Íslands og Breta um landhelgismál, er þeir fullyrtu þeir ættu óvéfengjanlegan sögulegan rétt á Íslandsmiðum um alla framtíð.

Ein kenning er sú, að Duterte sé að gera tilraun til þess að - spila Peking og Washington, í tilraun til þess að fá fyrirgreiðslu frá báðum samtímis!

Fyrri forseti eyjanna, setti deilu Filippseyja og Kína undir alþjóðadómstól - sem eins og þekkt er, dæmdi Filippseyjum í vil.
--Hinn bóginn hefur Kína stjórn, sagst ætla að hundsa þá niðurstöðu fullkomlega!

• Möguleikinn er sá, að stefnubreyting Duterte sé einfaldlega tilraun -- til að láta reyna á það, hvað hann geti náð fram -- með því að sleikja upp Kína!

En forseti Kína sagði eftirfarandi:

1. "The two sides agreed that they will do what they agreed five years ago, that is to pursue bilateral dialogue and consultation in seeking a proper settlement of the South China Sea issue," --> Hvað sem það þíðir! En ég trúi því ekki að það mundi þíða að Kína gæfi eftir fingurspönn af því sem Kína segist - eiga.
   
2. "I hope we can follow the wishes of the people and use this visit as an opportunity to push China-Philippines relations back on a friendly footing and fully improve things," --> Sem ég á erfitt með að trúa að raunverulega náist fram, nema Duterte veiti Pekíng einhver - bindandi loforð.
   

 

Eins og sést á kortinu að ofan, þá segist Kína eiga nærri allt Suðurkínahaf!

1. Eins og sést, nær svæðið sem Kína segist eiga -- nærri alveg upp að ströndum nágranna landanna.
2. Að auki sést vel hversu miklu mun fjarlægari strönd Kína er, þannig að augljóslega gat Kína ekki haldið fram nokkrum rétti - skv. reglum Hafréttarsáttmálans.
3. Kína heldur því fram -- að löndin fyrir Sunnan Kína - eigi engan rétt, þá meina ég - virkilega alls engan! Að sögulegur réttur Kína, sé óvéfengjanlegur. Reyndar neitar Kína fullkomlega fram að þessu - að ræða í nokkru takmarkanir á þeim rétti, sem Kína segist eiga!
4. Þó hafa hinar þjóðirnar einnig, siglt um svæðið í meir en árþúsund, og nýtt það í a.m.k. það lengi, þ.e. til fiskveiða og siglinga! Þannig að ég kem ekki auga á að hvaða leiti - Kína á rétt umfram sína granna!

• M.ö.o. sé ég ekki annað úr þessu -> En að Kína sé að spila afar gamlan leik -> Sem nefnist, réttur hins sterka -> Þeir veiku skuli þekkja sinn stað! -> Sem sé, að beygja sig fyrir rétti hins sterka!

M.ö.o. sé þetta klassískur yfirgangur rísandi stórveldis gagnvart grönnum!
Sem hið rísandi stórveldi, telur of veika, til að verja sinn rétt!
Þannig að þar af leiðandi, sé engin ástæða fyrir stórveldið annað, en að fara sínu fram!

 

Þeirrar stórfurðulegu afstöðu gætir hjá hópi fólks á netinu - að Bandaríkin með dularfullum hætti, séu hin seki aðili á svæðinu!

Sannarlega má alveg muna eftir því, að áratugum saman -- tröðkuðu Bandaríkin ítrekað á rétti sinna eigin granna í S-Ameríku og Mið-Ameríku, steyptu ríkisstjórnum að vild skv. vilja bandarískra stórgróssera, og höguðu málum að vild skv. eigin geðþótta!

1. Hinn bóginn, þá eru það ekki Bandaríkin, sem í þetta sinn eru að auðsýna yfirgang af slíku tagi.
2. Heldur Kína!

Það sé að sjálfsögðu -- ekki í nokkru réttlætanlegra, að Kína beiti sína granna geðþótta yfirgangi í trausti þess, að nágranna löndin  beygji sig fyrir styrk hernaðarmáttar Kína.

1. Þó það sé full ástæða til kaldhæðni, þegar Bandaríkin nú gagnrýna hátterni Kína.
2. Er sú gagnrýni - a.m.k. ekki ranglát, því hegðan Kína við sína granna, er sannarlega ranglát í þetta sinn!

• Það sem mig grunar auðvitað!
• Er að Bandaríkin, styðji málstað granna Kína --> Einfaldlega í von um að Bandaríkin geti grætt á því, t.d. í formi bandalaga gegn Kína.

--> Málið er, að einmitt slíkt getur hugsanlega gengið eftir!
En fyrr á árinu, samþykkti Obama að heimila Víetnam að kaupa bandarísk vopn!

Obama heimsókti Hanoi, og var tekið þar með kostum og kynjum, ekki síðri móttökur en Duterte nú fær í Filippseyjum.

 

Filppseyjar eru auðvitað veikasta ríkið á svæðinu!

En á sama tíma hafa Filippseyjar upp á lítið að bjóða, t.d. engin olía - ég held að laun þar séu ekki lægri en enn má finna í Kína.
--Duterte væri brjálaður að heimila Kína herstöðvar - væri sama og binda endi á sjálfstæði landsins.

• Hugsanlegt er að hann fái nokkrar fjárfestingar frá Kína.
• Kannski fá fiskimenn frá Filippseyjum aftur að veiða fisk við Scarborough sker.

En afar ólíklegt væri að Kína mundi gefa í nokkru eftir af því sem Kína segist eiga -- gagnvart Filippseyjum.

1. Þannig að ég hugsa að afar ósennilegt sé að Duterte raunverulega láti verða af því, að segja upp hernaðar samvinnu við Bandaríkin.
2. Sennilega sé hann að tékka á hvað hann fær frá Kína -- með því að sleikja aðeins upp leiðtoga Kína.

Á meðan láti hann fyrri málatilbúnað gegn Kína -- bíða!
Án þess endilega láta málin niður falla!

Eftir allt saman unnu Filippseyjar dómsmálið - þó landið hafi ekki enn grætt neitt á því.

Bandaríkin -- kannski, samþykkja að láta alfarið vera að gagnrýna stjórnun Duterte í framhaldinu, líti á hann sem næsta -- Marcos t.d.

• Það má vera að allt og sumt sem hann vill sé, að Vesturlönd sætti sig við þróun á Filippseyjum til baka yfir til einræðis undir Duterte.
  __Meðan hann fái einhverja fjárfestingu frá Kína!

 

Niðurstaða

Eiginlega er það eina sem unnt er að gera, að bíða og sjá -- hvað afar misvísandi ummæli Duterte vs. ummæli ríkisstjórnar hans, akkúrat þíða fyrir framtíð Filippseyja.
--En í annan stað segist Duterte ætla að halla sér að Kína.
--Meðan ef hlustað er á ríkisstjórnina, virðist nær ekkert breytt.

Good cop <--> Bad cop?

En ég virkilega sé ekki að Filippseyjar hefðu eitthvað rosalega mikið upp úr því að verða leppríki Kína -- eða það væri í einhverjum skilningi betri framtíð en annars blasir við.

1. Mig grunar að Duterte sé einfaldlega - eftir auknum viðskiptum við Kína, og fjárfestingum.
2. Meðan hann ætli ekki í raun og veru, hætta formlega við bandalagið við Bandaríkin -- en reyni t.d. knýja Bandaríkin til að sætta sig við það, að hann verði forseti til lífstíðar.

--M.ö.o. tilraun til að fleyta rjómann af samskiptum við risaveldin 2.
Verður að koma í ljós hvort honum takist að spila Washington á móti Pekíng.

 

Kv.